كيف تقدم التاريخ لابنائك ؟

[ahmed 22]

اقتباس المشاركة الأصلية كتبت بواسطة د/ عبد الله هو ردي على نقطة الخلود كان مرتبط بموضوعك الأول لاني معلقتش عليه وان كان التخليد مرتبط ارتباط تام بصحة التاريخ أو تزويره فتخليد الشخص في التاريخ هيكون إما لأفعاله العظيمة أو لأفعاله الشنيعة والاتنين جايين لنا من التاريخ فكرة اني ازاي أخلى اولادي يعرفو التاريخ الصحيح أو أؤهلهم لتقبل الصحيح بغض النظر عن حبهم أو بغضهم للشخص ده هيكون للأسف مجهود فردي يعني أنا مش شايف أمل في إصلاح تعليمي وثقافي وتوعوي يؤهلنا لكده فأنت محتاج توجه ابنك انه يكون حيادي ويبعد عن المصادر المسيسة وبالتأكيد هتعكس جانب من فكرك على ابنك في البداية لكن لازم تؤهله انه في وقت معين يستقل برأيه ويكوّن فكره الخاص بيه بعد ما يكون عمل لنفسه قاعدة ثقافية وفكرية تخليه يميز بين الصح والغلط ويقدر يبحث في موضوع بحيادية

والله يا دوك انا اعتقد ان احنا مش مختلفين ..

وانا نهيت بجملة في رد الاستاذ عصام
وان هناك طريقين مختلفين للوصول لعقل الطالب عامة
وهو توفير الوعي المجتمعي عن طريق الميديا وتوجيه الأهل
للطريق الانسب في معاملة ابنائهم .. مع اني والله ما معترف بالميديا بتاعتنا
واتمني انه في ظرف خمس او ست سنين الطقم الاعلامي ده كله يتغير..
وعلي فكرة لما بدأ الزخم السياسي يقل .. بدأت الاعلانات تقل ..
وبالتالي اعتقد انه في المرحلة المقبلة هيكون في تغيير في الشكل الاعلامي
عموما ... والتوجه ممكن يختلف .. ولو حتي للشكل الاجتماعي اكتر ...
هو بطئ .. بس اعتقد هييجي وقت يكون ليه دور ..

و في دور المؤسسات الحكومية المختصة بتطوير التعليم ...
وعلي فكرة لا غني عن دورهم يعني ... صحيح احنا كلنا عندنا مشكلة
مع كلمة امل لما نذكر المؤسسات الحكومية ....
بس والله بيني وبينك الحياة من غير كلمة امل مالهاش معني ...

مع اني والله برضه المشكلة الأكبر مش في المؤسسات الحكومية بشكل اكبر
بس النسبة الأكبر هو الطقم التعليمي والمدرسين الموجودين في الوقت الحالي
اللي بيتقال عليهم انهم جزء من الدولة العميقة والكلام الكبير ده ..
بأغلبهم يعني ... وازاي يتم تأهيلهم لاستيعاب طرق التدريس الحديثة
وانهم يتخلوا عن عجرفتهم لبعض الوقت .. او طريقتهم في التفكير
او حب ذاتهم من اجل مستقبل اولادهم عموما ...

والله انا مش شايف الموضوع صعب ..
الموضوع محتاج وزير دارس بره البلد ادارة اعمال ومتشبع
من افكار التعليم في الخارج ...
بفكر شاب قادر معاه صلاحيات انه ينفذ أفكاره في التو واللحظة
محتاجين نبدأ بمشروع الألف مكتبة عامة في كل المحافظات ...
بس مكتبات من غير روايات ... فيها تصنيفات لكتب معينة تخدم الطلب
انه ينمي فكره مش تسليه انه يضيع وقته ...

يعني في حاجات كتيرة ممكن تتعمل والله ممكن اكتب فيها ساعة..
وسهل البت فيها ..
بس الدماغ اللي تفهم بس في البلد دي ..

