الحلقه الرابعه من حلقه استضافه معانا المبدع فصيح

[واد حبيب]

~السلام عليكم ~

اهلا باعضاء المنتدي الكرام سعيد جدااا بتواجدي معاكم في المنتدي
زوار المنتدي الأعزاء يسعدني تشريفكم هنا في المنتدي

معانا النهارده من حلقات استضافه عضو مبدع بكلماته واخلاقه وابداعه
تشرفت بتواجده في المنتدي جداااا~

معانا عضو متميز ومبدع بمعني الكلمه
ضيف حلقه اليوم من برنامج استضافه
العضو المميز

فصيح

منتديات بنات مصر - مشاهدة الملف الشخصي: فصيح


*السلام عليكم
ازيك يا عم سيف

وعليكم السلام ورحمة الله وبركاته
أنا تمام الحمد لله

في الاول برحب بيك وبشكرك علي قبول الدعوه

العفو أنا اللي بشكرك ع الاستضافة

*الاول نتكلم علي المنتدي

مين عرفك علي منتديات بنات مصر

شخصية بحبها جدا

*سجلت علطول ولا كنت زائر فتره؟

مش فاكر بس سجلت والحمدلله

*ليه سجلت باسم فصيح مش اسم اخر؟
اصل احيانا بقول كلام كبير أوي

*اي اول موضوع نزلتو في المنتدي وكان في اقبال عليه ولا لا؟

سؤال بيحير ، الحمدلله كان فيه اقبال

*سيف استفاد اي من المنتدى؟
أنا استفدت كتير جدا أولا محبة الناس هنا والله نعمه من غير مقابل ، كمان بحاول اطور نفسي في الكتابة وناس كتير هنا بتشجعني وبستفيد منها

*كان ايجابي لنسبه لك ولا سلبي؟
ايجابي جدا أنا مش خسران حاجة ابدا بالعكس بستمتعت بوقتي واستفيد

*انت مسجل من 2016 ليه مش بتتواجد بشكل دايما؟
شغلي احيانا بيتحكم في وقتي ، كمان النفسية ليها دور مهم

*لو مسجل في منتدي تاني اي الفرق بين المتتدي ده واي منتدي اخر؟

يعني كفاية الناس المحترمة الموجودة هنا والانسجام اللي ما بينهم والروح الطيبة حتى الخلافات بتكون محدودة

*لو قولتلك اختار احسن 5 اعضاء بيكتبو شعر تقول مين؟
في ناس بتكتب حلو أوي في المنتدى وتجميدهم في خمسة ظلم اي نعم في فوارق وممكن توصل لكبيرة لكن لكل واحد جانب مميز فيه جدا

*انت بتكتب شعر كويس ده دراسه ولا هوايه؟
هواية وكان نفسي تكون دراسة وجربت فعلا وحصل تطور معاية بعتبره كبير بس طبعا لسه كتير جدا وبكتب فصحة دلوقتي كفاية أوي

*بتقبل النقد علي موضيعك ولا بتتخانق؟
بقبل النقد جدا بس يكون هدفه يعلمني حاجة مش بس بيفرد عضلاته

*لو قولتلك عوزين منك موضوع خلال يومين اهداء للبرنامج هتكتبو ولا لا؟
مش مضمون أنا مزاجي جدا عندي رغبه هكتبه في نص ساعة مفيش يبقى الله يحنن ههههههه

*مين اقرب الاعضاء لك هنا وهل في اعضاء معرفه شخصيه ولا لا؟
في ناس بحبهم وهما عارفين نفسهم والغالبية علاقتي ممتازة جدا معاهم
لا معرفش حد هنا

*لو قولتلك اختار قسم تكون مشرف عليه هتختار قسم اي؟
يعني ممكن قسم الابداعات العامية

*قي اقبال علي موضيعك ولا الاقبال ضعيف؟
الحمدلله كويس وزى ما قلت الناس هنا مشجعه جدا

*اي اللي نعملو علشان نرجع الاقسام تكون نشيطه تاني؟
أهم حاجة كوادر الأشراف لو عندها أفكار مميزة ومشجعة للتفاعل هتلاقي اقبال واكرر الناس هنا بتشجع المواهب والافكار كمان المتابعة حتى العادية من مشرف القسم بتحفز

