جهاز العروسه

[big bốss]

جهاز العروسه

من الحاجات الى الناس بتتباها بيها و تعمل لها عرض و بتتفاخر بيها

و ايه السبب معرفش؟ مع ان كل الناس بتشترى و بتجهز بناتها

لكن طريقة عرض جهاز العروسه يوصل للبدعه دى بجد اجرام

انها تجيب ونش لعرض جهازها فى الشارع 😂







طريقه جديده لكن ايه الداعى ليها؟

[واد حبيب]

سؤال بس قبل ما ارد
هيه العروسه بتجيب موتسكل وتوكتك في الجهاز دلوقتي

[big bốss]

اقتباس المشاركة الأصلية كتبت بواسطة واد حبيب سؤال بس قبل ما ارد هيه العروسه بتجيب موتسكل وتوكتك في الجهاز دلوقتي

لا يا عم بس دا تبع العرض 😂

[phalsteen]

دا جهاز
ولا عرض منتجات

[حازم34]

ههههههههه ولسه يا نشوف


انا شوفت ال ايه كم سياره بيك اب او داتسون


عليها العزال والطبل والزمر وتلف اماكن كتير


بس العرض دا اول مره اشوفه هههههههه



والله احنا في زمن العجايب


تحياتي الك

[شروق محمود]

فعلا حاجه غريبه جدا
وشكلها مش حلو
طبعا ده حرام افرض ناس نفسها ف الحاجه دى
او مش تقدر تشتريها
بجانب كمان ازاى يعنى الملايات تتعرض كدا
دى برده خصوصيات العروسه
ربنا يهدى

[سيناا]

سمعت ان بمصر العروسة هي الي بتجيب الجهاز

عندنا مافي الكلام دة العريس هوا الي بتكفل بكل شي

كل شي كل شي يعني بدال ماهوا يروح السوق ويجيب يدي الفلوس لعروسته وهي بتروح

الشبكة ع العريس الجهاز ع العريس البيت المونة ايش كمان كل حاجة علينا

بقلكم ايه عايز اجي اتزوج من مصر اذا الكلام الي سمعته صحيح هههههههه

شفولنا مى عز الدين ارتبطت ولا بعدها سنجل ^_^

[شاعر الحب الحزين]

إيه حكايتك مع الونش النهارده يا نور 😂😂
تلاقيها بتكيد في جارتها اللي ساكنة قصادهم 😂
انا شايف ان ملوش داعي التباهي بالجهاز بالشكل ده
المرة الجاية هيبقى الجهاز في مركب ويلف النيل 😂
يعطيك العافية يا نور ❤

[شاعر الإحساس]

انت بتجيب الحاجات دي منين 😂
اول مره اشوف الحاجات دي بصراحه
بس ايه الموتسيكل والتوكتوك..
هيرفعهم الونش يوديهم فين 😂
يكونش فيه شورت كت فوق ولا حاجه...😂

بعض الناس وللاسف عندهم تخلف ثقافه...
وجهل مش طبيعي ...
ودا بيرجع للبيئه والنفوس ....

هيييييييه وياما نشووووف
منورررر يا مااااان

[.Lamar]

تحس انه استعراض وتفاخر مش اكتر
اللى هو بصوا اشترينا ايه وصرفنا قد ايه
الحمد لله انها حالات فردية ومش ظاهرة
ربنا يرحمنا من اللى بنشوفه الايام دى