الصراع

[ahmed 22]

علي قدر ما أنا متفهم ان لكل شخص اسلوبه في ايصال وجهة نظره
والمفروض الواحد يستوعب ده بقدر ما يستطيع ..
بس الي حد ما مش بحب اسلوب الاستعلاء في النقاش
اعتقد في طرق احسن ... ومع ذلك ما زلت متفهم ... مش مشكلة ..

اولا : ويلكم باك نور ونار ...

ثانيا : بمناسبة اسمك .. في معلومة بتقول ان من ضمن
الاختلافات بين النور والنار . ان كل نور ينتج من مصدر واحد
بينما كل نار يشترك في انتاجها اكثر من مصدر .. خلي المعلومة ده معاكي
وانتي بتقري الرد للاخر ..

ثالثا : اعتقد اني ماكنتش بناقش العصر الجليدي والصراع مع الطبيعة
و التدرج بتاع الموضوع واضح والتمهيد كان للفكرة الاساسية
وهو التحول والتحور لفكرة الصراع نفسها داخل عقل الانسان
من الصراع مع الطبيعة لاجل البقاء
الي وجود رسالة يصارع من اجل ارسائها لما بدأ يمتلك الادوات اللازمة
عشان ينشرها فبقت الرسالة هي اللي متسيدة ليه
لانها خاطبت عقله اكثر من غرايزه للاكل والشرب ..
وبالتالي تحول فكر الانسان تجاه فكرة السلطة انها لازم تتوجد
عشان يفرض منهجه ومعتقداته اللي بتتخلق من خلال ايمانه بأمور
ساعدته انه يستمر ويرتاح نفسيا ومعنويا ...او تساعده حتي
في استمرار في وجوده كصاحب سلطة وسيطرة ...
وحبه انه يكون في حيز المتحكم .. وبالتالي وجود شخص يحدث الطفرة
سواء بالايجاب او السلب في المكان اللي بيتوجد فيه ..
وزي ما ذكرت الطفرة هنا _ بمعني الاختلاف _
مش شرط يكون وحش ومش شرط يكون حلو ..
اختلاف يغير في مصير امم وحياة البشر ..
... عامة انا كنت عدلت في الموضوع
وحذفت اجزاء من حوار الطبيعة ده واضفت نقطة او اتنين ..
وادرجته في تعليق هنا قبل تعليقك ... لو حابة تتطلعي عليه ..

رابعا : خلينا نتطرق للفلسفة اللي كان تناولي ليها سئ ...
اولا انا هنا مش بنقد عشان اكلم بعين الناقد .. انا هنا بحلل ..
وبالتالي بفرد مساحات لكلام كتير وبربطه في الاخر ليس اكتر
النقد ليه ناسه .. وليه ادوات انا لا امتلكها ...
خاصة فيما يتعلق بمناقشة فلسفية من النوع ده ..لانه ليه محاذير كتر .. وليه تفصيلات اكتر ...
وبالتالي انا ماقمتش بتناول اي فلسفة هنا ... انا فردت مساحة لفترة زمنية وحدث تاريخي
محل جدل ونقاش حتي يومنا وذكرت حدث انا شايف ان كان ليه ابعاد اكبر من الفترة اللي كان فيها
وطال الوقت اللي احنا فيه حاليا

وبطبيعة الحال زي اي شئ في الدنيا
هتلاقي عليه اختلاف ما بين مؤيدين لنيتشه بينفوه طبقا لكلامهم انه تفسير خاطئ لفلسفته
اللي تم تحريفها من مكانها وان افكاره عكس ما تدعو اليه نازيه هتلر وذكروا امثلة لده ..

وكان الموضوع الرئيسي هو اخر كتاباته _ ارادة القوة _
اللي استبدل نيتشه فيه القواعد الاخلاقية التقليدية الي قواعد اخلاقية
تدافع عن حقوق الاقوياء وذوي البنية السليمة بوجه جمهور العبيد زي ما ويكيبديا كدا ما بتقول
اللي هي نظرية الانسان المتفوق يعني _ السوبير مان _
واللي بيتقال من المؤيدين يه انه تم تحريف الكتاب ده من معناه بسبب شقيقته ..
وان فليسوف البلاط النازي اللي اسمه الفرد حول نيتشه الي المتنبئ بهتلر
واعاد صياغة كتاباته وبتاع

وبرضه فيه معارضين لنيتشه وليهم اسبابهم وادعائتهم
بيشوفوه سبب من اسباب نشأة النازية عامة
لان النازيين كانوا بيعتبروا نيتشه العراب بتاعهم وكان فكر نيشته هو الفكر الرسمي للنازية
وكان الكثير بيري ان فلسفة نيتشه انجبت شخصية هتلر عامة ... وده اللي كنت قاريه
في اكثر من مقال عامة ...مش هدعي معرفة ..
... ومع مرور اكتر من 100 سنة لحد النهاردة
مازال الاختلاف ده موجود ولم يتم حسمه حتي الان

خامسا : ومع كل ما سبق انا ذكرت ان فلسفة نيتشه تم القائها في بركة من الظروف والمعاناة للشعب
الالماني في الوقت ده وكانت فلسفته بتعكس الامه وحياته الصعبة اللي كان مر بيها وسط الامهم
وبالتالي كان ليها التأثير الاكبر في التمهيد والاخضاع للشعوب في وقت كان محل للفهم الخاطئ
في وجود اشخاص اصحاب طموح ... قادرة انها تسخر الافكار لخدمة مصالحهم
وفي نفس الوقت تنمية افكار ناس وانشاء فلسفات تم فهمها في وقتها
بمضمونها اللي تم تأسيس النازية من خلالها وانشأت شخصية هتلر
وده واضح في تأثره بنيتشه حتي في كتابه اللي الفه بيحكي قصة حياته اللي هو _ كفاحي _...

