دفتــــر الصفحـــاتـ 2

[fanaa]

مرسي لمار ع التدبيسه الحلوه دى
الموضوع جميل واول مره اشوفه وففكرته حلوه جدا واتعرفت من الشويه الاشاركو ع شخصيات جميله
ليا عوده

[fanaa]

السلام عليكم

الاسم/ آيه ابراهيم يوسف
السن/22
المهنه/ محاميه وتخصصى جنائى وحاليا بحضر فى الاقتصاد والمدنى
الهوايات / عندى هوايات كتير بس أقربهم الى قلبى الكتابه والكتابه الروائيه على الخصوص . زى مثلا الرسم . العزف على الناى وبعرف اعزف عليه الموسيقيه التصويريه كامله لفيلم fanaa واتعلمتها بالصوت يعنى محدش علمهالى بقيت عن طريق السمع وتسجيل المقطع والتجربه لحد ما بوصل للنغمه الصح .. عاوزه اقولكو عزف الناى ممتع بغبااااء . التصوير بحب اصور جدا خاصه مناظر الغروب والاضاءه اليليه والقطط . كتابه الشعر . كتابه القصص القصيره. التصاميم الايحائيه . بكتب اغانى وساعات بغنى. طبعا بقى الكتابه الروائيه الا ليها عشق كبير جدا جوايا بحبها جدا جدا ولو قولت انى بكتب من سن ست سنوات او سبعه محدش هيصدق لاء وكنت بكتب باللغه العربيه كمان وانا مش عارفه يعنى ايه لغه اصلا بس دى ليها حكايتها وهقول اختصارها فى مشاركه تانيه
ولازال لحد دلوقت عندى كراسات قديمه جدا من ايام لما كان والدى عايش
يعنى تقريبا وانا فى تانيه ابتدائى لانه مات وانا عمرى 9 سنين فيها قصص ليا واشعار كل لما اجى افتح واقرءها اتفطس من الضحك مش م المكتوب المكتوب اصلا كان ديما بيقولو انو فوق سنى وان والدى الا كان بيكتبه بسبب انه مايل للفصحى بس ضحكى كان بيبقى لما اشوف ترتيب الجمل او الاخطاء الاملائيه او العفويه بتاعت الكتابه دى

[fanaa]

نكمل

ديما اسمع لما امى تحكى عنى او اخواتى كانو بيقولوا انى وانا طفله كنت نبيه جدا رغم انى اساسا مش باينه من هدومى وكنت قليله اوى امى بتقولى والله يابنتى وانتى صغيره بتاع سنتين ونص كدا كنت اقعد جمب اخواتى وهما بيذاكرو وانطق زىى زيهم ويمكن كمان مخارج الحرف عندى كانت بتطلع صح ووصلت معايا للتهئجه بدون علم الحروف يعنى مثلا كنت بنطق اسم اخويا عمرو واستهجاه . زى مثلا عااا .. مممم ررر. ولا كنت اعرف يعنى ايع عين او ميم او راء والدى الله يرحمه لما لقانى كدا ابتدى يودينى معاهم الدرس مش حضانه لاء درس وكان الاستاذ اسمه استاذ فؤاد وتملى كنت اقعد اقوله يابو مرخير كبيره عيله بقى فضلت احضر معاهم استماع فقط لحد ماتميت خمس سنين وكنت فى السن دا فصحيه جدا لدرجه ان الكل بالشارع كانو يقولوا لامى بالنص كدا بنتك دى وحده اراشنه مستخبيه فى عيله!.. طبعا كنت على تعلق شديد اوى بوالدى ابويا الله يرحمه كان موجهه لغه عربيه كنت ديما اقعد معاه وهو بيشرح بلاغه لاخواتى واسأله واحل معاهم وكل دا مكنتش دخلت لسه المدرسه و مره سمعنى وانا بتمتم بكلام بس بغنيه فقالى دى اغنيه مين فقولتلو دا هبل من عندى لقيته قام جايب ورقه وقلم وابتدى يعلمنى ازاى اكتب شعر وابتدى يقرئلى فى كتاب الا غانى للأصفهانى ولأحمد شوقى وايليا ابو ماضى ولخليل مطران ويعلمنى التفعيلات لحد ما وصلت المدرسه فى سنه اولى ابتدائى ابتديت فعليا اكتشف انى بكتب قصص لدرجه انى كنت بسرح فى الكلام وأحسه انو بيتحرك وبيعمل اشخاص وابتدى انا اكتب كنت هبله انا عارفه ابتديت انضم لمسرح المدرسه وابتديت انزل القى شعر وصلت لدرجه ان لو فصل مثلا محضرش خطاب او مقدمه للاذاعه كنت بطلب بالاسم عشان عندى تلقائيه كلام يعنى اقدر اعمل مقدمه من الهوى كدا وانا واقفه
عاوزه اقولكم ان روحك نغم الا اسم مدونتى بيها والا مفروض كانت تنزل فى المعرض بتاع السنه دى روايه ابتديت اكتبها من سن تالته اعدادى واخذت منى فتره طويله جدا عشان اخلصها ولما نزلت قصر الثقافه وقت ما كنت لسه بكتبها كلو شكك فى كتابتى ليا لانى كنت صغيره جدا ع الكلام المكتوب ضيف على دا كمان ان انا عامله زى الا كانو بأبتداى يعنى كشكلا صغيره وسنا ان الروايه دى تطلع منى فضلت ركناها شويه وكتبت قصادها روايه رحيل واخدت منى سنه ونص طبعا هوسى بالكتابه نغص عليا حياتى والامر بقى صعب جدا بعد وفاة والدى بسبب اهلى