[د/ عبد الله]

اقتباس المشاركة الأصلية كتبت بواسطة ahmed 22 والله يا دوك انا اعتقد ان احنا مش مختلفين .. وانا نهيت بجملة في رد الاستاذ عصام وان هناك طريقين مختلفين للوصول لعقل الطالب عامة وهو توفير الوعي المجتمعي عن طريق الميديا وتوجيه الأهل للطريق الانسب في معاملة ابنائهم .. مع اني والله ما معترف بالميديا بتاعتنا واتمني انه في ظرف خمس او ست سنين الطقم الاعلامي ده كله يتغير.. وعلي فكرة لما بدأ الزخم السياسي يقل .. بدأت الاعلانات تقل .. وبالتالي اعتقد انه في المرحلة المقبلة هيكون في تغيير في الشكل الاعلامي عموما ... والتوجه ممكن يختلف .. ولو حتي للشكل الاجتماعي اكتر ... هو بطئ .. بس اعتقد هييجي وقت يكون ليه دور .. و في دور المؤسسات الحكومية المختصة بتطوير التعليم ... وعلي فكرة لا غني عن دورهم يعني ... صحيح احنا كلنا عندنا مشكلة مع كلمة امل لما نذكر المؤسسات الحكومية .... بس والله بيني وبينك الحياة من غير كلمة امل مالهاش معني ... مع اني والله برضه المشكلة الأكبر مش في المؤسسات الحكومية بشكل اكبر بس النسبة الأكبر هو الطقم التعليمي والمدرسين الموجودين في الوقت الحالي اللي بيتقال عليهم انهم جزء من الدولة العميقة والكلام الكبير ده .. بأغلبهم يعني ... وازاي يتم تأهيلهم لاستيعاب طرق التدريس الحديثة وانهم يتخلوا عن عجرفتهم لبعض الوقت .. او طريقتهم في التفكير او حب ذاتهم من اجل مستقبل اولادهم عموما ... والله انا مش شايف الموضوع صعب .. الموضوع محتاج وزير دارس بره البلد ادارة اعمال ومتشبع من افكار التعليم في الخارج ... بفكر شاب قادر معاه صلاحيات انه ينفذ أفكاره في التو واللحظة محتاجين نبدأ بمشروع الألف مكتبة عامة في كل المحافظات ... بس مكتبات من غير روايات ... فيها تصنيفات لكتب معينة تخدم الطلب انه ينمي فكره مش تسليه انه يضيع وقته ... يعني في حاجات كتيرة ممكن تتعمل والله ممكن اكتب فيها ساعة.. وسهل البت فيها .. بس الدماغ اللي تفهم بس في البلد دي ..

شوف يا ابو احميد
أنا مختلف معاك في نقطة ان المشكلة في المدرسين
لان المدرسين هم نتاج التعليم

ومن وجهة نظري ان اختصار الاسباب كلها في تدني وانحطاط الاعلام والتعليم في المؤسسات الحكومية هو نظام الحكم
يعني الفكر اللي بيميل اليه النظام الحاكم هو اللي بيأثر بنسبة كبيرة جدا على كل النواحي في المجتمع.
في وجود نظام حاكم عسكري ..كل اللي بيعرفه هو ازاي يملك القوة والتحكم في اللي حواليه، مش هييجي في باله انه يطور التعليم
لان التعليم بالنسبة له ملوش قيمة
هو شايف نفسه مكنش مهتم بتعليم وبقى في مركز اجتماعي ومادي رقم واحد

كمان هو يهمه ان المجتمع يكون جاهل عشان يعرف يسيطر عليه

أما الدور الاعلامي فهو في قبضة ايده بكل المقاييس
بيحركه ف الاتجاه اللي يمشي مع مصلحته وبس

يعني من رأيي ان عشان نحقق نظام تعليمي وتوعوي صحيح لازم يبقى النظام الحاكم من أهل العلم
ومستحيل يتحقق تعليم صح بجهود فردية من الاشخاص
لازم دور مؤسسي هو اللي يتبنى ده .

عشان كده بقولك الامل بعيد جدا في المستقبل القريب ع الاقل

[ahmed 22]

تمام يا دوك ..

بس انا ماقلتش ان المشكلة في المدرسين كسبب واحد
انا قلت النسبة الأكبر عندهم ..
حددت من وجهة نظري النسب بشكل تصاعدي ..
قلت ميديا ودورها المجتمعي
وبعدين مؤسسات حكومية عليها دور اكبر ..
وبعدين المؤسسات تعليمية و الهيد كوتش بتاعها هو المدرس ..
وهما عليهم الدور الأكبر ..

