الحلقه ١٧ من حلقات استضافه fanaa

[واد حبيب]

السلامه عليكم ورحمه الله وبركاته
اهلا اصدقائي الاعزاء في منتدي بنات مصر
النهارده حلقه جديده من حلقات استضافه مع عضوه لها ابداع عالي وموضيعها دايما بتكسب في المسابقات الادابيه
معنا انسانه مبداعه جميله في اخلاقها اسطوره بقلمها
المبدعه. ايه
منتديات بنات مصر - مشاهدة الملف الشخصي: fanaa
عرفينا بنفسك في بعض السطور
أنا أسمى آيه والاسم المستعار فناء

امته سجلتي في المنتدي
08-31-2015
مين عرفك علي المنتدي
مافيش حد عرفنى دخلته صدفه

ليه بتغبي عن المنتدي كتير
بتبقى ظروف غصب عنى فمش بقدر اتابع او ادخل اصلا وساعات بيكون النت مرخم حبتين
ايه الفرق بين المنتدي دلوقتي والمنتدي زمان
المنتدى زمان فى الوقت الادخلته كان جميل جدا كان فيه شويه اعضاء متفاعلين بس للاسف مش بيدخلو مش عارفه ليه كان فيه روح حلوه عن دلوقتى بصراحه بس تحس دلوقت انو ممل نسبيا او ناقص تفاعل وأحيانا بحس من ردود بعض الاعضاء من كتر الكوبى والباست ان الموضوع تجميع اكبر عدد مشاركات ومش عارفه ليه السبب

من وجهه نظرك ايه يحتاجو المنتدي في الوقت الحالي
أعتقد عاوز تفاعل كتير مشرفين قبل اعضاء

احلي فتره في المنتدي كانت تحت اداره مين
محضرتش الادارات كلها والله بس نقول دمعه حائره لان الوقت الا كنت بكون فيه كنت بشوفها متفاعله جدا ومتابعه واعتقد كان فيه ادارى اسمه ساحر الاحزان كان برضو متابع والفتره الاغبتها كانت طويله طبعا فمعرفش الباقيين وشغلهم ايه

مين اقرب الاعضاء ليكي هنا
كلهم مقربين والله بس نقول لمار لانى بحب اعاكسها
عشان دمها خفيف وحبوبه كده ♥

شايفك بتكتبي شعر كويس دي دراسه ولا هوايه
كان نفسى ادرس والله عشان اطوره بس هى هوايه عندى من سن سبع سنين بس عمتا انا بميل للكتابه الروائيه والقصصيه اكتر
اول موضوع شعر كتبتيه كان لمين
مكنش لحد كان مجرد تفريغ خاطر مش اكتر

قوليلي ايه امنياتك في الحياه
أمنيتى هى انى أبقى كاتبه روائيه معروفه بس قول يارب

مين مثلك الاعلي وبتتعلمي منه علطول
مثلى هو رسولى ومش بتعلم من حد انا بتعلم من المواقف ومن الا بتعرض ليه ^_^

ايه رايك في الصحاب علي النت
عمتا انا ماليش اصحاب لا نت او غيرو لانى مش بعترف بالصداقه اصلا
الاهو ع رئى الشاعر الكبير مافيش صاحب بيتصاحب -_-

انتي ست بيت شاطره وطباخه ماهره ولا ملهاش في الموضوع ده
لاء انا نص نص لانى طبعا مش طول الوقت فى البيت مابين دراستى وشغل فطبيعى انى أنيل الدنيا واحرق الاكل ^_^

حبيتي قبل كده ولا لا
مبعترفش بالحب .. دا مجرد لعب عيال طول ماهو ضد تقاليد الله

تفضلي الجواز عن حب ولا جواز تقليدي وليه
مافيش حاجه اسمها جواز عن حب دا فكر غبى بيعادى الدين فيه حاجه اسمها الزواج الشرعى بتاع الصالونات الا بيترقيو عليه دا
الحب دا يجي بالعشره والمعامله والايام جواز الحب دا بعيد عنك اتنين مش لقينهم شغله لدرجه انهم ممكن يتعدو حدود الله تحت اسم الحب عشان كدا ربنا مبيباركش

موصفات شريك حياتك
يكون انسان خلوق بيعرف يتعامل مع الاقدامه ويحط ربه قدام كل حاجه بيعملها وكمان يكون صريح ولسانه مؤدب وأنيق فى نفسه ويحط أمى فى عيونه وكمان يكون جدع وراجل زمن فاهم يعنى ايه جواز ومسؤليه

موقف عشتيه ونفسك يتكرر تاني
أول يوم فى الجامعه من المواقف الا نفسى تتكرر تانى

ايه رايك في مصر اليومين دولت
الله يرحمها مصر والله كانت طيبه

السيسي قادر علي حكم مصر ولا كبيره عليه
شكلها كدا كبيره عليه

لو خياروكي انك تعيشي بره مصر تختاري ايه وليه
السويد عشان جوها على طول تلج وشتاء وانا بحب الجو دا ^_^ غير كدا بقى شوارع نضيفه وحاجات تانيه احلى

