هل في الزواج هذه الطلبات ملزمه لأهل العروس

[حازم34]

تحيه طيبه الي المنتدي الراقي



لو تقدم شاب ميسور الحال هل لزَوما على أهل العروس ان يتشروا فعلا لابنتهم


اجهزه واغراض كثيره بالشقه


والايكفي انهم ربوا ابنتهم كل هذه السنين


الأصول ان يدفع العريس مهرا ودا الشرع ويجهز بيته


ولا ايه

انا بجد بسأل ها السؤال للنقاش البناء

[big bốss]

الراجل عليه يفرش الشقه و يجهزها و يشتريها

و يطبخ و يكنس و ينظف و خد انت و نازل الزباله معاك

و هات انت و جاى زبادى و جبنه و طماطم و بصل... الخ

اشتريت البطاطس بكام؟ البياع ضحك عليك فلوسك كتير

امال السنيوره وظيفتها ايه المرار دا 😂

الواحد مش عارف يلاقيها منين و لا منين و لا منين

اوعى يا حازم سبنى و لا منين و لا منين 😂

[Aya 7ekaya]

اه هو شرعا ًً ملزم أنه يشترى كل حاجة فى بيتة وفى بلاد بتأخذ بالعرف ده لكن فى مصر العرف بيفرض شوية حاجات و بيختلف من مدينة لمدينة كمان فى أماكن النص بالنص و اماكن العروسة بتدفع اكتر كمان
اعتقد هى بترجع حاليا للعرف

[حازم34]

اقتباس المشاركة الأصلية كتبت بواسطة big bốss الراجل عليه يفرش الشقه و يجهزها و يشتريها و يطبخ و يكنس و ينظف و خد انت و نازل الزباله معاك و هات انت و جاى زبادى و جبنه و طماطم و بصل... الخ اشتريت البطاطس بكام؟ البياع ضحك عليك فلوسك كتير امال السنيوره وظيفتها ايه المرار دا 😂 الواحد مش عارف يلاقيها منين و لا منين و لا منين اوعى يا حازم سبنى و لا منين و لا منين 😂

انا سايبك خالص يا حبيبي قول هههههههه كل ال في نفسك هههههههه


بس فيه راجل بيبيع بطاطس في العباسيه قبل كليه الهندسه جنب محل تبع العصير


عارفه

ما تشتري منه دا بيغلي البطاطس قوي هههههههه



والله رد حلوووووو اضحكني بحد

هنقول ايه يانور بقى


تسلم على المرور الجميل دا تحياتي الك

[حازم34]

اقتباس المشاركة الأصلية كتبت بواسطة aya 7ekaya اه هو شرعا ًً ملزم أنه يشترى كل حاجة فى بيتة وفى بلاد بتأخذ بالعرف ده لكن فى مصر العرف بيفرض شوية حاجات و بيختلف من مدينة لمدينة كمان فى أماكن النص بالنص و اماكن العروسة بتدفع اكتر كمان اعتقد هى بترجع حاليا للعرف

وليه لما يكون راجل ومبسوط ماديا يكلف اهل عروسته ليه


يعطيهم مهرها وزياده دا ال انا بقوله


والشرع هنا واضح وأهم شي الشرع


يمكن بقى الأمور تغيرت بعد قانون الشقه من حق الزوجه يمكن

اهلين نورتي َانرتي والله واسعدني مرورك وردك الراقي تحياتي الك ربي يسعدك

[ايمان طلعت]

المهر دة مبقاش يتعمل في مصر من زمان
ممكن في اماكن فالصعيد او الفلاحين بيعملوا المهر
لكن بقى مشاركة ولازم الاتفاق مين هيجيب ايه وكده
لان بيحصل مشاكل بعد كده لو مفيش اتفاق من الاول
فيه الرجل بيكون ميسور الحال بيتكفل بالفرش
وفيه بيبقى ميسور الحال و بخيل
عموما هو دلوقتي بيكون بالاتفاق

[ايمان طلعت]

اقتباس المشاركة الأصلية كتبت بواسطة big bốss الراجل عليه يفرش الشقه و يجهزها و يشتريها و يطبخ و يكنس و ينظف و خد انت و نازل الزباله معاك و هات انت و جاى زبادى و جبنه و طماطم و بصل... الخ اشتريت البطاطس بكام؟ البياع ضحك عليك فلوسك كتير امال السنيوره وظيفتها ايه المرار دا 😂 الواحد مش عارف يلاقيها منين و لا منين و لا منين اوعى يا حازم سبنى و لا منين و لا منين 😂

😂😂😂😂😂😂😂😂😂
يخربيت ردك
شكلك طافح المرار بالكيلو
يارب تشوف تعليقك

[big bốss]

اقتباس المشاركة الأصلية كتبت بواسطة ايمان طلعت 😂😂😂😂😂😂😂😂😂 يخربيت ردك شكلك طافح المرار بالكيلو يارب تشوف تعليقك

كيلو ايه بس انا فاشل فى الشراء و البيع و التصليح و الطبخ و الكنس 😂

دا مرار طافح سبونى انفجر فانى اعطيت و لم استبقى شيئاً 😂

جواز ايه و هباب ايه

هى متعرفش اسمى البيج بوص هنا 😂

[ايمان طلعت]

اقتباس المشاركة الأصلية كتبت بواسطة big bốss كيلو ايه بس انا فاشل فى الشراء و البيع و التصليح و الطبخ و الكنس 😂 دا مرار طافح سبونى انفجر فانى اعطيت و لم استبقى شيئاً 😂 جواز ايه و هباب ايه هى متعرفش اسمى البيج بوص هنا 😂

يام نيازي صحي نيازي وخليه يقول ان البيج بوص هو نور هلال
😂😂😂😂😂

[دمعه حائره]

كل بلد ليها نظام وعرف ماشيه عليه
واهم حاجه في الجواز التفاهم والاحترام لانه مش صفقه