خالف المنطق ولو لمرة

[yasmine refat]

قال سقراطj

( إن ما لا أفهمه لا يعني أنه غير معقول لأني لم أفهمه أفلا يجوز أن يكون هناك عالم للحكمة يتلاشى فيه المنطق؟)


مقولة رائعه توقفت أمامها كثيرا لإتأملها**


فعلا الحكمة قد تكون بلا منطق**


والعالم قد يحتوي على كثير من الأمور غير المنطقية**


التي لا يمكن تحليلها أو تفسيرها

أمور غير دقيقة ولا يمكن وضعها في إطار المعقول

الدين وما يحمله من روحانيات والجنة والنار وعذاب القبر,,,


جميعها أمور لو حاولنا وضعها في المنطق وفهمها سنفشل**


فهناك أمور عقلنا البسيط الذي يميل للوضوح لا يستطيع تفسيرها

فلذلك قال الكثير من العلماء أن تقدم علم الفلك ونحوها من العلوم التي تعتمد على الوضوح والحسابات سبقت علوم الإنسان

فالعقل يميل للوضوح والأمور الخالية من التعقيد


إذا لماذا لا نتخلى عن المنطق ونحاول فهم الأمور بطريقة مختلفة؟؟!!

هذا التساؤول صعب علي أكثر من غيري

فأنا أميل بدرجه كبيرة لتحليل الأمور ووضع أسباب لها**

ولكن عندما أجد حيوان يفعل المستحيل لإنقاذ صغيره

أقول هذه غريزة الأم

وماهو السبب من غريزة هذه الأم؟؟


لا جواب محدد

وهذه مقولة لداروينj

(أغلب الغرائز تمتاز بتأثير بالغ وتثير درجة كبيرة من الحيرة، وكيفية نشوئها وتطورها ربما تبدو لقارئ نظريتي كافية لهدم نظريتي من الأساس)

فيقف عقلي قائلا بأن هناك أمور غير منطقية

ولن أستطيع وضع حسابات لها أو تحليلها

بل أجد بأن محاولة وضع المنطق في كل تفسير لن يسبب إلا التقيد بحدود معينه من العلم

طبعا هذا ليس الهدف من الموضوع فمعرفة إن المنطق لا يمكن تطبيقه على جميع الأمور معلومه غير هامه

الأهم*


بأن الأمور المعقولة والمنطقية دائما كانت مسيره لنا في حياتنا


طالب مجتهد حاصل على نسبة عالية من غير المعقول دخوله قسم مثل تجاره


الإنسان الملتزم من غيرالمعقول أن يكذب



وغيرها من الأمور التي قد يعد أرتباطها بالمنطق والمعقول جهل لحقيقتها وبعدا عن النقاط المهمة فيها

فلماذا لا نكسر هذا الجدار ونحاول وضع أراء جديده قد تكون غير معقولة


مع أني متأكده بأن كونها معقوله أو منطقيه ليست إلا بسبب إعتقادنا بها وتأثرنا بها

وضعناها كرأي طبقناه وجدنا نتائجه فعاله ثم عممناه وشملناه وجعلناه يمثل المعقول

فطبيعة العقل البشري تميل للتعميم فهو أسهل لها

وفي الواقع إذا فكرنا بعقلانية ومنطقية قد تكون أراء غير منطقية وعقلانية أطلاقا


فالمشكلة هنا تمسكنا بإراء وتحويلها لإعتقادات

فماالمانع مثلا أن يدخل شخص حاصل على نسبة 99% تجارة


لو حاولنا التفكير في هذه النقطة بمنطقيه


هل النسبة والحصيلة الدراسية سبب مقنع ومنطقي لتحديد الميول؟

هل النجاح مقرون بالتخصصات الطبية والهندسية فقط؟

هل أصحاب النسب الأقل أقل ذكاءا وأقل فرصا للنجاح؟

هل كل من كان خريجا من أحد جامعات القمة وجد عملا في الحال ومال وفير؟


وعلى الأقل نقارن أفكارنا بما يحصل حولنا وتجارب المحيطين بنا


فالجميع سيتضح له بإن هذه الأراء ليست سوى وهم تم وضعه تحت مسمى المعقول والمنطقي

ولن نتقدم أبدا ونحن مقيدين بهذه الأراء التي تمنعنا عن الحقيقة وتضيع علينا أمور ستكون مفيده

