سؤال يا جماعة الخير

[حـيـــــآة ❤]

اقتباس المشاركة الأصلية كتبت بواسطة ahmed 22 معلش لو انا بنزل مواضيع هنا احيانا خارج اطار القسم لأنه غالبا بيكونش المشرفين متواجدين فبقول انتي الخير والبركة ههههه ماشي أنا متفق .. وخير الامور الوسط اكيد بس هو ايه اللي احنا متعودين عليه عموما او انتي متعودة عليه لأن معظم الافراح الظاهرة قدامنا نمط واحد الا مثلا في ناس بتعملها اسلامية وده غالبا صاحب بلين كداب وفي ناس مابتعملش خالص .. يعني اللي عاوز اوصله هي خلطة ما بين أنك ترضي ربنا وفي نفس الوقت ماتمنعش الفرحة اللي مثلا غالبا الأهل بيبحثوا عنها لاولادهم ؟؟ او حتي البنت اللي عاوزة تفرح وسط اصحابها واهلها اكيد .؟ ماتقدرش تحجر علي عقلية حد .. بس تقدر توصل لحلول وسطية توزن الامور اعتقد

ههههه مش لوحدك بتعمل الحركه دي عندي واتكلمت كتير والله برده مفيش حد

....
بالنسبه للموضوع.. انا بحبذ ان العرس ميكونش مبالغ فيه
عادي مش شرط يكون اسلامي.. بس برده ميكونش اوفر

يعني انا مبحبش مثلا جو الرقص
وجو المهرجانات وكدا

[ahmed 22]

اقتباس المشاركة الأصلية كتبت بواسطة واد حبيب خلاص اعمل اللي انت شايفه صح وافرح وسيبك من كلام الناس بس اوعي تجيب رقاصه ههههه

يا عمي هو انا لسا خطبت اصلا هههههههه

انا والله بكلم في حاجة اعتقد شاغلة دماغ بعض الناس
في انها عاوزة تعمل حاجة ترضي ربنا
ودي حاجة انا حسيتها بنفسي من ناس قريبين مني
ولقيته مع انه موضوع المفروض ساعتين وهايف
بس حساس عند ناس كتير وبيحتاج تفكير ..

[ahmed 22]

اقتباس المشاركة الأصلية كتبت بواسطة حيــــــاة ❤ ههههه مش لوحدك بتعمل الحركه دي عندي واتكلمت كتير والله برده مفيش حد .... بالنسبه للموضوع.. انا بحبذ ان العرس ميكونش مبالغ فيه عادي مش شرط يكون اسلامي.. بس برده ميكونش اوفر يعني انا مبحبش مثلا جو الرقص وجو المهرجانات وكدا

انا فاهم قصدك ايه
بس القصة علي فكرة مش انه الرجل يحول من مهرجانات
انه يجيب دي جي يسمعه عمرو ودياب وحماقي ههههه

هو المبدأ بس عموما اللي بيختلف من شخص لاخر
ومدي مرونة كل شخص وتقبله ..

شكرا لحضورك وتفاعلك الراقي

[ايمان طلعت]

كل واحد وليه رايه في الموضوع دة
فيه اللي يقولك الفرخ ميبقاش فرح الا وفيه رقاصه وكدة
وفيهوالاغلب شغل المهوجانات وهبل الشباب الصغير في الرقص
بس انا لو عندي اختيار ما بين دة واللي طرحته في موضوعك
هختار اللي طرحته هنا لانه راقي وهادي وفيه سفر كمان ههههه
بس هو خلاص راحت علينا بقي

عموما فيه اللي هيعجبه وفيه اللي هينتقده بس كل واحد وتفكيرة

[أميرة محمود]

الفرح يكون العصر صعب جدا
حضرتك عارف فستان الفرح بيكون كم طبقة
مع جو العصر العروسة مش هتتحمل الجو
دا على اعتبار أنها مش محجبة عشان الفرح
وتكون لابسة التاج على شعرها
ولو محجبة يبقا الموضوع أصعب
أنت عارف الحجاب بيكون كم طبقة مع الطرحة
دا غير الميك اب حتي لو هاديء وخفيف
مع جو العصر هيخنقها
لا الفرح يكون بالليل أحسن

لكن موضوع بارك أو قاعة مغلقة مش هيفرق
حتي في التكلفة متقاربة
بس لازم يكون في البارك المفتوحة سكيورتي
عشان المتطفلين