هنا نرجع لنقطة مهمة وهي النتيجة بتاعة الفترة دي عامة ... اللي غيرت
في مقدرات العالم كله ... هل هي لا تستحق النقاش ؟ .. ولا تستحق اننا نستفيد منها تاريخيا ؟
بمعني ان احنا النهاردة قاعدين بنحلل حدث حصل اكثر من 100 سنة لناس كانوا عايشين
في فترة من اسوأ فتراتهم فكريا واجتماعيا واقتصاديا ...
سواء تم الايمان بيه عن تحريف او تم الايمان بيه عن قصد ...
هل ده لا يستخق ان احنا نضعه تحت المنظار وخصوصا ان العالم تغير بعديه كما لم يكن من قبل ؟
ونشوف اسبابه ونتايجه الفعلية ؟؟ هل كلامك الاخير عن فهم الكتب والفلاسفة بأفكارهم
منع الناس انها تؤمن بعكسه ؟؟ او منع موت ملايين من البشر بسبب شخص تكونت افكاره بسبب
من منبع افكار فليسوف اسمه نيتشه ؟؟
و هل هنا لوم نيتشه من عدمه هيفرق في شئ بالنسبة ليا عامة ؟
ولا الفترة الزمنية ممكن نوصفها ونقول ان الفكرة اللي بتصنع الم للشعوب بتخلق دكتاتور بيسبب حرب ..!
وتبقي موعظة تاريخية ...

علي فكرة انتي لو قريتي الكام فقرة بعد انتهائي من الحوار عن نيتشه في الموضوع
هتفهمي قصدي اكثر لما تشوفي التدرج اللي بينتهي ليه الموضوع في اخر كام عقد عايشينه حاليا
ونتايج ما بعد الحرب العالمية الثانية ... وازاي ربطتوا بينا احنا في الاخر ..
وهتعرفي ان الموضوع مش مجرد فكرة ... الموضوع بذرة اترمت
ولسا العام بيحصد فيها ... لمجرد شخص واحد سواء اراد او لم يرد.. سواء تم فهمه بشكل خاطئ او لا
غير في مقدرات امم بكاملها بتراجيديا مات بسببها ملايين من البشر
لصناعة عالم متناقض ممتلئ بازدواجية في المعايير لمجتمع متفوق حاليا يمثله اوروبا وامريكا
مازال يمارس عنصريته تجاه الشعوب الأضعف اللي هما احنا حاليا ...

كل الفكرة من الطرح اني ذكرت فكرة وتدرجت بالسنين معاها مش اكتر
وحاولت اجتهد عشان اوصل لزماننا ... انا مش علامة يعني .. بس بحاول افكر ليس اكثر ...

بأمانة اصعب شئ انك ترجع تناقش موضوع كنت كاتبه من 3 سنين ..

[ebtihal sobhy]

مشكورين بالتوفيق ان شاء الله

[نور ونار]

[COLOR="Black"][/C حوار اصعب حاجه تناقش حد فى حوار دار عليه 3 سنين دآ مش مشكلتى
لانك بالفعل عملت تعديل عليه من سنتين اللى هو نازل 2018 وعدلت 2020 اللى هو اولريدى بتعدل وبتناقش عادى ..
تناولك للفسلفه لسسه سىء ومحتاج تقرأ اكثر بتعمق عن نيتشه مش مجرد ويكبيدياا .. لازم تقرآ وبرده تحلل وتنقد وعرض اه موضوعك سىء لان فيه اصول للعرض مش مجرد سرد واى فكره تحدفك زى ما تحدف .. كتابه الموضوع له اصول وله افكار رئيسيه ولازم تكون ملم وواضح وصريح مش هكتب وزى ما يجيبنى بقى .. انا مش بتعالى عليك زى ما قولت .. انا بس بعرفك اصول الكتابه .. مايجراش حاجه تتعلم عادى وتحدد فكره رئيسيه وتتكلم عنها ..
اقرأ فى الفلسفه هتتبسط .. OLOR]

[ahmed 22]

تحسي انك داخلة حرب ليه كدا
ايزي هههههه

علي فكرة عادي اتعلم
واقرأ في الفلسفة واتعلم ..
ايه المشكلة .. مافيش اهانة في الموضوع

وويكيبديا انا اللي ذكرتها في ردي
والسياق بتاع ذكرها واضح ..
ولو شايفه اسلوب العرض سئ وتناول الطرح اسوأ بشكل جازم
فده شئ احترم انك ذكرتيه ..

واعتقد انه خلاص مافيش مجال اني اساوم في ده او احاول اقنعك بعكسه..
دي قناعتك الخاصة .... و ماحدش بيفرض افكاره او اساليبه علي حد ..

الطرح مفتوح ... وانا وضحت اكثر من مرة انا علي ايه واسلوبي بيعتمد علي ايه ..
ولكل شخص الحق يشوف الامور بطريقته ..
انك تقتنع او لاء .. ده حق ليك .. مش مطمع ليا ..

كل التقدير ..