التغيير ومحاولة التفكير بطريقة مختلفة وعدم الأخذ بالأراء المتعارف عليها لنخلق أمور معقولة ومنطقية أخرى,, بداية مهمة

شكراااااااااااااااا على حسن المتابعة

[بنوته كتكوته]

مشكوووووره موضوع رائع

[SiLver Spectra]

الله...

موضوع روعة يا ياسمين

مش عارف ابدأ منين....

الإنسان بطبيعته بيحب يرتب الأمور المعطيات و يصنفها عشان يسهل فهمها

و طبعا فهمه للحاجه بيعتمد على ما توصل له عقله و مع الزمن بيعيد تصنيف المعطيات بشكل أفضل

لو مثلا أخدنا مثال للجدول الدوري للعناصر

الإنسان هو إلي صنف العناصر و رتبها في مجموعات و دورات

مش لازم الترتيب دا يكون هو الصحيح 100%

لكن حسب العقلية البشرية للوقت الحالي فدا يعتبر الأكثر منطقية و الافضل من حيث التصنيف و الدراسة و أكيد في عقول حاليا تقدر تصنف العناصر بشكل مختلف و افضل....لكن هو دا الشكل العام ليها أو ما يسمى بالعرف


----------------------------

خلينا نتعمق في العرف أكثر

لو هنتكلم عن الحياة الإجتماعية...

فالأعراف بيكتسبها الإنسان من بيئته

يعني لو تقارني عرف مجتمع بمجتمع تاني هتلاحظي الإختلاف الواضح في التفكير و العادات

بتبقى برمجة...بتأثر على سلوك الشخص و تفكيره

و دي بتشمل اللغة و الدين و العادات و المعتقدات


أو خلينا نقول إننا بنكون جوه قوقعة المجتمع

طول ما إحنا جواها...هنحس إن كل تصرف مشابه لتصرفات المجتمع منطقي

لكن لو جربت تتخيل نفسك خارج القوقعة و تفكر....هتلاحظ إن تصرفاتك بيتحكم فيها عرف المجتمع بدرجة كبيرة مالهاش علاقة بالمنطق


لو هناخد مثال الأفراح

هو مثال غريب شوية

ليه الست بتزغرط؟

لو سألتها....ليه بتزغرطي؟

هتقولك دا فرح !!!

طيب ما يبقى فرح.....هتقولك إزاي لازم

ليه لازم الراجل يلبس بدلة في الفرح؟

مين إخترع البدلة أصلا؟

و إزاي الناس شافوه أول ما لبسها!!

و إزاي إتحولت لزي رسمي في كل الدول؟



في الآخر هتلاقيه عرف مجتمع بيتغير مع الوقت

أول شخص عمل البدلة ...دا خرج من عرف المجتمع

و بعدين إضافت البدلة للعرف كزي رسمي

مهما قاعدت افكر و أتمرد عليه فهو في الآخر ( العرف) هيتحكم فيه بدرجة كبيره

زي الدمية إلي بحبال


الإنسان إلي بيقدر يخرج من قوقعة مجتمعه دا بيبقى اقرب من العالم

في حالة إنه يكون صاحب إبتكار أو فكر جديد

لكن مش بس يتكلم

أو....ممكن يبقى مجنون

( كل عالم مجنون و ليس كل مجنون عالم)
:spain-flag1:

موضوع جامد يا ياسمين

دوام التميز بالفلسفة العالية

[noona]

ايه الموضوع الجميل ده يا ياسمين

بتعجبنى فلسفتك العالية المنطقية واللامنطقية ...:cv10:

لو فكرنا نحلل النفس البشرية وتفسير سلوكياتها ... سلوكيات كتير مش حتلاقى ليها منطق بالمرة

زى مثال الام اللى ذكرتيه ...

