كسبان { مسابقة العاميه }

شاعر الإحساس · منذ /10-14-2020, 02:01 AM

"كسبــــان"

لا جِـه قبلـي ولا بعـــدك
انا اللي كسبت يوم حبك
وقالوا عليا انا الخســران

ويوم سمعوا بقول اسمك
وشافوا القلـب يسمعــلك
قالوا عقلي تايـه سكــران

وشوف زيـّي وبشبهـلك
وكــان الــورد يفرشـــلك
مابين قلبي بميت بستان

وانا دايمًا بشوف صورتـك
لكنّـي بعيـد طالـب قُربــك
بعيـد عنــك تــايه حيــران

ياجايه برقه دي ف حُسنك
وقلت كلامي دا في وصفك
قــوام زيــك قــوام غــزلان

وشاهده الغمزه دي ف خدك
وميــن بالنظــره دي قـــدك
ياحاضـــره معايا كل مكـان

ولو كُنتــي بعيـد شايفـــك
وجــوّه القلـب انـا شايــلك
وفكري بـس بيك سرحـان

ياراويه القلـب مـن حبــك
وساقيه عيوني دي بقربك
مكُنش ف حضرتك عطشان

وقلنــا الغالــي يرخَصــلك
وغيــــر الكـــل ارخَّصّـــلك
تكوني ف قلبي لي عنوان

ياسابقـه الكـل وف عصرك
جميل طبعك,كمان خصرك
وصـــوره موزونـه بمــيزان

وانا اللي اخترت يوم شُفتك
وسبت كتير ماهوش شبهك
وكــان بينــا ميعــاد وزمــان

وشوف بختـي طلـع بختــك
وفوزتي انتي وانا كسبتـك
ومـش خاسـر انـا الكسبـــان

14/10/2020

"شاعر الإحساس"

شاعر الحب الحزين · منذ /10-14-2020, 03:16 AM

الله الله الله ما أجملك
كسبان واللي يحبك كسبان
تكسب لو ع الحب الرهان
لو كره الكون في كفة
وحبك لوحده في كفة
هترجح كفة حبك في الميزان

من أجمل عامياتك شاعر الإحساس الجميل
أنيقة كلماتك مثقل إحساسها بالحب والثبات
أبدعت وتألقت وليس بجديد على قلمك المبدع
سلمت والنبض شاعر الإحساس والحس المرهف
بالتوفيق ان شاءالله 👏👏👏❤

عاشق ولهان · منذ /10-14-2020, 06:59 AM

طبعا ً انت الكسبان يا شاعر

مصافحه ابداعيه اولي

قلم رقيق يعبر بهمسات دافئه

تمنياتي لك بالتوفيق في المسابقه

خالص تحياتي وتقديري

.Lamar · منذ /10-14-2020, 08:58 AM

والله احنا اللى كسبنا
اما كتبت الكلام الحلو دة
عبرت بسلاسة وبساطة
عن احساس بيتمكن من القلوب
عن حب سيطر على العقول
ابدعت شاعرنا
بالتوفيق فى المسابقة
تحياتى

phalsteen · منذ /10-14-2020, 09:44 AM

حبيت
جدا حبيت
عظمه علي عظمه ي فندم
احسنت وأكثر
بعيدا عن المضمون
النغمه حلوة جدا
وسهله تتحس
المضمون تحسه كامل
سهل تعيش معاه للنهاية

بالتوفيق

واد حبيب · منذ /10-14-2020, 09:59 AM

الكل هنا كسبان علشان بنشوف الابداع الجميل ده
الكل كسبان علشان قدرنا نخليك تطلع اجمل الكلمات الاحساس الراقي
تسلم قلمك ونبض قلبك الجميل

حـيـــــآة ❤ · منذ /10-14-2020, 12:02 PM

شاعرنا الجميل ❤️

يسلم قلبك وقلمك اللي كتب لنا الجمال دا

وتسلم المسابقات ال خليتنا نرجع نشوف جمال قلمك ❤️❤️

بالتوفيق

فصيح · منذ /10-14-2020, 01:12 PM

أنت كسبان
وأنا كمان كسبان
لأني كنت هنا بعد غياب
وروحك الحلوة عاشق ولهان
جميل الرسم والطله
وعود ريحان ع التله
تلات سلامات
الأوله لجمالك .. التانية لكلماتك .. التالته لموالك

ودي مع الدعوات

سيف عبدالرحمن

حازم34 · منذ /10-14-2020, 04:50 PM

ومين زيها مين ..... وصفها شاعر راقي شاعر الحب والاحساس

ومن كتر حلاوتها وجمالها ورقتها قال انا الكسبان

يا سلام سلم يا سلام. كلمات في الحب حلوه وتغني باعذب الالحان

كلمات شاعرنا الراقي وغناء قلوب تعرف الحب باعذب الالحان

تحياتي للجمال والابداع والرقي

دمت مبدعا شاعرنا الجميل

اسعدني المرور. على اجمل واحلي الكلمات

دمعه حائره · منذ /10-14-2020, 04:55 PM

معزوفه عاميه في منتهي الجمال
المحتوي نفسه واللحن هنا رائع
واحنا كسبنا الخاطره ووجودك شاعرنا

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رباعيه كاريكاتويه (مسابقة العاميه)	phalsteen	ابداعات الاعضاء العامية	14	08-17-2014 06:15 PM
نتيجة مسابقة قيصر العاميه	دمعه حائره	منتدي ابداعات الاعضاء الادبية	26	06-20-2012 01:03 PM
جاى من بعيد مسابقة قيصر العاميه	شقاوة احاسيس	منتدي ابداعات الاعضاء الادبية	22	06-10-2012 12:58 PM
فكر اكتر هتكسب اكتر ,,,,معانا كسبان كسبان ...؟	ماتركس	صوت الاعضاء - خدمات	27	10-14-2011 09:50 PM
ياعم انت كسبان يعنى كسبان بس قوم اتصل	حفيدالفراعنة	قسم مناقشة المواضيع المتداوله والمنقوله	20	10-07-2009 04:07 PM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

كسبان { مسابقة العاميه }

ابداعات الاعضاء العامية