لماذا لايكون المدير حمارا

[حازم34]

تحيه طيبه للجميع....... وابدا كتابتي هذه بحمد الله والثناء عليه ربما يستغرب الجميع من عنوان مقالتي ولكني اقصدها بمعنى الكلمه بعض من يديرون الأمور فعلا لهم صفات الحمار وهم بحق ناجحين يقودون كبري الشركات العالميه ومعنى انهم ناجحين اي لهم اذان كبيره وصاغيه تستمع لكل الاراء وكذلك لايخطوه خطوه الا ويعمل لها حساب لنجاح هذه الشركه الكبرى فالحمار كذلك اذا كان هناك قطع في الطريق الذي يمشي عليه يفكر اولا هل يستطيع القفز ام لا والمدير يجب أن يكون حمول وصبور ان ذاد عليه الحمل تحمل ويصبر في مقاعد المتقرحين عليه بالاراء ومناقشه كل رائ على تروى واضح وايجابيات وسلبيات هذا الرأي وهل هو المصلحه العامه للشركه ام لا وليس مجدا يضاف لسياده المدير الاداره له فنها وعلمها والتخطيط الاستراتيجي يكون واضحا ولأمد بعيد اي تطوير منتوجات هذه الشركه لعده أعوام وليس الوقت الحالي فقط إذا المدير الناجح له صفات الحمار في الاستماع والصبر والتحمل وعدم الايذاء والحمل الزائد ولايعين مستشارين له إلا عن رؤيا وعدم محاباه يا ترى وضحت فكرتي والأمر ابعد من هذا والتطبيق ساري في كل شي مش كدا ولا ايه

[حـيـــــآة ❤]

حلوه الفكره وواضحه وجميله
بس في مدراء بيبقوا حمير بردو هههه

[ايمان طلعت]

روح قول لمديرك خليك حمار وشوف النتيجة 😂

[إيلاانا]

بما إنهُ أذنيه طويلة فذا كافي إنهُ .......
بس هو آخر الزمان كذا مثل ما قال عليه السلام) يتولى الأمر من هو غير أهلِ لهُ)
زمن غريب في كل شيء فلا عجب

تحياتي لك أخي الكريم
دمت بكل خير وسعادة
إيلانا

[دمعه حائره]

الحمار مظلوم هنا جدا مع انه عارف شغله كويس
فلسفه تستحق ان نعممها علي المصالح الحكوميه 😊

[ahmed 22]

هو بس فيه خلط معظم الوقت بيحصل
بين المدير ورائد الأعمال اللي هو الانتر برونير

المدير بييجي في مهمة محددة
المفروض ملزم بتحقيقها بشتي الوسائل اللي بتتوفر ليه
بأقل التكاليف وافضل خدمة ... وبيخطط علي هذا الاساس
احيانا انت بتشوفه انه لازم يمتلك صفات الحمير
بس فعليا هو موظف زيه زي اللي بيديرهم ..
احتمالية نجاحه من فشله بيتفرض علي اسلوبه من
اللي فوقه ... لكل مدير مدير فمدير ... فرائد اعمال .. او رجل اعمال

فيه فرق بين الاتنين .. بس انا هكلم عن رائد الاعمال بأمثلة معروفة واضحة ..

رائد الأعمال ده بقا اللي هو صاحب المشروع واللي بتسمع انهم
بيقودوا اكبر الشركات .. زي ايلون ماسك بتاع تسلاا او حتي روكزبرج او الرجل بتاع امازون بيزوس
لما هما يتوجدوا في بيئة تنافسية عالية ... بيتفرض عليهم انهم يعملوا اقسام
لكل قسم مدير باهداف محددة في ظل التنافسية اللي بتكون قاسية علي الكل
وعلي المدير قبل الموظفين ....
واللي بيخليك تقول عليه حمار او مدير محترم هو شخصية رائد الاعمال اللي فوقه
والضغوط اللي بيفرضه عليها بأسلوبه او الاستراتييجية اللي بيتبعها..
او انه ممكن بيعطيله حرية الادارة في القسم الخاص بيه
ولكن بضمان تحقيق نتايج سواء من تخطيط وتنظيم واستراتيجية

وبالتالي هنا شخصية المدير بترتبط بشكل كبير بشخصية رائد الاعمال ده واختياره ليه
وطبعا هو مصدر الالهام لكل من في الشركة .. وعنده الشغف والمثابرة
انه يكون رد فعل سريع لاي متغيرات بتحصل ...
وبالتالي المفروض هو اللي بيحكم علي اداء المدير ده وطريقته
وفي ايده يرحم الموظفين منه لو قاسي لو هو هيضحي بامكانيات شخص مدير خبرة
في مقابل انه يقدر يكسب موظفينه او انه يسلك الطريق السهل
اللي غالبا كله بيسلكه لما يكون النجاح موجود وصعب تستغني عن احد ادواته ..

وبالتالي اجابة سؤالك هي
مافيش حمار بيختار انه يكون مدير .

مقال قيم وطرح جميل ..
وطبعا حمدا الله علي السلامة

[حازم34]

اهلين اهلين مشرفتنا القديره المتميزه حيااااه الموضوع انا اقصد بيه حاجات كتير كتير ايوا الله انا كتبت الكلام ملفوف بورق سولفان علشان ينزل من الزور ههههههههه وفيه مدارء فعلا حمير وحشيه ودول كتير في أغلب البلدان العربيه مش كدا ولا ايه نورتي وانرتي واسعدني مرورك

[حازم34]

اهلين اهلين الأخت الكريمه ايمان نورتي وانرتي والله.... ههههههه وانا اقوله ليه ههههههه انا كنت عاوزه يسمع يعني يخليه أذنيه سماعه كويس لأي رائ بس هههههههه تحياتي الك واسعدني المرور الراقي دايما

[حازم34]

اهلين اهلين وهلا ومرحبا شاعرتنا الراقيه الأخت الكريمه فعلا نحن في وقت تسود الأمر من هم غير اهل له وضعنا فعلا ولسه ولكن الأمل موجود دمتي بخير دائما واسعدني المرور الراقي

[حازم34]

اهلين اهلين الأخت الكريمه صاحبه الفكر الراقي فعلا انا قصدت بها شي مهم جدا جدا بمعنى ان الأذن تشير الي السماع في كل ما يحيط بالمؤسسه الحكوميه وان يكون ذو صبر وجلد ولا يكون ديكتاورا ... يسلموا يارب على تقبل فكره ما كتبت اسعدني مرورك الراقي الجميل ودمتي بخير