انتو ناس ملكمش اى 30 لازمة ولو كنتم فى مكان تاني هيكون ليكم كرامة عن هنا

[جالس لحالي]

انتو ناس ملكمش اى 30 لازمة ولو كنتم فى مكان تاني هيكون ليكم كرامة عن هنا



دهـ الى صفحات كتير من الفيس بوك بتقوله

اى كارثة فى بلدنا مصر ,,, بتكون حصري فقط مفيش زيها فى العالم
وجودك اساسا فى مصر ومولدك فيها هو ابتلاء من رب العالمين واللهم هجرة

تبقى قاعد فى امان الله وفاتح الفيس بوك تلاقي واحد من الى عندك برغم درجة تعليمه وكبر سنه عامل شير لبوست بيقول ان كوكب اليابان الشقيق بيرشو برفان فى الهوا وخد عندك كم من المهاترات والشائعات عن كوكب اليابان لدرجة ان كوكب اليابان الشقيق عمل حساب على تويتر وبالعربي علشان يرد على خزعبلات العرب

انت عايز تتقدم ازاي وتعيش حياه مرفهه وانت اصلا مش شايف ان انت نفسك اساس المشكلة

بتبص للغرب على انهم ناس بسيطة والحياة حلوة .. ده حقيقي بس ده بسببهم هما وبسبب غلاء المعيشة عندهم

وانهم لما بيدخلو اى سوبر ماركت وبيشترو ثمرة واحدة ده مش ترفه او بساطة ده لان معيشتهم وضرايبهم واكلة نص مرتبهم فبيدرك انه مينفعش يشتري 2 كيلو موز و 2 كيلو برتقال يخلصو فى ساعة قدام فيلم عربي

هناك مش بيروحو الشغل متأخر ساعة او يسيبو كوباية الشاي السخنة ويزوغو من الشغل

هناك معندهمش الشغل بنصف المجهود والقصة الفارغة بتاعة على قد فلوسهم

هناك معندهمش الموظف المجتهد بياخد على دماغه والى بيطبل بيكون مدير

هناك معندهمش توك توك بتركبه 200 متر وتدفع 5 جنيه وتنزل منه تقول البلد دي لو فيها قانون كانت حاسبة الناس دي واساسا البلد دي لو فيها شعب بيستخدم دماغه فى الصح مكنش التوك توك بقى ليه قية اصلا

فاتح الفيس بوك وتحولت لزومبي انت والى معاك وكله كوم وجماعة الملحدين المحدودة كوم تاني

انت مش عارف ان سؤالك كيف بدأ الخلق واحنا عيشين ليه دي كفر ؟

ده طبيعي نتيجة تعليم انت اساسا مش معترف بيه ولا تفقه فيه شىء

عايش عايز كل حاجة تحت رجليك ..

في ناس بتعافر وتنحت فى الصخر حرفيا لكن محدش بيشوفهم فى العالم الافتراضي الى انت عايش فيه

فوق واصحي وركز فى تصرفاتك انت مش نكرة ولا مهمش

انت الى مهمش نفسك

انت الى مش مقتنع انك بنى ادم وشايف نفسك حمار مع مرتبة الشرف فى البلد دي ولو هاجرت منها هتبقى دكتور ونبغه

متشميش مع الموجة واعرف قيمة نفسك ... هترتاح

[.Lamar]

فعلا احنا شعب بيحب الاشاعات
والمبالغة فى كل حاجة
حتى اما بنصبر بنصبر بزيادة لدرجة الهوان
معاك فى رأيك ان برة الحياة مش وردى
و الانسان لازم يشتغل كويس عشان يعرف يعيش
بس فيه تقدير لتعبه
على قد تعبك هتعيش مش زى هنا
الحرامية هما اسياد البلد و بالفهلوة
العيب مش فى المواطن لوحده
يا ترى بيتخرج من المدرسة متعلم ايه
يا ترى دة منظومة تطلع ناس بتفكر و عايزة تغير الحال و تبقى حاجة
و ان طلع ناس فلتة كدة
يا ترى بتلاقى اللى يشجعها و يتبنى افكارها و يساعدها
و لا بيتقلل منه و الاغلبية تضطر تسافر برة
عشان هنا هتتحارب
الغلط مش فى المواطنين بس
المنظومة كلها فاشلة فمش هتخرج عقليات غير كدة للاسف

كل الشكر لموضوعك القيم اخى
تحيتى

[Doaa Hammam]

صحيح كلامك وأتفق معاك

الشعوب هي اللي بتبني بلدها

وحقيقي الاجانب اللي بننظر لهم بانبهار واعجاب دول اكتر ناس بتعرف قيمة الوقت

ومفيش عندهم اسراف او بذخ في اكلهم او ملابسهم لانهم عارفين قيمة القرش وبيتعبوا فيه


وبالفعل بيدفعوا 40% من راتبيهم ضرايب كل سنة مقابل خدمات الصحة والتعليم

حياتهم جادة ومفيهاش رحرحة ولا أنتخة زي الموظفين اللي في بلدنا اللي عاملينها تكية


لا من وراهم انتاج ولا فايدة وعالة مقنننه وده كان خطأ من الدولة من البداية انها شغلت موظفين وهي مش محتاجه لهم

ربنا يصلح الحال

وجزيل الشكر لرقي طرحك ووعيك

[ahmed 22]

هو بس اولا هو مش كفر
ان الانسان يكون غايب عنه اجابة اسألة محيراه
هو الكفر الحقيقي انك تكفره لمجرد انه سأل ..

هو مش شايف حد مؤهل ان يجاوب علي اسألته بطريقة
مباشرة تناسب عصره وعقليته .. ومافيش اجتهاد عشان يعمل تحديث
بطريقة مقننة تناسب العصر اللي احنا بقينا فيه من ناس ثقات ...

انا مش هختلف معاك في حاجات كتير انت قلتها
بس كلها حاجات متركبة علي وضع اتنشأ بطريقة غلط
هما مش سبب رئيسي فيه .. هما جزء من دوامة اتصنعت
من تراكمات سنين وسنين ... صنعت ناس غير مؤمنين بأنفسهم
لأن ماحدش مؤمن بيهم اساسا انهم قادرين انهم يتغيروا
بيهاجموهم لمجرد انهم بيسألوا او مش لاقيين الالهام اللي يخليهم
قادرين يكونوا افضل لبكرة ...
ماحدش مالوش لازمة .. اللازمة هي اللي بتصنع العدم
والعدم بعد كدا بيوجد الطموح لما يتوجد الأمل ..

وريهم طريق واضح للأمل .. هتلاقي كتير اتغير ..
يمكن اخلاقهم مش هتكون احسن .. لأن ده وضع مختلف
بس علي الأقل مش هيرموا فشلهم علي حد ..

[رنيم حمدي]

تعليق جميل