حالة خاصة ..!

[احساسى صحيح]

فتحتى الشيش, قفلتى مفيش
عكس ماكنتى متصورة
نفسى خلاص
ما حبتكيش ..

حكايتك طلعت متغيرة
دايماََ طالعه متأفورة
مهما سامحتك مبتنسيش ..

دايماََ باصة لنفسك بس
شكلك صورك راسمك
عايشة الدنيا كـ رغيف عيش ..

ماشية حياتك بالمقلوب
إللى يغشك ،،
يبقى ف عينك إمبراطور
وإللى يحبك متحسيش ..

صورة وضوء وروح بتعشش
بس حقيقتك ،،
تاخدى وبس ومبتديش ..

شيلى بقا من عنكى الهالة
عيشتى حياتك كالجوالة
تتنقلى من حالة لحالة
وتضحياتى متعديش ..

خدعه وكانت مترتبة
عامله كأنك متجنبة
راسمة الحزن ومتألمه
بس اهم, مترتبطيش ..

حلوه حياتك من غير سنس
تروحى وتيجى من غير فِلس
زاهية الدنيا مبتعتمش
راسمة الخط ومبتعديش ..

غالية عواطفك جدا
اتعودتى تاخدى دايماََ
اما بغيرك متحسيش ..

بتحكى وتشكى الحالة لأُمه
كل الدنيا عليكى ظالمه
وهو حياته ضاعت منُه
وانتى الكلمة مبترديش ..

[حازم34]

ايه الكلام الجميل دا


فصلت الحكايه وصورتها وليه بنبعد دايما عن الحكايه


يا سلام تحياتي وتقديري

[Abdallah]

كويس.وتسلم.ايديك.

[توحد ارواح]

جميله الكلمات وفيها رتم موسيقى

بوركت والمداد النابض ا/ ياسر

تقديري

[*فجر الاسلام*]

رووووووووعه بجد عجبتنى اوى
تسلم ايدك ماننحرم من ابداعك اخى
تحياتى

[مارد الغضب]

بص يا يا صديقى الحبيب
انا شخصيا بيعجبنى حاجتين
العنوان و الدخلة
و انت هنا جمعت بينهما
و كمان التورية
الحالة الخاصة هى انت فى هذه الرائعة
تحياتى لسموك المبدع

[حـيـــــآة ❤]

تبارك الله ابدعت ياسر
الله على رقتها وجمالها

تسلم ايدك شاعرنا
نجومي

[bobaOo]

بجد بجد انا لحنتها وغنيت وانا بقراها ههههههه

جميله جميله جميله جداا

عاشت ايدك ياسر

[الأميرة رودي]

جميله جداا
فيها لحن قريب من القلب
يسلمو ايديك من زمان مش شوفتلك أعمال
بس بجد أبدعت
تحياتي