فلسفة جهنم ...!

[احساسى صحيح]

بسم الله الرحمن الرحيم

بشفق على اغلب اللى بيقرأ للفلاسفة والكتاب العالمين
زى سقراط وشكسبير ومولير وديستوفسكى وغيرهم كتير
وبيتـاثر بفلسفتهم لدرجة الايمان، وبيعتبر نفسه كدا اصبح عبقرى

بل بيطبق افكارهم حتى لو تعارضت مع قيم الدين ..

اغلب هؤلاء الكتاب ملحدين لا يؤمنوا بأى دين
ومهما وصلوا من فلسفة وفن الاقناع
يظلوا ناقصين , لأن فوق كل ذى عِلماََ عليم
والكثير يتغافل ان اى علم وصلوا له هو من عند الله
قال تعالى

يرفعِ الله الَّذين آمنوا منكم والَّذين أوتوا العِلمَ درجاتٍ


شوفوا ربنا ف الآيه دى قدم الذين امنوا به، الاول
وحدد كل واحد فيهم بدرجة
يعنى فضل المؤمن الاول قبل العالم
فا أى واحد بيفضل كتب الفلاسفة كمرجعية ثابته له فى الحياة
عن التدبر فى تفسير القرآن

والفقه ويرفض يطبق تعاليمه الاول
ويفضل على ذلك اقوال بشر على غير قاعدة او بناء

لازم يعتبر نفسه ابعد ما يكون عن اى ثقافة او علم
لان ثقافة الملحد بتكون بدون اى خلفية او ارضية صلبة يقف عليها
او يثبتها عملياََ حتى وإن ظهرت ظاهرياََ سليمة

لذلك لا تمجد فى اى ملحد مهما علا شأنه

والمؤمن الحق من امن بالله وكتبه ورسله واليوم الاخر
قال تعالى
( إن الذين كفروا وماتوا وهم كفار أولئك عليهم لعنة الله والملائكة والناس أجمعين ) البقرة 161
.....

[*فجر الاسلام*]

والله فى عباقره كتير عرب بيكتبوا احسن منهم بس دايما ف ناس بتحب الحجات الغريبه
اللى مالهاش قيمه ولا معنى
وفوق كل ده عندنا كتاب يغنى عن اى شئ وهو القران الكريم
اكتفى به فى حياتى وهو نور اصلا واللى يبعد عنه هيتوه
تسلم ع الموضوع الجميل
الله يسعدك

[روح الروح]

تمام كلامك يا ياسر
بس فى منهم بنعجب بيهم
أن لهم آراء صح وده ملوش علاقه بالدين
اما اللى بيمجد وبيمشى زى الاعمى
ده مسكين ملاقش حد يوجه
دومت بود وتقدير

[قلـــــــــــــــــم]

الموضوع كبير يا ياسر

والصراحة انا ما أحب أتناقش غير بشكل موسع

انت في الأدب إن كنت تدرس فيجب عليك دارسة الجانب الاخر. كما ذكرت تفكير الكفار

اذا التعليم من وجهة الفلسفة وحين تقدم رسالة تخرج فأنت على نهج الكفار.

اذا يفضّل ان أكون جاهل ،

عندما ادرس ديناميكا استاتيكا. تفاضل تكامل فراغية فيزياء 1 &2. كيمياء 1&2 احياء fu

اجد نفسي. عمق التناظر بمن هم ملحدين وكفرة

اذا لا اتعلَّم. واحتفظ بالجهل

اخي العزيز. ياسر.

لكي تفهم عدوك يجب ان تدرس تفاصيله
لكي تتعلم يجب ان تكون ملم بمن حولك
لكي تعلم انك على صواب يجب معرفة من حولك
عندما اقراء مثلا لفلان بن فلان الكافر هو تحدث عن تجارب ولَم يمس عقيدتي. التي انا ءأومن بها

انا كشخص مؤمن بالله عز وجل. وبما نزل على كافة الأنبياء والرسل وهذا اقتداء بصل الله عليه وسلم

وهذا. لقوله

أمن الرسول بما انزل اليه من ربه والمؤمنون كُلُّ ءامن بالله وملائكته وكتبه ورسله. لا نفرق بين احداٍ من رسله
وقالو سمعنا وأطعنا غفرانك ربنا واليك المصير ،

صدق الحق في علاه

الله عز وجل يريدني أن اتعلَّم. وابحث فأنا مسلم. ويوم القيامة واللهم اجعلنا ممن تختارهم

لأننا جعلنا أمة. وسطا لنكون شهداء على الناس

ولهذا يجب ان نتعلم. ونعلمهم اخلاقنا كمسلمين

الرجاء قف. نعلمهم أخلاقنا. كمسلمين. أولي علم ، لان لدينا كتاب ينطق بالحق

اليوم وقد تغيرنا عن نهجنا 180 درجة

جهل

تبعية


تدني في الخلق

هل هذا اسلامنا فمن العيب !!!!!!!

