احترم المكان هنا

[Aya 7ekaya]

موضوعك استاذ عصام قابل للنقاش
مبدأيا سبب تدهور احوال المنتدى وهو مش بنات مصر ده المنتديات كلها بشكل عام هو انتشار السوشيال ميديا بدون قوانين ولا رقابه كل شخص ينشر اللى يحبه
وجهه نظرى الشخصيه اننا لو ضيقنا القوانين هنا كمان يبقى بنطفش باقى الاعضاء المتمسكه بالمكان
لاننا بنعاصر الوقت ف محتاجين مساحه حريه
انا مع وضد النقد مع لو كان هادف وانا شخصيا مش هنتقد شخص غير لو شايفه انه يستحق يكون افضل ف بنتقد على حسب خبرتى
ضد لو كان هادم هدفه الاحباط
بالنسبه للمنتدى اه شوفت ردود فيها نقد لكن تقبل النقد او عدمه ف ده يرجع لصاحب الموضوع فقط

وبدورى كادارة بتحرك لو وصلتنى شكوى رسميه من صاحب الموضوع ومن قريب راسلت عضو اساله لو كان الشىء ده سبب له مشكله اقصد النقد لكن رده كان انه بالعكس هو متقبل و حابب النقد
غير كده ف بعتبر النقد شىء هادف بعيد عن ملل الردود الاعتياديه
ممكن زى ما لمار قالت اكون بعمل ديزاين و بعرضه و الاقى نقد مثلا من مشرفه القسم بكونها ممكن اكتر منى خبره فى الديزاين انا شخصيا هتقبل ده وهحاول اطور النقطه اللى لقيت عليها تعليق
هنا نقطه الاختلاف تقبل العضو للنقد من عدمه
من حق اى عضو مش متقبل اى نقد يرفض او يشتكى

شكرا للمساحه القيمه للنقاش

[قلـــــــــــــــــم]

اقتباس المشاركة الأصلية كتبت بواسطة ايمان طلعت فيه ناس كتير بتتصارع كأنه واقع وهو مش مدرك ان دة مكان افتراضي للتعلم والترفية مكان نترك على بابة صراعات الواقع لنريح انفسنا قليلا هنا الكل مجرد عقل اما يتعامل بخلقه او متصنع فالكل مخفي وراء شاشة لكن ان كان هذا او ذاك فستبقى السلوك والسيرة الحسنة موضوع في الصميم تحياتي

بالفعل استاذة ايمان. أسف في اللفظ

يكون اي مهنة ولا مكوجي. ويدخل يعمل فليسوف

يعوض النقص ال فيه.

هذا مرض نفسي بجد ويجب علاجه بأسرع وقت

انا لا انتقد النقد أبدا. ولكن. بأسلوب متحضر راقي

النقد له مكان خاص

كما تعلمنا عفوا. تعلمت بالخارج هذا المنطلق وهو تحت مسمى كيان الانسان

طول ما العرب يتأمرون على بعضهم البعض. وينتقدو فلن تفلح هذة الأمة أبدا

بكتاب الله

امرهم شورىٰ بينهم.

صدق الحق في علاه

واحنا ال بالصين يشوف الغسيل الوسخ ال عندنا

فالامر مدرك تحت لا احترام لكينونة الانسان


اشكركَ جزيل الشكر

تحيتي وتقديري واحترامي

عصام

[.Lamar]

اخى الكريم قلم
انا كمان عجبنى جدا النقاش مع حضرتك
بس فعلا محصلش انى شوفت نقد جارح
او نقد شخصى او مش فى صلب الموضوع
و معندناش عضو ارعن او مريض نفسي
الحمد لله
كلهم عقول و اقلام ربنا يحفظها
و انا مش متفقة معك اخى ان النقد يكون خاص
انا اما كان حد ينزل تصميم
و الاقى حد انتقده
كنت باخد بالى و بتعلم حاجة جديدة مكنتش اعرفها
جزء من وجودنا هو الترفيه
لكن مش هو الهدف
الهدف اننا نكون مجتمع مصغر ناجح
نبدع و نبرز مواهبنا
و الموهية مش هتصقل غير بالممارسة
و انى اصلح من اخطائى
عشان مكررهاش
و مش صح انى ادخل موضوع
اقول برافو و روعة
و اروح الخاص اقول لا دة ناقصه كذا
ما اللى بيفهم و يتابع هيقول عليا مجامل
و مينفعش حتى لو عضو جديد
امدح فيه على العام عشان ميسبش المنتدى
ما ممكن برضو اكلمه خاص يظن نفس الظن السىء
و يقول اه شايف نفسه و بيعدل عليا
فاللى عنده مشكلة بالنقد
هيرفض العام و الخاص

شكرا واسفة للاطالة

[قلـــــــــــــــــم]