*شايف نفسك مظلوم في المنتدي ولا واخد حقك؟
لا مظلوم ايه دا كفاية وجودكم

*كلمه شكرا عرفتني علي المنتدي تقولها لمين؟
لقلبي

*اختار 5 اعضاء بيعملو نشاط في المنتدي؟
واد حبيب ، نور ، سينا ، دمعة حائرة ، فجر ، فداء ، مجموعة الأدبي كلهم ما شاء الله

*اي الفرق بين المنتدي اول ما سجلت ودلوقتي؟
كان فيه أقبال كبير عن كدا أفتكر المنشاوي والمسابقات بتعته كانت جامدة جدا وعاملة نشاط جامد جدا تحية طيبة ليه وبقوله يا ريت يرجع وكل الناس اللي غيبه يا ريت ترجع

*المدونه بتاعتك بتمثلك اي هل شايف انك تقدر تكتب فيها كل اللي جواك؟
عادي مبقدرش أكتب حاجة عن حياتي بفصل حياتي الشخصية ووجودي في المنتدى ومش بسمح بالاقتراب من المنطقة دي

كده كفايه علي المنتدي
لا والله لسه في كمان

*سيف شخصيه غامضه هنا ومفيش حد يعرف عنه حاجه
زى ما قلت فوق

*عرف الاعضاء مين سيف وشغال اي ومن اي مدينه
أنا سيف عبدالرحمن وشغال في مكان مهتم بإصدار الاحصائيات الرسمية وشغلي جمع البيانات وتحللها

حياة سيف جد علطول ولا بتحب الضحك والهزار
يعني بين الاتنين

*اي المواقف اللي تقدر تسامح فيها واللي متقدرش تسامح فيها؟
أقدر اسامح في أي حاجة ما عدا شيء يخص ديني كرامتي حقي

*قولينا علي موقف حصل معاك ومش قادر تنساه
بحاول مفتكرش لو كان الموقف كويس بشكر ربنا وبحمده لو كان مش كويس بحاول اخد حقي ولو وصلت لحقي برتاح وبعدها بنسي لو مقتدرتش بفوض أمري إلى الله وبتجاهل على قد مقدر عشان متعبش

*ما هى الصفه التى لا تستطيع تغيرها فى نفسك؟
بعتبرها ميزة مش هقولها

*اي اللي بتفتقده في حياتك
الحمدلله على الرضا

*اي الحلم اللي بتحلمو ونفسك يتحقق؟
ان شاء الله أكون غني عشان أكرم خلق الله

*ما هى اكبر اخطائك؟ و هل تغتفر فى حق الغير؟
اخطائي كتير وعلى قد مقدر بحاول استسمح الناس اللي جيت عليهم أو ظلمتهم وللامانه الكلام دا من فترة قريبة مش لأني ملاك لكن عرفت ان الحقوق مش بضيع عند ربنا

*اي الشي المميز في سيف غير باقي الناس؟
ولا حاجة

*علاقتك اي مع الجنس الناعم طيب ولا بتعاكس؟
بحاول ما كون رزل بس

*نفضل الجواز عن حب ولا تقليدي واي الفرق بنهم؟
عن الحب عشان التفاهم يكون أكتر ونحاول نمتص غضب بعض يعني مسألة شد وارخي ونكون عارفين طباع بعض أكتر بيفرق

*لو قولتلك قولنا موصفات شريكه حياتك هتقول اي؟
أهم حاجة الأدب والأخلاق والدين أظفر بذات الدين كلامك حبيبي صلِ اللهم وبارك عليه بعد كدا التعليم والفهم والجمال اللي اللي يسرني وجمال الطبع والداخل أهم

*اي الفرق بين سيف داخل المنتدي وخارج المنتدى؟
يعني مفيش فرق

*سؤال رياضي كده علي الماشي
اتفضل

*شايف الدوري ازاي بعد كورونا؟
جامد على فكرة برغم المشاكل اللي فيه

*هل الاتحاد جامل الاهلي بعوده الدوري؟
لا معظم الدوريات في العالم اقيمت وانتهت مفيش مجاملة

