ايام زمان

[*فجر الاسلام*]

السلام عليكم ورحمة الله وبركاته

دايما بسمع الناس بتقول ايام زمان كانت ايام حلوه
وانا بستغرب جدا واقعد افكر يعنى الايام السوده دى اللى احنا عايشينها
بكره ان شاء الله هنقول عليها كانت ايام حلوه
اللى يخوف دلوقتى ان هو بكره ده هيبقى اسوا من كده يعنى ؟
سؤالى بقى
هو فعلا زمان كان حلو
ولا الناس بتحن للماضى فبتفتكره انه جميل ؟
ولا احنا من كتر الاحداث اليوميه مش عاوزين نفكر فيها
فبنحن لزمان وايام زمان ونصبر نفسنا ونقول دى كانت ايام حلوه

[ahmed 22]

حتي الناس في الخمسينات
كانت بتقول ولا يوم من ايام زمان

اعتقد ان الناس بتحن لأخلاقها ونقائها وشكل تعاملاتها مع الناس
اللي بتتخلي عنها يوم بعد يوم بالتدريج سواء بتراكمات قرون فاتت
او بسوء اخلاق بنكتسبها كل يوم بحكم شراسة الحياة
اللي بتزيد سنة بعد سنة او الفرص اللي بتقل وبتخلي الناس اكتر
ميل للانانية وقلة الاخلاص في ايامها فتحس زي ما احنا بنقول
ان ما بقاش فيه بركة ..

وبرضه واحنا صغيرين بنكون خاليين من الهموم والمسؤلية
ولما نكبر المفروض ان احنا نزيل كل رواسب للهموم عن العيلة اللي بنكونها
وبنحمل نفسنا ما لا طاقة لنا به بحكم كلمة مسؤلية ..
لان كلمة مسؤلية بقت بالوراثة مش بالمشاركة ..

احنا وصلنا في يوم لمرحلة التوب في الاخلاق ومن ساعتها
واحنا بنتخلي كل يوم عن جزء منها وده اللي بيخلينا كل يوم بنحن
لشئ بيقل من رصيدنا من غير ما نحس ..

[ندوشه 2011]

ربنا يجعل أيامكم سعاده

[دمعه حائره]

بنفتكر زمان لما الحاضر يقسى علينا
وزمان فعلا كان فيه علاقات وقيم احسن
تسلمى فجر

[Doaa Hammam]

سؤال سألته كتير لنفسي ليه دايما نحن للماضي

يمكن عشان نسينا المشاكل ايام زمان ولا نتذكرها

انما مشاكل الحاضر عايشة معانا ومش قادرين نتجاهلها