اسره المنتدى على الهواء(الحلقه التانيه)

[طارق طروق]

سيداتى ســادتى مخــداتى لحــافاتى
معكم على الهواء مباشره المذيع الفز
المذيع الفلته المدهول على عينه
طارق حبهان ومستكه من قناه اهرشلى فى كوعى قبل ما تنزل دموعى
النهارده يا احبابى الحلوين والحلوات هحاول احل مشاكل اسره
منتدى بنات مصر وربنا يجعله عامر بحسكم قولوا امين
ومعنا الان اول اتصال الو الو مين معايا
ايوه يا استاذ طارق معاك واد حبيب من بنجلاديش محافظه اثيوبيا بجنوب افريقيا
المذيع طارق: اهلا وسهلا اتفضل اعرض مشكلتك
واد حبيب: انا كنت داخل جمعيه وقبضتها والفلوس اتسرقت منى
فيك من يكتم السر؟
المذيع طارق: سرك فى بيييييييييييييييييييييييير
واد حبيب: ممكن تسلفنى 1000 جنيه؟
المذيع طارق: مش سامع حاجه الو الو الو الظاهر الخط اتفصل
وناخد اتصال تانى الو الو مين معايا؟
ازيك يا استاذ طارق معاك اسراء من القاهره محافظه اسيوط مركز شرطه الوراق
اهلا وسهلا يا اسراء اتفضلى اعرضى مشكلتك
اسراء: مشكلتى انى مبعرفش اطبخ ولا حتى اسلق البيض
المذيع طارق: على كدا يا اسراء بتعرقى تعملى شاى ولا اقولك على الطريقه؟
اسراء: كنت بعرف اعمل شاى بس نسيت الطريقه ياريت تقولى عليها
المذيع طارق: طيب ماشى اوكى هتجيبى ميه مبلوله وتنقعى فيها الشاى من بليل وتغليه الصبح قبل العشا
وتحطى عليه سكر ناعم وتقلبى الشاى وبالهنا والشفا معايا يا اسراء الو الو
وناخد اتصال الو الو مين معايا
السلام عليكم يا استاذ طارق
المذيع طارق: وعليكم السلام مين معايا؟
معاك ايمان طلعت من اسكندريه محافظه كفر الشيخ بتركيا مركز طنطا
اهلا وسهلا اتفضلى اعرضى مشكلتك
ايمان طلعت: الوليه ام عباس بتاعت الخضار اللى على ناصيه شارعنا
خدت منى فلوس عشان تجيبلى زبده وجبنه قريش وملوخيه ناشفه
وادى وش الضيفه هربت بالفلوس ومجتش تانى
المذيع طارق: كويس طيب والمطلوب منى ايه يا ايمان؟
ايمان طلعت: كنت عيزاك تدعى عليها دعوه تجيب اجلها
المذيع طارق: انا المذيع طارق مش الشيخ طارق ومع ذلك ربنا يسامحها بقى
ايمان طلعت: اهىء اهىء اهىء ربنا لا يسامحها الهى ما توعا وحار ونار فى جتتها الفلوس اللى اخدتها منى الو الو استاذ طارق روحت فين؟
ومعانا اتصال الو الو مين معايا؟
معاك انجي_1 من بورسعيد ومقيمه حاليا بكفر ابو طشت بحلوان مركز السلوم
المذيع طارق: اتفضلى يا انجى اعرضى مشكلتك
انجى: انا مشكلتى كبيره يا استاذ طارق ارجوك ساعدنى
المذيع طارق: مشكله ايه يا انجى؟
انجى: انا اهىء اهىء اهىء انااااااا اهىء اهىء اهىء
المذيع طارق: اهدى اهدى يا انجى وبطلى عياط وكل مشكله وليها حل
انجى: انا مشرفه عالم حواء فى منتدى بنات مصر والقسم عندى مبقاش يدخله زباين كتير زى الاول
المذيع طارق: زباين مين والناس نايمين هو انتى فاتحه سوبر ماركت؟ ال زباين ال
انجى: قصدى اعضاء وعضوات وده اللى تاعب نفسيتى ومخلينى مش بنام ليل ولا نهار معايا يا استاذ طارق؟
الو الو راح فين الجدع ده؟
ومعانا اتصال الو الو مين معايا؟
معاك ندوشه يا استاذ طارق من كفر ام بلحه محافظه بنى سويف مركز الدقهليه
انا مشكلتى انى بصحى من النوم وبنام تانى واصحى اتغدى وانام واصحى اتعشى وانام
يكونش السبب عشان دايما بغنى مع نفسى؟ اصل بيقولوا ان صوتى بيحيب النوم
