مين السبب في ده كله

[واد حبيب]

السلام عليكم ورحمه الله وبركاته
اولا اقول لنفسي حمدلله علي السلامه اول موضوع من فتره طويله
من زمان والعالم كله بينادي لا بتحرش ببنات
علي الرغم ان العالم كله بيتكلم في الموضوع ده لكن في حالات تحرش كتير بتواجه البنات سواء في الشارع او في المدارس او حتي في الاماكن العامه
كل يوم عن يوم الحالات بتزيد علي الرغم من القوانين الصارمه بهذا الموضوع
هل العيب في لبس البنات الضيق والمقطوع ولبس الاغراء اللي اغلب البنات لبسنو لكن لو ده السبب فين دور الاهل في لبس البنات دي وازاي بنت تطلع كده قدام اهلها
ولا العيب في تاخر الزواج وغلاء المعيشه لكن لو كان السبب في كده دي شي مهما كان ميخلكش تعمل الغلط وتتعاقب عليه اشد العقوبه

ولا في سبب تاني سبب التحرش الجنسي للفتياة

[د/ عبد الله]

الاسباب كتير
من أهمها زي ما ذكرت اللبس الفاضح للبنات واللي بقى موضة وعادي جدا
اللي بستغربله فعلا هو موقف الاهل من اللبس والشكل اللي بناتهم بتنزل بيه
مش عارف فيه ايه بجد.
ثانيا الانفتاح اللي بقينا فيه واللي اختلطت فيه كل المعايير
ده غير الانحطاط الأخلاقي الرهيب اللي بقى عند الشباب

[شروق محمود]

هو اصبح ظاهره وظاهره خطيره كمان
ولو جينا نشوف الاسباب هنلاقيها كتيره
ولكن اهمها ف رأيى هى ضعف الوازع الدينى
يعنى لو الشاب نشأ ف بيئه يعرف الحلال والحرام
ونفس الكلام طبعا للفتاه
ويجى بعد كدا اسباب منها البطاله
والدش بقنواته الكثيره والفتن
وطبعا لبس البنت عليه عامل كبير
ربنا يهدى شباب وفتيات المسلمين
طرح قيم
تحيتى

[Arco Baleno]

الزمن اتغير ..
الان غض البصر انعدم لا خجل لا في بنت ولا ولد
وتربيه الاهل اتغيرت عن زمااان
الاهل زمان
ينمون القيم والاخلاق جوات الابناء منذ الصغر وتوضع امامهم طريقين ..
الان قله من يربي ابنائه على تلك الاخلاق ..
وايضاء دخلت عوامل كثيره تسببت في الانحطاط والسبب هم الاهل يشترون الى الاطقال الاجهزه منذ الصغر ويطلع على العالم بشكل سهل .
وتموت برائه الطفل منذ الصغر ويكبر وهو متاثر ومقلد في اللبس والاخلاق
الحياء انعدم تقريبا الا من رحم ربي
الان نحن في زمن غريب ومنفتح جدااااا .
والله يصلح ويهدي البنات والاولاد الي سلكو هذا الطريق..


نقاش قيم اشكرك عليه اخي

[نجاة حسام]

بص ياويكا اولا من غير ضرب ولا زعيق تمام 🤗
هو زمان مثلا كانو البنات كلهم لبسين نقاب
زمان اللى اقصده ايام جدتى وجدتك كده اكيد شفنا افلام كتير
هل بقا لبس زمان اللى كان حلو ولا الوقتى امممم البس ملوش دخل لان اللى لبسه نقاب فى الايام دى بتتخطف
تخيل حتى الاطفال الصغيرين اللى اصلا لو مهما ما لبسو اطفال بيتحرشو بيهم
العيب فى التربيه ياويكا
فى واحد طلع مش متربى ولا عنده اخلاق هيعمل اى حاجه لانه ميعرفش الحلال من الحرام
وهنا بقا منعرفش نلوم بردو على اللى بيعمل كده مهو لو اهلهو ذات نفسهم محترمين كانو ربو ابنهم على الصح والغلط
العيب فى مجتمع كامل ياويكا
تلفزيون ونت وفيس وايييييييه حسبنا الله ونعم الوكيل

