اول حوار مع العريس ( الفيلسووووف )

[morshooo]

بسم الله الرحمن الرحيم

مزاج الخير

بعد الحلقه الاولى مع

( عروسه المنتدى المنتظرة )

كان فى مطلب جماهيرى عشان نجيب معانا

( عريس المنتدى المنتظر )

عشان الاعضاء تشوف يعنى ايه

( قصه حب )

معانا النهاردة نجم المنتدى عايز تقول عليه

( روميو المنتدى ) قول

عايز تقول ( مهند المنتدى ) والله لتقول

عايز تقول ( قيس المنتدى ) والنعمه لتقول

عايز تقول ( الامير ألبرت ) ياجدع ماتقول



ودلوقتى مع اهم حوار فى المنتدى

مع العضو الى سيرته على كل لسان من ساعت

ما تم اعلان الخبر مع العضو الى زمانه بيقول منك لله

يا ( ايمان يا طلعت ) معانا

( الفيلسووووووووووف )



فى البدايه عايز اعرف ازاى قدرت ( حنين ) تلفت انتباهك .

فى البدايه بشكر جميع الاعضاء وبشكركم على المباركات الى جاتلى
بجد حاجا تفرح انا فعلا مش عارف اقولكم ايه ونفسى والله ادى لكل عضو
5000 مشاركه و 2500 نجمه و 1200 تقييم بس معلش ان شاء الله تتعوض
حنين يا جماعه اسمها مش جاى من فراغ صدقونى اول ما عرفت اسمها
الحقيقى حسيت ان فى حاجا بتربطنى بيها ايه هى مش عارف اول مرة ادخل
قسم الخواطر اول ما مسكت الاشراف حسيت انى كنت مسافر ورجعت بلدى
اول ما دخلت القسم يا احمد جالى احساس فظيع بجد حسيت انى عايز احضن
كل توبيك عايز ابوس كل خاطرة فى القسم بجد كانت حاجا تفرح بجد
واحب اقولها يا ( حنين ) ( بحبك )



بصراحه شعور جميل منك
طيب امتى اتاكد انك بتحبها وقررت تقولها ؟

بصراحه انا كنت نايم وجالى حلم غريب وقلقت وقولت ادخل المنتدى
المهم دخلت لقيت فى وشى خاطرة ل ( حنين ) قولت افتحها يا احمد
عايز اقولك عارف انتا لما تيجى تفتح موضوع وبتدوس ( كليك ) بالماوس
هتلاقى صوت كدا اول ما الصوت دا سمعته حسيت انى عايز اطير
وقومت من على الكرسى ي احمد ورقصت فعلا من ساعتها وانا عرفت
يعنى ايه ( حب ) حقيقى يا احمد
واحب اقول ل ( حنين ) ( بحبك )



شعور جميل منك بجد
بس ماقولتلناش اعترفتلها بحبك ازاى ؟

مفيش والله يا احمد فى الاول البدايه كانت شويه ( like )
بعد كدا حاولت اخليها تاخد بالها منى فعملتلها شويه ( تقيمات )
بعد كدا اشتغلتلها على ( الرسائل الخاصه )
ودى كانت المرحله الاخيرة عشان اوصل ( لقلبها ) والحمد لله وصلت
واحب اقولها يا ( حنين ) ( بحبك )



دى واصفه جميله منك لشباب المنتدى يا حودة بجد
شايف ان فى توافق بينكم وفاهمين بعض ؟

مش عايز اقولك ان احمد وحنين واحد اصلا
تعرف انا اتصلت بالست ( خديجه المغربيه ) الى بتجلب الحبيب
فى 6 ساعات دى اعلانتها شغاله على كل القنوات بعتلها رساله
( ياست خديجه انا بحب حنين عايز اجلبها ليه واخليها تحبنى )
بعتتلى رساله يا احمد بتقولى
( بلاش تضيع فلوسك يا حودة حنين قلبك الثانى وشكرا لاهتمامك وثقتك ب ام خديجه )
من هنا عرفت انا وحنين اننا فعلا واحد وكان لازم نكون مع بعض
ويا ( حنين ) ( بحبك )



ربنا يكرمكم ويخليلكم ام خديجه
حنين قالت ان بدايه اعجابها بيك من ( like ) وكان رقمه 35 فى التنبيهات ؟