وده جه من تعقيد النفس البشرية واللى صعب انك تحلليها تماما والوصول لاسباب الثوابت المترسخة بداخلها

حاجات كتير مالهاش تفسير واقعى ومنطقى ...

لكن مرتاحين لها نفسياً ....

وده السبب ان كتير بيميل لثبات ردود الأفعال .. مادام مكنش منها رد فعل عكسى مخالف غير مريح

زى مثال مثلا لما تيجى تعملى مقابلة فى شركة ما وفى غير متقدم لنفس الوظيفة ..

لو صادفت انك اتكلمتى مع حد من اللى عملوا المقابلة قبلك ... فى احتمال انه يديلك ملاحظاته عن مقابلته ويديكى نصيحة مثلا انك لازم تعملى كذا وانتى فى المقابلة

بدون تفكير حتلاقى نفسك بتنفذى النصائح دى ... برغم انها مازالت فى نظرك غير منطقية ومالهاش اى تفسير

المقصود من كلامى ده ان الخبرة عليها عامل كبير فى تقبلنا للمنطق الحالى او التمرد عليه ...

مسأله أن فى نقطة اطمئنان بشهادة اصحاب التجربة السابقة بيخلينا ناخد ال Save Side

الا اللى قرر انه يتمرد على المنطق ويخرج عن النص المعتاد ويحاول يكون مختلف ...

مع ملاحظة طبعا ان مش كل المسائل ممكن نخرج فيها عن المنطق ... زى الدين اللى فى نقاط منه كتير فى علم الغيب بالنسبة لينا

شرط كمان ان الخروج عن المنطق ميكونش خروج عن الاداب العامة واللى الخروج عنها حيكون غير مقبول شرعاً أو أمناً

لكن نقطة زى الطالب اللى حصل على مجموع كبير والمنطق عندنا بيقول انه لازم يدخل كلية من القمة ... طبعا دى من الافكار اللى توارثناها من الاجيال السابقة .. لكن هنا هو لو خرج عن المنطق السائد ممكن يثبت نفسه بمنطقه الجديد

اى خروج عن المنطق العام اللى ممكن يقدم بينا الى الامام .... هو فى الحقيقة منطقا فى حد ذاته يستحق الاهتمام والاعتراف به

وده الفكر اللى احنا مفتقدينه فى الواقع ...

"
"
موضوع روووووعة كالعادة يا ياسمين ...

فيلسوفة مبدعة ما شاء الله

بالتوفيق دايمااااا

تحياتى وتقديرى ،،،

[لوليتا المصريه]

يا يااااسمين يا جااااااامد

الموضوع رائع رائع رائع وعجبنى كتير

بصى بقى يا سيتى الجزئيه دى


اقتباس:
أقول هذه غريزة الأم

وماهو السبب من غريزة هذه الأم؟؟


لا جواب محدد

وهذه مقولة لداروينj

(أغلب الغرائز تمتاز بتأثير بالغ وتثير درجة كبيرة من الحيرة، وكيفية نشوئها وتطورها ربما تبدو لقارئ نظريتي كافية لهدم نظريتي من الأساس)




هو فعلا لما نيجى نلاقى الام دايما بتحاول تحمى صغيرها


ودايما بتحاول توفرله كل سبل الراحه والامان


ليه


عشان غريزة الامومه


طيب ايه سبب الغريزة دى


هنقول مانعرفش هو ربنا خلقنا كدة


طيب بردو لو حاولنا ندور كدة او حتى نشوف اى طريق نفسر بيه


لمعنى الغريزة دى


هنلاقى ان بردو فيه حاجات بتأثر فى وجود الغريزة دى


زى ايه


زى البيئه اللى بتحيط بالشخص نفسه دة


بمعنى مثلا اقرب مثال اللى انتى قولتيه


غريزة الامومه


الغريزة معناها ايه معناها


مهارة وراثيه تظهر مع عده تأثيرات


تأثير داخلى ( النضج )


تأثير خارجى ( المنبهات الخارجيه و المؤثرات اللى بيحتك بيها الانسان )


