انا مش متجوزه امك

[big bốss]

بعد التحيه ،،،،

ام الزوج لابنها : يا محمد تبقى تجيب مراتك كل يوم هنا تقضى النهار معايا

هتقعد فى الشقه تعمل ايه لوحدها ؟ تيجى تساعدنى حتى انا وليه كبيره

الزوج لزوجته : يا حبيبتى تبقى تروحى لامى تقضى النهار عندها و تساعديها فى

شغل البيت

الزوجه لزوجها : و دا اقتراحك و لا اقتراحها . انا مش هروح و لا هاجى انا متجوزاك

و لا متجوزه امك ؟

..... و تمضى الايام

ام الزوج لابنها : مراتك ست هانم مجاش ليه ؟ مش عارف تمشي عليها رايك

ما أنا امك مش هناك و لا خايف عليا اهىء اهىء و لا ابنى و لا اعرفك لو مجبتهاش هنا


الزوج لزوجته : بصى انتى هتروحى عند امى غصب عنك عليا الطلاق ....

الزوجه لزوجها : امك ملهاش دخل فى حياتى انت ابن امك


...... و طاخ طبخ و تبدأ دوامة المشاكل

كثير هذا المسلسل يحدث فى حياتنا اليوميه و كل أبطاله يرون أنهم على حق

فما رأيك عزيزى العضو فهذه المشكله ؟

[فــــــــــرح]

بيختلف حسب النسوان والستات
النسوان بتحب سياسة ال لا واللت والعجن
وامك وخالتك واهلك وكلام كتيرررر
لكن لما الواحد يكون متجوز ست بتشوف الحياة بعين
شخص بتحبه وسياسة الناس لبعض والكل لله عز وجل
حتشوف موضوع اني اساعد ست كبيره في مقام امي
بغض النظر هي ام زوجي او جارتي دا تصرف انساني وذوق ورحمة
لا شرعا ولاقانونا يلزموا زوجة الابن باي حاجه تخص اهله عامة
لكن احنا بشر ولينا امهات مستحيل اروح عند امي وانا اقعد
وهي تخدمني وتغسل وتعمل كذلك ام الزوج خصوصا لو وحدانيه
اساعدها وابرها واكسبها ولو عندي شغاله تخدمها وتخدمني
الحياة بسيطه بس بعض النسوااان بيعقدوها جدا

[*فجر الاسلام*]

هي لو راحت تبقي ذوق منها واصل لكن هي مش مجبره طبعا لكن العادات والتقاليد في بعض الاماكن لو ماروحتيش يبقي فيكي وفيكي وجوزك مش قادر يحكم
انا لا مع ولا ضد هتقدر تساعد تساعد ياريت كمان وخصوصا لو ست كبيره
لو مش كبيره وبتقدر تقضي لوحدها او عندها بنات لا طبعا بناتها اولي بيها
وكل اللي بيعمل خير بيلاقيه
واللي مابيعملش مش هيلاقيه

[big bốss]

اقتباس المشاركة الأصلية كتبت بواسطة فــــــــــرح بيختلف حسب النسوان والستات النسوان بتحب سياسة ال لا واللت والعجن وامك وخالتك واهلك وكلام كتيرررر لكن لما الواحد يكون متجوز ست بتشوف الحياة بعين شخص بتحبه وسياسة الناس لبعض والكل لله عز وجل حتشوف موضوع اني اساعد ست كبيره في مقام امي بغض النظر هي ام زوجي او جارتي دا تصرف انساني وذوق ورحمة لا شرعا ولاقانونا يلزموا زوجة الابن باي حاجه تخص اهله عامة لكن احنا بشر ولينا امهات مستحيل اروح عند امي وانا اقعد وهي تخدمني وتغسل وتعمل كذلك ام الزوج خصوصا لو وحدانيه اساعدها وابرها واكسبها ولو عندي شغاله تخدمها وتخدمني الحياة بسيطه بس بعض النسوااان بيعقدوها جدا

هههه ايه يا فرح محسسانة انك اتربيتى و عائشه فى مصر و اتعلمتى الألفاظ

و المخارج المصريه

هو عامتا اللت و العجن هو إلى مودينا فى داهيه

بس هو الموضوع انسانى و تقديرى من الدرجه الاولى

شكرا لرأيك فرح

[big bốss]

