الحلقه ١٥ من حلقات استضافه مع بقايا عشق

[واد حبيب]

السلام عليكم ورحمه الله وبركاته
اهلا بكل اعضاء المنتدي المبدعين
النهارده معانا حلقه جديده من حلقات استضافه مع عضوه مبدعه من مبدعين المنتدي
غابت عن المنتدي كتير لكن رجعت تاني بابداعها وكلامها الجميل
ضيفه حلقتنا النهارده
المبدعه
بقايا عشق
منتديات بنات مصر - مشاهدة الملف الشخصي: بقايا عشق

عرفينا بنفسك في بعض السطور
اسمي أمينــة
عندي 24
بعشق حاجه اسمها بطيــخ 😅😅
خريجة دراسات إنسانية
قسم علم نفس جامعة الأزهر .
..

امته سجلتي في المنتدي
سجلت اول مرة من 8 سنين تقريبا
ورجعت سجلت تاني السنه دي .
..

مين عرفك علي المنتدي
لا مافيش حد
انا عرفته بالصدفه زمان .
..

سمعت انك قديمه في المنتدي صح ولا لا
اه فعلا انا كنت موجوده هنا
من 8 سنين زي ما قولت .
..

وليه غبتي الفتره دي كلها
انا وقتها كنت داخله اولي ثانوي ازهري
وفعلا كان ضغط المواد كبير عندي
وده اكتر حاجه خلتني مش عارفه اتابع المنتدي
ولا اشارك فيه بسهوله
وبعد كده جت الجامعه وشوية ظروف كده
منعوني اني اقدر اكمل فالمنتدي .
..

ايه الفرق بين المنتدي دلوقتي والمنتدي زمان
بص انا في النقطة دي مش هقدر ادي حكمي
لاني زي ما قولت انا مش كنت متابعه خالص زمان .
..

من وجهه نظرك ايه يحتاجو المنتدي في الوقت الحالي
أمممم هو بس محتاج
شويه متابعه وتفاعل حلوين كده من الكل .
..

احلي فتره في المنتدي كانت تحت اداره مين
لا مش عارفة الصراحة .
..

ست بيت شاطره وطباخه ماهره ولا ملهاش في الموضوع ده
هههههه لا بالعكس
كتير اوي قالولي اني واخده نفس مامتي في الأكل
حتي حماتي شهدت ليا 😊
..
ايه اكتر الاكلات اللي بتحبي تعمليها
انا عن نفسي
بموت في المكرونة بالبشاميل 😊
وباقي العيله عندي وعند جوزي
بيحبوا اكتر حاجه مني البيتزا 😊
..

حبيتي قبل كده ولا لا
اه حبيت مرة واحده
كان اول حب يدخل حياتي
اول حب افتح عيني عليه
حبنا فضل 7 سنين
وكملناه مع بعض بالجواز الحمدلله
وأخدنا التأبيده سوا 😅😅
..

حب سبع ٧سنين ليه الفتره دي كله
بص الموضوع ده طويل اوي
بس بأختصار
ان قبل الخطوبه اخدنا وقت كتير
عشان نعرف نقنع بابا بالموضوع
وانه يوافق علي الارتباط
اخدنا سنتين كاملين
وجوزي كان بيحاول يقنع بابا
ويرضيه باي شكل .. بس للأسف
بابا كان رافض الموضوع رفض نهائي
وكان بيحاول يقنعني انا من الناحيه التانيه اني انسي الموضوع
واشيله من دماغي
بس الحمدلله اخر التعب ده كله
وافق اخيرا بعد ما كلمنا امة لا اله الا الله كلها عشان يقنعوه
ههههههههههه
وحصلت الخطوبه وقعدت سنتين
حسب شروط بابا
وبعدها اتجوزنا 😍
..

اهلك كان عارفين بحب ده من الاول ولا لا
لا اول 3 سنين في حبنا
اهلي مش كانوا يعرفوا عنه
وانا وجوزي كمان ماكناش بنتواصل
كتير مع بعض غير قليل اوي اوي
بحكم المرحله اللي انا كنت فيها وقتها
ثانوي ازهري .
بعد ما خلصت امتحانات ثانوي عرفت ابن عمتي
الكبير علي كل حاجه لانه كان اقرب واحد ليا فالعيله .. وطلب انه يقابل جوزي الاول ويتعرف عليه .. واتقابلوا مع بعض وجوزي طلب انه يجي يتقدم رسمي عشان نعمل خطوبه
وابن عمتي هو اللي فتح الموضوع مع بابا وقتها عشان جوزي يجي يتقدم رسمي .. ومن ساعتها والكل عرف .
..

