انقدني ..~

[Lamees]

ليس الهدف من النقد هو مهاجمة الأخرين فقط
كما يظن البعض
ولكن الهدف من النقد هو الاصلاح هو التغيير
هو تنمية الذات والسمو بها والوصول بها الى القوامة
ولكن هل كل من ينتقدونا يكون هذا ما يهدفون له
اقصد هدفهم الاصلاح
ربما لا بعضهم ينتقدونا لشعورهم بالغيرة
والبعض ينتقدنا ويكون الغرض هنا تعكير صفونا
والبعض الآخر وهم من يحبوننابالفعل
يكون هدفهم الرئيسي هو تقويمنا
ولكن بصرف النظر عن من يكونوا هم
وماذا نمثل نحن لهم
لابد ان نختار اسلوب النقد المناسب
كي يتقبله الآخرون
وكي يأتي بثماره المرجوه منه
لابد ان يكون القول لين
وان تكون الكلمات رقيقة تلامس
قلوبهم كي يصل المراد من النقد
الى عقولهم ويتقبلونه بصدر رحب
ويكون التغيير قيد التشغيل
طابت اياامكم بالخير والود
lamees

11 - 9 - 2018

[دمعه حائره]

مفيش شك إن النقد البناء مفيد وخصوصا
لما يكون من شخص فاهم وواعى ويمتلك لباقه فى الحديث
الاسلوب عليه عامل كبير فى ترك اثر طيب وايجابى
ينفع به الاخريين
تسلمى رونى مقال قيم

[ahmed 22]

هو عامة انا خدت قرار بيني وبين نفسي
اني ماليش علاقة بأي نقد ولا اي رأي
في اي حد يكتب في اي حاجة ...

بس من خلال موضوعك يا استاذة لميس
هيكون اخر تعليق ليا فيما يخص النقد عامة ..

الحكاية مش في نوايا الشخص اللي بينقد بس
او طريقة تقديمه للنقد بلباقة او غيره ..
والله لو عمل بلياتشو للي قدامه عشان يبينله كل النوايا الطيبة
الفكرة كلها هتكون في نظرة الشخص المنقود في طبيعة الشخص اللي بينقده
او حتي لفكرة النقد عموما او الهنجعية بتاعة المنقود اللي بيحس ان
الكون كله ضد موهبته الفذة العميقة اللي مافيش زيها في الوجود
واللي الشخص ده بيحاول يهدمها
بمعني أنه هو بينظر ليه نظرة فوقية احيانا
ازاي واحد مثلا في مستوايا او اقل مني في الكتابة
ويدخل ينقدني يعني ....
والعجيبة لما تلاقيه يتقبل في العلن
ويطعن فيك في ظهرك في الخفاء يعني ..
اصلا المعرفة نسبية ... يعني اللي انا ممكن اعرفه
انت ماتعرفوش والعكس صحيح ..
فمتستكبرش ان ممكن حد يشوف حاجة
انت مش شايفها ..والعكس صحيح .. عادي خالص ..

الفكرة برضه في ان مش معني انه شخص ينقدك
انك ترميله المنديل وتبصم علي كلامه عشان تبين انك انسان متفتح
وبتقبل النقد .. أو أنك تتجاهله وتعتبره واحد ضدك

لأنه لما بتكتب لازم يكون عندك القدرة انه لما حد ينقدك
ومش عاوز اقول الشراسة كمان
انك تدافع عن اللي بتكتبه لو أنك مؤمن بيه ومؤمن بنفسك ...
وبقدرتك وبطريقك ... وده بيقترن
بمدي معرفتك بامكانياتك ومصداقيتك مع نفسك ..
وبالتالي تقدر تقول للي قدامك انت صح في كذا
وغلط في كذا ... وتناقشه ..
علي فكرة أنت ممكن تخلي اللي بينقدك لو عنده غرض
يظهر انه انسان تافه يعني بمنتهي السهولة ..

الفكرة برضه احيانا بيكون في المكان نفسه
اللي اتعود علي روتين محدد ..
وبالتالي افتقد القدرة في الحكم الصحيح ..
فبتلاقي تبعية في الردود

انا مثلا ساعات بشوف مواضيع حلوة جدا ..
بس لما الاقي اول رد اتكتب
تسلم ايدك ...
فأنا عرفت بقيت الردود شكلها ايه وراه
بتلاقيها غالبا نفس النمط ..

لما الاقي اول رد فيه بقا
الله علي الابداع والجمال
بتلاقي نفس الردود علي نفس المنوال
ولو حتي الموضوع لا يرتقي انه يتعدي 5 من عشرة
والله دي حاجات الكل ممكن يلاحظها ..

وبالتالي ازاي حد ينقد في نمط زي كدا ..