اقتباس المشاركة الأصلية كتبت بواسطة aya 7ekaya موضوعك استاذ عصام قابل للنقاش مبدأيا سبب تدهور احوال المنتدى وهو مش بنات مصر ده المنتديات كلها بشكل عام هو انتشار السوشيال ميديا بدون قوانين ولا رقابه كل شخص ينشر اللى يحبه وجهه نظرى الشخصيه اننا لو ضيقنا القوانين هنا كمان يبقى بنطفش باقى الاعضاء المتمسكه بالمكان لاننا بنعاصر الوقت ف محتاجين مساحه حريه انا مع وضد النقد مع لو كان هادف وانا شخصيا مش هنتقد شخص غير لو شايفه انه يستحق يكون افضل ف بنتقد على حسب خبرتى ضد لو كان هادم هدفه الاحباط بالنسبه للمنتدى اه شوفت ردود فيها نقد لكن تقبل النقد او عدمه ف ده يرجع لصاحب الموضوع فقد وبدورى كادارة بتحرك لو وصلتنى شكوى رسميه من صاحب الموضوع ومن قريب راسلت عضو اساله لو كان الشىء ده سبب له مشكله اقصد النقد لكن رده كان انه بالعكس هو متقبل و حابب النقد غير كده ف بعتبر النقد شىء هادف بعيد عن ملل الردود الاعتياديه ممكن زى ما لمار قالت اكون بعمل ديزاين و بعرضه و الاقى نقد مثلا من مشرفه القسم بكونها ممكن اكتر منى خبره فى الديزاين انا شخصيا هتقبل ده وهحاول اطور النقطه اللى لقيت عليها تعليق هنا نقطه الاختلاف تقبل العضو للنقد من عدمه من حق اى عضو مش متقبل اى نقد يرفض او يشتكى شكرا للمساحه القيمه للنقاش

كلام جميل. لا اختلف عليه

انا لي محور. واحد.

لا اختلف على النقد البناء بالعكس ارحب به

ولكن. هنا أقف

النقد يكون في الرسائل الخاصة. لا العام. وخاصة في المنتديات الأدبية

انتقد ولكن بينك وبين العضو لا بالعام

وان جعلت المنتدى لأجل قلة دون قوانين جازمة وحازمة

واحترام. اي لا تواجد للعضو الحديث

يبقى انا الان. بصفتي قديم هنا

العب زي ما انا عايز وأطفش ال مش عاجبني

بيوم. حدثت. حادثة. بيني وبين. سيد. قلم بلا حبر بسبب هذة الأفعال

تعرفي ليه. علشان. تعديل حرف في موضوع لرحيق الجنة او عضوة هنا

وكانت النتيجة. اعتذرت. لأَنِّي ايقنت كيف يفكر عندما اشتد وقال اتفضل كل نقدك قوله بالخاص


لما. احترام العضو هو أساس النجاح عضو يدعو عضو

تحيتي واحترامي وتقديري
أتمنى تكون رسالتي وصلت

[قلـــــــــــــــــم]

اقتباس المشاركة الأصلية كتبت بواسطة .lamar اخى الكريم قلم انا كمان عجبنى جدا النقاش مع حضرتك بس فعلا محصلش انى شوفت نقد جارح او نقد شخصى او مش فى صلب الموضوع و معندناش عضو ارعن او مريض نفسي الحمد لله كلهم عقول و اقلام ربنا يحفظها و انا مش متفقة معك اخى ان النقد يكون خاص انا اما كان حد ينزل تصميم و الاقى حد انتقده كنت باخد بالى و بتعلم حاجة جديدة مكنتش اعرفها جزء من وجودنا هو الترفيه لكن مش هو الهدف الهدف اننا نكون مجتمع مصغر ناجح نبدع و نبرز مواهبنا و الموهية مش هتصقل غير بالممارسة و انى اصلح من اخطائى عشان مكررهاش و مش صح انى ادخل موضوع اقول برافو و روعة و اروح الخاص اقول لا دة ناقصه كذا ما اللى بيفهم و يتابع هيقول عليا مجامل و مينفعش حتى لو عضو جديد امدح فيه على العام عشان ميسبش المنتدى ما ممكن برضو اكلمه خاص يظن نفس الظن السىء و يقول اه شايف نفسه و بيعدل عليا فاللى عنده مشكلة بالنقد هيرفض العام و الخاص شكرا واسفة للاطالة

اسف على الوصف ولا اقصد احد مطلقا

انا لستُ ضدد النقد

ولكن ضدد النقد بالعام.