[fanaa]

نكمل رغايه عارفه عارفه

طبعا فتره الثانويه العظيمه الجميله الا فى نظرى ملهاش اى تلاتين لزمه
فكك م الكتابه شوفى بنت خالتك مقطعه نفسها
أيوه يعنى طب وأنا مالى !
مهو يا تركزى فى مذاكرتك يا تشوفيلك كلب تتجوزيه وتوفرى مصريفك
دا حديث سمعته من الغاليه أمى
المشكله انى مقدرتش اقنعهم انى كل لما بذاكر بلاقى الكلمات بتتحول لمدينه قدامى باشخاص بخيالات لدرجه انى لو ضربت بعينى على الحيطه بشوف التشقق بتاعها شيء ملهم فى الكتابه اعملك ايه احجه بنتك هتروح العباسيه بدرى
وكا العاده كنت استنى فتره الدرس عشان اهرب م البيت باى طريقه
بس انا مكنتش بروح الدرس
أنا كنت فعلا بهرب بقعد فى اى حته بعيد ان اى حد عشان اكتب
والمصيبه انى معرفش اكدب
الا هو عملتى ايه فى الدرس
لا منا طفشت
وكان بيبقى يوم اسود عليا
بس على مين ولا يهزنى برجع اكتب ولا احل واجباتى والله ولا افتح كتاب

وياسبحان الله /98%
وكانوع من الانتقام دخلت حقوق هقولكو السبب تقلقوش بحب الرغى
اها والله متستغربوش دخلت حقوق بمزاجى
انا مبحبش اعمل زى حد بحب اكون منفرد ه مش عشان بنت خالتى ولا بن عمى ياقلب امه مقطع نفسه وهيخش طب ولا هندسه يبقى انا كمان كدا انا وصلت معاهم لدرجه الكره بسبب الاسلوب بقيت على طول فى اوضتى
بشوف اهلى بالصدفه الا هو لو هنتجمع ع الاكل مثلا وارجع تانى اكتب
ليه الاهل مبيقنعوش ان لكل انسان رغبته ؟!!