بس انا مثلا بكرة الصبح لو جبت مؤسسة حكومية من الخارج
واستوردتها ... وقلتلهم عندكم المؤسسات التعليمية اهي
وطلعوا من الفسيخ شربات .. ماعتقدش هيقدروا في سنة ولا اتنين
ده علي الأقل هيكونوا محتاجين 10 سنين عشان يقدرو يغيروا قناعات
اجيال كاملة من المدرسين بعقليات قديمة معظمها مبني علي أن
التدريس مجرد مهنة بيسترزقوا منها .. مش رسالة ...
وعلي فكرة يا دكتور احنا كلنا روحنا مدارس وحضرنا دروس
وعارفين عقلية المدرسين كويس جدا ومدي قدراتهم التعليمية
اللي هي بتقتل جوانا قدرات ابداعات كانت موجودة ...

انا عارف انه في بعض الدول مرتب المدرس أكبر من اي حد سواء مرتب الوزير
والقاضي ... وده ليه دلالة ومضمون لازم ناخد بالنا منه ..
بس في مصر عشان اصلا الدولة تقتنع انها تنفذ مبدأ زي ده
لازم يكون فيه دلالات لتنفيذه ..

وبالتالي معتمد ان المدرس كان عنده الوعي الكافي أنه يستقبل من دلوقتي
والمرونة الكافية أنه يتغير .. ويعلم نفسه بنفسه ..
والاهم من ده كله أنه يغير منهجه ... ويعرف زي ما قلت ان التعليم رسالة
مش مجرد رزق .. وانه معني اختياره انه يبقي مدرس ..
ده بيعطيه مسؤلية كبيرة جدا ... لازم ياخد باله منها ..
ودي قيم اتفقدت من زمان عندنا .. وبالتالي كل واحد بقا مش فاهم قيمة مركزه
لأن قيمة المدرس اكبر من قيمة الرئيس ..
ومش المؤسسة الحكومية اللي بتعطي القيمة للمدرس
المجتمع هو اللي بيعطيله القيمة دي ..
ولما اتفقد ده بقينا فيما نحن فيه الأن ..

وبالتالي هي عملية مترابطة بين الثلاث فروع ..
كل واحد بيكمل التاني ... بس من وجهة نظري
ومثلا ان المدرسين لو ليهم رابطة .. وعلي رأي واحد ..
او علي الأقل في مناطق يكون ليها القدرة علي انها تخوض تجربة
راقية للتعليم ...وبعدين تتعمم ..
اسهل من أنك تحرك بلد كاملة راكدة .. تحرك مناطق منفصلة
وفي يوم ممكن تتجمع وتاخد بايد البلد كلها مرة واحدة ..

وممكن يكون فيهم رجل رشيد كدا .. ويبدأو بنفسهم وياخدوا المنظومة
من تحت لفوق ... هتفرق كتير .. وممكن المؤسسة الحكومية نفسها
تتحرك وتخلي عندها دم .. لما تلاقي حراك من تحت ...
لأن المنظومة الحكومية علي قدر ما نأمل منها ناخد ..
بس هي ليها حوار تاني مختلف يطول الكلام فيه ...
بس هي عموما وجهات نظر .. ممكن نختلف في الفروع
بس اعتقد متفقين علي المبدأ الأساسي .. وده الأهم

[قلـــــــــــــــــم]

بالرد الأخير. انت اثرت اهم نقطة

التعليم. رسالة وليس باب رزق

هنا أقف
من اي تاريخ تم افساد التعليم للإصلاح

زمان يا أستاذ احمد وَيَا دكتور عبد الله
كان الوطن العربي فيه قطب واحد للتعليم. وهو مصر
ومن بعد مصر ظهرت العراق ويليهم تونس

اليوم الوطن العربي برمته تقيمه العلمي سلبي للغاية
يوجد جامعات
توجد رسائل علمية

لكن التقيم العالمي منحدر وغير معترف به

إهمال العلم والتعليم واهمال حقوق الانسان في كيفية التعليم

ظهر بشكل موحش

لا اريد الاطالة
تحيتي إليكما

عصام

[د/ عبد الله]

