قسمه ونصيب .. مسابقة أفضل دويتو // إيمان طلعت & عاشق ولهان

عاشق ولهان · منذ /09-30-2020, 10:18 PM

متتكسقيش .. وقوليها صراحه مفيش

ولا تخبيش ..

مات اللي كان عشانه نعيش

حلم السنين ضاع

ولسه بتكابري متعنديش

بعتيني وتقولي حبيبي

أرجوكي يا عمري متنكريش

****

دوسي علي قلبي

مجروحه قصتنا

لا تقولي إيه ذنبي

نصيب وقسمتنا

تاه الطريق مننا

صبرنا يا ربي

هفضل أحبك أنا

باقي علي عهدي

مهما يطول بعدنا

باقي الأمل عندي

دوسي علي قلبي

****

ادوس عليك ازاي

والدنيا ديساني

ف قلبي تبكي الآه

وتملي وجعاني

حبيت معاك الحياه

سرقتني أحزاني

طول عمري بتمناه

يا دنيا ظلماني

فرقو بينا اه

و تهت انا مكاني

ابعد و عيش الحياه

وانسى عنواني

****

دوسي ولا يهمك

ده الجرح بيعلم

تايه مع الآهه

قلبي بيتألم

عايش مع الأحلام

بكره سوا نكمل

دمعه ورا دمعه

فداكي هتحمل

ماهو ياما علمتيني

في جرحي أتبسم

دوسي علي قلبي

****

علمتك ف جرحك تتبسم

وانا نسيت الضحكة

ياما في الدنيا هتتألم

وبردو الحياه حلوه

لازم فيوم تتعلم

ان القدر قسمه

نصيبك اليوم دمعه

بكره الزمن يصفى

وتعيش احلى ايام

وكسرة قلبك هتشفى

وتحقق كل الاحلام

واللي فات هتنسى

****

دويتو بقلم

إيمان طلعت & عاشق ولهان

بحر القمر · منذ /09-30-2020, 10:26 PM

دويتو جميل جدا
والتنظيم ما شاء الله اجمل
تسلم ايديكم يارب ويارب التوفيق ليكم

واد حبيب · منذ /09-30-2020, 10:33 PM

الاقلام الرائعه عاشق وايمان
عندما نتحدث عن الابداع نتحدث عن اقلامكم
عندما نتحدث علي الكلمات نبحث عن كلماتكم
عندما نتحدث عن الجمال نبحث عن موضيعكم
اجمل كلمات وارق حروف
تقبلو مني كل احترام وتقدير

دمعه حائره · منذ /09-30-2020, 10:47 PM

ابداع واقلام يشهد لها المنتدي بالتميز
دويتو رائع تسلمو وبالتوفيق ان شاء الله

شروق محمود · منذ /09-30-2020, 10:48 PM

الله على الجمال
دويتو فيه تناغم وانسجام
روووعه وابداع بجد
بالتوفيق

شاعر الإحساس · منذ /10-01-2020, 04:00 AM

العنوان جذاب...
والمحتوى كان اجمل وارق ...
والمشاعر جياشه عامره باحساس ولا اجمل

لقاء عامي ممتع ...بين قلمين ولا اجمل
واستدراج الحوار العامي بشكل رقيق...
وباسلوب سلسل رائع جميل ...
ابدعتما في معزوفتكمنا هذه ...وامتعتونا جميعا

عااااشق....ايمان
ديو ممتع جميل ومميز...
دام نبض قلمكما ودام مايجود به
ودمتما بكل خير وسعاده
تحياااتي وتقديري واحترامي

فداااااااااااء · منذ /10-01-2020, 02:36 PM

صحيح بقاء الحال من المحال
دويتو رائع اخى عاشق
احسنت اخى
دام ابداعك

حازم34 · منذ /10-01-2020, 06:28 PM

ديتو جميل ورائع بين قلمين قمه في الإبداع دوما أبدعتما وجميله الكلمات ونسجها لكم مني خالص التحيه وبالتوفيق

شاعر الحب الحزين · منذ /10-02-2020, 04:40 AM

الجواب ظهر من العنوان
بعتاب المفارق عاشق ولهان
وبأمل وإيمان ردت إيمان

كان الحوار جميلا أنيقا راقي
أبدعتما في رسم صورة واقعية
بكلمات صورت المشهد بدقة وإبداع
بالتوفيق ان شاء الله 👏👏👏👏
شكري وتقديري وامتناني 🌷🥀

ايمان طلعت · منذ /10-03-2020, 02:48 AM

اشكركم جميعا اخوتي
للمرور والاستحسان والتشجيع
سعدت بالكتابه معك ا.عيد
شكرا للجميع
تحياتي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
العشق المجنون ( مسابقة أفضل دويتو 5 ) ( فريق أحلام عاشق ) أميرة الأحلام & عاشق ولهان	عاشق ولهان	قسم الخواطر - وهمس القوافى حصرى بقلم الأعضاء	41	05-05-2011 09:06 AM
أهرب منك إليك ( مسابقة أفضل دويتو 2 ) فريق أحلام عاشق أميرة الأحلام & عاشق ولهاان	عاشق ولهان	قسم الخواطر - وهمس القوافى حصرى بقلم الأعضاء	34	04-10-2011 12:22 PM
ثورة الحب ( مسابقة أفضل دويتو ) فريق أحلام عاشق	عاشق ولهان	قسم الخواطر - وهمس القوافى حصرى بقلم الأعضاء	50	04-04-2011 05:15 PM
كان يحنن ( مسابقة أفضل دويتو 4 ) فريق ( أحلام عاشق ) أميرة الأحلام & عاشق ولهان	عاشق ولهان	قسم الخواطر - وهمس القوافى حصرى بقلم الأعضاء	38	12-01-2010 01:37 PM
ثورة الشوق ( فريق أحلام عاشق ) أميرة الأحلام & عاشق ولهان (مسابقه افضل دويتو 3	عاشق ولهان	قسم الخواطر - وهمس القوافى حصرى بقلم الأعضاء	36	08-14-2010 11:52 AM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

قسمه ونصيب .. مسابقة أفضل دويتو // إيمان طلعت & عاشق ولهان

ابداعات الاعضاء العامية