انت مش واثق فيا طلقتى

[big bốss]

صباح الخير اعضاء بنات مصر الكرام

استكمالا معكم لحلقات مناقشة المشاكل الزوجيه

النهارده هناقش مشكلة مهم و بتحصل كتير بين الزوجين و بسببها بيحصل مشاكل و هى

مشكلة التفتيش و اقتحام خصوصية الزوج او الزوجه من الطرف الاخر

يعنى ممكن الزوجه تفتح فيس زوجها تشوفه بيكلم مين من غير ما يعرف

ممكن الزوج يفتش في شنطة زوجته او اورقها او موبيلها و هكذا ....

دى افعال بتندرج تحت بند عدم الثقه و بتسبب مشاكل

و مفيش داعى منها لانك مرتبط بانسان المفروض انك واثق فيه

و فيه ناس شايفه انها فعال عاديه جدا و مفيش خصوصيه بين الزوجين

انت او انتى ايه رايك هل فيه خصوصيه بين الزوجين ؟ و ايه حدودها ؟

دمتم بود 😀

[.Lamar]

مش عارفة و الله
فعلا فيه ناس بتاخدها قلة ثقة
وناس بتصنفها غيرة و شدة اهتمام
و يمكن حسب العلاقة بينهم و طبع كل واحد فيهم
عن نفسي لو دة مش هيضايقه
اه احب اشوف بس مش من وراه
يعنى لو فاتح فيس طب اشوف
انما مش اتجسس و اعمل افلام عشان افتحه
و نفس الشىء هو لو عايز
عشان مش هيكون عندى حاجة اخبيها

يعنى زى ما بقول تيجى حبة اهتمام
انما مش شك و تحقيق و قلة ثقة

موضوع حلو اخى
وناس كتير بتعانى منه
تسلم ايدك

[big bốss]

اقتباس المشاركة الأصلية كتبت بواسطة .lamar مش عارفة و الله فعلا فيه ناس بتاخدها قلة ثقة وناس بتصنفها غيرة و شدة اهتمام و يمكن حسب العلاقة بينهم و طبع كل واحد فيهم عن نفسي لو دة مش هيضايقه اه احب اشوف بس مش من وراه يعنى لو فاتح فيس طب اشوف انما مش اتجسس و اعمل افلام عشان افتحه و نفس الشىء هو لو عايز عشان مش هيكون عندى حاجة اخبيها يعنى زى ما بقول تيجى حبة اهتمام انما مش شك و تحقيق و قلة ثقة موضوع حلو اخى وناس كتير بتعانى منه تسلم ايدك

اكيد عدم التضيق على خصوصية الطرف الاخر و ترك مساحه من الحريه له

شىء مستحب و افضل و زى ما قتى كل شىء بعلم الطرف الاخر افضل

نورتى لمار

[فداااااااااااء]

شوف لو ان الزوج او الزوجة لم يصلوا الى درجة عالية من الثقة فى بعضهم البعض تكون العلاقة بها خلل
معنى التفتيش وعدم الشعور بالثقة امر غير مقبول وعلى الاثنين ان يحاولوا زرع بذور الثقة فى
حياتهم حتى يكون الاستقرار النفسي والعائلى

اما عن وجود الخصوصية لا يوجد بين الزوجين لانهم المفروض كيان واحد

[Fatma eissa]

من اول لارتباط
بين الزوجين
يلتقي الخصوصية
لأن كل واحد منهم
عوزين يعرفو كل حاجه
لأن ده يعتبر حق
ومش حاجه تستخبي

هو صحيح فيه حجات تدايق

بس نعمل ايه
تسلم علي نقاش الهادف

[*فجر الاسلام*]

هى الستات عندها شوية فضول مابتحبش الرجاله تخبى عنها حاجه
فلو خبى يبقى عامل مصيبه ولازم ندور وراه هههه
فى رجاله بتغير لدرجه عدم الثقه
وفى الاخر الخناقات بتحصل ^_^ على اتفه الاسباب
ليه نخبى اصلا اللى عنده حاجه يقولها للتانى بدل الشك

[واد حبيب]

الثقه اهم شي في الجواز
لو مفيش ثقه الحياه بنهم مستحيله

[دمعه حائره]

الثقه مهمه هى اللى بتلغى كلمة خصوصيه والكلام ده
لان اللى بيثق مابيحاولش يدور ورا التانى ولا يراقب تصرفاته
ولو حصل ان اهتزت الثقه دى لازم يحاولوا يرجعوها بينهم
يعنى يكون كل واحد واضح مايخبيش ولا يعمل تصرفات غامضه
تسلم نور

[Doaa Hammam]

متهيألي ان التفتيش ورا الزوج مش كويس ابدا لان ممكن تعرف حاجات تضايقها او تسبب مشاكل بينهم ..

الافضل انها تكون مش عارفه بدل ما تعرف وتكون النتيجة خراب البيت

اما بقه لو الزوج فتش ورا زوجته دي حاجة غير مستحبة برضو

لانها تدل على الشك فيها وعدم الثقة

الافضل ان الزوجين يكونوا أصدقاء ومفيش بينهم أسرار

[عهود~]

أمممم

ممكن تكون الثقة موجودة بين الزوجين

ولكن بسبب فضول الزوج أو فضول الزوجة تندم هذه الثقة

وأقصد ان نفس هذا التصرف بلا اذن يضعف الثقة

مال الأزواج ومال الأسباب التي بسببها تنهار الثقة ؟

شكرا جزيلا