الدبله

[Dr. AnOosHo]

ازيكم جميعا


موضوعي ممكن مايكونش نقاش جاد وممكن ناس تشوفه عادي وممكن ناس تشوف انه مستاهل نتناقش فيه
وعموما مع اي حاله او وجهه نظر انا شخصيا الموضوع ده مسببلي ازمه
اكيد الدبله شيء مهم جدا في مجتمعنا العربي ... بس في ناس برضه غصب عنها مبتحبش تلبس خاتم في ايدها

ليه الطرف التاني بيصغر عقله ويعتبرها عدم اهتمام او عدم حب او او

ليه في ناس مخهم صغير جدا لدرجه ان ممكن علاقه تتفركش بسبب دبله متلبستش

ليه بوز شبرين نلاقيه في وشنا عشان طرف شاف الطرف التاني من غير دبله

هل انا اللي مستهيفه فكرة الدبله ولا فعلا هو معاه حق ؟؟؟

كتير بنتخانق عشان الدبله مابلبسهاش .. بحس حاجه في ايدي مضايقاني .. معنديش حساسيه مرضيه لكن بحس مضايقه عموما من الخواتم بشكل عام

وياريت عليه هو بس ده حتى صحابي شايفين اني غلط .... حاسه ان في مواضيع اكبر واهم من كده الواحد يتخانق ويختلف ويشوف البوز اللي ممدود شبرين فيها

[.Lamar]

هههههههه
انا لو منه اعضك يا هنون
يا بنتى الدبلة رمز للارتباط مش اكتر
و اكيد هيحب يشوفها فى ايدك
و كل الناس تشوفها و تعرف انك له
طبيعى يتضايق يعنى يا هنون
دة انا اهوه اتضايقت له هههههه
بس فعلا بتبقى كبيرة عندهم و جارحة
حاولى تتفهمى نفسيته و مشاعره
زى ما بتطلبى منه يفهم انك مش بتحبي الخواتم

ربنا يسعدك يا قلبي و يحلى ايامك
ومنورة طبعا

[حـيـــــآة ❤]

اظن ان دي فضفوضه لطيفه مش نقاش ياهنون

بصي هو انا شايفه انه عادي يعني انا لما بلبس خاتم مثلا فتره طويله بزهق عادي
الدبله ممكن عشان هي الواجهه
او العلامه المميزه لانك مخطوبه او متزوجه وكدا
فادا موضوع ممكن يزعل اه
انا لو اتحطيت بالموقف هزعل بصراحه وهمد بوزي بردو

[^^khL oUD]

بصي انا مش بحب الدهب خالص والشبكه كنت عوزاها فضه واتنفخت لما قولت كدا هههههههههه
انا معاكي ان ف ناس بتضايق جدا منها وشيفاها ملهاش لازمه ال هو مش دبله يعن ال هتثبتلك بحبك وباقيه عيك ولا لا بس عشان دي عادات وتقاليد مجتمع ف مينفعش الدبله متتلبسش
ف عقليات وفئات معينه هتطلعلك ف النص هتقولك اه دا شكلها مغصوب عليها اه دي شكلها مش بتحبه والجو دا والهري بتاع الناس
هي بس عقليات بتتفهم الكلام دا وعقليات لا وف الاول وف الاخر دي عادات وتقاليد
مجتمعنا


تسلمي ع التوبيك يستحق النقاش

[Eng Esraa]

انا شخصياا لو مخطوبة و لقيته مرة قدامي
من غير الدبلة هقلبها عليها اسود
هههههههه
معرفش سبب معين لكده بس بحس انها
حاجة مهمة فعلا اي ان كان من الطرفين
بس اكيد الاراء تختلف
تسلمي ع توبيك يا جميلة

[noble falcon]

هههههههههههه موضوع جميل أنوش عندي فكرة إلبسيها طول اليوم وإقلعيها لما تغسلي المواعين
الدبله رمز مهم للقلب كمان احساس جميل في الخطوبة وفي الجواز شيء وهمي حياة تانية مش بس واجهة قدام الناس

[واد حبيب]

انا عن نفسي من يوم الخطوبه لحد دلوقتي عمري ما لبست دبله علي الرغم ان عندي ٣فضه لكن عمري ما لبستهم
ولا البسهم خالص
علشان مش بحبهم اصلا
ولما خطبت قولتلها كده والموضوع عادي محصلش اي ازمه بسبب ده
تسلمي علي موضوعك

[Aya 7ekaya]

بصراحه الدبله بحبها جدا
وبحافظ عليها ولا كانها بنتى يعنى بقلعها لو بطبخ او بنضف علشان مايحصلهاش حاجه 0
الفكرة انها رمز للارتباط لكن لو هى بتضايقك ف عادى ده مش اجبار لان الدنيا مش هتقف عليها و لا انتو كده انفصلتو يعنى
بس بالنسبالى لما نتخانق بقلعها بصراحه هبل كده

[*فجر الاسلام*]

بوصى ممكن االموضوع يكون عادى ومافهوش حاجه
مش الفضه اللى هيعبر عن الحب
بس للاسف فى ناس بتعتبرها كده
وطالما هو زعل خلاص مافهاش حاجه البسيها عشان خاطره
مش مستاهله زعل ربنا يسعدك

[يحيى الفضلي السودان]

معصم زانه الخضاب
فجمال النفس عم
رب يغني عن الجواب
وردود تكون عم
حب صانه الجميع
وهي من افضل النعم