*اي رايك في اخطاء التحكيم المتكرره؟
دي حاجة صعبة أوي بس هنقول ايه بشر وكمان المجاملات وحشه أوي

*شايف مين الاقرب بفوز بالاميره ال أفريقيا؟
في فرصة كبيرة للاهلى والزمالك ويا رب حد منهم

*مين الافضل من وجهه نظرك مدرب الاهلي ولا الزمالك؟
الاتنين حلوين بس شايف كارتيرون مظبط من اخر مباريات

*هل الاسيوطي سابقا قادر علي تحقيق بطوله الدوري؟
مش حاسه بس كل شيء ممكن خاصة ان يمتلك الأموال لشراء أحسن لاعيبة

سؤال من اللي بيودو في دهيه
استر

*اي رايك في حال البلد اليومين دولت؟
الجوانب كتير بس لا نملك الا الدعاء لمصر وان شاء الله الافضل قادم بإذن الله

*شايف الاسعار في زياده ولا كده كويس؟
الاسعار هتغلى وكورنا وكلة الاخضر واليابس

*اي رايك في قانون التصالح وهدم بيوت الناس؟
لو اطبق على الناس الجديدة اللي ممكن تنتهك القانون يكون افضل
اما الناس اللي سكنت فعلا كفاية غرامات تطبق عليهم مش هدم البيوت


تقبل تحياتي
وتحياتي ليك أكيد.. ~

[حـيـــــآة ❤]

عليكم السلام ورحمة الله وبركاته

ضيف اكتر من رائع
ضيفنا الجميل الاستاذ المحترم فصيح
شخصيه قمه ف الذوق طبعا
منور اكيد
وربنا يرزقك على قدر نيتك
ويسعد قلبك
وقلبك ابو إياد تسلم عالمجهود اللطيف
وسلامتكم ❤️

[War ROFL]

استضافه جميله
دام النشاط
تحياتي

[big bốss]

والجمال اللي اللي يسرني وجمال الطبع والداخل أهم

شدتى كلمة الدخل اهم يعنى انت عايزها موظفه و بتقبض كمان 😂

جامد من يومك يا سيف ربنا يكرمك يا غالى

بس مقلتيش مين حبيبه القلب الى هنا 😂

همشي وراك لغايت ما اعرف يا خلبوص

[ندوشه 2011]

اقتباس المشاركة الأصلية كتبت بواسطة big bốss والجمال اللي اللي يسرني وجمال الطبع والداخل أهم شدتى كلمة الدخل اهم يعنى انت عايزها موظفه و بتقبض كمان 😂 جامد من يومك يا سيف ربنا يكرمك يا غالى بس مقلتيش مين حبيبه القلب الى هنا 😂 همشي وراك لغايت ما اعرف يا خلبوص

ههههههههاي انت فظيع وربنا ماتسيبه ياسطي الواد مش عايز يقول. انت وراه لحد ماتجيب قراره

[مهيب الركن .]

حلقه جميله مع اخ فاضل نسعد جميعا بقلمه الراقي
تحياتى وتقديرى لهذا اللقاء المميز

[فداااااااااااء]

حلقة جميلة وحوار ممتع مع اخى فصيح
يدوم تواجده ونبض قلمه الراقي
تسلم أخي

[*فجر الاسلام*]

لقاء جميل جدا
سبف تنسان محترم ومبدع ومن الاشخاص اللي بحب اقرالها
ربنا يوفقك ف حياتك
تسلم محمد
تحياتي

[big bốss]

اقتباس المشاركة الأصلية كتبت بواسطة ندوشه 2011 ههههههههاي انت فظيع وربنا ماتسيبه ياسطي الواد مش عايز يقول. انت وراه لحد ماتجيب قراره

متخفيش انا وراه و الزمن الطويل

لازم يعترف و الاعتراف سيد الادله

[ahmed 22]

لقاء جميل مع شخصية محترمة وراقية
اسعد دائما بمتابعة جديده
وما يقدمه من ابداع ..