[دمعه حائره]

بالتاكيد لبس البنت عليه عامل
بس كمان الولد المتربى ميعملش كدة
يعنى التربيه فى البيت والمدرسة السبب
لو انعدموا انتشر الظواهر دى
تسلم محمد

[.Lamar]

الغلط من الاتنين
وغلط البنت اكبر و اهلها هيتحاسبوا على لبسها وتصرفاتها
اه مستوى الاخلاق انخفض عند الشباب المتحرش
بس البنت اللى بتخرج بقصير او مقطع
هى اللى بتفتح الباب انه يتعدى حدوده معاها
فتلبس كويس الاول و بعدها تشتكى
ربنا يعافينا
كل الشكر لنقاشك القيم اخى

[واد حبيب]

اقتباس المشاركة الأصلية كتبت بواسطة د/ عبد الله الاسباب كتير من أهمها زي ما ذكرت اللبس الفاضح للبنات واللي بقى موضة وعادي جدا اللي بستغربله فعلا هو موقف الاهل من اللبس والشكل اللي بناتهم بتنزل بيه مش عارف فيه ايه بجد. ثانيا الانفتاح اللي بقينا فيه واللي اختلطت فيه كل المعايير ده غير الانحطاط الأخلاقي الرهيب اللي بقى عند الشباب

الله ينور عليك يا عبدالله
كل حاجه دلوقتي عادي حتي الاهل لما بيشوفو بناتهم بلبسهم دي بقا عادي

نورت يا غالي

[واد حبيب]

اقتباس المشاركة الأصلية كتبت بواسطة شروق محمود هو اصبح ظاهره وظاهره خطيره كمان ولو جينا نشوف الاسباب هنلاقيها كتيره ولكن اهمها ف رأيى هى ضعف الوازع الدينى يعنى لو الشاب نشأ ف بيئه يعرف الحلال والحرام ونفس الكلام طبعا للفتاه ويجى بعد كدا اسباب منها البطاله والدش بقنواته الكثيره والفتن وطبعا لبس البنت عليه عامل كبير ربنا يهدى شباب وفتيات المسلمين طرح قيم تحيتى

كلامك مظبوط يا شروق بس البنات دلوقتي الموضوع عادي عندها اوي في طريقه اللبس ولكن برضو زي ما قولتي البعد عن الدين هوه السبب الاكبر في ده


نورتي يا شروق

[واد حبيب]

اقتباس المشاركة الأصلية كتبت بواسطة arco baleno الزمن اتغير .. الان غض البصر انعدم لا خجل لا في بنت ولا ولد وتربيه الاهل اتغيرت عن زمااان الاهل زمان ينمون القيم والاخلاق جوات الابناء منذ الصغر وتوضع امامهم طريقين .. الان قله من يربي ابنائه على تلك الاخلاق .. وايضاء دخلت عوامل كثيره تسببت في الانحطاط والسبب هم الاهل يشترون الى الاطقال الاجهزه منذ الصغر ويطلع على العالم بشكل سهل . وتموت برائه الطفل منذ الصغر ويكبر وهو متاثر ومقلد في اللبس والاخلاق الحياء انعدم تقريبا الا من رحم ربي الان نحن في زمن غريب ومنفتح جدااااا . والله يصلح ويهدي البنات والاولاد الي سلكو هذا الطريق.. نقاش قيم اشكرك عليه اخي

كلامك مظبوط جداا يا حوراء
مع انعدام الاخلاق والتربيه والعادات بتاعتنا كل حاجه دلوقتي مباحه
يعني مثلا البنت تكون عندها 12 او13 سنه ويقولو خليها تلبس زي ما هيه عوزه دي لسه طفله خليها برحتها
والشباب دلوقتي مفيش رقابه عليهم خالص الاهل بيقولو ياعم ده شاب يعمل اللي هوه عوزه
تسلمي علي مرورك الجميل