جواز عرفى

[ابو نصير]

الف مبروك بو نصير وعقبال البكارى واخيرا الواحد تخلص من التئبيده والاشغال الشاقه.. واتحرر والواحد يشوف
حياته ويلعب بديلو وينحرف ومحدش واخد منها حاجه وهز ديلك يابا الحج وعيش وطز فى القديم ........
ويغور القديم خصوصا المعتق اللى عامل زى طبق المش أخير الواحد هيحلى بالقشطه يالهطة القشطه..
ومحدش يؤول يابو نصير انت طفس ويهون عليك العشره والكلام الفاضى اللى بهدلنى وبهدل اللى جابونى
يحيا الجديد ويفلسع القديم اللى عامل زى الشوال المقرح اللى مهما تحط فيه نفتلين بليه علشان متكلوش العته وفى الاخر القديم هو اللى أكل العته والنفتلين كمان وأكلنى ..........
بما أنى شب روش وروشه ومعذب الستات ومدئلجهم ومدحرجهم زى البيض الممشش قررت أجوز بعد الخمسين وما اجمل واروع واحلى من بعد الخمسين ورياح الخماسين وزعابيب امشير وانحراف الخمسين

رفعت مأذون المنتدى ألووووووووووووووووووو مين معايا ....... نسيت صوت اخوك يانمس الكروان معاك
ابو نصير ......... حبيب قلبى خير ياوش السعاده بونصير .. ياوش اجرام .. انا اتعرفت على عروسه بنت حلال فى الخرابه .. يابنى هو انت هتجوز صفيحه .. دمك خفيف يامضروب فى الخلاط ...هههههههههههههه
طول عمرك دمك خفيف بو نصير ....... هات معاك اتنين شهود ... الدك حازم .. وشيخ قبيلة أبو فنطاس
عمنا طبيب الهوى أبو عصام ..........
انزل من السعوديه ياحازوما حالا وهات معاك برميل بترول ولا زفت وطشط ولا طبق غسيل والطشط قلى ياحلوه يالى ومستحمى علشان عاوزين نشطف العروسه ولا نسفلته ونحط عليها بنزين ثمانين بتاع الغلابه .. يابو نصير انت هتجوز مقطوره يابا الحج ديه مقطوره ملهاش حل مقنطره .. انا خايف عليك بو نصير فى الأخر تقنطرك وتعملك كوبرى ..........هههههههههههههه
دمك خفيف يامضروب .........
أنا نازل فى اول توكتوك وهات معاك شيخ بنى عرعر وسكاكا ابو عصام طلبك اوامر يادوك
انا فى انتظارك عند مأذون البلد رفعت العاشق .............
رفعت .. يامرحبا ياهلا هلا بالطيبين ... فين العروسه أبو نصير ..........
أنا هجوزها عرفى زى عرف الديك .. حازم أستغفر الله العظيم أخرتها بو نصير
تتجوز عرف الديك .. أصل انا طمعان فيها حبتين ومعاها بطاقة تموين
رفعت والدوك وشيخنا
أغمى عليهم
مع جوازه أخرى ميرى
ابو نصير

[طبيب الهوى]

يا بت يا بكاكا هاتِ ابنك فقاقا وابوك الشيخ داسا ودلي مصر بسرعة

دوزك الشيخ بونصير هيدوز عليكِ واحدة مقنطرة ومسفلتة عرفي

وصاحبه الشيخ رفعت هو اللي هيكتب له الورقة العرفي

تعالي شوفي شغلك معاهم عاوز اشوفهم مفرومين زي الكفتة

أي خدمة يا شيخ بونصير منك لمراتك بكاكا بئا

الله يرحمك يا رفعت كنت مأذون طيب

أما الشيخ حازم هيروح يدوز واحدة بربرية من سكان الكهوف

الموجودة في جبل القارة بجوار قرية الكلابية

وسلملي بئا على عرف الديك يا شيخنا

[ايمان طلعت]

خلاص انحرفت يابو نصير
وطلعلك عرف الديك وبقيت شيرازي ههههه

[طبيب الهوى]

مش انحراف يا إيمان

ده بس من تأثير أزمة السكر عليه عشان مش عارف يشرب شاي

إن شاء الله أزمة السكر تتحل عام 2050

وشيخنا بونصير يرجعلنا بالسلامة

بعد ما يشرب الشاي المخصوص بتاعه

[danamohamed]

انا ضد الجواز العرفى جدا

[العاشق الذى لم يتب]

منورياصحبى
والله بتوحشنى اوى
تسلم
ودامت بسمتك

[ابو نصير]

اقتباس المشاركة الأصلية كتبت بواسطة طبيب الهوى يا بت يا بكاكا هاتِ ابنك فقاقا وابوك الشيخ داسا ودلي مصر بسرعة دوزك الشيخ بونصير هيدوز عليكِ واحدة مقنطرة ومسفلتة عرفي وصاحبه الشيخ رفعت هو اللي هيكتب له الورقة العرفي تعالي شوفي شغلك معاهم عاوز اشوفهم مفرومين زي الكفتة أي خدمة يا شيخ بونصير منك لمراتك بكاكا بئا الله يرحمك يا رفعت كنت مأذون طيب أما الشيخ حازم هيروح يدوز واحدة بربرية من سكان الكهوف الموجودة في جبل القارة بجوار قرية الكلابية وسلملي بئا على عرف الديك يا شيخنا

بتحرضنى على الأنحراف ياشيخ موزمبقيا دولين يابا بتوع القاره السوداء دولين موش هيفرومونى هيعلقونى على خط الأستواء
هههههههههههههه
وهتتعلقو معايا ياحلوين علشان انتم شاهدين على الجواز وانت ياشيخ مشايخ المرنجه وانا معرفش فين قبيلة المرنجه أول واحد علشان لك دلال عليهم موش كده ولا ايه يابو عصام
وخد ديه

[ابو نصير]

اقتباس المشاركة الأصلية كتبت بواسطة *:•. إيمان طلعت.•:* خلاص انحرفت يابو نصير وطلعلك عرف الديك وبقيت شيرازي ههههه

ده شكلى لما انحرف على مراتى

ههههههههههههههه
وده لما اكون عامل عرف الديك

[ابو نصير]

اقتباس المشاركة الأصلية كتبت بواسطة طبيب الهوى مش انحراف يا إيمان ده بس من تأثير أزمة السكر عليه عشان مش عارف يشرب شاي إن شاء الله أزمة السكر تتحل عام 2050 وشيخنا بونصير يرجعلنا بالسلامة بعد ما يشرب الشاي المخصوص بتاعه

انا هنحرف ياشيخ المشايخ حتى لو مفيش سكر وان هستنظر الفين وخمسيا أكون اتحنطت
ههههههههههههههههههههههه
ابو نصير بيدعوك للانحرف ياشيخنا علشان مفيش فايده والفايده المركبه جايه
ههههههههههههه

[ابو نصير]

اقتباس المشاركة الأصلية كتبت بواسطة danamohamed انا ضد الجواز العرفى جدا

طبعا سيدتى أنا من أشد وضد الجواز العرفى مجرد مزجه
تحياتى