وبرضه والله ده احنا كبشر لما نقعد قدام بعض
وشايفين ملامح بعد مش بنعرف نتقبل بعض لما ننقد بعض
هاجي يعني علي المنتدي اللي لا عارفين فيه نوايا
ولا صور ولا تزييف نقدر نحدده ولا وشوش بنشوفها ..
وهنطلب من الناس انهم يتقبلوه
ونحاول نستميت عشان نقول للناس ان نوايانا حلوة مثلا
بلا وجع قلب ..

شكرا للطرح القيم استاذة لميس
دوام التميز والرقي ..

[countess doha]

كمان مش كل الناس هتقبل النقد , ممكن يكون فيه اشخاص ثقتهم بنفسهم عاليه شويه ف يواجهوا النقد بعرض الحائط , يعني تحصيل حاصل
كمان فيه اللي ثقته بنفسه مهزوزه ف مش يصلح من نفسه لا بالعكس , ده ممكن الكلام يكسره ويخليه يكره يعمل الشئ المنتقد ده مره تانيه
ف انا من وجهه نظري اللي ميحسش بنفسه او بالشئ اللي بيعمله انه ممكن حد يستوقفه عليه او يكون مجال للكلام من اي حد , مييستاهلش كلامنا ولا راينا , لانه ممكن وبدون شك يرد رد جارح ومش هتبقي وصلت لحل معاه مع انه مجرد راي منك
يعني كل واحد يخلي رايه لنفسه منعا للاحراج من كلا الطرفين

[د/ عبد الله]

هو موضوع النقد ده كان سبب اني خدت قرار بالابتعاد وعدم التعليق على اي موضوع
لكن يبدو اني هلغي القرار ده لان المنتدى بدأ ينام تاني
فحبيت أساهم في محاولة انقاذ الحال اللي يدوب بدأ يتعدل ...وأسباب تانية.

كتبت كلام كتير ورجعت مسحته لان مفيش فايدة من الكلام
كلام أحمد بيعبر عني.
والخلاصة اللي طلعت بيها ف المنتدى بخصوص النقد:
إما أن تصفق وإما أن تسكت.

[CAN _ 7LM]

فعلا اسلوب النقد بيختلف وبيتوقف عليه تقبل الشخص الرأى
بس فى معظم الناس مبتحبش حد ينتقدها لأن الحقيقة مؤلمة بس هو وسيلة كويسة عشان يلفت النظر لجزء مش كويس فى الشخصية ولكن بأسلوب بناء .
أحسنتِ 😍

[احساسى صحيح]

الموضوع دا حساس وشائك شوية
وفيه إختلافات كتير ف الرأى ..

أنا مع الحرية فى الكتابة والحرية فى النقد ولكن زى ما قالت لميس
ودى صعبة جدا .. إنك تحاول تبين السلبيات بطريقة يتقبلها الكاتب
بالعموم أنا وجهة نظرى إن كل عضو فينا بعد فترة من وجودة
وبيحب يقدم النقد أكيد هيعرف مين من الاعضاء هيتقبل ومين لأ
مش معقولة انتا كـ ناقد ، تنقد موضوع لشخص متعرفش مزاجيته
وبعدين تدخل عليه بنقد ظاهره النصيحة وباطنة المظهرية
حتى وإن تقبله منك أكيد دى بترجع لشخصية المتلقى
وطريقة رده عليك من غير المعقول تكون فظة
اكيد هيحتويك ويعدى المسئلة ..ولكن يبقى فى نفسه شىء لك ..
علشان كدا المنتدى مهمته
إنه ينمى العلاقات الاسرية بين الاعضاء ولا ينفرهم من بعض ..

ع العموم لا يوجد نقد سوى فى الاقسام الادبية فقط
اما بقية الاقسام يعتبر مجرد رد
ربما يكون فيه خلاف فى الرؤى المطروحة ولكن لا تعتبر نقد
لذلك اى نقد خارج الاقسام الادبية يعتبر إنتقاد وليس نقد
والفارق بين الاثنين شاسع
وتظهر نية المنتقد إذا كانت سيئة او إيجابية ..
بالمجمل زى ما قال أغلب الاخوة طالما الموضوع ده
سيؤثر بالسلب على المنتدى فـ المصلحة العامة تقتضى
إننا ننحى مصلحتنا الشخصية لصالح المصلحة العامة ..
شكرا على النقاش الهادف
تحياتى ..

[(طائر الشرق)]

بالبلدى كده ومن غير لت وعجن

ربنا لما وزع الارزاق مفيش حد راضى برزقه

ولما وزع العقول كل واحد قال انا العاقل الوحيد

فى الدنيا ده قانون بلدنا

[ايمان طلعت]

النقد باختصار سديد
بيتوقف على الاسلوب في طرحة
وعلى العقل في تقبله
وبس

تحياتي

[فداااااااااااء]

انتى لخصتي الكلام كله فى طرحك لميس حول النقد
بالنسبة لي النقد امر هام ومفيد للجميع مادام الغاية منه هو النفع
ولكن من الافضل ان نعلم ان الاسلوب مهم ايضا لانه بياثر على الشخص اما بالايجاب او السلب

سلمتى رونى