تفضلي الجواز عن حب ولا جواز تقليدي
بص انا الجواز التقليدي ده مش حباه
لاني شوفت جوازات كتير لمعارف ليا
وللأسف فشلت فشل فظيع
وانا عن نفسي جرب الخطوبه التقليديه مرة
وفعلا كان فيها حاجات ملخبطه كده
مش عارفه ليه
غير الخطوبه عن حب خالص
فرق رهيب بين دي ودي .
بس في الأخر برضو صوابعنا مش زي بعضها 😊
..
بقالك كام سنه مجوزه
قدامي شهرين بالظبط
واكمل 3 سنين جواز 😊
..

ايه المشاكل اللي بتقبلك دائما في حياتك بعد الجواز
امممم بص بصوره عامه
ممكن نقول من عوامل خارجيه
بسبب ناس معينه
أمممم
واوقات برضو من شعننتي انا شخصيا
ههههههههه
ببقي ليا كده اوقات ببقي شعنونه فيها😅
..

مين اقرب الاعضاءليكي هنا
لا لسه مافيش .
..

انتي بتكتبي شعر كويس ده دراسه ولا هوايه
ههههههههه
مش للدرجه دي انا لسه علي قدي كده ..
هو اكيد مش دراسه بس ممكن نقول هوايه .
..

مين اللي شجعك علي الكتابه
جوزي من اول ما اتعرفنا
وهو اول واحد شجعني اني اكتب
لما قرأ كام حاجه ليا زمان .
..
علي كده جوزك بيتابع كتاباتك علي المنتدي
اه اكيد 😊
..

ايه رايك في مصر اليومين دولت
السيسي قادر علي حكم مصر ولا كبيره عليه
بص انا ماليش في السياسه خالص
مش بحبها
بس من الوضع العام
شايفه ان مصر في النازل وربنا يستر .
..

لو خياروكي انك تعيشي بره مصر تختاري ايه وليه
هو انا حاليا بره مصر
وكتير اوي بحن ليها وبشتاق ارجع تاني
ف برغم المميزات الكتير اللي موجوده بره
عن مصر
بس برضو هختار اعيش في مصر
مصر مهما كان ليها جو تاني كده
وتشد الواحد بطريقه لا إراديه 😍
..
انتي في اي دوله وايه اللي بيميزها عن مصر
انا حاليا في السعوديه
وقضيت فترة في الفلبين قبل كده
وفي البلدين اكتر واهم حاجتين بيعجبوني
النظافه والنظااااااام
غير بقي الحاجات الصغيرة التانيه
الامكانيات في حاجات معينه
والجوده وغيرها .
..

ندخل علي المدونه
امته عملتي المدونه
اول ما سجلت السنه دي .
..

وايه السبب في عمل المدونه
عشان المدونه مختلفه عن باقي الأقسام
فيها مساحه اكبر للواحد
يقدر يعبر من خلالها باي حاجه في باله
بكل سلاسه 😊
..

معني عنوان المدونه
انا شايفه ان العنوان مش محتاج شرح
هو عنوانها مبين معناها 😊
..

ليه اخترتي الاسم ده بذات
العنوان ده ليه ذكري غاليه عندي اوي
عشان كده اختارته للمدونه .
..

شايفه ان ده المكان اللي تقدري تتكلمي فيه برحتك
اه اكيد طبعا 😊
..

شايفه ان ده المكان اللي تقولي فيه اسرارك
هو ممكن افضفض اه
اكتب حاجه حاساها او حاجه جوايا
بس اسرار لأ معتقدش .
..

ايه اكتر مشكله حصل ليكي في المدونه
لا مافيش الحمدلله 😊

مين الاعضاء اللي بتبعيهم باستمرار
كتير بحب اتابع اقلامهم
مش عايزه اقول اسامي عشان مش انسي حد
..

ومين اللي بيتبعك دايما
انت وبوبا وحياة وفجر واسراء
وابو عصام واحساسي صحيح وشاعر الاحساس .
..

ايه اكتر تقيم ضحكك وكان من مين
لا مافيش .
..

ايه المدونه اللي عجبك اسمها
احبك ربي
لفجر .
..

وايه السر لحبك للمدونه
انا بحب اسلوبها فالكتابه عموما .
..

ايه الفرق بين الصفحات زمان ودلوقتي
برضو مش هعرف احكم في دي .
..