طيب احنا مش احيانا بنلاقى امهات زى مابيقولو كدة معندهاش قلب


مش بيهتموا بأولادهم مش بيوجهوا مش بيعلموا ويخافوا ويحموا


بنيجى نقول عليهم ايه دول بنقول عليهم


دول اخلوا باللى ربنا خلقهم عليه


اللى هى غريزة الامومه


الام الحنونه اللى بتدى الاحساس بالامان دايما


طيب هى ماعملتش كدة


ليه ؟؟؟؟


يبقى بسبب أن احد التأثيرات سواء بقى الداخليه او الخارجيه وقعت عندها


وطبعا طبعا مفيش اى شك ان صاحب اعظم نظريه فى الكون وهى نظريه الغريزة


هو الله سبحانه وتعالى


فهو صاحب ذلك العلم


وذكر الله سبحانه وتعالى في الذكر الحكيم


نحل العسل كمثال على إلهامه الكائنات الحية لاتباع سلوك معين


بقوله فى الايه الكريمه


بسم الله الرحمن الرحيم

وأوحى ربك إلى النحل أن اتخذي من الجبال بيوتا ومن الشجر ومما يعرشون ثم كلي من كل الثمرات فاسلكي سبل ربك ذللا يخرج من بطونها شراب مختلف ألوانه فيه شفاء للناس إن في ذلك لأية لقوم يتفكرون" سورة النحل الآية 68-69 "

صدق اله العظيم


اذن الحيوانات هى الاخرى مبرمجه على اداء سلوك معين


فما هو الا الهام لهذه الكائنات الحيه


والله يا ياسمين الموضوع شدنى اوووووووووووى


وانا ماليش فى الفسلفه اوى هو انا كنت واخداه اه فى الثانوى


بس اكيد مش هبقى علامه فيه


بس شكلك كدة ليكى فى الفلسفه والمنطق وعلم النفس


بس سيبك انتى موضوع بجد جاااااااامد


ودة اتعودنا عليه منك يا قمرى


اختك

[yasmine refat]

اقتباس:
المشاركة الأصلية كتبت بواسطة بنوته كتكوته
مشكوووووره موضوع رائع


شكرااااااااااااااااااا على المرور وعلى الرد

بالتوفيق

أختك

[بنت الحجاز]

ومن المنطق من يقرأ هذا الكلام وهذا الأسلوب وطريقة الطرح أن يقدم الشكر والعرفان لأختنا الكريمة " القلب الطيب "
على هذا الموضوع الجميل
أثابك الله وبارك فيك عزيزتي

[سلمى سام]

شكرا على الموضوع الرائع
وربنا يوفئك

[وردة مصر الحساسة]

شكرا

[yasmine refat]

اقتباس:
المشاركة الأصلية كتبت بواسطة SiLver Spectra

الله...

موضوع روعة يا ياسمين

مش عارف ابدأ منين....

الإنسان بطبيعته بيحب يرتب الأمور المعطيات و يصنفها عشان يسهل فهمها

و طبعا فهمه للحاجه بيعتمد على ما توصل له عقله و مع الزمن بيعيد تصنيف المعطيات بشكل أفضل

لو مثلا أخدنا مثال للجدول الدوري للعناصر

الإنسان هو إلي صنف العناصر و رتبها في مجموعات و دورات

مش لازم الترتيب دا يكون هو الصحيح 100%

لكن حسب العقلية البشرية للوقت الحالي فدا يعتبر الأكثر منطقية و الافضل من حيث التصنيف و الدراسة و أكيد في عقول حاليا تقدر تصنف العناصر بشكل مختلف و افضل....لكن هو دا الشكل العام ليها أو ما يسمى بالعرف

----------------------------

خلينا نتعمق في العرف أكثر

لو هنتكلم عن الحياة الإجتماعية...

