الاغاني والقرآن بين الفرح والحزن "مسابقة النقاش"

[حـيـــــآة ❤]

السلام عليكم ورحمة الله وبركاته

هو الموضوع صغير جدا والسؤال موجز جدا
هو ليه مجتمعنا او احنا كمسلمين
الاغاني عندنا فالافراح و ف الفرح
ولما نزعل وف العزاء ومنفكرش نشغل قرآن الا لو حسينا ان في حاجه غلط
او عشان نطرد الاذى
او الجن
او الحسد
وغيره وغيره
ليه مبنفتكرش ربنا الا ف الحالات دي
محدش يدخل يقول انا الحمد لله فاكر ربنا علطول 😂
انا طالبه مناقشه للموضوع دا
الحقيقه السؤال دا جه ف بالي من فتره كبيره كمان

[دمعه حائره]

لان في الفرح مينفعش يرقصوا علي القران ولازم يقعدوا يسمعوا ويفهموا
لكن فيه أفراح اسلاميه بيسمعوا انشاد ديني
وفيه أفراح عاديه بيبداوها بأسماء الله الحسنى
الموت فيه عظه كبيره اوي ورهبه بتخلي الواحد يقرب من ربنا زياده
ولو محسش بالعظه دي يبقا لا واعظ له بعدين
عموما لازم القرب من ربنا يكون في الفرح قبل الحزن ونربط اي حدث
بيحصلنا بدعوه او سجده لله
تسلمي هاجر

[ahmed 22]

مش عارف انا فهمت السؤال صح ولا ايه

بس هو الطبيعي نفرح لما يكون في حاجة تستدعي الفرح
مشكلتنا ان احنا مش بنعرف نفرح ازاي او نسمع ايه بطريقة صح لا تغضب ربنا ..
او بنقول يا عم يلا نفرح اهو يوم في العمر والحاجات دي وبنتناسي ان اليوم ممكن يكون اخر يوم
يعني ده من ضمن مجموعة تناقضات عايشينها ..

بالنسبة للقرآن هو الامر فقط أنك لما بتستشعر الضعف وقلة الحيلة
مش بتلاقي ملجأ غير ربنا مهما كنت مقصر .. بتكون عشمان في رحمة ربنا
لأنك بتكون متيقن من جواك انه مافيش انسان هينفعك ...
والقرآن هو اقصر طريق بينك وبينه ....
وده ماينفيش انك بكرة الصبح ممكن تصحي ترقص عادي

يعني برضه تناقضات ... التناقضات بتنخلق من بعد الناس عن عقيدتها
فتبدأ تلجأ للتبرير لنفسها في كل خطأ تعمله ..
وبالتالي الخطأ يكون لايف ستايل بالنسبة ليها ..
وبقا جزء من حياتها وتكوينها ليس اكتر ..

[حـيـــــآة ❤]

اقتباس المشاركة الأصلية كتبت بواسطة دمعه حائره لان في الفرح مينفعش يرقصوا علي القران ولازم يقعدوا يسمعوا ويفهموا لكن فيه أفراح اسلاميه بيسمعوا انشاد ديني وفيه أفراح عاديه بيبداوها بأسماء الله الحسنى الموت فيه عظه كبيره اوي ورهبه بتخلي الواحد يقرب من ربنا زياده ولو محسش بالعظه دي يبقا لا واعظ له بعدين عموما لازم القرب من ربنا يكون في الفرح قبل الحزن ونربط اي حدث بيحصلنا بدعوه او سجده لله تسلمي هاجر

لا انا مقولتش يرقص ع قرآن
ولو جينا اصلا للصح الاغاني اصلا اصلا حرام يعني وطريقة افراحنا حرام ف حرام
انا قصدي ان احنا عاملين الاغاني طريق لفرحنا والقرآن طريق لحزننا
لدرجة ان القرآن ارتبط بالموت خلاص الزمن دا
شكرا منه

[حـيـــــآة ❤]

اقتباس المشاركة الأصلية كتبت بواسطة ahmed 22 مش عارف انا فهمت السؤال صح ولا ايه بس هو الطبيعي نفرح لما يكون في حاجة تستدعي الفرح مشكلتنا ان احنا مش بنعرف نفرح ازاي او نسمع ايه بطريقة صح لا تغضب ربنا .. او بنقول يا عم يلا نفرح اهو يوم في العمر والحاجات دي وبنتناسي ان اليوم ممكن يكون اخر يوم يعني ده من ضمن مجموعة تناقضات عايشينها .. بالنسبة للقرآن هو الامر فقط أنك لما بتستشعر الضعف وقلة الحيلة مش بتلاقي ملجأ غير ربنا مهما كنت مقصر .. بتكون عشمان في رحمة ربنا لأنك بتكون متيقن من جواك انه مافيش انسان هينفعك ... والقرآن هو اقصر طريق بينك وبينه .... وده ماينفيش انك بكرة الصبح ممكن تصحي ترقص عادي يعني برضه تناقضات ... التناقضات بتنخلق من بعد الناس عن عقيدتها فتبدأ تلجأ للتبرير لنفسها في كل خطأ تعمله .. وبالتالي الخطأ يكون لايف ستايل بالنسبة ليها .. وبقا جزء من حياتها وتكوينها ليس اكتر ..