العضو مش هيجيلك يقولك انتقدوني

هيكبر دماغه ويقول. انا لِسَّه حديث معقول يعملو شيء مع ناس قديمه

الموضوع وما فيه. هو احترام فقط

انتقد ولكن نقدك في الرسائل

عضو قديم عضو حديث هنا مكان للراحة والتنفس

هل من هنا معه بطاقة ناقد يا عزيزتي لا

هل هنا في المنتدي من يحمل بطاقة فيها المهنة. الأديب الناقد

لا
اذا انا اختلق مهنة غير هنا ليس لها تواجد وهو نوع من انواع التدليس والأقنعة الزائفة

انا هنا. من. قلم. هل انا هنا مهندس او اتحدث عن مجال التخطيط العمراني.
لا انا قلم عضو في منتدى بنات مصر

احدث عضو مثلا من هي

فلانة. تعمل بمجال الطب الجراحة هل تتحدث عن جراحة القلب

انها

فلانة عضوة في منتدى بنات مصر

أتمنى تصل الرسالة وما اريد إيصاله

احترم العضو وان كان نقد اتفضل بالمكان الخاص. الرسائل الخاصة

وشكرا تقديري واحترامي

[دمعه حائره]

اولا بشكرك على حرصك وخوفك على المنتدى ومساهمتك فى اعادة النشاط
فعلا كان زمان فيه قانون يمنع النقد على العام الا بموافقة العضو صحاب الموضوع
معرفش موجود ولا لأ وكان فيه فترة يكتب العضو فى اخر موضوعه اقبل النقد
بس مش هنختلف طالما النقد بناء والقصد منه التطوير بشرط يكون من شخص دارس وفاهم
او مثلا من مشرف القسم لانه اكيد تم اختياره بعد خبرة
لكن غير كدة هيعمل مشكله
عن نفسى مكنتش بضايق بالعكس اتعلمت من كل الاخوة هنا واولهم حضرتك
الوضع حاليا محتاج احتواء وتشجيع اكتر من النقد
وإن شاء الله نكون احسن

[قلـــــــــــــــــم]

اقتباس المشاركة الأصلية كتبت بواسطة *حنايا الفجر* مش كل الناس زى بعض ف التعليم والتفكير والاسلوب اذا امرت ان تطاع فامر بما يستطاع

كل مره. أقولك هاتي العصايا. معاك

يرضيك. انضرب يعني من الشرطة العسكرية ال لبسين باريه احمر

[د/ عبد الله]

اقتباس المشاركة الأصلية كتبت بواسطة قلـــــــــــــــــم بالفعل ومعك الحق وقال رسول الله صلى الله عليه وسلم. من ستر مسلماً بالدنيا. ستره الله بالآخرة لست ضدد النقد مطلقا. ولكم لا يحق. لعضو وأي كان هنا وفي هذا المنتدى تحديدا ان ينتقد عضو اخر على العام وهذا البند. ينطبق في بند من شروط المنتدى. تحت اسم التجريح انت تريد الافضل. هناك الطريق الصحيح. وهو الرسائل الخاصة ربما انعم الله عليك. وتحمل. صفة الأديب راقي الفكر. ولكني. انا محدود الفكر دخلت هنا. لاتنفس. لماذا تنتقدني بالعام وتجعلني كتلميذ فاشل لك انت هنا. عزيزي. عضو. وانا عضو. ولسنا بسوق عكاظ او بندوة ادبية تحمل الثقل الأدبي الذي انعم الله به عليك اي انا وانت هنا للترفيه عن النفس. لسنا في مساجلة ادبية. او رسالة ادبية فلا داعٍ انت تنتقدني. وان أردت. فيكون بالستر. لا انت تحمل بطاقة ناقد ادبي. ولا انا احمل بطاقة. أديب اشكركَ جزيل الشكر. تحيتي وتقديري وامتناني لشخصك النير الكريم

أستاذ عصام
كل ده وحضرتك مش ضد النقد؟

ربما يكون الموضوع شائك وترددت اني أرد لكن خلينا نوضح بعض الامور
بصفتي غالبا واحد من اللي حضرتك كتبت الموضوع عشانهم.

حضرتك بتتكلم عن ستر مسلم وتجريح؟؟؟

هو المنتدى معمول ليه ؟
مش عشان الناس تتناقش مع بعض وتاخد رأي بعض؟
طيب هو الرأي ده لازم يكون رائع وجميل وتسلم ايدك واستمر....الخ
مفيش رأي تاني ممكن يتقال؟
مفيش رأيي أنا اللي ممكن اقوله بصفتي عضو ليا الحق ف الرد على موضوع مطروح للناس كلها؟
هو انا لما أسأل ع نقطة مش فاهم معناها او اقول اني رأيي كذا
انا كده بسئ للعضو ف ايه
وزي ما مكتوب فوق ان لولا ان الموضوع كويس مكنش لاقى النقد
النقد اللي هو ف تعريفه توضيح المحاسن والعيوب
النقد اللي هو مباح وعادي جدا عند العقول اللي تعدت مرحلة القمص من زمان.