اقتباس المشاركة الأصلية كتبت بواسطة ahmed 22 تمام يا دوك .. بس انا ماقلتش ان المشكلة في المدرسين كسبب واحد انا قلت النسبة الأكبر عندهم .. حددت من وجهة نظري النسب بشكل تصاعدي .. قلت ميديا ودورها المجتمعي وبعدين مؤسسات حكومية عليها دور اكبر .. وبعدين المؤسسات تعليمية و الهيد كوتش بتاعها هو المدرس .. وهما عليهم الدور الأكبر .. بس انا مثلا بكرة الصبح لو جبت مؤسسة حكومية من الخارج واستوردتها ... وقلتلهم عندكم المؤسسات التعليمية اهي وطلعوا من الفسيخ شربات .. ماعتقدش هيقدروا في سنة ولا اتنين ده علي الأقل هيكونوا محتاجين 10 سنين عشان يقدرو يغيروا قناعات اجيال كاملة من المدرسين بعقليات قديمة معظمها مبني علي أن التدريس مجرد مهنة بيسترزقوا منها .. مش رسالة ... وعلي فكرة يا دكتور احنا كلنا روحنا مدارس وحضرنا دروس وعارفين عقلية المدرسين كويس جدا ومدي قدراتهم التعليمية اللي هي بتقتل جوانا قدرات ابداعات كانت موجودة ... انا عارف انه في بعض الدول مرتب المدرس أكبر من اي حد سواء مرتب الوزير والقاضي ... وده ليه دلالة ومضمون لازم ناخد بالنا منه .. بس في مصر عشان اصلا الدولة تقتنع انها تنفذ مبدأ زي ده لازم يكون فيه دلالات لتنفيذه .. وبالتالي معتمد ان المدرس كان عنده الوعي الكافي أنه يستقبل من دلوقتي والمرونة الكافية أنه يتغير .. ويعلم نفسه بنفسه .. والاهم من ده كله أنه يغير منهجه ... ويعرف زي ما قلت ان التعليم رسالة مش مجرد رزق .. وانه معني اختياره انه يبقي مدرس .. ده بيعطيه مسؤلية كبيرة جدا ... لازم ياخد باله منها .. ودي قيم اتفقدت من زمان عندنا .. وبالتالي كل واحد بقا مش فاهم قيمة مركزه لأن قيمة المدرس اكبر من قيمة الرئيس .. ومش المؤسسة الحكومية اللي بتعطي القيمة للمدرس المجتمع هو اللي بيعطيله القيمة دي .. ولما اتفقد ده بقينا فيما نحن فيه الأن .. وبالتالي هي عملية مترابطة بين الثلاث فروع .. كل واحد بيكمل التاني ... بس من وجهة نظري ومثلا ان المدرسين لو ليهم رابطة .. وعلي رأي واحد .. او علي الأقل في مناطق يكون ليها القدرة علي انها تخوض تجربة راقية للتعليم ...وبعدين تتعمم .. اسهل من أنك تحرك بلد كاملة راكدة .. تحرك مناطق منفصلة وفي يوم ممكن تتجمع وتاخد بايد البلد كلها مرة واحدة .. وممكن يكون فيهم رجل رشيد كدا .. ويبدأو بنفسهم وياخدوا المنظومة من تحت لفوق ... هتفرق كتير .. وممكن المؤسسة الحكومية نفسها تتحرك وتخلي عندها دم .. لما تلاقي حراك من تحت ... لأن المنظومة الحكومية علي قدر ما نأمل منها ناخد .. بس هي ليها حوار تاني مختلف يطول الكلام فيه ... بس هي عموما وجهات نظر .. ممكن نختلف في الفروع بس اعتقد متفقين علي المبدأ الأساسي .. وده الأهم

تمام..انت اتكلمت عن المدرسين كأحد الأسباب
وانا برضو عند رأيي ان السبب وراء كل الاسباب من منظومة تعليم ومدرسين واعلام بيتحكم فيهم النظام.