فعلا انا شوفت الرد بتاعها يا احمد انا اول ما بدخل
بدى ( like ) للناس كلها واشوف مين هيعجبه الاعجاب بتاعى
بس فعلا اعجاب حنين كان غير اى اعجاب تانى اعجاب حنين فيه
مشاعر جميله عارف انتا احساس بجد مش عارف اوصفه
واحب اقولها ( بحبك ) يا ( حنين )



عايز اعرف ازاى بتتعامل مع ( حنين ) وهى عايشه فى ( ايطاليا ) ؟

يا احمد الحب مالوش لغه طالما فى حب حقيقى بينا
انا بكلمها بجميع لغات العالم وهى الحمد لله بتفهم كلامى
وبتفهم لغتى كويس تصدق بالله لسه مكلمها النهاردة وقايلها
( بحبك ) بالصعيدى وابن اخوك البورسعيدى والشباب الاسكندرانى
الكلمه دى كلمه رجال وهقولهالها كمان بلغات تانيه هقولك ( بحبك )
بالسوهاجى والقناوى والسيناوى والمحلاوى الى ميه ميه والنوبه الجمال
عرفت انى بكلمها بكل لغات العالم بس احب اقولها
( بحبك ) يا ( حنين ) هه



طيب فى نهايه الحوار الممتع دا
تحب تقولها ايه يا فيلسوف ؟

احب اهديها الكلمات دى

ياحنين اوعى تنسى الحنين
الفيلسوف مستنى من سنين
انا وانتى هنكون محتاجين
حب واشوق وحنين
ياحنين يا حنين يا حنين
وشكرا



ملحوظة : الحوار مش حقيقى ولكن مجرد توبيك كوميدى

[ندوشه 2011]

وليه يتصل عالست خديجه المغربية ما كان يجيب زلطين ويوشوشهم والعرافه تقعد تقوله صوح ولا مش صوح .ربنا يسعدهم ويكتب لهم الخير قال الست خديجة قال سلم لي على جوزك يا إسماعيل بيه.

[تجملت بالعفآف]

كدا احنين خطفتي حودا اخويآ
ومشغول بحبيبه القلب
ربنا سعدكم دايما ويبعد عنكم عيون ناس
ويتمملكم علي خير

[الفيلسـوف]

ههههههههههههه والله اولدى انته مشكله
الحوار لذيذ احلى حاجه انك موهبه وبتطلع منك حاجات والله
كان مستقبلك ف معهد فنون مسرحيه
بس هو الحاجه الحقيقه ف الحوار كله
انى بحبك ياحنين والله وربنا يخليكى ليه ويجعلك
زوجه صالحه ليه يارب زى ماانتى حاجه جميله دلوقتى
تسلم لخزعبلاتك ياريس

[الفيلسـوف]

ندوشه 201

بالسبه لخديه بقى المفربيه بتاعت سى احمد هههههههههههههههه
احنا مش محتاجين ليه لانى جمع تلات حاجات اعتقد انى هما الاساس
الحب الاحترام الخوف
منورنى ياندوشه

[الفيلسـوف]

تجملت بالعفآف

ربنا يخليكى يانيرمين اكيد انتى اختى الصغيره
اما عن حنين بقى ربنا يعلم لو اطول اجيب ليها الدنيا واللى فيها
حيبقى قليل لانها ادتنى كتير احترام وتقدير وخوف
يخلينى اشيلها ف عينى

[حـيـــــآة ❤]

بحبك ) بالصعيدى وابن اخوك البورسعيدى والشباب الاسكندرانى
ههههههه فصلتني والله

[العاشق الذى لم يتب]

منور ابن العم
ربنايوفقك
والشكرليك
يامبدع
رشرش

[morshooo]

اقتباس المشاركة الأصلية كتبت بواسطة ندوشه 2011 وليه يتصل عالست خديجه المغربية ما كان يجيب زلطين ويوشوشهم والعرافه تقعد تقوله صوح ولا مش صوح .ربنا يسعدهم ويكتب لهم الخير قال الست خديجة قال سلم لي على جوزك يا إسماعيل بيه.

اسماعيل بيه بيسلم عليكى
وعلى الزلطين .

[morshooo]

اقتباس المشاركة الأصلية كتبت بواسطة تجملت بالعفآف كدا احنين خطفتي حودا اخويآ ومشغول بحبيبه القلب ربنا سعدكم دايما ويبعد عنكم عيون ناس ويتمملكم علي خير

تسلمى على المرور
^^