بعد الفتح الاسلامي ودخول الاسلام بوباء عثمانيون. وفاطميون ،. وتقسم. شزلية. أحمدية صوفية. اخونية. سلفية جهادية بطيخية

وهو ما حدثتنا عنه اشرف الخلق صَل الله عليه وسلم قبل 1400 عام

انقسمت اليهود الى احدى وسبعين فرقة. وانقسمت المسيحية الى اثنان وسبعون فرقة وسينقسم الاسلام الى ثلاث وسبعون فرقة
قال
كلها في النار. إلا واحدة

قالو ومن هي يا رسول الله.

قال

على ما انا عليه والجماعة. والمراد. الصحابة الكرام. ليس جماعة حسن البنا ولا سالفيه برهامي

والنهج الصحيح اتباع ما ورد بكتاب الله وسنة رسول الله

بعد التعدد في الاسلام ديننا الحنيف

4 مذاهب فقية بن حَنْبَل. ابو حنيفة. الشافعي. بن مالك. رحمة الله عليهم ورضي عنهم

استنبطو الفقة والحكم من كتاب الله واستدلال بالحاديث

ومن اتي بعدهم بدأو بالتختريف التختريف. تخترف يخرفُ. خرفاًً

ونسو. قواعد مبينة. فالكل اصبح يفتي والكل يتحدث

ولا توجهم لهم النقد وتوجه لقارء نقد كيف تعقل

إن. كان. الطب تتعلمه من كتب الكفار
الهندسة من كتب من مراجع الكفار
المحاسبة من مراجع الكفار
لا تقبل في وظيفة مميزة الا وانت تتحدث بلغة الكفار
ماذا في عالمنا. الاسلامي حاليا. الوقت الحالي
يجبرك ان تتحازي بالكفار.
يعني ما جت على الفلسفة. يا اخي الحبيب هههههههههههه

مثلا. أقولك

انت قريت الفية. بن مالك في أصحاح اللغة هتقولي لا
هي تشمل كافة قواعد النحو والصرف والربوع والبحور الست عشر
وتشمل فن البلاغة والخفاء والإصغام. والتنوين. والتلاعب في تقديم الخبر
وهي ايضا كنوع فلسفي لكن على شكل اخر

أمور كتير اخويا. ياسر ابتعدنا عنها بمحض ارادتنا نحن
ولكن فى العلم نحن مطالبون ان نتعلم. ونخالط كافة البشر أسوة بخير البرية

وقال تعالى

وإن أحدُ من المشركين استجاركَ فأجره عسى أن يسمع كلامُ الله ،

صدق الحق

ربما تصدف وانا أتبادل بحديث مع ملحد من سلوكي وآدابي وعلمي اجعله يهتدي بنور الحق
ويكون لي خير

لو انعزلنا. عن العالم. فما النفع

كُنتُم خير أمة أخرجت للناس ،

صدق القدير

اليوم أين نحن

قبل ان نهاجم أشخاص للعلم والمطالعة يريدون ان يتثقون من باب المعرفة بالشيء لا الجهل به

يجب تغير أنفسنا من الداخل

لا يغيروا الله ما بقومٍ حتى يغيروا من أنفسهم

صدق ذو الجلال والاكرام


سعدت بتواجدك هنا بموضوعك الشيق

الذي جعلني اتحدث

ولربما لن يعجبك ردي. ولكنها قناعة عقل لا اكثر

أشكرك للمرة الثانية

اخوك عصام

[ahmed 22]

الموضوع اللي انت طارحه للنقاش يا ياسر صعب
ومتفرع جدا جدا ...
ماينفعش يتناقش من زاوية واحدة ..
ومش عارف احنا ممكن نكون متمكنين من النقاش فيه ولا لاء ..
لأن المرجعيات بتاعته واسعة ومساحة الاختلاف فيها شديدة ..
وماعندناش اللي يقولنا انت صح ولا غلط فيه ...

طبيعي انت بتكلم عن الفلسفة وروادها .

