عارف اليأس

[fanaa]

عارف اليأس🕷️☝️
أنا وهو تملي بنتشاكل
عاوز يرميني ورا الشمس
وتملي بيخلقلي مشاكل
وأنا أضعف من كل مشاكلي
بيحطني ديمًا في سؤال
ليه العالم رافض شكلي
وليه ديما بيكمم صوتي
وكل كلامي بقوله سكوت
وليه برضو وبرغم سكوتي
حالف يقطع فيا الصوت
ومصمم يحبط أحلامي
والخطوة بتيجي وبتفوتني
الخوف والوحدة بقو سلاحه
وبكل مافيه بيهددني
لو هخرج عن طوعه في مرة
أو أشوف العالم من برة
هيقيد عيني بلون عينه
ويحرمني النور ويا الضلمة
ويسبني مابين النهرين
أعطش للنور فأشرب روحي
وأشتاق للموت فأغرق بالعين
الفرحة بشوفها قصاد عيني
بتعدي وأنا كلي حنين
بتفرج فيها على سنيني
وبشاور ليها تشوف صورتي
أو حتى تخبط باب أوضتي
وتقولي أن الدنيا بخير
وأن الناس بقو بني آدمين!
وأني خلاص هشوف الضي
بس اليأس خد روحى وكفني
وصلى عليا رغم أني يعالم حي
#ياطبيب
#aya_ibrahem

[ساحر الأحزان]

كلمات برغم الحزن فهي جميله وتدخل القلب سريعا

من بساطتها وعفويتها

عوده جميله فناء

وبانتظار جميل جديدك

[شاعر الحب الحزين]

عارفة اليأس اللي بتتكلمي عنه
عارفة بييجي منين
بييجي من أمل خاب فينا ظنه
وخاب ظننا فيه الاتنين
من ثقتنا ف حد ما شفنا منه
غير الجفا ودمع العين

أبدعتي ووصفتي شعور صعب جدا
شعور الإحساس باليأس
بكلمات وتعابير خدمت الفكرة والمعنى
قلم جميل وإحساس أجمل
شكري وتقديري وامتناني 🌺

[حـيـــــآة ❤]

ربنا يبعد عنك كل وحش
تسلم ايدك

[Lamees]

ربنا يبعد عننا اليأس
ومش عايزة اعرفه

رقيقة وجميلة
تسلمي يا قمرايا

[عاشق ولهان]

حاله إبداع

ومناجاه تعاتب اليأس

أبدعتي وأكثر وأبعد الله عنك ِ اليأس

كوني بخير

[إيلاانا]

اصعب حاجة على الإنسان لما يوصل لحالة اليأس
أنا ضد اليأس لأن الإنسان طالما عايش يحارب اليأس بقدر المستطاع مو بس كذا المفروض
ما يخلي اليأس في حياته
لكن لا يعنى هذا إنه في أمور في حياتنا الأمل مفقود فيها بل المستحيل واليأس منه هو الحقيقة
مثال العمر لما يروح صعب يرجع ممكن امور كثيرة. مفقود الأمل فيها واليأس منها هو الحقيقة
هنا مالنا غير التعايش للي يقدر أو الي يقدر يجد البديل من اجل النسيان والهروب وهناك من ما يقدر
أن يجد البديل حتى ينسى
غير كذا مرفوض اليأس فيه ونتفأل بغدِ أجمل
جميل تلك الكلمات برغم الألم
تحياتي وتقديري واحترامي لكِ
في حفظ الله لتكوني دوماً
إيلانا

[فداااااااااااء]

مؤلمة عزيزتى كلماتك
اليأس وحش لا يرحم من يستسلم له
كونى راضية عن نفسك واجعلي دائما الامل بالله وادعى فإن الله قريب يجيب الداعى اذا دعاه
اسعد الله قلبك عزيزتى

[Şα3Đ..♥]

اسلوبك رااااااائع في الكتابه
بتمنالك مزيد من التقدم
تحياتي

[fanaa]

اقتباس المشاركة الأصلية كتبت بواسطة ساحر الأحزان كلمات برغم الحزن فهي جميله وتدخل القلب سريعا من بساطتها وعفويتها عوده جميله فناء وبانتظار جميل جديدك

تكرم يا ساحر يدوم وجودك الطيب🌹