اجمل زواج

[اندرسون]

السلام عليكم

الناس العواجيز اللي بتعيش فترة المراهقة المتاخره
او بتعتقد انه بزواج فتاه صغيره
قد يعيد لها الشباب وتعيش فتره اخري من دروب الشباب
زي ما بيقولوا عندنا ف الصعيد خد الصغيره تخليك شباب
........ تفكير بسم الله ماشاء

من الجانب الاخر تفكير الشباب اللي بيشوف انه دي سبوبه
ويا سلام لو كان الطرف الاخر غني اوي وع وش موت
ياحلاوه ياولاد
يعني عريس او عروسه ع طبق من ذهب
هيخليني ملك _ه
ف حياة الغلاء اللي احنا عايشينها دي

( ف جانب تاني انا مش معترض معه
نهائي هو مبني ع حب بينهم رغم اختلاف السن بينهم )
.................................................
اولا.. ايه رايكم ف الزواج دا

ثانيا .. بصراحه لو واحد فيكم اتعرض عليه
الزواج دا ف الايام اللي اصبح الفلوس هي
العقيده والحمايه والاستقرار ف حياه والواسطه للكل شئ ف بلدك
هيكون ردك ايه

( وربنا يخلينا المعلم طربقها)
..........................................
بعد اذنكم كنت محتاج
دعوة بظهر الغيب لانه
صدري رجع يتعبني تاني وداخل ع ظهور النتيجه
ربنا يستر

[.Lamar]

موضوع رغم انه حقيقى و موجود
بس بجد يخلى الواحد يحس بنفور
بتسأل اخى لو حصل دة
عن نفسي هرفض و مش هرفض بس
هحس باهانة كبيرة انه فكر انى ممكن اواقق
او اكون سلعة او قطعة موبيليا شيك
هيكمل بيها ديكور حياته
الفلوس مطلوبة توفر اساسيات الحياة
انما محدش هيقدر يحترم نفسه
بعد ما يبيعها لانسان دفع التمن
و ان كان دة رأيى كبنت
فلك ان تتخيل مدى الاحتقار
اللى ممكن احسه لو شاب عملها
مش بس باع نفسه
لا دة عايش يمد ايده و ياخد مصروفه من
واحدة عارف كويس انها اشترته بفلوسها
فين بأة الرجولة و الدم الحر

ربنا يعافينا من اللى بنسمعه و نشوفه
شفاك الله و عافاك اخى
و سلمت يمينك
موضوع حلو كتير
تحياتى

[اندرسون]

اللهم امين
اسعدني مرورك
هو دا الواقع المر اللي ف ناس كتير فقدوا انسانيتهم فيه

[^^khL oUD]

فعلا انا بسمع كتير ع حوار الجواز بسبب الفلوس دا
بس انا رافضه المبدأ دا بصراحه وع قد م هو هيريح الشخص
ع قد م هنتعب مش هيبقي ف حب بين الطرفين
دا مش جواز دا صفقة وبيزنس هههههههه.
موضوع مهم وقيم ي عمر تسلم ايدك...

وربنا معاك ويوفقك وبالنجاح ان شاء الله
والف سلامه عليك ربنا يقومك بالسلامه

[اندرسون]

ربنا يخليكي ياخلوود
دلوقتي البيزنس هو الدين والعمل والاخلاق هو اللي بيجمع ويفرق
دكتوري كان بيقولي انه الواحد بيعدي مراحل وكل مرحله بيكون فيها فلوس اكتر وبيزنس اكتر مع خساره للقيم وطيبة القلب

[Lamees]

استحالة اتجوز حد اكبر مني اوي
لمجرد انه غني دي مصيبة بجد
يغور بفلوسه
المعلم خربها صحيح الله يحرقه
وباع الارض واحنا مش هنبيع نفسنا
تسلم للطرح

[Lamees]

وربنا يوفقك ويشفيك ويعافيك

[bobaOo]

..

لو انا اتعرض عليا لو هموت من الفقر
مش هوافق طبعا ده جواز مش لعبه
وفعلا عندك حق الموضوع منتشر جدا
ربنا يعافينا ويهدي الجميع

اسأل الله العظيم رب العرش العظيم أن يشفيك
ويريح قلبك ويطمنك ع نتيحتك يارب

ودي

.

[Eng Esraa]

ده مش اسمه زواج ده بيزنس !
بصراحة بالنسبة لي شئ مكروه جداا
تسلم لطرحك بقا
يدوم النشاط

الف سلامة عليك ربنا يعافيك
و يبعد عنك كل شر و يوفقك
و النتيجة تكون امتياز مع مرتبة الشرف زينا
ههههههه
بالتوفيق

[*فجر الاسلام*]

رغم انى قفلت لكن رفتحت بعد ماشوفت الموضوع عشان اقول راىى
طبعا كل الردود مش هتوافق وانا معاهم اكيد
لكن للاسف فى المجتمع ده فى بعض الناس مالهاش راى
الراى الاول والاخير للاهل يعنى لو شوفتوا واحده اخدت واحد اكبر منها عشان الفلوس
للاسف هتظلموها هى وتقولوا ماديه والكلام ده لكن فى بنات بتنجبر على الموضوع ده
لمجرد انه معاه فلوس مابيفكروش ف حاجه غير الفلوس وانهم فاكرين انها هترتاح كده
وكله كلام فاضى الفلوس تشترى اى حاجه الا الحب والطيبه والحنيه والمعامله الحسنه
وربنا يصلح حال الجميع ويشفيك اخى ويوفقك
تحياتى ليكم