بس اولا انت ذكرت اسماء بالجملة
وخلطت فترات زمنية كتيرة في بعض ..
وخلطت بين افكار فليسوف وأفكار كاتب ..
واكلمت عن ناس ماينفعش تحكم عليهم بدخول جنة او نار
لأن الرسايل النبوية قد تكون وصلتهم او لم تصلهم ..
يعني خلي بالك مثلا ان حكم الجنة والنار لمن لم تصلهم الرسائل النبوية
هو اختبارهم يوم الحساب بالعمل الصالح لهم ...
صحيح بنعاملهم أنهم كفار والمسلمين أولي في الدنيا ..
بس جزء منهم ممكن يدخل الجنة
بعمله .. وغالبا احنا بنتناسي ده .. وطبعا مش بكلم عن النهاردة بس
انا بكلم عامة عبر التاريخ ... وخاصة في زمن الفلاسفة اللي كانوا قبل ميلاد المسيح
اللي هما سقراط وارسطوا وافلاطون ...

ولكن
وبرضه خلي بالك ان التاريخ صعب شوية ومتغير وبيتحمل تأويلات كتيرة
لأن الاف السنين فترات مش قليلة ...

في بعض الدكاترة والمؤرخين العرب يقولك ان سقراط مثلا هو لقمان الحكيم ..
لما لقوا تشابه في صفاته وعلمه وحكمته ..
والكلام موثق يعني من بعض الناس ...
في تاريخ تاني من بعض المؤرخين الغربيين بيقول ان سقراط كان شخص مثلي
متأثر بالثقافة اليونانية القديمة الفاسدة .. فشوف التعارض الكبير ..

لو مثلا هنكلم عن ارسطو وافلاطون كفلاسفة فتلاقي ان في بعض الأقوال
تقولك ان دول ليهم رسايل توحيدية والبعض كان بيقولك أنهم رسل او انبياء في زمنهم ..
يعني معروف ان في الاف من الانبياء ومئات من الرسل
بس ماتذكرش غير عدد قليل منهم جدا في القرآن والسنة ...

فبيقولك مثلا ان ارسطو كان يري ان الله خلق كل شئ .. وافلاطون كان يري
ان الله مثال الخير ... وده في مقال للاستاذ مصطفي محمود ...

ثانيا : في فتاوي بتقول انه يجوز أخذ العلم من الكفار بالضرورة اذا
كان عندهم علم ليس عند اهل السنة ...
الله اعلم طبعا .. بس حتي حاسس الفتاوي بتكلم عن الدين او الرسالة
أو انهم مثلا لما يعلموك يستميلوك اليهم طبقا للعلم الشرعي..
وبالتالي تأخد الحيطة .... ..
مش أنك تمنع نفسك عن اخذ العلم
وطبعا الرسول في حديثه بيقول فيما معناه طلب العلم فريضة
وماحددش العلم ده من مين او ايه .. والفلسفة ده علم ..
واللي ينطبق عليه ينطبق علي الرياضياات او العلوم او غيره ...
فمعني أنك تقرأ لشكسبير او موليير او غيرهم من الكتاب ..
فده معناه وجود كتب أو ابحاث نقدية لما يقدموه ..
او يمثل الهام لأخرين ليصبحوا كتاب يصيبروا علي نفس الطريق ..
وده علي فكرة متعارف عليه عالميا مش بكلم طبعا اقتصارا علينا بس كعرب ...
يعني عندك عضو معانا هنا اسمه رضا البطاوي ...
هتلاقيه دايما بيقدم مواضيع نقدية تشبه ما اتحدث عنه ...
فاكر كان كاتب موضوع قريب بينقد فيه كتاب لفليسوف اسمه سارتر ..

وبالتالي ثالثا ... لازم نفصل بين العداء والعلم ..
وبين كراهيتنا لأفكارهم والسعي لتدعيم أفكارنا احنا ..
فنظرتنا للعالم اليوم تختلف عما كان عليه بالامس ..
فأنت الآن مطالب بسبب وضعك الحالي بجهدين وليس جهد واحد
اولا تصويب الصورة السيئة المأخوذة عنك بسبب المسيئين لسمعة الاسلام
والثاني نشر دعوتك بتصويب المآخذ عليها ثم توضيح روحها ونقائها وما تضعه
في النفس من سكينة ... وأنك تكون عارف اللي بيقدموه من أفكار
عشان تكون قادر أنك ترد علي اي شبهة فلسفية تمس دينك ...