[fanaa]

نكمل
حقوق كانت بالنسبه ليا اكتر كليه بكرها ودخلتها برغم انى كنت ممكن اخش اسنان او صيدليه او علوم الكليات الا بتعبر قمه وانا مش شايفه اى قمه فيها
عيلتى ماشاء الله ع الخصوص عائله امى كلها متفوقين للاسف مش فاهمه ايه علاقه التفوق بالكليات .. يعنى ما الا متعلمتش خالص انسانه متفوقه جدا ممكن تكون متفوقه فى بيتها فى تربيه عيالها فى معاملتها زوجها لكن عمر التفوق ما ينحصر فى تعليم ..
لازلت فكره الكلام دا
انتى عاوزه تضحكى عليا الناس تبقى جايبه مجموع عالى وتخشى حقوق !
عاوزه تبقى ااقل من اصحابك وأقاريبك .دى اسراء بنت خالك هتخش كذا و مش عارفه مين هيخش كذا وانتى عاوزه حقوق . الكلام دا نفسه كبر الموضوع فى دماغى انى اصر على حقوق الا هو انتو مهتمين بمنظركو على حسابى طب والله لدخلاها بقى ( طبعا كل علمى عن حقوق انها كليه الفشله واى حد يدرس فيها وانها سهله قولت استغل فيها السهوله واهو هوفر وقت انى ابتدى روايه جديده وكانت الصدمه
حقوق غير ما توقعت . حقوق دى يعنى دراسه الدوله خارجيا وداخليا سياسياً وقانونياً وأقتصادياً عارفين يعنى ايه اخش كليه القى فيها واحد محول من رابعه طب عشان حلمه فى النيابه ؟! او انى القى بنت فى صيدله حولت حقوق عشان نفسها تلبس الروب الاسود وتدافع عن الحق ! . دى كانت نماذج قدامى خلتنى اتعجب ازاى يسيبو كليات قمه زى دى ويجيو هنا ؟! ابسط حوار دار مابين زميلى احمد مرسى الا حول طب قالى انتى مستقله بكليه بورقه متسواش ربع جنيه تقعدلك اجدعها دكتور فى بيته وتسحب ترخيص المهنه تمنع من مزاولتها بتاتاً مستقليه بكليه هى الدوله فى حد ذاتها الكلام دا كان بمثابه طاقه ايجابيه ليا مش بلاقيها وسط البيت المناهج كانت صعبه بغباء عاوزه فهم وفهم عالى اوى وعاوزه شيء من المكر
انا درست مع وزراء ومحافظين ومستشارين
الاقتصاد الكلى كان مع جمال الدين موسى كان وزير التربيه والتعليم وبعد كا بقى وزير التعليم العالى وبعد كدا بقى رئيس جامعه المنصوره واخير بيدرسلنا
والاقتصاد الجزئى
كان مع دكتور رضا عبد السلام محافظ الشرقيه
كليه فخر بجد والفشله الا هما اترمو فيها دول مبلطين مايعرفوش اصلا حاجه فيها وبيعدو بالبرشام. يكفى ان اى حد يشوفنى يقولى يا استاذه وفيدينى لو سمحتى حتى بنت خالتى الدكتوره
ليا هيبه بس كدا لما بعدى لمجرد انى محاميه
والاجمل من دا حدش يضحك عليا لانى فاهمه اوى القانون
يعنى ااقدر اخد حقى ابسط حاجه دلوقت لو لقيت اهلى بيقولو وفرى المصاريف وبيدايقونى بالكلام بهددهم انى من حقى مثلا المعاش واقدر اعمله تجميد لو اتشقلبتم قدامى مش هتقدرو تسحبوه الا بيا واجيب محضر عام كمان ذائد انى ممكن اعمل حاجات انيل من كدا بس طبعا مش هعرف مهما كان اهلى الكليه دى اثرت فيا 360 درجه واتحول الكره لعشق وبالاخص مع الجنايات والاجرام والحاجات الا كلها قتل وممنوعات وغسيل اموال وبرضو فى وسط دا كلو بكتب: وبستغل كل حاجه حتى الابدرسه فى انى اطلع افكار جديده للكتابه وبحاول اظهرها خاصه فى ورقه الامتحان

