(13) أنا ومدونتى .. مع العاشق الذى لم يتب

[*فجر الاسلام*]

السلام عليكم ورحمة الله وبركاته

اعضاء بنات مصر اتمنى تكونوا بالف خير
مع حلقه جديده من انا ومدونتى ومعانا مدونة حينمايكون القدر
لصاحبها الشاعر الكبير العاشق الذى لم يتب

اولا ازى الحال

الحال هههه خليهاعلى ربنا ان شاءالله كويس

عامل المدونه من امتا؟

عاملها من زمان اوى

من حوالى 5سنين ونصف تقريبا

وليه اخترت الاسم ده

حينما يكون القدر

اى كل شيئ بقدر الله

ولمايكون القدر لايمكن شيئ يمنعه

ايه السبب اللى خلاك تدخل صفحات مكشوفه وتفكر تعمل مدونه

اسباب كتيرة

وعلشان هو الركن الهادى اللى الواحد يفضفض فيه

بعيد عن الضوضاء

وكمان بكتب كل شيئ بدون تقيد

افراح احزان ولاامنيات ولاشكوى ولاانين

المهم ركن هادى واحس فيه انى قاعد فى قارة مافهاش حد

شايف انك قادر توصل افكارك وارائك عن طريقها ولا لا ؟

مايهمنيش حكاية التوصيل دى

يهمنى انى اكتب كل مايحلو لى

كمان معظم كتاباتى بنسخها فيها

يعنى هى مخزن كبير

زايد انها فيهااشياء خاصة

قابلتك مشاكل بسببها او بسبب كتاباتك قبل كده ؟

كتير كتبت اشياء وفيه ناس راحو اشتكو وقالو للادارة

رفعت كاتب علينا

هههههههه

بس الكلام ده من زمان

ايام ماكان المنتدى عايش

دلوقتى الله يرحمه مات ولسة جثته ماادفنتش

مين اكتر الاعضاء اللى بيدخلوها ؟

اعضاء كتير منهم الحبايب وكمان العدوين مع المتربصين

مع الحاقدين مع المتجسسين

مع الحرمية اللى بيسرقو

الحمدلله فيها نسبة مشاهدة عالية

ومكتوب عدد الزوار

وايه اكتر مدونه بتحب تتابعها؟

فيه مدونات ناس غالية عندى

مع مدونات فيها كتابات جميلة وخفيفة الظل

وفيه حاجات تانية كتير

شايفها مكان عادى زى اى مكان بالمنتدى ولا مختلف؟

مختلف كل الاختلاف

بتجيلك تقييمات؟

كتيرة ولله الحمد

ايه اكتر تقييم عجبك ولسه فاكره؟

ههههههه

كان من محمد رمضان

على فديو نزلته فيها

بعت وقالى حاطط فديو رقص ياشيخ رفعت

لوقلتلك انى هحذف مدونتك دلوقتى هتعمل ايه

تحذفيه ليه

لو عملتيها كنت ادبحك بس مش هشرب من دمك

علشان دمك غالى هبيعه احسن واكسب فيه

ههههههه
عندك اقتراحات حابب تخدم بيها القسم و المدونات؟

بينى وبينك ماعنديش اى شيئ خالص

بعيد عنك نفسى اتسدت من كل المنتدى

ربنا يصلح الحال

شكـــرا:

والشكرليك
نورتنى يا شاعر ربنا يسعدك ويرضى عنك

شكرا للمتابعه دمتم فى حفظ الرحمن

[حـيـــــآة ❤]

يانهار ضحك هههه
منور عم رفعت
منوره فجرورتي
تسلموا

[العاشق الذى لم يتب]

شكرا
فجر
والاستضافة الجميلة
ربنايسعدك
تشرفت بوجودى معاك

[العاشق الذى لم يتب]

اقتباس المشاركة الأصلية كتبت بواسطة حيــــــاة ❤ يانهار ضحك هههه منور عم رفعت منوره فجرورتي تسلموا

انتى اللى منورة هاجر
تسلمى على المرور

[العاشق الذى لم يتب]

الذين يشاهدون محتوى الموضوع الآن : 4 ( الأعضاء 1 والزوار 3)

[Fatma eissa]

استضافه جميله
وحوار راقي
مع شاعرنا
الكبير
رفعت
منوره
وتسلمي يافجر
ومن تألق لتالق

[واد حبيب]

علي الله يحط فيديو رقص تاني يا شيخ رفعت
بجد استضافه جميله يا فجر
مع عضو فعلا من انشط وابدع الاعضاء في المنتدي
ربنا يرجع المنتدي زي الاول ويرجع نشاطه زي زمان
نورت يا رفعت