فالعلم للجميع .. والعداء محصور بين نقطتين ..
والفلسفة مادة علمية .. لما اتوجدت من الاف السنين
ماكنش متقال انها هتتوجه للمسلمين بس .. دي متوجهه للعالم كله
ولما شكسبير كتب مسرحياته .. كانوا بيعرضها في انجلترا مش في بلادنا ..
يعني الرسالة عالمية مش متحددة او متفصلة علي مقاسنا احنا بس ...
الناس دي في بلادها هما عقليات وقامات وزي ما بيقولوا علامات في تاريخهم
زي ما احنا لينا علامات في تاريخنا وماقولناش للغرب ان احنا هنحتكر أفكارنا
عليكم مثلا ...
زي ما انت شايف دينهم أو فلسفتهم كفر والحاد .. هما شايفينك بنظرتهم ..

ومع ذلك برضه احنا اصلا عندنا فلاسفة عرب .. السلاطين كانوا بيشوفوهم كفرة وضالين
يعني عندك ابن رشد مثلا تم نفيه مش فاكر فين .. وتم اتهامه بالكفر من سلطان المسلمين ..

عندك تعارض كبير بين اقوال الفلاسفة العرب ومعارضة الفقهاء ليها وحروب كبيرة كانت موجودة
بين الفلاسفة والفقهاء ..
وبين تأييد الفلاسفة العرب مثل ابن الرازي وابن سنيا وغيرهم لبعض أفكار ارسطو وافلاطون
ومهاجمة الفقهاء ليها ...
و دايما ماكنش الاختلاف علي رسالة التوحيد .. كان الاختلاف في شكل الكون والمادة
كانت قبل وجود الخالق او بعده ...

يعني برضه مثلا علي ما اتذكر
عندك الامام الغزالي كتب كتاب اسمه تهافت الفلاسفة يهاجم فيه الفلسفة والفلاسفة بشكل كامل يعني ..
ورد عليه ابن رشد بكتاب تهافت التهافت .. عشان يوضح ان الفلسفة لا تتعارض مع الدين ..

قصدي الموضوع مش مقتصر علي أنك تمنع وتمنح ..
تحدد او تعوم ... الفكرة اكبر من كدا بكتير ...

يعني فعلا العلم لا يكيل بالبتنجان ..
ده علم يعني يخاطب العقول .. معني أنك تتجاهل وماتعرفش تواجه أفكار الفلاسفة
المخالفة لعقيدتك ...
بما تملكه من ادوات في دينك ده اسم ضعف وتهرب .. وقلة حيلة ..
وعمرك ما هتمنعه انه يتسرب ليك ... لأنه فكر قايم بذاته

أما أنك حاليا بفلاسفتك القدماء ماكنوش قادرين يحددوا الصف مع الفقهاء
عشان يحددوا منهج معين .. فده معناه ان الاختلاف سيظل موجود ...
والأفكار ستظل عشوائية بين تطرف ومخالفة للعقيدة وتأييد وتكفير ..
وما تراه صحيح يراه غيرك خاطئ والعكس صحيح ..

لأن حاليا احنا اصلا في حالة ركود فلسفي ... وكل مشاكلنا في تقبلنا للارث
الثقافي بتاعنا ... وكل مشاكلنا حاليا أن احنا مش عارف نحدد ايهما صحيح وايهما خاطئ
لان دايما هتلاقي جبهتين متعارضتين .. وكلا منها يخفت او يقوي حسب الاتجاه
السياسي للدولة ومن يحكمها ... يعني سنظل مختلفين ... وده واضح ..

والله في كلام كتير عاوز اقوله .. بس عاوز انام
وان شاء الله من خلال النقاس نشوفه هنقدر نقول ايه جديد ..

[Muhammad_Adel]

لو كنت فهمت الموضوع صح فـ انت معندكش تعارض مع الفلاسفه بعينهم او اللي قدموه
ولا عندك تعارض اساساً في دراستنا للي قدموه واللي ما زال بيقدموه واعجابنا بحاجات معينه ليهم
سواء طريقة التفكير , أقاويل وحكم مشهوره , مواقف , ....... الخ ) لأن ده مش حرام شرعاً ^_^

لكن تعارضك هو في تمجيد وتعظيم الأشخاص دي , تمجيد كتبهم اللي أغلبها فيه سقطات
وغلطات تتعارض مع دينا الإسلامي , وان البعض لما بيقرأ جزء ولو بسيط حتي ليهم بيقول انا قارئ لفلان الفلاني , فلان كتب وقال كذا , فلان دا عمل كذا في الموقف الفلاني مع انه لا دارس فقه ولا قرآن وعقيده كويس علشان يعرف يكون هو نفسه واقف علي أرض صلبه وميتهزش ويقدر يميز ايه النافع من كتبهم وايه العكس ^_^
دا غير التعارض مع دياناتهم وانهم ناقصين بانهم مش مسلمين ^^

لو كان فهمي صحيح فــ أحب اقولك أبدعت بجد ^^
موضوع بسيط وسلس ومميز جداً , لخصت فيه واقع بنعيشه فعلاً
عااااااش يا ياسر .