كفايا عليكو كدا

[fanaa]

fanaa
الاسم دا يعنى الفناء
وبالترجمه الهنديه يعنى تدمير
ودا اسم فيلم هندى لمبدع وعبقرى بوليود عامر خان
الاسم دا انا اخترته لان القصه بتاعت الفيلم دا عجبتنى جدا جدا جدا
السيناريو نفسه فيه شيء من عذوبه الكلمات كمان الاحداث وتنظيمها وسردها تحس ان فيها شيء من العظمه كدا كمان الفيلم سايد عليه جو الشتاء والصقيع والتلج وانا بحب الجو دا جدا
والفيلم دا بحسه قريب من شخصيتى جدا جدا
عشان كدا اى حاجه عندى بكتب عليها اسمى لازم جمبها اسم :fanaa
عجبنى اوى الغرض منو هو مكنش مجرد قصه رومانسيه مابين شخص ارهابى وبنت عمياء .. بالعكس دا ناقش قضيه كبيره جدا من تحت لتحت مش هيلاحظها غير المتفرج بدقه شويه زى مثلا لما قالت كاجول البطله لابنها لما عامر خان مات
(الاختيار مابين الشر والخير ليس بالامر الصعب لكن الاختيار بين الشر والشر هو الاصعب !!
كانت بتحاول تفهم ابنها ان ابوه لما كان ارهابى كان مفكر ان هو مجرد جندى بيخدم وطنه بس للاسف هو اختار غلط
يمكن الا دايقنى فى لفيلم دا ان كان فيه جزء وتم حذفه معدش بيعرض لما قتلو الظابط راجوبرر وقامو رفعو السلاح وكبيرو وقالو فل يحيا الاسلام دين الحروب والانتصارات .. الجمله دى اتحذفت نهائى من الترجمات الحاليه وابتدلت بجمله عاشت كاشمير مستقله
فيلم مالوش حل بغض النظر عن انهم قصو منه كتير بس انا شوفتو كامل اول ماتعرض بالسينما

هو احنا السينما بتاعتنا مش ناويه تنضف وتعمل حاجات حلوه كدا

[طبيب الهوى]

آية ما صدقت وفتحت ع الرابع علىَ طول

الله يرحم والدك يا بتي ويسكنه فسيح جناته آمين

ويجعلك أبنة بارة به وبوالدتك وأخواتك

تحياتي وودي وورودي

أبو عصام

[fanaa]

اقتباس المشاركة الأصلية كتبت بواسطة طبيب الهوى آية ما صدقت وفتحت ع الرابع علىَ طول الله يرحم والدك يا بتي ويسكنه فسيح جناته آمين ويجعلك أبنة بارة به وبوالدتك وأخواتك تحياتي وودي وورودي أبو عصام

من الزهق يا أستاذنا
الله يخليك يارب وتفرح بأولادك

[fanaa]

نتكلم بقى عن المنتدى شويه
بصراحه عرفت ناس هنا حلوين جدا ومحترمين
يمكن تلت تربعهم معادوش بيدخلو بس اكيد فكراهم
طبعا المنتدى عليه ناس مبدعه جدا لو هتكلم مش هخلص
يمكن اكتر شخصيه اتكلمت معاها الفتره دى كانت لمار
شخصيه كيوت فى نفسها كدا (سامحنى ع الكدب يارب)
عثوله وحبوبه وروحها حلوه
تانى شخصيه وهى شخصيه محترمه جدا جدا وليها قلم الواحد بيعجز يرد قصاده
وهو أستاذنا الغالى ابو عصام (طبيب الهوى)
تالت شخصيه كانت (الفيلسوف) شخصيه طيبه ومجتهده
الشخصيه الرابعه والا بحب اقرئلها جدا ويمكن متكلمناش وهى دمعه حائره
ومن الشخصيات الجميله الا يعتبر برضو كلامنا قليل جدا او بتجمعنا المواضيع وهى ايمان طلعت
الشخصيه الخامسه وهى فجر الاسلام وبقولها متوفقيش كتابه ♥
الشخصيه السادسه هى دعاء همام (doaa hammam) بحب تصاميمها جدا
الشخصيه السابعه. وهى قلب وكلمات . يمكن معرفهوش بس اكيد شخصيه محترمه وقلم متمكن جدا
طبعا فيه كتير هنا واكيد بحبهم وبحب اتابعهم

[fanaa]

طيب انا لسه جديده فى المدونات
يعنى مش لحقت للكل
بس هاخد لفه وارجع