خلينا في نقطة التعليم
انت ذكرت ان المدرس في دول تانية راتبه اعلى من القاضي
وده طبعا ليه مدلول زي ما قلت.

وفي ظل مناخ من انحطاط اخلاقي رهيب
ووضع اقتصادي اللي مش هيحارب فيه عشان لقمة العيش هيموت م الجوع
تفتكر هيكون فيه مدرس بيسعى لاداء رسالة مش اكل عيش؟

هقولك فيه مدرسين كده
لكن نسبتهم كام؟
حتى لو فيه كتير هيبقى افضل نتيجة يحققوها انهم يعلموك المنهج بشكل كويس
المنهج اللي هو اصلا لا يغني ولا يسمن من جوع
والنتيجة الافضل اللي ممكن البعض يوصل لها انه يخلق في الطلاب قدرات ومواهب جديدة

وطبعا انا متفق معاك ان الاصلاح التعليمي محتاج سنين طويلة
يعني زيي ما قلت لو جبنا مؤسسة تعليمية متطورة وقلنالهم طوروا التعليم
فأنت محتاج 20 سنة على ما تبدأ تشوف نتايج التعليم ده
لانك محتاج تبدأ من الصفر مع الاطفال

كمان المؤسسة التعليمية مش كافية لوحدها
انت محتاج مجتمع يقدر يساعدك على كده ويرسخ فيك القيم
وده دور التعليم والاعلام

باختصار اي محاولات فردية هتفضل محاولات فردية وغير مكتملة طالما ان التوجه العام ماشي زي ما هو.

[د/ عبد الله]

اقتباس المشاركة الأصلية كتبت بواسطة قلـــــــــــــــــم بالرد الأخير. انت اثرت اهم نقطة التعليم. رسالة وليس باب رزق هنا أقف من اي تاريخ تم افساد التعليم للإصلاح زمان يا أستاذ احمد وَيَا دكتور عبد الله كان الوطن العربي فيه قطب واحد للتعليم. وهو مصر ومن بعد مصر ظهرت العراق ويليهم تونس اليوم الوطن العربي برمته تقيمه العلمي سلبي للغاية يوجد جامعات توجد رسائل علمية لكن التقيم العالمي منحدر وغير معترف به إهمال العلم والتعليم واهمال حقوق الانسان في كيفية التعليم ظهر بشكل موحش لا اريد الاطالة تحيتي إليكما عصام

أصبح تقييمنا الأخير يا أستاذ عصام
وبداية الانحدار كانت مع بداية الحكم العسكري

[ahmed 22]

اقتباس المشاركة الأصلية كتبت بواسطة قلـــــــــــــــــم بالرد الأخير. انت اثرت اهم نقطة التعليم. رسالة وليس باب رزق هنا أقف من اي تاريخ تم افساد التعليم للإصلاح زمان يا أستاذ احمد وَيَا دكتور عبد الله كان الوطن العربي فيه قطب واحد للتعليم. وهو مصر ومن بعد مصر ظهرت العراق ويليهم تونس اليوم الوطن العربي برمته تقيمه العلمي سلبي للغاية يوجد جامعات توجد رسائل علمية لكن التقيم العالمي منحدر وغير معترف به إهمال العلم والتعليم واهمال حقوق الانسان في كيفية التعليم ظهر بشكل موحش لا اريد الاطالة تحيتي إليكما عصام

اكيد طبعا يا استاذ عصام التعليم في اوطاننا عموما
اصبح غبي مع اعتذارنا للغباء عموما ..

مش عاوز اكلم في التاريخ كتير
بس أنا بختلف مع الدوك ان التعليم بقا متخلف مع بداية الحكم العسكري
الحكم العسكري منهج اتوضع اساساته بسبب غياب قامات التعليم
وقامات العلم .. الحكم العسكري نتيجة لاهمال التعليم مش سبب ...
مافيش بلد متعلم واللي نتيجة التعليم أنك تكون صاحب قرار نفسك
ويقبل أنه يتحكم بالحديد والنار ...