[fanaa]

برغم انى بحب دان بروان ودوستويفسكى ... وتقريبا مخلصه الادب الروسى . بس برضو بشوفهم عاديين جدا مش لدرجه الانبهار

[بقايا عشق]

شوف ياسر

هو بالنسبه لشكسبير وموليير

انا شيفاهم بعاد كل البعد عن الفلسفه

لانهم اصلا تخصص مسرح وشعر

فكانوا بيكتبوا للمسرح اكتر .

اما بقي عن سقراط وغيره زي افلاطون وديستوفسكي

فانا معاك فعلا في انهم ناس غير انهم ملحدين هما فعلا مغيبين

لان نظريات سقراط وافلاطون وارسطو كانوا من ضمن دراستي

وفعلا هما ملحدين بمعني الكلمه

وكلامهم بالنسبه ليا كان دراسه مش اكتر

يعني واحد زي سقراط مثلا

بالنظريه الخلقيه بتاعته

بيأكدلك انه مش فاهم حاجه

وكتر تفكيره بياخده لطريق تاني مش صح

والمصيبه ان مجادل بطريقه فظيعه

وفي نفس الوقت مقدرش اقول ان كل كلامه فاشل

يعني مثلا نظرته في الاخلاق

كان عنده حق فعلا لما قال ان

مشكلة الأخلاق يمكن ان تحل عندما نفهم النفس البشريه .

فهو في الاخر انا شيفاها انها مجرد وجهات نظر مش اكتر

والفلسفه حواراتها كتير مش اي حد يقد يكمل فيها ويستوعبها

يعني انا شخصيا برغم اني درست فيها حاجات

بس برضو لحد دلوقتي ماليش تقل عليها

ولا بحب اتعمق فيها خالص

انما في ناس بتحب تعمل شو وخلاص

وبيمشوا ورا نظريتهم وخلاص من غير تفكير

عشان في الاخر يبقي بيمشي ورا كلام فيلسوف مش اكتر

بس هو في الاساس اصلا

انا شايفه ان لازم الواحد قبل ما يقرأ

لاي فيلسوف منهم

لازم يكون الواحد قبلها عنده مبدأ

ثابت عليه مش بيتغير بكلمه بيقرأها

ويبقي فاهم من جواه كويس

ان قرأته لكتبهم بتبقي من باب ثقافه
او معرفه مش اكتر

وزي ما انت قولت ان الواحد مايمجدش في ملحدين من غير ما يكون فاهم

ويكون الاساس عنده كتاب الله

وسنه رسوله عليه افضل الصلاة والسلام

وفي النهايه موضوع مميز

يطول النقاش فيه

تسلم عليه ياسر

دمت بكل سعادة

مودتي

[فداااااااااااء]

انا قرأت لبعض الفلاسفة
بعض من ارائهم اعجب بها واتفق معها لانها متوافقة مع فكرى انا ايضا
والبعض الاخر انبذه ولكن لا مانع لدى في معرفة كيف يفكرون
ليس عيب ان يقرأ الشخص للفلاسفة ولكن العيب ان يسلم بكل ارائهم
وان يسير علي خطى فكرهم ويصبح تابع لهم
ليكن بـ شخصية لا تملك فكر مستقل

لذا انا اؤيد رأيك فيما يخص التمجيد المبالغ به لاشخاص لمجرد انهم اجانب
لادعاء التعمق الفكرى والاستنارة والتحضر
هناك فلاسفة مسلمون ايضا بارعون فى ذلك المجال
وان كنت ارى ان الانسان لا يتبع احد الا ما هو متوافق معه

سلمت اخى احساسي

[احساسى صحيح]

اقتباس المشاركة الأصلية كتبت بواسطة *حنايا الفجر* والله فى عباقره كتير عرب بيكتبوا احسن منهم بس دايما ف ناس بتحب الحجات الغريبه اللى مالهاش قيمه ولا معنى وفوق كل ده عندنا كتاب يغنى عن اى شئ وهو القران الكريم اكتفى به فى حياتى وهو نور اصلا واللى يبعد عنه هيتوه تسلم ع الموضوع الجميل الله يسعدك

عندك حق يا فجر وطبعا متفقة معايا
وفعلا الكثير من الفلاسفة العرب صدروا للعالم قيم وافكار تفوق افكارهم ببراعه
لأنها نتبجة عن عقيدة راسخة وهى القرآن والسنة الشريفة
شكرا لمتابعتك القيمة تحياتى