الحل ايه يا استاذ طارق؟
المذيع طارق: بسيطه يا ندوشه متغنيش تانى ارحمى نفسك وارحمى الناس اللى بتسمعك جبتلهم هما كمان النوم
ونقول الو ومعانا اتصال مين معايا؟
معاك حازم يا استاذ طارق
المذيع طارق: اهلا وسهلا ومرحبا اتفضل اعرض مشكلتك
حازم: انا مشكلتى انى خريج كليه الصياعه والضياعه والنوم على الرصيف ونفسى اشترى توكتوك
انا معايا تمن التوكتوك بس كنت عايز منك تتوسطلى عشان اطلع رخصه للتوكتوك ممكن؟
المذيع طارق: طب وهتعمل ايه بالتوكتوك يا حازم؟
حازم: هفسح بيه المزه بتاعتى عشان هى نفسها تركب توكتوك تتفسح بيه ومش عيزانى افسحها بالعجله بتاعتى
المذيع طارق: مشكلتك بسيطه يا حازم وهكلملك ام سيد بتاعت الخضار
ونقول الو مين معايا؟
معاك دمعه حائره يا استاذ طارق
المذيع طارق: اهلا وسهلا اتفضلى اعرضى مشكلتك
دمعه حائره: انا معنديش مشكله لكن عندى موهبه الغناء ممكن اغنى؟
المذيع طارق: طب كويس هتسمعينا اغنيه ايه؟
دمعه حائره: هى اغنيه من تأليفى اسمها لبن سمك تمر هندى
بس هغنيها بالهندى ممكن؟
المذيع طارق: هايله هايله وكمان هتغنيها بالهندى؟
دمعه حائره: ايوه انا بعرف لغه هنديه اكتبها واتكلمها
المذيع طارق برافو برافو طب اتفضلى سمعينا
دمعه حائره: احم احم احم تك تك تك تس تس تس
اعو اعو اعو اميتاب اميتاب باتشان راجندر راجند كومار شاروخان شاروخان
المذيع طارق: اتفضلى غنى يا دمعه انا معاكى
دمعه حائره: خلاص غنيت ما هى دى الاغنيه ها عجبتك يا استاذ طارق؟
استاذ طارق انت نمت ولا ايه؟
ومعانا اتصال تانى الو مين معايا؟
معاك فاطمه مشرفه قسم الشخصيات التاريخيه بمدينه بابل محافظه روسيا مركز السلطان الغورى
المذيع طارق: اهلا وسهلا يا فاطمه اتفضلى اعرضى مشكلتك
فاطمه: انا سمعت انكم بتوزعوا بطاطين عشان الشتاء وكدا وكل سنه وحضرتك طيب وكلك نظر بقى
المذيع طارق: اه فهمت طيب اوكى يا فاطمه ربنا يسهل سيبى عنوانك فى الكنترول
فاطمه: لو سمحت الكام بطانيه اللى هتبعتوهم عيزاهم ماركه التفاحه ويكون لو نهم اخضر مقلم اسود على اصفر واحمر وبنفسجى مع اللون الرصاصى الغامق مع البنى الفاتح مع البرتقالى البلدى وابو سره
سامعنى يا استاذ طارق؟ الو الو هو راح فين مذيع الغبره ده حاجه تقرف
ونقول الو ومعانا اتصال مين معايا؟
معاك يويا يا استاذ طارق
المذيع طارق: اهلا وسهلا اتفضلى اعرضى مشكلتك
يويا: انا معنديش مشكله لكن عايزه كدا اقول دعاء على الهواء
المذيع طارق: اتفضلى اتفضلى
يويا: يااااااااااااااااااااااااااارب انا ليه زوج مكتوبلى معرفش فين اراضيه
ولا اعرف بينيل ايه دلوقتى ولا اعرف الاكونت بتاعه عشان كنت شوفت بيهبب ايه
يارب انت اعلم بيا يارب اهديه ودله على بيتنا ياااااااااااااااارب

والى اللقاء فى حلقه قادمه مع باقى اسره المنتدى
ومع السلامه بقى

[ندوشه 2011]

والله دمك خفيف. ربنا يسعدك ويسعدنا معاك اللهم امين تسلم اخي يا زين ما كتبت

[شاعرة الرومانسيه]

تسلم ايديك اخى طارق

[الفيلسـوف]

تسلم ايدك يا طارق دام تميزك

[دمعه حائره]

ههههههههه
ادونا فرصتنا بقى ولسه هاغنى بالتركى

[ايمان طلعت]

منك لام عباس تاخدك وتخلع بقي
نايس توبيك

[Silver Flower]

هههههههه حلوه الخزعبلات هاي وعم استنى القادم