(morshooo) في اسئله جريئه اجابتها من القلب

[حـيـــــآة ❤]

حياك الله مورشو

احكيلنا اكتر موقف كان محرج بالنسبة لك؟

انت شخصيه متكبره؟

هل انت منافق ولا بتحب تواجه الناس؟

[أميرة محمود]

هحاول احرجك بأسئلة وازود في درجة الإحراج
في مختلف جوانب الحياة لحد ما توصل لمرحلة
انك متعرفش ترد يا مروشو يالا بقا تحدى
هههههههههههه

شغل البيت والمطبخ والغسيل وكدا ممكن تساعد فيهم ولا بتعتبره اهانة للرجولة
ولو ساعدت تقول لاصحابك ولا حاجة تكسفك وتخبيها؟

لو فرضنا انك في مكان عمل واختلفت مع زميلة أنثي مش زميل رجل يعنى
وشديتوا في الكلام واهانتوا بعض وهى فقدت اعصابها فضربتك بالقلم على خدك
هتردلها القلم من باب كرامتك
ولا هتحترم كونها أنثي ومن باب الشهامة مش هترد القلم؟ هتتصرف ازاى

بيقولوا الراجل مفروض لا يبكي وأن دا ضعف
أنت ايه رأيك وكم مرة بكيت في حياتك وكان ايه السبب؟

ايه مواصفات الشاب اللى يعجب معظم البنات
وايه مواصفات البنوتة اللى تعجب معظم الشباب؟

لو معاك مبلغ ووالدتك طالعة حج ومحتاجة فلوس ضروري
وصديقك في نفس الوقت هيعمل عملية جراحية مستعجلة جدا ومحتاج فلوس هتفضل مين؟

دا مبدأيا وهفكر في أسئلة محرجة أكتر هههههه

[morshooo]

يعطيك العافية زهرة النيسيان ،
بس مروشو مش بيتسأل أسئله بسيطه كدا
دا أجرا حد في المنتدى ف المفروض تسأليه حاجه اكتر جراءه

ربنا يخليكي لينا والله
ههههههههه
وبعدين مالك راجعه مفرودة علينا ليه كدا

مروشو بيه ،

قول لي مين أكتر حد بتكرهه في المنتدى ،

انا اختلف اه اكره لا
اختلف مع اي حد حتي لو فضلت مختلف معاه 10 سنين
لكن وجوده ف المنتدي بالنسبالي مش فارق معايا

و مين أكتر شخص تتمنى مش تشوفه تاني في المنتدى برضوه

مفيش حد معين لكن مبحبش اشوف حد عامل كذا عضويه
عشان يحور بيهم مبحبش اشوف حد بيعشق الترقيع ف المواضيع
يعني يجيب كلمه من هنا وهنا ويدمجهم ويقولك انا دا
كل دول مبحبش اشوفهم ف المنتدي والا الي يمجد ف نفسه
عشان عمل توبيك او استضافه او طرح فكرة او عمل مسابقه ..... الخ
انتا لو بتعمل حاجا او بتطرح حاجا بتعملها عشان اسمك ف المنتدي
مش اكتر من كدا .

و مين الشخص الي بتحب تشوفه دايما متواجد هنا ،

اي عضو بيدخل المنتدي عشان المنتدي
بحب اشوفه دائما .

كفايه ثلاثه اسئله ،
و جاوب بصراحه من غير مراوغه في الاجابه

ماتقلقيش مبهربش ههههههه

[morshooo]

اقتباس المشاركة الأصلية كتبت بواسطة حيــــــاة ❤ حياك الله مورشو احكيلنا اكتر موقف كان محرج بالنسبة لك؟ انت شخصيه متكبره؟ هل انت منافق ولا بتحب تواجه الناس؟

اهلا حياة

مش احراج بس كنت ببارك لواحد صحبي كان لسه مجوز
وقولتلك اعمل زي الناس واجيب ظرف احط فيه الفلوس الي
هباركله بيها جبت الظرف ونسيت احط الفلوس ونسيت اصلا
اني سبتله ظرف فاضي ونزلت من عندة
لما روحت افتكرت واتصلت بيه قولتله وضحكنا شويه حلوين هههههه

2 / معتقدش اني متكبر وعلي فكرة مش فارق معايا الناس شيفاني ايه وازاي
بس عموما محدش قالي اني متكبر حتي ف الناس الي بتعامل معاهم ف حياتي اليومية .