موضوع الرقص حتى الاجانب بيرقصوا
بس بيكون رقص ال هو دانس سلوو
يعنى دا الأفضل تكون رقصة العروسة والعريس
هادية كدا على ميوزيك رومانسية من غير أغانى

[دمعه حائره]

كل واحد بيعبر عن فرحته بالشكل اللى بيرتاحله
وبالفعل الافراح بالنهار بقت موضه وتكون جمالها فى البساطة
الناس لازم يفهموا ان احنا بنكون سعداء بالشريك والتفاهم معاه مش بالماديات
وده للاسف اللى بيفسد كتير زيجات بيبصوا للماديات والعادات اكتر من الشخصيه
تسلم اخى على النقاش

[توحد ارواح]

اختى فكرت ف حاجة زى كدا فى فرحها
ولكن الخوف الاصطدام بالتقاليد المتبعه
ولكن الفكره بالفعل رائعه

[ahmed 22]

اقتباس المشاركة الأصلية كتبت بواسطة *:•. إيمان طلعت.•:* كل واحد وليه رايه في الموضوع دة فيه اللي يقولك الفرخ ميبقاش فرح الا وفيه رقاصه وكدة وفيهوالاغلب شغل المهوجانات وهبل الشباب الصغير في الرقص بس انا لو عندي اختيار ما بين دة واللي طرحته في موضوعك هختار اللي طرحته هنا لانه راقي وهادي وفيه سفر كمان ههههه بس هو خلاص راحت علينا بقي عموما فيه اللي هيعجبه وفيه اللي هينتقده بس كل واحد وتفكيرة

والله انا بقول كدا هههههه
مافيش حاجة احسن من أنك تبدأ صفحة جديدة بحياتك
بطريقة ماتخليكش تندم بعدين وبالذات لما يكون فيها اتزان ..
صحيح ممكن تصادم التقاليد او الناس تشوفها بغرابة
بس انا بشوف ان الايام طويلة .. والناس اللي استغربت
هي الناس اللي في يوم ما هتستشهد بحاجة زي كدا
ويقولوا ده كان شئ حلو ..

وعلي فكرة برضه أنتي نبهتيني لنقطة مهمة
وهي أن النضج بيكون ليهم دور ايجابي في المواضيع دي ويشجع عليها

[ahmed 22]

اقتباس المشاركة الأصلية كتبت بواسطة أميرة محمود الفرح يكون العصر صعب جدا حضرتك عارف فستان الفرح بيكون كم طبقة مع جو العصر العروسة مش هتتحمل الجو دا على اعتبار أنها مش محجبة عشان الفرح وتكون لابسة التاج على شعرها ولو محجبة يبقا الموضوع أصعب أنت عارف الحجاب بيكون كم طبقة مع الطرحة دا غير الميك اب حتي لو هاديء وخفيف مع جو العصر هيخنقها لا الفرح يكون بالليل أحسن لكن موضوع بارك أو قاعة مغلقة مش هيفرق حتي في التكلفة متقاربة بس لازم يكون في البارك المفتوحة سكيورتي عشان المتطفلين موضوع الرقص حتى الاجانب بيرقصوا بس بيكون رقص ال هو دانس سلوو يعنى دا الأفضل تكون رقصة العروسة والعريس هادية كدا على ميوزيك رومانسية من غير أغانى

والله وجهة نظر تحترم

بس ما هو برضه القاعات معظمها خنقة
انا لما بروح افراح .. بشوف الناس معظمها مخنوقة من الكتمة
والدوشة والحر اللي بيكون داخل القاعة ...

بس هو المبدأ عموما بيعتمد علي التقبل من الشخصين نفسهم
بعد كدا كل شئ سهل ومجرد شكليات ..

[ahmed 22]

اقتباس المشاركة الأصلية كتبت بواسطة دمعه حائره كل واحد بيعبر عن فرحته بالشكل اللى بيرتاحله وبالفعل الافراح بالنهار بقت موضه وتكون جمالها فى البساطة الناس لازم يفهموا ان احنا بنكون سعداء بالشريك والتفاهم معاه مش بالماديات وده للاسف اللى بيفسد كتير زيجات بيبصوا للماديات والعادات اكتر من الشخصيه تسلم اخى على النقاش

والله كلام عاقل جدا
احييكي عليه ..