ده غير ان اللي بيحصل منقدرش نسميه نقد بمعنى الكلمة
ده مجرد رأي ..مش لازم خالص اروح اقوله ع الخاص

يافندم لو كل واحد خاف من النقد وتقبل الرأي الاخر ايه اللي هيعرفنا غلطنا؟
لما الاقي اني ع طول الخط مش بسمع غير رائع وجميل واستمر
ازاي هقدر اتقدم خطوة واحدة؟
ازاي هعرف الصح من الغلط؟
مش كل الناس بتفهم ف نفس الحاجة زي بعض
فيها ايه لو حد فاهم ف حاجة وفاد غيره؟
وفيها ايه لما اللي مش فاهم ميقولش حاجة؟
يعني انا معرفش حاجة ف الفوتوشوب...هل لو حبيت اتعلم وعملت حاجة وجه حد فاهم زي حضرتك مثلا قالي لا اعمل كذا او غير كذا ..انا كده ازعل واقول لا هو بيعدل عليا ليه؟

حضرتك المفروض اننا هنا ناس كبار عمرا وعقلا والحاجات دي مش لازم انها تشغلنا ولا نعمل عليها مشكلة.

حضرتك احنا هنا من سنين وقدمنا كتير برضو ف المنتدى وعدت ايام حلوة وايام هبوط للمنتدى
وزي ما لمار قالت عمر النقد ما يكون سبب للهروب او هبوط المستوى
لكن الشللية وان يبقى عضو معين متعهد مواضيع عضو معين بتعليقات الروعة والجمال مش لحاجة غير بس لان فلان هو الكاتب.
وهو ده السبب الحقيقي لهبوط المستوى مش هنا بس لكن ع مستوى اكبر

اتمنى اكون وضحت وجهة نظري واتمنى ان حضرتك تتقبلها بصدر رحب
ولو عندي غلط أرجو التوضيح من الادارة...شكرا للجميع

[ايمان طلعت]

اقتباس المشاركة الأصلية كتبت بواسطة قلـــــــــــــــــم بالفعل استاذة ايمان. أسف في اللفظ يكون اي مهنة ولا مكوجي. ويدخل يعمل فليسوف يعوض النقص ال فيه. هذا مرض نفسي بجد ويجب علاجه بأسرع وقت انا لا انتقد النقد أبدا. ولكن. بأسلوب متحضر راقي النقد له مكان خاص كما تعلمنا عفوا. تعلمت بالخارج هذا المنطلق وهو تحت مسمى كيان الانسان طول ما العرب يتأمرون على بعضهم البعض. وينتقدو فلن تفلح هذة الأمة أبدا بكتاب الله امرهم شورىٰ بينهم. صدق الحق في علاه واحنا ال بالصين يشوف الغسيل الوسخ ال عندنا فالامر مدرك تحت لا احترام لكينونة الانسان اشكركَ جزيل الشكر تحيتي وتقديري واحترامي عصام

انا لما رديت عالموضوع علقت بشكل عام على صراعات المكان
بخصوص النقد
انا لما اقول رأيي في موضوع و كان فيه شئ غلط وانتقدته
ممكن صاحب الموصوع يتقبله او لا واللي هيفرق هنا ايه
الاسلوب
اسلوب النقد نفسة
فطريقة نقدي لازم تكون محترمة راقية عشان يتقبلها
لكن المرفوض هو النقد بالتجريح والتعالي واعتقد دة اللي حضرتك تقصده بموضوعك
ففي موضوعك مثلا اعضاء علقت وعارضتك في رأيك بشكل راقي
لكن لو حد دخل قالك ايه اللي انت كاتبه دة و...و...و.....
اكيد الحوار هيدور بشكل تاني
فالاول والاخر الاسلوب هو المحور الاساسي

افتكر من فترة كبيرة كان فيه عضو هنا كان عامل توبيك يصطاد فيه اي خاطرة تنزل ويطلع منها الاخطاء اللغوية والنحوية وكلنا تقبلنا الامر وكنا بنضحك ونهزر في التوبيك على نفسنا
دي تاني نقطة
العقل المتقبل الفاهم الواعي للنقد بالاسلوب الراقي

تحياتي

[قلـــــــــــــــــم]

اقتباس المشاركة الأصلية كتبت بواسطة روح الروح كلام قلم وإيمان انا معكم وكمان العضو بيفتقد الترحيب القوى المناسب للمكان وعدم الاهتمام وأمور تانيه شوفتها ساعدت على التطفيش يحتفظ بيها لنفسى عشان محدش يزعل تحيتى ع الموضوع القيم

ايوا ي لا تقلق

اتفضلي اتكلمي. الموضوع أتفتح لنقاش

كل السبل متاحة

يا لا تقلق