لأن وصول الحكم العسكري لمصر كان بسبب تردي التعليم في البلد
ووصول البلد لدرجة من قلة المسؤلية في اختيار حكامها ..
او اصلا انعدام قرار الاختيار قبل ذلك في ظل وجود الملكية ..
او حتي التفكير في ذات كرامتها .. او عقول قادرة علي اتخاذ القرارات
ومجاراة العالم في شئون الديموقراطية وغيرها ..

مصر قبل الحكم العسكري كانت تمتلك الثروات
والاقتصاد الثابت يمكن بس كانوا في حالة استنزاف في الحكم الملكي
نتيجة استغلال الاحتلال للملوك ..
وبعد كدا اتنسف في الحروب بداية من الحكم العسكري
في خروج الانجليز من مصر والعدوان الثلاثي وست اكتوبر
وحرب اليمين والافلام الكتيرة دي ..

و اقتصاد مصر كان زراعي فقط ايام الملكية ..
بس ماكنتش تمتلك حريتها ..
ووكان الفلاح المصري درجة عاشرة عموما واولاده بياخدوا ارثه في الأرض ...
والملوك علي الرغم مع تعاطفك مع بعضهم بس ده لا ينفي سلبياتهم
وتقصير في حقوق وكرامة وطنهم وبالتالي في مصر كنت تلاقي ثورة 19 والثورة العرابية قبلهم والاحتلال الانجليزي والاحتلال الفرنسي و و و و ...
ده كله مر علي بلد في ظرف 200 او 300 سنة
واخذ من روادها وعقولها الكثير ..
ومتخيل
ان الحكم العسكري مش هيكون نتيجة ...
ده كله خد من عقول الناس في البلد واتجه بيهم تجاه أن
التعليم بقا جزء من ضعف البلد مش قوتها ...
والعسكر جيه عشان يحكم بلد كان ضعيف ..
واتخيل أن عشان تكون البلد أقوي لازم يجبر الناس انها
تصطف صف واحد تجاه قراراته في بلد كانت في حالة حروب
وبعد كدا لما انتهت الحروب .. الموضوع بقا ثقافة شعب ..
مش حالة عسكر حاكم ..

واصلا اساسات اهمال التعليم في مصر بدأ من الحكم المملوكي
اللي وضع اساسات كل تخلف وصلنا ليه الأن ..
بسبب عمليات الاقصاء الواسعة للشعب من كل شئ يخص
نظام الدولة ... وفي نفس الوقت البذخ علي العمارة
والفنون والحياة الفارهة للماليك ... عمل مركزية للتعليم
في مصر القديمة ..
واهمل كل المحافظات والباقي كان مجرد تراكمات لقرنين ونص ..
صحيح الناس تقولك ان محمد علي صاحب نهضة مصر الحديثة
بس نهضة مبنية علي اساسات من ورق ...
واصلا اللي يتابع قصة حياته .. يعرف أن نهضته مبنية علي مظالم
وجرايم في حق مصر عموما .. وده بمناسبة التاريخ وتزييفه في الكتب يعني ..
لأن محمد علي كان مسخر مصادر مصرر كلها لتحقيق أحلامه ..
يعني لو حد قري قصة حياة محمد علي بره الكتب المدرسية
هيفهم احنا هنا ليه دلوقتي ....

لأن ماحدش في البلد دي حكمها من حوالي 8 قرون ..
الا كان بياخد منها ومش بيدي ... وتراكمات السنين
صنعت فجوة التنين ...

[ahmed 22]

