..{ فع‘ــآآليـآآت المنتــدى }..



آخر 12 مواضيع
معرفش ازاي
الكاتـب : شاعر الحب الحزين - مشاركات : 0 -
فراشه أهلا وسهلا بك في بنات مصر
الكاتـب : ساحر الأحزان - آخر مشاركة : شاعر الحب الحزين - مشاركات : 3 -
لم يعدحبك يستهويني. حنين
الكاتـب : شاعرة الرومانسيه - آخر مشاركة : شاعر الحب الحزين - مشاركات : 3 -
بريء متهم
الكاتـب : شاعر الحب الحزين - مشاركات : 4 -
المسابقه الرمضانيه
الكاتـب : ساحر الأحزان - مشاركات : 7 -
يا مجيب أنت الحبيب
الكاتـب : أمير عسكر - آخر مشاركة : شاعر الحب الحزين - مشاركات : 6 -
نجوم بنات مصر في رمضـان
الكاتـب : ساحر الأحزان - مشاركات : 8 -
هزار تقيل
الكاتـب : شاعر الحب الحزين - آخر مشاركة : مهيب الركن . - مشاركات : 11 -
مازلت أؤمن .. قلم مهيب
الكاتـب : مهيب الركن . - مشاركات : 10 -
-تكريم خاص: لمميزي قسم الإبداعات الأدبية.
الكاتـب : نغم الشام بعد المغيب.. - مشاركات : 10 -
رمضان داخل بنـات مصر
الكاتـب : ساحر الأحزان - آخر مشاركة : طبيب الهوى - مشاركات : 14 -
أجرم هو؟
الكاتـب : رضا التركى - آخر مشاركة : نغم الشام بعد المغيب.. - مشاركات : 7 -

الإهداءات


---

بقلم أعضاء بنات مصر - حصري


2معجبون
  • 2 Post By ahmed 22

إضافة رد
 
LinkBack أدوات الموضوع انواع عرض الموضوع
قديم منذ /10-25-2020, 12:26 PM   #1

قلم مبدع

 

 رقم العضوية : 101793
 تاريخ التسجيل : Sep 2016
 العمر : 33
 الجنس : ~ رجل
 المشاركات : 2,754
 الحكمة المفضلة : لو كان هناك طريق للمعرفة لاصبحت كل الطرق كباري
 النقاط : ahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond repute
 درجة التقييم : 160081
 قوة التقييم : 81

ahmed 22 غير متواجد حالياً

 

 

 

 

 

أوسمة العضو

نجم الفضفضه 

افتراضي ---





كان بودي اكون من الناس اللي اضعف الايمان بتاعها تكتب عالبروفايل
بتاعها( الا رسول الله) ويكون همها الاول انها تقاطع اللافاش كري والجبنة
البريزيدونت المثلثات .. عشان ينهار الاقتصاد الفرنسي وكدا
بس انا مابقاش عندي الرفاهية دي للاسف
بأمانة بطلت من زمان ارسال رسائل لن تصل طالما القلوب ليست
علي قلب رجل واحد .. ولا الارادة العربية الحاكمة
متواجدة لاصدار أي رد فعل
تجاه ما يحدث في العالم حوالينا
وبالتالي تقود شعوبها لكرامة رسولها الكريم ..
والبوقين اللي حافظينهم دول .. والله حاسس اني هكتب موضوع متكرر
او اتكتب شبهه قبل كدا .. بس اهو كلمتين وخلاص بيتقالوا ..
وصياغتهم بتختلف بين خلق الله

عامة
فاكر من شهر ولا اتنين هنا كتبت موضوع بسؤال عنوانه
هل نقدر نضغط علي امريكا والصين ..؟
كان في 8 ردود وتقريبا كلهم نفس الصيغة
فيما معناه وباختصار ( نحن لا نستطيع ) ايا كانت الاسباب بقا...
كان يمكن عندي وقتها كلام كتير عكس الكلام ده
بس ماكتبتوش .. قلت ايه الفايدة لما اكتبه ..