ايوا فعلا قمة ف التناقض ف حياتنا و زي م قولت لمنه
الاغاني اصلا حرام واحنا ربطناها بالفرح وربطنا القرآن بالحزن
اه القرآن في روحانيه وبنستشعر فيه ديننا وكل ال انت بتقوله دة
بس ال بتكلم فيه انه ليه ربطنا القران بالموت والاغاني بالراحه والفرحه
الا من رحم ربي طبعا
و ف اي حاله الاغاني اصلا حرام
الله المستعان
شكرا احمد

[واد حبيب]

في الصعيد بس معرفش الكل ولا محافظه معينه
بيعملو ليله في الافراح للقراءن
وده شي مميز
احنا شعب نفرح نغني نزعل نغني
الغناء عند المصرين بذات حاجه اساسيه

[بحر القمر]

شيزوفرينيا عادات الشعوب العربيه مضحكه ومبكيه بنفس الوقت
هتلاقي تناقضات رهيبه وممكن تكون بوقت واحد
انا دلوقتي بشوف معازي بشارع وبالشارع الموازي احتفالات افراح
يعني بنفس التوقيت ودون مراعاة لاهل المتوفي او المتوفيه تلاقي الشارع الاخر بيغني ويرقص عادي
وبنفس التوقيت تلاقي اغاني معرفشي اصلا مين سماها اغاني انما هي رزع وخبط وصويت عمال على بطال وكمان تلاقي القران الكريم شغال


نفس الجمله بمعظم تعليقاتي
طول ما احنا بعيد عن ربنا لازم كل الوجع يحصل لنا
تسلم ايدك للموضوع المهم

[Fatma eissa]

مش عرفه ليه القرآن مختصر بس
للحزن
مع أن القرآن ينفع مع الاتنين
ويفرح بذات
قبل الحزن
لأن آياته
تحس براحه وسكينه أكتر
موضوع جميل يا حياة
تسلم إيدك
وسعيدهجدا بمشاركتك

[فداااااااااااء]

دا امر محزن ولكن اصبح اعتياديا وعادات
الناس اعتادت ان تلهو وتتراقص فى الافراح لذا تحل الاغانى مكان القرآن لان القرآن لا يحل ذلك
ولا يمكن ان يحدث لهوا عند وجوده لانه كلام الله وبه عظة
الناس ليسوا مؤمنين يا هاجر الا ما رحم ربي
انما الغالبية مسلمين وهناك فرق لذا الالتزام بالحلال والحرام ليس بقوة

[حازم34]

بسم الله الرحمن الرحيم..... موضوع مهم جدا حدث ذلك لعاده قديمه وهذه العاده ربطت الاغاني بالفرح وهذه العاده يسير عليها البعض الي الان وطبعا من بدأها عليه شي من وزرها ولا اصل لها في ديننا الحنيف وكذلك ربطوا الحزن بالقرآن وهذا اصلا من العادات القديمه في خبث لكي يرتبط في ذهن الناس ان القرآن في الحزن والموت فقط...... لاسف كل ذلك لايمت للدين بصله وكما يعلم الجميع أن الغناء محرم اصلا فلايصح في أفراح وغيرها وليت الأمر عند الغناء فقط بل تطور الي وجود رقاصات وغيره وليعلموا ان الله لايبارك في ذلك الفرح ان رضي به اهل العروس او العريس..... ثانيا.. َالله ثم والله لو يعلم كل مسلم واكيد كتير يعلم أن القرآن هو أجمل شي يشرح الصدر لولوا اليه في افراحمهم يجلسون يستمعون اليه ولكن نقول ان هناك اناشيد اسلاميه جميله.... جدا وتودي بالدفوف.... وللعلم حتى لايجوز للنساء ان ترقص وتتمايل أمام النساء فقط في الأفراح... عادات الله ورسوله بريئون منها.... وعلى من يفعلها إثم ووزر عليه أن يتوب الي الله.... اطعموا الطعام واعملوا دايما وليمه الأفراح وادعوا إليها الكل اغنياء وفقراء سيكون كل شي في رضي الله... موضوع جميل وقيم والحمد لله يوم فرحي لم يكن فيه اي شي من الغناء وغيره واعاب على الكثير وانت قادر ليه دا يوم في العمر.... كنت ارد وهو العمر مضمون والحمد لله الواجب كل الناس تلتزم بما أمر الله... من أراد السعاده فعليه بالقرآن من أراد الحيااه بكل جمالها فعليه بالقرآن ربي يسعدك ويبارك في حياتك وبالتوفيق