اقتباس المشاركة الأصلية كتبت بواسطة د/ عبد الله تمام..انت اتكلمت عن المدرسين كأحد الأسباب وانا برضو عند رأيي ان السبب وراء كل الاسباب من منظومة تعليم ومدرسين واعلام بيتحكم فيهم النظام. خلينا في نقطة التعليم انت ذكرت ان المدرس في دول تانية راتبه اعلى من القاضي وده طبعا ليه مدلول زي ما قلت. وفي ظل مناخ من انحطاط اخلاقي رهيب ووضع اقتصادي اللي مش هيحارب فيه عشان لقمة العيش هيموت م الجوع تفتكر هيكون فيه مدرس بيسعى لاداء رسالة مش اكل عيش؟ هقولك فيه مدرسين كده لكن نسبتهم كام؟ حتى لو فيه كتير هيبقى افضل نتيجة يحققوها انهم يعلموك المنهج بشكل كويس المنهج اللي هو اصلا لا يغني ولا يسمن من جوع والنتيجة الافضل اللي ممكن البعض يوصل لها انه يخلق في الطلاب قدرات ومواهب جديدة وطبعا انا متفق معاك ان الاصلاح التعليمي محتاج سنين طويلة يعني زيي ما قلت لو جبنا مؤسسة تعليمية متطورة وقلنالهم طوروا التعليم فأنت محتاج 20 سنة على ما تبدأ تشوف نتايج التعليم ده لانك محتاج تبدأ من الصفر مع الاطفال كمان المؤسسة التعليمية مش كافية لوحدها انت محتاج مجتمع يقدر يساعدك على كده ويرسخ فيك القيم وده دور التعليم والاعلام باختصار اي محاولات فردية هتفضل محاولات فردية وغير مكتملة طالما ان التوجه العام ماشي زي ما هو.

انا هسألك سؤال واحد يا دوك
بما انك ذكرت التوجه العام .. ممكن يخلي وجهة نظري اوضح

هو حضرتك شايف ازاي التوجه عام بيتصنع ؟؟

[د/ عبد الله]

اقتباس المشاركة الأصلية كتبت بواسطة ahmed 22 انا هسألك سؤال واحد يا دوك بما انك ذكرت التوجه العام .. ممكن يخلي وجهة نظري اوضح هو حضرتك شايف ازاي التوجه عام بيتصنع ؟؟

التوجه العام اللي بيصنعه هو اللي بيكون ف ايده القوة
القوة بقى بمختلف أنواعها وأشكالها
سواء قوة السلاح أو الاعلام أو الاقتصاد
وسواء كانت قوة مباشرة بالسيف أو متغطية في شكل قوانين وسياسات

القوة دي هي اللي بتصنع وتسيطر على التوجه العام عند أغلبية الشعب
ويفضل نسبة بسيطة بيتمردوا على التوجه ده وبيشوفو توجههم هما ايه
لكن زي ما قلت بتفضل محاولات فردية لا تقوى على تغيير التوجه الا اذا كان ف ايدها القوة.

واضربلك مثال
الرسول والصحابة في مكة قبل الهجرة
الرسول جاء بفكر مخالف لفكر أهل مكة ومع انه هو الفكر الصحيح لكنه بيتعارض مع مصالحهم الشخصية
ومقدرش يينشر فكره ودعوته بين الشعب ومآمنش بالفكر ده الا عدد بسيط من العبيد والمستضعفين لانهم شافو فيه خلاصهم

لكن لما هاجروا للمدينة اللي كان أهلها مؤمنين بفكر الرسول ودعوته وأسس هناك دولة نشر فيها دعوته وأسسها وقواها ورجع لأهل مكة وهو معاه القوة
(القوة هنا تمثلت في قوة عسكرية وقوة فكر وقوة شعبية)
قدر انه ينشر فكره في مكة .

والعناصر التلاتة دول هما أساس نجاح نشر الفكر : قوة الفكر + قوة جماهيرية مؤمنة بالفكر ده+ قوة عسكرية أو سياسية.

وأعتقد اننا هنا هنتفق في نقطة القوة الجماهيرية المؤيدة للفكر
لكن في رأيي ان في بلادنا ممكن تصنع التوجه العام بدون قوة جماهيرية
لكن مش ممكن تصنعه بدون قوة عسكرية أو سياسية.

يعني ممكن واحد يستولى على القوة العسكرية والسياسية ويبدأ يفرض فكره وتوجهه وبعدين يبدأ يتكون له قوة جماهيرية من الشعب اللي بيصدق أي حاجة أو اللي ليهم مصالح شخصية مع الفكر ده.