فإيه يعني اللي اتغير حاليا
يخلينا نستطيع انه نضغط أو نتجرأ ان احنا نطالب حتي باعتذار
او نفكر ان رد الفعل بتاعنا هيمثل ضغط علي فرنسا برئيسها
انه يتودد لينا او نخليه مثلا يندم ..
ايا كان ... عامة كله دبلوماسيات حتي لو اتوجدت حلاوة الكلمات
الواقع لن يتغير والقلوب لن تتغير بالمعطيات الحالية ..
لا من جانبنا ولا من جانبهم ..

خلينا نتكلم عن الواقع

النهضة في اوروبا قامت بالثورة عالدين .. لا يوجد ما هو مقدس
انك تسخر من الدين او تعمل رسوم كاريكتيرية للمسيح
او تقوم بتصويره بأكثر من صورة شاذة بتتغاضي بيها عن قدسية المسيح
فده شئ بقا عادي ..
انما اللي مش عادي بالنسبة ليه انك تهاجم او تتعدي علي احدي اساسيات علمانية الدولة اللي قامت عليها تطورهم ونهضتهم من وجهة نظره
وهو حرية الرأي اللي يعتبر اقدس من المقدسات
فهنا ايه اللي مش عادي في عقلية المواطن الاوروبي لما يتقاله
انه تم وضع رسوم كاريكترية تسخر من رسولنا الكريم ..؟؟؟
الموضوع بالنسبة ليه هيكون عادي جدا ...

اللي مش عادي هيكون من جانبنا احنا كعرب اللي عندنا مقدسات
المفروض بيتم اغضابنا لما بيتم المساس بيها ..
في مقابل مواطن اوروبي حرية الرأي بتاعته
لا يجب ان يتم المساس بيها ايضا لانه فعليا قادر
انه يسخر من مقدساته ..
فأنت يعني مقدساتك احسن من مقدساته ! ؟
ده منطقه .. كل شئ مباح ..

المقدسات vs الرأي

هنا النقطة الفيصل والعاركة الدايرة من زمان >>
ايهما اقوي ..؟؟
هنا الموضوع يتحسم طبقا لمكانك في المعادلة .
وانت شايف نفسك ايه ..
لو شايف نفسك اقوي من انك ترضخ لضغوط مستعمر قديم
فأنت قادر انك تتصدي لاي اساءة وهيكون الموضوع بالنسبة ليه
اجبار انه يحترمك لما يستشعر فعليا الارادة عندك
علي مستوي رد الفعل الرسمي .. لأنك ماتقدرش تغير مواقف
ودواخل الشعوب وافكارها في شئ ... خاصة ان تفكيرهم
نقدي في كل شئ حتي فيما يخص الاديان والرسل وغيرها
وكل شئ مستباح ... وده نابع من فلسفة مفكريهم وفلاسفتهم اخر كام قرن ..
ودول اللي بيفتخروا بيهم يعني ...

وعلي فكرة مواقف الدول حاليا بتتغير طبقا لصفقة سلاح
صفقة استثمارية بتدخلك بلد او تخرجك منها ..
فسهل جدا تعمل قوة ضغط لو عندك دبلوماسية قوية ..
مش دبلوماسية خانعة ..

بس لو شايف نفسك عايش في عقدة التبعية الغربية
وعقدة النقص نتيجة احساس دايما بيراودك بالخذلان وقلة الحيلة
طبقا للخريطة التكنولوجية والاقتصادية
فأنت هتخليك مجرد ببغان بيردد شوية شعارات مالهاش مكان علي ارض الواقع ... فاسكت احسن ..

ده الواقع

خلينا نكلم عن الواقعة نفسها
اللي ممكن تلخصها من 5 سنين
في كلمتين ..

