بنـت الـبـواب ...

[الوحدانى شعلان]

مريم فتح الباب
دا أسمها
طبعا قصة كفاح ..
والفقر مش عيب ..
وايه يعنى تبقى فى الثانويه العامه ومتخدش دروس
وبتذاكر المسكينه على لمبة الجراج
وشو أعلامى وتكريم ومنحه من أمريكا
ومن برنامج لبرنامج
ولقاء مع الرئيس
واللى عنده اولاد فى الثانويه عمال يذل فيهم فى الطالعه والداخله
ويقولهم بنت البواب مش احسن منكم

بس بسأل سؤال صغير
هى البنت دى الأولى فعلا ؟
ولا دا فيلم عشان يحببوا الناس فى فقرهم ؟

أقولكم على حاجه ؟
طب هقولكم على حاجه
بس دا سر
لأن محدش يعرفه خالص
ودى مفاجأه
البنت دى مش الأولى على الثانويه العامه
ولا حتى العاشره

عاوزين تتأكدوا ؟
بس كده
أدخلوا هنا دا رابط بوابة الوزاره لأوائل الثانوية العامه
علمى علوم وعلمى رياضه وحتى ادبى
هى علمى علوم
أسمها مش موجود نهائى ضمن الأوائل فى علمى علوم
ولا حتى علمى رياضه ولا حتى أدبى

والموضوع كله فيلم ردئ
عشان الناس تحمد ربنا على نعمة الفقر

أدخلوا واتأكدوا بنفسكم قبل ما يشيلوا الرابط

بوابة الثانوية العامة

[.Lamar]

مش عارفة اسم البنت صراحة و لا تابعت اى برامج تخصها
و لو كلامك صحيح اخى تبقى مش غريبة
اهو يحصل جهاز عبد العاطى كفتة
و انجازات الدولة الوهمية
ويبقى فصل جديد من مسرحية استحمار شعب
ربنا يستر من اللى جاى

كل الشكر اخى
تحياتى لموضوعك القيم

[.Lamar]

فعلا اسمها مش موجود اخى

[Eng Esraa]

!!!
انا كنت بقعد اقول انهم كبروا الموضوع
علشان يلفتوا الانظار بس لشئ ايجابي
لاكن مكنتش اعرف انها توصل لكده !
و بردوا الله اعلم

تسلم لطرحك

[gold rose]

حسبي الله ونعم الوكيل
مش معقول توصل بيهم الخسه والدناءه لكدا !

[الوحدانى شعلان]

اقتباس المشاركة الأصلية كتبت بواسطة .lamar مش عارفة اسم البنت صراحة و لا تابعت اى برامج تخصها و لو كلامك صحيح اخى تبقى مش غريبة اهو يحصل جهاز عبد العاطى كفتة و انجازات الدولة الوهمية ويبقى فصل جديد من مسرحية استحمار شعب ربنا يستر من اللى جاى كل الشكر اخى تحياتى لموضوعك القيم

اسمها مريم فتح الباب
ودى دولة الكدب
تسلمى لمرورك العطر

[Fatma eissa]

لدرجاتي وصلت بيهم المواصيل
بس فيس برضو جايب عنها
فعلا احنا زمن لايعلم بيه لل ربنا
من كدب وغش

[Lamees]

انا كنت مستغربة هما ليه مكبرين الموضوع اوي
دي مش اول واحدة فقيرة تطلع من الأوائل
اشمعنى بقى
ولسه الاعلام ما بيقصر الله يعطيه العافية
دماغي لفت من تفكيرهم الخبيث

شكراً على الموضوع اخي

[طبيب الهوى]

للأسف الشديد من النادر اتصفح الجرائد أو أشاهد التلفاز

وليس عندي أدنىَ فكرة عن مريم فتح الباب هذه

بالفعل اسمها ليس موجوداً في كشف المتفوقين

وهذه كارثة أخرىَ تُضاف لكوارث الحكومة وجهازها الإعلامي

حسبي الله ونعم الوكيل وكفىَ

ميرسي أخي لطرحك القيم

تحياتي لشخصك وأسرتك الكريمة

أبو عصام

[فداااااااااااء]

صحيح كان الامر مبالغ فيه جدا ..واعتادت ان كل ماهو مبالغ فيه مشكوك فى امره

ولكن اعتدنا على تلك الافلام الرديئة من قبل الدولة والترويج لها بشكل مبالغ
سلمت اخى