فالأعراف بيكتسبها الإنسان من بيئته

يعني لو تقارني عرف مجتمع بمجتمع تاني هتلاحظي الإختلاف الواضح في التفكير و العادات

بتبقى برمجة...بتأثر على سلوك الشخص و تفكيره

و دي بتشمل اللغة و الدين و العادات و المعتقدات

أو خلينا نقول إننا بنكون جوه قوقعة المجتمع

طول ما إحنا جواها...هنحس إن كل تصرف مشابه لتصرفات المجتمع منطقي

لكن لو جربت تتخيل نفسك خارج القوقعة و تفكر....هتلاحظ إن تصرفاتك بيتحكم فيها عرف المجتمع بدرجة كبيرة مالهاش علاقة بالمنطق

لو هناخد مثال الأفراح

هو مثال غريب شوية

ليه الست بتزغرط؟

لو سألتها....ليه بتزغرطي؟

هتقولك دا فرح !!!

طيب ما يبقى فرح.....هتقولك إزاي لازم

ليه لازم الراجل يلبس بدلة في الفرح؟

مين إخترع البدلة أصلا؟

و إزاي الناس شافوه أول ما لبسها!!

و إزاي إتحولت لزي رسمي في كل الدول؟

في الآخر هتلاقيه عرف مجتمع بيتغير مع الوقت

أول شخص عمل البدلة ...دا خرج من عرف المجتمع

و بعدين إضافت البدلة للعرف كزي رسمي

مهما قاعدت افكر و أتمرد عليه فهو في الآخر ( العرف) هيتحكم فيه بدرجة كبيره

زي الدمية إلي بحبال

الإنسان إلي بيقدر يخرج من قوقعة مجتمعه دا بيبقى اقرب من العالم

في حالة إنه يكون صاحب إبتكار أو فكر جديد

لكن مش بس يتكلم

أو....ممكن يبقى مجنون

( كل عالم مجنون و ليس كل مجنون عالم)
:spain-flag1:

موضوع جامد يا ياسمين

دوام التميز بالفلسفة العالية

أهلا بطارق أيه الرد الجامد ده**

طبعا أول جزئية**

ذكرتها العرف في العلم

طبعا كلام منطقي جدااااااا

وأحنا عادة بنأخذ بالرأي لين منوصل لرأي أكثر كمالا منه

وهو مش موضوعي المنطق في العلم

بس لو جينا أتكلمنا عنه هتلاحظ أن أول حاجه هتتأثر بالمنطق هي الدين

يعني السحر والحسد

هل منطقي بالنسبالك إن الشخص المحسود بيخف بالإغتسال بوضوء الحاسد

لازم نعرف إن في ربنا ومش كل حاجه هنقدر نفهمها**

سيبك من الكلام ده

طبعا من الناحية الإجتماعية كلامك منطقي

فالشخص العايش فيبيئة فاسدة أحتمال كبير أنو يطلع فاسد

والعكس الصحيح

وقبل كده في موضوعي **شباب بلاهوية**

وضحت بإن العرف جزء منا لإن تربيتنا بتكون على أسس أجتماعية بحتة

بس خلينا نتعمق أكثر

لو أعتبرنا الإفراد أجزاء والمجتمع كل

هل لازم كل أجزاء الكل تكون متشابهة متطابقة

يعني مثلا هل تعتقد إنك بتطبق العرف 100%

ممكن تكون مختلف عنو لو في حاجه بسيطة جدااااااا نوع الإكل مثلا

ومش لازم أني أطبق مقاييس المجتمع كلها

فمثلا وهو ده المقصود في موضوعي

لو المتعارف عليه حاجه والواضح حاجه تانية

التجربة الموجودة أمامي بتثبت عكس ما أعتقدوا

يبقى أخد بي أيه

الموضوع مش هيبقى سهل لإنك زي ماذكرت طول ما أنت مع المجتمع هتحس نفسك منطقي وأزيد لو خرجت عن فكر المجتمع هتحس نفسك غير منطقي حتى لو عقلك بيقولك ده منطقي

فهمت حاجه:france-flag:

مش سهل إنك تخالف هتفضل متردد وحاسس إنك بترتكب أكبر غلط في حياتك حتى لو ألي قدامك بيقلك أنت بتعمل صح

الإنسان لازم يخاطر أحيانا


بجد رأيك راااااااااااااااائع رااااااااائع

مستنين منك موضوع

أيوه بيقولك

خذ الحكمة من أفواه المجانين:france-flag:

بالتوفيق ياطارق

أختك