(حرية الارهاب بالتعبير ادت الي حرية التعبير بالارهاب)

العجيبة ان الناس بتفكر حاليا تنتفض ضد هجوم الرئيس الفرنسي
مع ان فعليا مع ذكري حادث شارلي ايبدو تم اعادة نشر كاريكتير الرسوم
المسيئة مرة اخري وكان الكلام ده يوم 2-9 يعني داخلين في شهرين مروا ...
ويمكن كان رد الفعل وقتها عبيط و مجرد اخبار نزلت وقريناها وعدي الموضوع
زي اول أي صدمة .. بتاخدها .. وبعدين بتتعاطي معاها بعد كدا
بنوع من قلة الاهتمام
لان فعليا مع تكرر الاحداث دون وجود تأثير لرد فعل
بيتم استنزاف ارادتك مع الوقت ..
وبالتالي بتتكيف زي كل حاجة بتتكيف معاها
وبتكون جزء من شخصيتك المريضة مش اكتر
الموضوع زيه زي الاحتلال الصهيوني كدا .. مرض وبتتكيف معاه ...

الموضوع بالنسبة لفرنسا مش حادثة شارلي ايبدوا اللي حصلت من
5 سنين وانتهت بس .. الموضوع بالنسبة لرئيس فرنسا هو وجود
سلسلة وفيات تقدر بحوالي 258 تبعت الحادثة دي ..
وبالتالي بالنسبة ليه موجة الارهاب مرتفعة ..

ودي فرصة انه ياخد موقف حازم يرفع من اسهمه
هنا مستر ماكرون داخل الانتخابات ...
ولا يملك شئ سوي الفشل في فترة رئاسته
فكان الاتجاه بالنسبة ليه انه يستغل الزخم التابع من الحادثة دي
في انه يعمل مشروع قانون لمكافحة النزعات الانفصالية
وقام بتصدير الاسلام السياسي في الواجهة كراس حربة
نتيجة الاحداث اللي بتمر في عالمنا العربي اخر 10 سنين بالذات بتؤيد جزء من اقوله ..
وعلي فكرة المجتمع الغربي سهل تجمعه قبل الانتخابات وتلمه في كلمتين
وبموقف واحد تتناسي كل الفشل زي حالتنا كدا
لما الموضوع يتعلق بالامن والارهاب والخوف ..

وبالتالي عمل قضية يجمع الناس حواليا عشان
ينسوا بس فشله ويعمل شئ يساعده ..
ومافيش افضل من انك تلعب علي وتر حرية التعبير للمواطن الاوروبي
الجاهل لشئون بلاده خارج الوطن ...
وانك تلعب علي شخصية الارهابي المسلم المتطرف
وتعمله واجهة لمشاكلك وتنصب نفسك بطل
تقدر من خلاله تداري فشلك وده بالظبط اللي بيعمله ماكرون ..

وده قرار شخص تقدر تقول عليه انه شخص غبي اكتر منه مغرض ..
شخص فضل مصلحته الشخصية في انه يصدر نفسه في قضية
وبالتاليفجأة ظهرت كل الحوادث اخر شهرين اللي بتدعمه ..
تحس ان الموضوع في شئ من المؤامرة الي حد ما ..

لان تتالي الاحداث بيخدم اتجاه افكاره وهجومه المتكرر بشكل غبي
وبالتوازي مع محاكمات شارلي ايبدو ...
وده ادي في الاخر بتصريحاته الي طعن 2 محجبات
والقضية ماتمش تصديرها بشكل كبير في العالم ..
زي أي قضية هبلة بتخص حقوق الحيوان حتي ...
لانه تم تصديره انه رد فعل موازي لارهاب المسلمين
اللي فيهم واحد طعن مدرس وحوار الرسوم المسيئة ده ...

تحس ان ادارة ماكرون خلقت فعل ورد فعل نتيجة توسيعها للحدث
ووضعه في مستوي اعلي منه
لمجرد ان واحد عاوز يداري علي فشله
عشان ينجح في الانتخابات الجاية ...
..

