كام شهيد

[دمعه حائره]

فى الكنايس والجوامع
اللى ساكت واللى سامع
شوف معانا كام شهيد

اللى مات بيحمى أرضه

واللى بيفدى بدمه عرضه

واللى عشان بيقضى فرضه

مات فى صلاته ويوم العيد

شوفت رصاص الغدر لما
كان بيقتل محمود وحنا
مش من بلدنا ولا حتى دينا

ملهومش مِله ملهومش ذمه

ارهاب جبان وده شىء أكيد

إقتل ودمر كمل وزيد

إحرق بيوت إيه راح يفيد

زود إيمانا قوة وعزيمة

وإرادة من حديد

mena_hassan

26-11-2017

[.Lamar]

فعلا الارهاب مالوش دين
مبيفرقش بين صغير و كبير
مسلم او مسيحى
كلامك جميل و عبرتى حلو جدا
كالعادة منون
ربنا يرحمهم و يغفر لهم
و حسبنا الله ونعم الوكيل

[فداااااااااااء]

الله يرحمهم جميعا
كلمات منسقة بشكل جميل


يتم تثبيتها لفترة
سلمتى منة

[عهود~]

مسجد، أو كنسية

لافرق في نظرهم وعقيدتهم التكفيرية

دولنا العربية أصبحت حاضنة للإرهاب ، ولو بالإجبار من أمريكا واذنابها

الله يرحم الشهداء ويشافي الجرحى

ويحفظ مصر وكل المسلمين والمستضعفين

من شرور هولاء التكفيرين

سلمت دياتك لميس على الكلمات

المعبرة والرائعة

[مارد الغضب]

بالرغم من كل هذا الالم
فما اجملها من نهاية
الموت فى بيت من بيوت الله
..
اللهم تقبلهم عندك من الشهداء
و الحقنا بهم على خير
امين
..
و لكن يظل الفعل الخسيس يعصر القلب
من فيض الالم
..
تحياتى لسموك المبدع

[بحر القمر]

اللي راح يشجع مات !
واللي عبر عن رايه مات !
واللي دخل الجيش مات !
واللي راح يصلي مات !
تبا ياعصر الأموات .....
حسبي الله ونعم الوكيل

احتسبهم شهداء عند رب العرش العظيم
الله يبارك عمرك

[عهود~]

أممم

عذرا بالاشتباه قلت لميس

سلمت دياتك دمعة حائره على الكلمات المعبرة الجميلة

[*فجر الاسلام*]

زود إيمانا قوة وعزيمة
وإرادة من حديد

فعلا والله
تسلمى غاليتى حلوه اوى

[إيلاانا]

ما حدث لا يرضي الله ورسوله ولا يمدون لدين الاسلامي بصلة
ولن ينجوا من عقاب الله وستكون النار سكنن لهم وحطب لها
هم شهداء نحسبهم كذلك ما أجملها من شهادة تكفي انها في بيت من بيوت الله
لم نعرفهم ولكن بكينا وحزنا عليهم ودعونا لهم رحمهم الله رحمة واسعة وأدخلهم جنانه الواسعة مع الانبياء والشهداء
سلم نبضك وإحساسك وكلماتك
تحياتي وامتناني وتقديري لتلك المشاعر الفياضة
أسعدك الله وحفظك دوما وأبدا
إيلانا

[Doaa Hammam]

حسبنا الله ونعم الوكيل

لا اجد تعليق يعبر عن مدى الحزن والألم لما حدث

أسأل الله تعالى ان يحتسبهم شهداء ويرزقهم الفردوس الاعلى

كالعادة يا منة انتي رائعة وأكثر