اقتباس المشاركة الأصلية كتبت بواسطة *فجر الاسلام* هي لو راحت تبقي ذوق منها واصل لكن هي مش مجبره طبعا لكن العادات والتقاليد في بعض الاماكن لو ماروحتيش يبقي فيكي وفيكي وجوزك مش قادر يحكم انا لا مع ولا ضد هتقدر تساعد تساعد ياريت كمان وخصوصا لو ست كبيره لو مش كبيره وبتقدر تقضي لوحدها او عندها بنات لا طبعا بناتها اولي بيها وكل اللي بيعمل خير بيلاقيه واللي مابيعملش مش هيلاقيه

موضوع العادات و التقاليد دائما ضد المراه فى مجتمعنا

و كان حق مكتسب مفيش حتة الرضا دى خالص

شكرا لرأيك

[واد حبيب]

شوف ياسيدي
في ناس هيقولك مش مجبره تعملها حاجه والكلام بتاع الحريم اللي مش بيودي ولا يجيب ده الام ليها احترمها وتقديرها في كل وقت
معلش في الكلمه مش تكون امي شيله همي طول السنين وانا اول ما اجوز اعيش في حالي واسبها لوحدها
في حاجه تانيه لزم تكون الام وزوجه الابن في علاقه ود وحب بينهم كده هتكون كل المشاكل اتحلت
لكن طول ما في عناد بين الام وزوجه الابن اعرف ولا انت هترتاح ولا هتشوف يوم راحه امك هتوريك الويك ومراتك هتشيلك الهم

[^^khL oUD]

ف حموات معززين نفسهم كدا ملهاش دعوه بقي مرات ابنها جت مجتش
مش مجبره ع كدا ابدا ولو راحت بيبقي ذوق منها ومحبه
لكن تجبر ابنها أنه يعمل كدا معلش يعن تبقي ست مش كويسه وعايزه تخرب ع ابنها م تخلي بنتك تساعدك لو عندك بنات معندكيش لو انتي شخصيا كويسه مع مرات ابنك هي م نفسها هتيجي وهتساعدك
م البدايه كدا لما كل واحد يخليه ف حاله احسن الاختلاط وحش .

[big bốss]

اقتباس المشاركة الأصلية كتبت بواسطة واد حبيب شوف ياسيدي في ناس هيقولك مش مجبره تعملها حاجه والكلام بتاع الحريم اللي مش بيودي ولا يجيب ده الام ليها احترمها وتقديرها في كل وقت معلش في الكلمه مش تكون امي شيله همي طول السنين وانا اول ما اجوز اعيش في حالي واسبها لوحدها في حاجه تانيه لزم تكون الام وزوجه الابن في علاقه ود وحب بينهم كده هتكون كل المشاكل اتحلت لكن طول ما في عناد بين الام وزوجه الابن اعرف ولا انت هترتاح ولا هتشوف يوم راحه امك هتوريك الويك ومراتك هتشيلك الهم

كلامك صح يا محمد بس الزوجه مش مجبره بس محيره

و التفاهم و الود والتقدير افضل الحلول و الأوضاع

نورت يا ابو زياد

[big bốss]

اقتباس المشاركة الأصلية كتبت بواسطة ^^khl oud ف حموات معززين نفسهم كدا ملهاش دعوه بقي مرات ابنها جت مجتش مش مجبره ع كدا ابدا ولو راحت بيبقي ذوق منها ومحبه لكن تجبر ابنها أنه يعمل كدا معلش يعن تبقي ست مش كويسه وعايزه تخرب ع ابنها م تخلي بنتك تساعدك لو عندك بنات معندكيش لو انتي شخصيا كويسه مع مرات ابنك هي م نفسها هتيجي وهتساعدك م البدايه كدا لما كل واحد يخليه ف حاله احسن الاختلاط وحش .

ما هو حتى لو مفيش خلطه لازم فيه ود و صله

لان الحماه فاكره خدمتها حق مكتسب لها على مرآة ابنها

نورتى خلود

[واد حبيب]

اقتباس المشاركة الأصلية كتبت بواسطة big bốss كلامك صح يا محمد بس الزوجه مش مجبره بس محيره و التفاهم و الود والتقدير افضل الحلول و الأوضاع نورت يا ابو زياد

مفيش حد قال مجبره يانور
انا قولت ان لزم يكون في تفاهم بين الاتنين
عندنا وعندكم بيكون في بيت عائله وبتحصل مشاكل كتير في الموضوع ده
التفاهم والراحه أفضل شي