بس نرجع لينا احنا وتخاذلنا وليك كمواطن عربي
وبعد البوقين اللي فوء دول حابب اقولك ..
انت كمواطن عربي مش اللاعب الاساسي
الحاكم هو الملهم .. الرئيس هو القائد لرد الفعل
وبما ان الموضوع مايخصش دولة عربية واحدة فقط
فالموضوع المفروض يكون اسهل انك لما تلاقي رد فعل موحد
من 26 حاكم عربي مسلم
يخدم قضيتك اكتر ... ويجعل الضغط اكبر ...
بس فعليا ده مش بيحصل .. هنا السؤال اللي المفروض تسأله لنفسك
ده ليه مش بيتوجد ؟؟؟


يا هل للدرجة دي عنين الناس اللي بيحكمونا مسكورة
نتيجة حاجات بتحصل خلف الكواليس احنا مش فاهمنها
لدرجة ان احنا حتي خايفين نقوم بردود فعل شكلية ؟
ولا اصلا ان في حاجة اصعب بتحصل
وهو الاتجاه العلماني المفرط للدول اللي بقت علي نفس منهج الدول الغربية
وبالتالي المؤسس الغربي هو البايونير بتاعنا ... هو الرائد
اللي بيقود النسخة الجديدة للمواطن العربي المستهلك حاليا في ضعف الارادة
اللي عايش بين افكار ميتة وافكار مميتة و مش قادر يكون هويته من جديد
او يخرج بنسخة افضل للعالم تجعله يعود لمكانه الطبيعي ..

للاسف احنا عايشين في النسخة الاسوأ للعرب منذ بداية الإسلام
احيانا لما بتسترجع التاريخ وتشوف ان فيه اوقات فعلا الاسلام
كان عايش مجموعة محن وكان فيه استعمار للدول وكان فيه مدابح
بين المذاهب وتنوع وغيره .. هتقول دي اكيد اسوأ الاوقات
بس فعليا دي مش اسوأها لأن كان لسا فيه شئ قريب من القلوب
فيه مبدأ لسا متواجد في العقول ... فيه لسا حمية ..

مش مجتمع بقا حاليا مكون من مجموعة
نزوات فكرية كل ما تزورنا نقعد نطبق فيها
لاعتقاد بقا سائد جوانا ان الهوية العربية الاسلامية
مابقتش قادرة تطلعنا من مكاننا لأننا مش قادرين نعمل تحديث
يوائم العصر بتاعنا ...
وبالتالي المواطن العربي بقا راضخ فتابع فمسلوب الارادة وده كلام كله مكرر ومعروف ..

بس
اللي حاصل حاليا بالنسبة مش رئيس فرنسي بيهاجم رسول دول مسلمة
اللي حاصل حاليا ان دول مسلمة مش قادرة تدافع عن رسولها ..
ومش هقول حتي ان مش قادرة تدافع او عاجزة هو التعبير الاصح ..

الواقع المذل اللي الناس المفروض تفهمه
ان الموضوع مش عجز .. الموضوع اننا مستحيين ندافع او مش عارفين ندافع ازاي ..
عارف انت العيل في المدرسة اللي كل يوم بيتعرض للتنمر وبياخد شلاليط من
عيال زمايله في المدرسة ومش قادر يرد
وبيكبر كل يوم وفيه احساس بالعجز بيزيد واحساس بالضعف بيخليه
طول الوقت منحني وخجلان وفي الاخر بيحصل شئ من الاتنين
لاما موقف يخليه يرجع ويكون اقوي ويتغير
لاما ينتحر من قلة حيلته ونتيجة التنمر ده ...
احنا لحد اللحظة دي ماظهرش الموقف او الشخص اللي يغير من مقدراتنا
وبالتالي احنا علي حافة الانتحار طول الوقت ..
لأن اللي قادرين يوصلوا رسالتنا للعالم بالمواقف مش مجرد كلام
ماعندهمش ادراك كامل لمكانهم ومتطلبات انه يكون حاكم او رئيس دولة مسلمة ..
ويمكن حتي ماعندهمش الادوات اللازمة لده ... ولا يمكن الحمية اللي بيتطلبه الموضوع ..
لأنهم بقوا جزء من العالم الجديد المشوه من انتاج غربي متنكر ..
المبني علي اكتاف الراقصات في بلاتوه مدينة الانتاج الاعلامي ...

