يا ترى هتعمل ايه ؟؟

[.Lamar]

مساء الخير على الجميع

و انهاردة زى كل مرة الفضول بيكون هو سيد الموقف

كنت بتفرج على فيلم 1000 مبروك لاحمد حلمى

و طبعا شوفته اكتر من مرة

و النهاية كانت دايما بتزعلنى

بس انهاردة فكرت فيها بشكل مختلف شوية

و سألت نفسى لو انا مكانه و اتأكدت ان اللى باقى من عمرى كام ساعة

يا ترى هتصرف ازاى ؟؟

و حقيقى لقيت حاجات كتير هكون محتاجة اعملها

حاجات أجلتها و حاجات كنت جبانة انى اعملها و حاجات كسلت و قولت بعدين

كل واحد منا بيعيش حياته بشكل معين

بيكون له اهداف و حدود راسمها لنفسه

بس يمكن لو حسينا اننا وصلنا لاخر الطريق

هنفكر بشكل مختلف هنبقى محتاجين نعيش

و نجرب اللى كنا فاكرين ان لسة فيه وقت له

فانهاردة سؤالى ليكم

يا ترى لو اتحطيت فى الموقف دة هتحس بايه ؟

و ايه فى حياتك محتاج تغيره

و ايه ممكن تندم ان مبقاش فيه وقت له

يلا فى حفظ الله

[سهـــر]

محتاجه اشوف ساره صحبتي عرفتها هنا في المنتدى
كانت مريضه كانسر فجاه اختفت من كل حته
حاولت اوصلها بكل الطرق معرفتش دلوقتي بقالها ٣ سنين مختفيه
ربنا يسلمها ويحفظها من كل شر
محتاجه معرفش ناس عرفتهم ووثقت فيهم دمروني نفسيا
محتاجه ارجع السعوديه وصت اهلي وناسي اللي بجد
محتاجه اقوي علاقتي بماما وتبقى الام اللي حلمت بيها
تحتويني تسمعني وتبقا صحبتي
محتاجه انقذه وانقذ مفسي من اللي احنا فيه
حاجات كنير ملهاش حصر
لو الزمن رجع مكمتش هعملها
بس الاكيد اننا عايشين نتعلم من اخطاءنا

[^^khL oUD]

بصي مقدرش اقولك اي ال ممكن ابقي عايزه اعمله وقتها لان هييبقي ف كذا حاجه ف صعب اني افكر فيه م دلوقتي بس عامه هعمل كل حاجه ارضي بيها ربنا

[Abdallah]

مساء الفل
لا أظن ان بوسعى عمل شيئ أكثر مما أفعله
لان حياتنا كلها فلوس فى فلوس و مش معاى
فخلاص أحلم ليه ، طبعا نفسى اسعد اللى حوليه .

[*فجر الاسلام*]

يا ترى لو اتحطيت فى الموقف دة هتحس بايه ؟
انا عن نفسى هفرح لانى هرتاح من الدنيا دى
وبعدين احنا رايحين عند اللى بيرحم انا اصلا مستنياها منن زمان

و ايه فى حياتك محتاج تغيره
محتاجه اغير كل الناس وكل الظروف اللى اتحطيت فيها غصب عنى
مختاجه اغير من نفسى عشان ما اضيعش وقت بعيد عن ربنا

و ايه ممكن تندم ان مبقاش فيه وقت له
الايام اللى ضيعتها وانا مش مع ربنا او الايام اللى ضيعت فيها الصلاه او العبادات
غير كده مش هندم على حاجه فى الدنيا دى ابدا ان مالهاش وقت

[Doaa Hammam]

متهيألي لو اتحطيت في الموقف ده مش هافكر غير في ابني وهايعمل ايه في حياته وهايعيش ازاي

وبالتأكيد هافكر في كل لحظة ضيعتها بعيد عن ربنا وهاندم على تقصيري في عباداتي

وهاتمنى يرجع الزمن عشان اكثر من اعمالي الصالحة اللي هاتنفعني بالآخرة

لحظة صعبة اوي ممكن الانسان يمر بيها

أسأل الله حسن الخاتمة

[Fatma eissa]

دايما يشغل تفكيري الموضوع ده
اني اغير حياتي كلها لأفضل
من لامبلاه الي الجد
تسلمي علي طرحك القيم ومميز
تسلم ايدك

[SaMa.]

حسيت الاحساس دة بجد وحقيقى
ومعملتش حاجة صفيت اى مشاكل بينى وبين اى حد
واستسلمت للفكرة وممسكتش ف الدنيا

[اندرسون]

هتحس بايه
ان شاء الله هكون راضي لاني مؤمن انه طريقي عارف اخرته والمهم عندي اني اكون ثابت عليه
ايه فى حياتك محتاج تغيره
ان حياتي كل يوم تتغير

[عهود~]

أمممم

سؤال وجع قلبي اوي

ما بعرف كيف يكون موقف

لكن في قلبي امنية اتمناها تتحقق وهي التقي بأخواتي واخواني بعد فراق 3 سنوات دراسة .. والرجوع لبلادي

شكرا عزيزتي