3 / بحب المواجهه ومعتقدش اني منافق حتي ف المنتدي هنا
اعتقد ان كتير عارفني كويس ف الجزء دا

[morshooo]

اميرة محمود
هرد عليكي ياختي
ال احراج ال
هههههههه
لما تبقي مكاني هعرفك الاحراج

[عاشقه الورد]

يعطيك العافية زهرة النيسيان ،
بس مروشو مش بيتسأل أسئله بسيطه كدا
دا أجرا حد في المنتدى ف المفروض تسأليه حاجه اكتر جراءه

ربنا يخليكي لينا والله
ههههههههه

وبعدين مالك راجعه مفرودة علينا ليه كدا


تصدق حضرتك انا معرفش انك جرى اووى كده
انا وحد ه طيبه وغلبانه سيباك لباقى الاعضاء مدام معروف بجرائتك خلينا اشوف هيعملوه ايه فيك

وانا هتفرج هههههه
مفروده حرام عليك ده انا ف حالى وغلبانه

عاجبك المنتدى بقى حاله كده

[عاشقه الورد]

ف الاول بعتزر لو زودت ف اسالتى وماعجبتك احزفها

ولا هتجاوب زى مابتقول انك جرىء


هل زواجك زواج صالونات ولا عن حب؟


ولو عن حب عن طريق النت ولا بعيد عنه؟


بتؤمن بوجود الصداقه بين البنت والشاب هل توافق بوجود صداقه بين زوجتك وشاب؟
ولا بتؤمن بوجود الصداقه بينك وبين الاخريات وترفضه لزوجتك؟


هل لزوجتك اكونت ولا لا تسمح لها باستعمال النت ؟


ولو سمحت لها بعمل اكونت هتسمح باضافه رجال غرباء عنكم؟


زوجتك اكتر شخص مقرب ليك بتحكى ليها ادق اسرارك ولا زى ماقولت لاتحكىها لاحد؟

[مهيب الركن .]

موضوع رائع واسئله أروع
تحياتى لمجهودك
وفى انتظار ضيفك الكريم

[حازم34]

ما شاء الله برنامج جميل


بفكر راقي واسئله جميله


تحل كثير عن معضلات الحب وخصوصا الحب العكنبوتي القابس في قفص

اتهام هو منه برئ


والحب حب


وخصوصا ضيف الحلقه مورشو


بصراحه جميله جدا الاسئله


يسلموا يارب اختي الكريمه زهره واسعدني المرور


لكي مني خالص التحيه والتقدير


ومنوره دايما

[morshooo]

هحاول احرجك بأسئلة وازود في درجة الإحراج
في مختلف جوانب الحياة لحد ما توصل لمرحلة
انك متعرفش ترد يا مروشو يالا بقا تحدى
هههههههههههه

ركبى بتخبط على بعضها
^_^

شغل البيت والمطبخ والغسيل وكدا ممكن تساعد فيهم ولا بتعتبره اهانة للرجولة
ولو ساعدت تقول لاصحابك ولا حاجة تكسفك وتخبيها؟

انا شغلى اصلا مش بيسمح انى اعمل اى حاجا فى البيت
بنزل الساعه 11 ص وبرجع على 11 والا 12 بليل
فكدا كدا مفيش وقت اعمل حاجا فى البيت
لكن عموما انا ماليش فى جو المطبخ لكن مش اهانه اكيد يعنى
( الرسول ) كان بيعمل الحاجات دى كلها

لو فرضنا انك في مكان عمل واختلفت مع زميلة أنثي مش زميل رجل يعنى
وشديتوا في الكلام واهانتوا بعض وهى فقدت اعصابها فضربتك بالقلم على خدك
هتردلها القلم من باب كرامتك
ولا هتحترم كونها أنثي ومن باب الشهامة مش هترد القلم؟ هتتصرف ازاى .

هو اولا الحوار مش هيوصل لكل دا اصلا ^_^
وبعدين سؤال بس هفرض انها عملت كدا هحترم فيها ايه دى والنبى
ههههههههههه وايه الشهامه الى هعملها لو قولتلها ايه دا قلم واحد
ماتخليهم اتنين .
لو هى حد محترم اكيد مش هتعمل كدا والا هتخلى الحوار يوصل
للشكل الى قولتيه دا خاصه واننا فى مكان عمل واحد .

بيقولوا الراجل مفروض لا يبكي وأن دا ضعف
أنت ايه رأيك وكم مرة بكيت في حياتك وكان ايه السبب؟

مش معاها مفيش حاجا اسمها ضعف عشان حاجا زى كدا
لكن فى حاجا اسمها مشاعر بتغلبك يعنى لو حد ماتله حد غالى عليه
ماينفعش يبكى .

ايه مواصفات الشاب اللى يعجب معظم البنات
وايه مواصفات البنوتة اللى تعجب معظم الشباب؟

مواصفات الشاب انتى تقوليها هههههههههه
مواصفات البنت الى تعجب الشباب اكيد
صاحبه الاخلاق
لان الاخلاق هيجى بعديها مليون حاجا كويسه

لو معاك مبلغ ووالدتك طالعة حج ومحتاجة فلوس ضروري
وصديقك في نفس الوقت هيعمل عملية جراحية مستعجلة جدا ومحتاج فلوس هتفضل مين؟

اكيد صديقى
ورد فعل والدتى ( رحمها الله ) هيكون هو دا اكيد .
واكيد هحاول اعوضها السنه الى بعديها واطلعها .

دا مبدأيا وهفكر في أسئلة محرجة أكتر هههههه

يخربيت الاحراج
^_^