ندخل علي المدونه
امته عملتي المدونه
مبقلهاش يومين

وايه السبب في عمل المدونه
عادى لقيت الكل عاملها ^_^

معني عنوان المدونه
روحك نغم معناها واضح من اسمها

ليه اخترتي الاسم ده بذات
اسم روايتى الا كتبتها فى اربع سنين

شايفه ان ده المكان اللي تقدري تتكلمي فيه برحتك
الى حد ما ايوه

شايفه ان ده المكان اللي تقولي فيه اسرارك
لاء طبعا

ايه اكتر مشكله حصل ليكي في المدونه
لسه والله محصلش فيها مشكله

مين الاعضاء اللي بتبعيهم باستمرار
بتابع الا بيعجبنى اسلوبه وبدون ذكر اسامى

ومين اللي بيتبعك دايما
مش عارفه بس اكيد اى حد بيتابع متشرفه بيه

ايه اكتر تقيم ضحكك وكان من مين
من لمااار وكانت عاوزه تضربنى

ايه المدونه اللي عجبك اسمها
لا مش مدونه واحده دول كتير والله بس رذاذ المطر للعضوه لميس عجبنى عشان فيه مطر وكدا ♥

وايه السر لحبك للمدونه
حبى ليها عادى والله بس المميز فيها انها مساحه ليك لوحدك

ايه الفرق بين الصفحات زمان ودلوقتي
زى ماقولت لسه جديده فيها فمعرفش بصراحه

عوز منك تقيم لمشرفي القسم
جيد جدا

وايه النصيحه ليهم
نشتغل اكتر من كدا يبقى افضل

احكي علي موقف حصل ليها هنا في الصفحات
لسه والله محصلش حاجه -_-

قولي كلمه لمشرفي القسم واعضاء الصفحات
برضو نقول للمشرفين أشتغلو اكتر من كدا اكيد فى اداء اعلى عشان الاعضاء تستمر والاعضاء الحلوين ااقلهم احنا بنكتب عشان بنحب الكتابه وعشان بنحكى ال جوانا بيها يعنى منوقفش كتابه فى اى قسم علشان تفاعل قليل او عدم مراقبه نكتب عشان فيه زوار برضو

اتشرفت بوجودك معايا
الشرف ليا يابن والدى
نورتي يا مبدعه

[احساسى صحيح]

اسنضافة جميلة ابو اياد
واجابات ايه بتنم عن شحصية راقية
منورة الحلقة ايه
والف شكر ابو اياد على مجهودك

[سيناا]

رائع ابو اياد

اتعرفنا على المتألقة اية اكتر واكتر

وهي من الشخصيات الراقية المحترمة معنا

من جديد كمان عرفنا انها رسامة ماشاء الله

حلوة الاسئلة والاجوبة يعطيكم الف عافية

[.Lamar]

ضيفتك اخى انسانة خلوقة
و موهوبة جدا و روحها حلوة
يمكن عرفتها اكتر فى الفترة الاخيرة
و كلامها عنى حاجة تسعدنى بجد
ربنا يديم الحب فى الله يا قلبي انا
بس كدة لازم ادخلك قسم المطبخ ههههه
اما يجى ابن الحلال يقول ايه
معرفناش نعلمك حاجة ههههه
ربنا يسعدك اية و ينولك كل اللى بتتمنيه و اكتر
عجبتنى اجاباتك و نورتى يا حميلة
كل الشكر اخى للاستضافة المميزة
يدوم النشاط
تحياتى

[Lamees]

ايه عسولة وكاتبة متمكنة
وعندها موهبة جميلة
ربنا يوفقك حبيبتي
وتكوني اكبر كاتبة في مصر والوطن العربي كمان
تسلم ابو اياد

[بحر القمر]

الله يسعدكم ويوفقكم يارب

[*فجر الاسلام*]

ايه منوره المكان
انسانه جميله وموهوبه كمان
الله يسعدها يارب
تسلم محمد على المجهود

[قلب وكلمات]

استضافة جميله جدا بجد يا محمد
ربنا يحقق كل احلامك يا رب
كل التحيةليك

تسلم يا محمد ، خالص تحياتي

[fanaa]

اقتباس المشاركة الأصلية كتبت بواسطة احساسى صحيح اسنضافة جميلة ابو اياد واجابات ايه بتنم عن شحصية راقية منورة الحلقة ايه والف شكر ابو اياد على مجهودك

النور نورك يا طيب تسلم

[fanaa]

اقتباس المشاركة الأصلية كتبت بواسطة سيناا رائع ابو اياد اتعرفنا على المتألقة اية اكتر واكتر وهي من الشخصيات الراقية المحترمة معنا من جديد كمان عرفنا انها رسامة ماشاء الله حلوة الاسئلة والاجوبة يعطيكم الف عافية

تسلم يا سينا ع الكلام الحلو دا ربنا يحفظك