ده رأيي من خلال الواقع اللي عايشينه مش اللي عايزينه

[ahmed 22]

مع احترامي لوجهة نظرك يا دكتور
التوجه اللي حضرتك بتكلم فيه هو توجه حاكم او بلد امتلك القوة اصلا أي كانت اشكالها
وبيفكر يوجهها فين وازاي .. وبالتالي لو انت قوي
فاحنا بنعاني من ايه عشان نعالجه ؟

انما احنا بنكلم عن توجه لمجتمع في طريق السعي للحصول علي القوة
والقوة هنا قوة الفكر اولا ..
باستخدام العلم وازاي يصنع التوجه ده ويمتلك الادوات اللي بتمكنه أنه يغير من مقدرات
مجتمعه .. اللي من ضمنها قدرته علي النضج
في اختيار حكامه من الاساس ..
أو حتي صناعة وطنية لحاكم ...

و التوجه بالمعني اللي اقصده
أو منطلق اي توجه عموما بيتصنع من افراد بياخدوا قرار
أنهم يأمنوا بنفسهم عشان يتغيرو..
عشان يكون عندهم القدرة أنهم يغيروا من واقع البيئة المحيطة بيهم أولا عشان تكون نواة انهم يناضلوا ويكافحوا أنهم يغيروا من واقع مجتمعهم بشكل عام .. ودي اسمها الرسالة ..
زي ما في رسالة نبوية .. في رسالة بشرية في ناس اختارهم ربنا
أنهم يكونوا اسباب لالهام البشر نحو التغيير ..
لأن عمرنا طبعا ما ينفع نتجاهل الدور الالهي
كسبب رئيسي في حصولنا علي اهدافنا ..
وطبعا مش كل شئ مبني علي اسباب المنطق والقوة
لازم يكون فيه جزء قدري ..
ومهما كانت انتكاسة الامم ... فهناك دائما من هو قادر
علي تغيير مقدراتها ...

وبالتالي كل صناعة لتوجه بيبدأ بفكرة صغيرة عشان تكون واقع متغير أكبر ..
وبالتالي الفكر مش بيتخلق بالقوة
الفكر بيتخلق بالإرادة الشخصية عشان من ضمن نتايجه أنك تبقي أقوي ..

وكل حاجة متعلقة بالاسباب والنتايج ..
والقوة في المطلق بتكون نتيجة حاجات كتيرة عشان تحصل عليها ..
والتعليم وتطوره من اسباب حصولك علي القوة .. مش نتيجة ليها ..
وباستخدامها بتختبر فيك اختيارك أنك تكون إنسان أفضل أو أسوأ ..
وده العامل الالهي اللي بيمنحك هباته عشان يختبرها فيك ..
واما تسقط في الامتحان او تنجح ..
واحنا جالنا رسايل بشرية .. كانت في مقدمتها نجاح
بس ماحدش قدر يكمل الامتحان للاخر ..
لما امتلك القوة والسلطة وظن بعقله القاصر
المبني علي تعليم تراكمي سلبي .. أنه ملك زمانه
دون اعتبار لكل ما هو له قيمة وسبب ..

ثانيا

بالنسبة لاستشهاد حضرتك بالسيرة النبوية
فحضرتك أستشهدت بما يخدم الجزء التاني من وجهة النظر ..
مش اللي بيبدأها ..

لأن الرسول ما راحش لقا أهل المدينة مستنيين بالوررد دون سعي منه
لنشر دعوته في المقام الأول .. وده بداية صنع التوجه ... انه ارسل
مبعوثيه عشان يغيروا بالمنطق أفكارهم ويقنعوهم بالدعوة
وهناك من رفض وهناك من تجبر وهناك من أمن واقتنع .
وبالتالي هم افراد امنوا برسالتهم ..فبدأوا في نشره بجهود فردية
الي ان وجدوا في مكان ما ضالتهم او طريق بداية لنشر الدعوة ...
يعني لو ماكنش فيه جهود .. ماكنش فيه هدية هتنزل ليهم من السما

وفي نفس الوقت أهل المدينة كانوا في حاجة الي ما يوحد صفهم
في الاساس بعد حروب طويلة بينهم ...وكانت دعوة الرسول
هي طوق النجاة بالنسبة ليهم .. عن طريق الاقتناع الكامل
بالتوجه الدعوي للرسول...

يعني كخلاصة في كلمات بسيطة
أنه منبع أي توجه هو ارادة فردية لاشخاص بيأمنوا بأنفسهم عشان يمثلوا نواة التغيير لمجتمعهم ...