مابقوش فاهمين انت مش رئيس فقط لدولتك ... انت كمان حامي لديانتك
اللي معتنقاها دولتك .. انت ليك وظيفة سامية اكبر من انك تدير بلد
والمفروض انك تزرع ده بالمواقف وبالتالي انك مجرد ما هيكون ليك
رد فعل ... الناس وقت الجد هتكون في ظهرك
لأن فعليا الناس عاوزة اللي يجمعها .. وده اللي احنا لحد دلوقتي مش فاهمينه ..

بس المعادلة الصعبة
لاني مش فاهم ازاي الواحد هيطلب من ناس مش قادرة تدير مظالم بلادها
انها تحافظ علي كرامة رسولها ؟

ازاي تطالبهم بصد الفجوة الاكبر اللي احنا واقعين فيها حاليا
وهو ان الاسلام حاليا بممثليه لم يصبح بإمكانه ان يفتح العالم
ولكنه انفتح عليه ...

والله الموضوع اكبر من ان ماكرونة بيهاجم الرسول ولا صحيفة بترسم كاريكتير
الموضوع بس لو واخدته من زاوية تانية بيثبت ليك اد ايه انك فقط مجرد مؤدي
في العالم مالكش اي لازمة ..وان الواحد بقا قضيته في العالم
انه متبرمج انه يصحي وياكل وينام ويخلف وخلاص ..








  رد مع اقتباس
قديم منذ /10-26-2020, 03:38 AM   #2

مراقب عام

 

 رقم العضوية : 95707
 تاريخ التسجيل : Dec 2013
 العمر : 34
 الجنس : ~ ذكر
 المكان : الأردن
 المشاركات : 21,021
 الحكمة المفضلة : عش ما شئت فإنك ميت
 النقاط : شاعر الحب الحزين has a reputation beyond reputeشاعر الحب الحزين has a reputation beyond reputeشاعر الحب الحزين has a reputation beyond reputeشاعر الحب الحزين has a reputation beyond reputeشاعر الحب الحزين has a reputation beyond reputeشاعر الحب الحزين has a reputation beyond reputeشاعر الحب الحزين has a reputation beyond reputeشاعر الحب الحزين has a reputation beyond reputeشاعر الحب الحزين has a reputation beyond reputeشاعر الحب الحزين has a reputation beyond reputeشاعر الحب الحزين has a reputation beyond repute
 درجة التقييم : 1500191
 قوة التقييم : 751

شاعر الحب الحزين غير متواجد حالياً

أوسمة العضو

تكريم المنتدي في العيد وسام التفاعل والنشاط للاعضاء اكتوبر 2016 وسام المركز الثالث دويتو الخواطر لسه فاكر وسام مسابقة شاعر العامية 2016 المركز الثالث وسام المركز الثالث مسابقه أكمل الخاطره بقلمك وسام عطاء اشرافي 2015 وسام لجنة تحكيم فورم جود تالنت موسم رابع 250 عطاء أشرافى افضل متابع فى الفضفضة 

افتراضي

عندك حق في كل كلمة كتبتها
بس ليه في وقت المولد النبوي
وليه يعملوا كده وهما عارفين
ان مش هيكون في أي رد فعلي رسمي
وفي نفس الوقت كان رد فعل السودان
إنها طبعت مع الكيان الصهيوني وفيه
دول رحبت بالتطبيع ده ومكنش ليهم
أي رد فعل على الإستهزاء برسولنا الكريم
عليه افضل الصلاة وأتم التسليم
والإستهزاء بالحجاب وغيره وغيره وغيره
دنيا مبقتش مفهومة
تلاقي فنانين وفنانات بيشجبوا ويستنكروا
في ظل صمت علماء ومشايخ العالم الإسلامي
وعدم إظهار أي رد فعل من الحكام!!!