عوز منك تقيم لمشرفي القسم
بصراحة يستاهلوا ممتاز 😊
..

وايه النصيحه ليهم
لا مافيش نصايح
هما مقدمين مجهود عالي بصراحه
وشايفين شغلهم كويس 😊
..

احكي علي موقف حصل ليها هنا في الصفحات
لا مافيش برضو
..

قولي كلمه لمشرفي القسم واعضاء الصفحات
للمشرفين
بجد تسلموا علي المجهود العالي اللي مقدمينه
ولاعضاء الصفحات
فعلا اقلامكم مميزه وتستحق المتابعة والتقدير
وربي يديم السعادة في قلبكم جميعا 😊
..

اتشرفت بوجودك معايا
نورتي يا مبدعه
انا اللي اتشرفت بوجودي معاك بجد ابو اياد
وتسلم علي الحلقه والاسئلة الجميله
ويارب اكون ضيفه خفيفه عليكم 😊
ربي يسعدلي أيامك
وايام الجميع


سعيد جدااا بوجودك
تقبلي تحياتي

[دمعه حائره]

سبقتنى يامحمد كنت ناوية لما افتح اللاب استضيفها فى اجدد عضو
بجد شخصيه جميله ومبدعه اتشرفنا بوجودك معانا
وعلى فكرة بتابع مدونتك انا كمان هههه
نورتى ياامينه وشكرا محمد على الحلقه

[طبيب الهوى]

نورتِ المُنتدىَ يا أمينة

وطبعاً زوجك سي السيد أحمد عبد الجواد

إجاباتك يا بتي تلقائية وصادقة جدا

الله يوفقكم في غربتكم وتعودوا لمصر مرة ثانية

بالسلامة إن شاء الله

الله يسعدكم ويستركم ويحفظكم من كل سوء وشر آمين

جميلة الاستضافة يا محمد تسلم لمجهودك واختياراتك القيمة

تحياتي وودي وورودي

أبو عصام

[عازف الاحساس]

اقتباس المشاركة الأصلية كتبت بواسطة طبيب الهوى نورتِ المُنتدىَ يا أمينة وطبعاً زوجك سي السيد احمد عبد الجواد إجاباتك يا بتي تلقائية وصادقة جدا الله يوفقكم في غربتكم وتعودوا لمصر مرة ثانية بالسلامة إن شاء الله الله يسعدكم ويستركم ويحفظكم من كل سوء وشر آمين جميلة الاستضافة يا محمد تسلم لمجهودك واختياراتك القيمة تحياتي وودي وورودي أبو عصام

جوزها سي السيد هشام نبيل يابو عصام ياغالي
مين احمد عبد الجواد دا
حبيبي يابو عصام ياغالي
منور المكان كله وربنا بس حبيت اوضحلك
ان دي مراتي انا مش حد تاني
لحسن دي عشان اتجوزها كان هيطير فيها رقاب

[gold rose]

الله أوووي بجد
ربنا يسعدكو ويهنيكو ويديمكو سند وضهر لبعض
أكيد إنتي من الأول اخترتي راجل عشان كدا قدر يكمل معاكي وميخذلكيش

حلقة جميلة جداً يا أبو إياد
حقيقي استمتعت وأنا بقرأ الأسئلة والإجابات

[بقايا عشق]

اقتباس المشاركة الأصلية كتبت بواسطة دمعه حائره سبقتنى يامحمد كنت ناوية لما افتح اللاب استضيفها فى اجدد عضو بجد شخصيه جميله ومبدعه اتشرفنا بوجودك معانا وعلى فكرة بتابع مدونتك انا كمان هههه نورتى ياامينه وشكرا محمد على الحلقه

ده نورك انتي ياقلبي

وسامحيني بقي لو نسيت اكتب اسمك

انتي فعلا بتتابعيني الفتره دي

معلش بقي الزهايمر جالي بدري

هههههههههههه

وتسلميلي علي كلامك الحلو

ووجودك الاحلي حببتي

[طبيب الهوى]

جوزها سي السيد هشام نبيل يابو عصام ياغالي
مين احمد عبد الجواد دا
حبيبي يابو عصام ياغالي
منور المكان كله وربنا بس حبيت اوضحلك
ان دي مراتي انا مش حد تاني
لحسن دي عشان اتجوزها كان هيطير فيها رقاب