انا كفيناك المستهزئين
ده كلام ربنا لرسوله عليه أفضل الصلاة وأتم التسليم

الله يعطيك العافية
كلامك صحيح وصريح
أؤيدك بكل كلمة 👏👏👏
شكري وتقديري وامتناني ❤







  رد مع اقتباس
قديم منذ /10-26-2020, 07:04 AM   #3

مشرف قسم النقاش سابقا

 

 رقم العضوية : 99926
 تاريخ التسجيل : Oct 2015
 الجنس : ~ رجل
 المكان : المملكه العربيه السعوديه
 المشاركات : 17,081
 الحكمة المفضلة : ن سر تعاسة الانسان فى خمسة أشياء داخل نفسه : الشهوة والغضب والغرور والأنانية والتملك.
 النقاط : حازم34 has a reputation beyond reputeحازم34 has a reputation beyond reputeحازم34 has a reputation beyond reputeحازم34 has a reputation beyond reputeحازم34 has a reputation beyond reputeحازم34 has a reputation beyond reputeحازم34 has a reputation beyond reputeحازم34 has a reputation beyond reputeحازم34 has a reputation beyond reputeحازم34 has a reputation beyond reputeحازم34 has a reputation beyond repute
 درجة التقييم : 1991554
 قوة التقييم : 996

حازم34 غير متواجد حالياً

أوسمة العضو

مسابقة الدنيا حر وسام أمير المنتدى 2016 ابداع العاميه الفضفضه سجل الاعضاء وسام المشرف الملتزم بعمل التقرير لشهر مارس2016 وسام التميز الاشرافي لشهر مارس2016 وسام النشاط العام عن الشهور يناير وفبراير ومارس 20 مسابقه  كفاح  ام   المركز  الثانى حملة تنشيط الصحة 

افتراضي

اخي الحبيب

تحيه طيبه من القلب على المقال الرائع الذي لخص الأمور

وفعلا أصبح الكثير همه المال والاكل والنوم ومتابعه الهيافه


وانت تعلم أن دين الله ظاهر على كل الاديان


وانت تعلم قدر رسولنا صلى الله عليه وسلم عند الله

وانت تعلم مدى خيريه هذه الامه

وفيها رجال حقا يحبون الله ورسوله


وانت تعلم أنه يوجد عند الله مسلم يساوي الف من المسلمين بل اكثر

وعنده الغيره على دينه وحبه لرسول الله صلى الله عليه وسلم


واحسنت في وصفك للتبعينه المشينه المحزنه للكثير من الحكام والشعوب المسلمه والانبهار لكل ماهو غربي


بل واندمج أحدهم في الاصطفاف مع ماكرون مدافعا عنه وداعما لاقتصاده


الله موجود وطريق الحق واضح وجلي ورغم قله السالكين له

فهو المنتصر

فلو قله قليله اندفعت بحب واخلاص للزود عن نبيبها

فهي تساوي عند الله الكثير من هؤلاء الحثاله الذين لا هم لهم

سوي التقرب الي المجرمين والكفار


وقال الله تعالى

لن ترضى عنك اليهود ولا النصارى حتى تتبع ملتهم


وليعلموا ان من رضي عنه هؤلاء فقد خرج من عباءه الدين


نريد دولا اسلاميه همها الأول الدين ونصره الإسلام ونبيه


دول منتجه تجد وتجتهد طالبه رضي الله والسير على نهج رسول الله

خبرني بالله عليك هل كان المسلمون الأول يعيشون عاله

على منتجات هؤلاء كلا والف كلا


ولكن هو الاستعمار بمفهومه الحديث


ولكن الله ناظر ما سوف نفعله لنصره نبينا

تحياتي لقلمك الراقي واسعدك الرحمن


وبارك لك.







  رد مع اقتباس
قديم منذ /12-30-2020, 01:57 PM   #4

 

 رقم العضوية : 115662
 تاريخ التسجيل : Dec 2020
 الجنس : ~ أنثى
 المشاركات : 99
 النقاط : magda fathy will become famous soon enough
 درجة التقييم : 50
 قوة التقييم : 0

magda fathy غير متواجد حالياً

 

 

 

 

 

أوسمة العضو
افتراضي

الله اكبررررررررررررررررررررررررررررررررر







  رد مع اقتباس
إضافة رد

« الانتخابات الامريكيه | زواج _ حب = معادله صعبه »

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

Posting Rules
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


مجلة الحلوة / مذهلة

الساعة الآن 11:48 AM


Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w


elMagic Style.Design By:۩۩ elMagic ۩۩