هههههههههههههههه

زوجتك اسمها أمينة يا هشام

وسي السيد أحمد عبد الجواد زوج أمينة

في رواية بين القصرين لنجيب محفوظ

وهي احدى روايات الثلاثية للأديب العالمي الراحل نجيب محفوظ

يعني مجرد مزحة يا هشام

أنا لا أعررف اسم زوجها حين كنت أرد على كلامها في الاستضافة

أما الأن زادت سعادتي لأنها زوجتك أنت يا هشام

الله يسعدكم ويستركم ويحفظكم من كل سوء وشر

ويرزقكم الذُرية الصالحة آمين

أبو عصام

[عازف الاحساس]

اقتباس المشاركة الأصلية كتبت بواسطة طبيب الهوى جوزها سي السيد هشام نبيل يابو عصام ياغالي مين احمد عبد الجواد دا حبيبي يابو عصام ياغالي منور المكان كله وربنا بس حبيت اوضحلك ان دي مراتي انا مش حد تاني لحسن دي عشان اتجوزها كان هيطير فيها رقاب هههههههههههههههه زوجتك اسمها أمينة يا هشام وسي السيد أحمد عبد الجواد زوج أمينة في رواية بين القصرين لنجيب محفوظ وهي احدى روايات الثلاثية للأديب العالمي الراحل نجيب محفوظ يعني مجرد مزحة يا هشام أنا لا أعررف اسم زوجها حين كنت أرد على كلامها في الاستضافة أما الأن زادت سعادتي لأنها زوجتك أنت يا هشام الله يسعدكم ويستركم ويحفظكم من كل سوء وشر ويرزقكم الذُرية الصالحة آمين أبو عصام

حبيبي يابو عصام ياغالي

ياغالي انت الي يجي من حضرتك على قلبي انا وامينة زي العسل
وانا لما رديت قولت ممكن يكون حضرتك تقصد حد تاني
ومجاش في بالي الرواية خالص اساسا
وياغالي انت تهزر وتمزح وتتكلم بجد في جميع الاحوال دا شيء يسعدنا
لان حضرتك تعلم يا غالي انك اب لينا كلنا مع ان حضرتك لسه شباب يعني
ربنا يدي حضرتك الصحه والعافية يارب


بس ايه رئيك عرفت اختار ولى معرفتش هههههههههه

[بقايا عشق]

اقتباس المشاركة الأصلية كتبت بواسطة طبيب الهوى نورتِ المُنتدىَ يا أمينة وطبعاً زوجك سي السيد أحمد عبد الجواد إجاباتك يا بتي تلقائية وصادقة جدا الله يوفقكم في غربتكم وتعودوا لمصر مرة ثانية بالسلامة إن شاء الله الله يسعدكم ويستركم ويحفظكم من كل سوء وشر آمين جميلة الاستضافة يا محمد تسلم لمجهودك واختياراتك القيمة تحياتي وودي وورودي أبو عصام

ههههههه

استاذي ووالدي الغالي ابو عصام


يسلملي وجودك الجميل ده

سعيدة جدا بحضور حضرتك في الحلقه

وربي يسعدلي ايام حضرتك

أنت والاولاد

محبتي

[طبيب الهوى]

حبيبي يابو عصام ياغالي

ياغالي انت الي يجي من حضرتك على قلبي انا وامينة زي العسل
وانا لما رديت قولت ممكن يكون حضرتك تقصد حد تاني
ومجاش في بالي الرواية خالص اساسا
وياغالي انت تهزر وتمزح وتتكلم بجد في جميع الاحوال دا شيء يسعدنا
لان حضرتك تعلم يا غالي انك اب لينا كلنا مع ان حضرتك لسه شباب يعني
ربنا يدي حضرتك الصحه والعافية يارب


بس ايه رئيك عرفت اختار ولى معرفتش هههههههههه

أنت عارف يا هشام من سنين وأنا بعاملك مثل ما بعامل أبني عصام

وبتعامل معك علىَ هذا الأساس

وهذا يشرفني ويسعدني كما ذكرت لك من قبل

أما عن اختيارك لزوجتك أمينة

هذا رزق من الله أتمنىَ أن تحافظ عليه

وتحمد الله كثيراً وتشكره عليه في صلاواتك

فالزوجة الصالحة رزق ونعمة يا بُني

يكفي أنها وقفت أمام والدها لخاطرك وأنت كذلك تحديت الجميع لخاطرها

هذا هو الحُب الباقي حتىَ بعد الموت يا هشام

الله يسعدكم بُني ويرزقكم الذُرية الصالحة

ويبعد عنكم عيون الحُساد ويحفظكم من كل سوء وشر آمين

ورودي لأرواحكم النقية

أبو عصام