ازاى تقرف واحد نايم وتطلع عينه

[princess saso]

بصوا يا جماعه اكيد يعنى كل واحد نفسه ينتقم من شخص معين ويطلع عينه
انا هجبلكم الخلاصه مافيش احسن من انك تقرفه وهو نايم وتخليه يكلم روحه من كتر ما انت قرفته شوفوا بقى الطرق الجامده دى مش هتلاقيها غير من مراميرو وبس طرق غلسه غلاسه بجد


خد عندك دى ياقمر
1_لو مثلا اخوك نايم وانت مرارتك مفقوعه منه ادخل افتح نور الاوضه اللى هو نايم فيها واانت خارج ماتنساش تقفل الباب علشان مهما نده على حد يطفى النور ماحدش يسمعه وبكده يصحى غصب عنه


2_لو حضرتك قاعد على الكومبيوتر وجالك مزاج تسمع اغنيه مش تشغل الهيتفون والكلام الفارغ ده .......لا منك للسبوفر على طول واعلى صوت يا باشا وياسلام لو الاغنيه دى تنطيط وكده يعنى علشان تقرف اهل اللى نايم بصوت ام الدبدبه بتاعه الاغنيه


3_تجيب كبايه ميه وهو فى عز نومه تقوم واخد حبه وراشش عليه واطلع اجرى علشان لما يصحى ميلاقيش حد بيرش عليه ...والمسكين هيفتكر نفسه يا اتهبل يا اما السقف بتاع البيت بقى فى الطراوه وفى الحلتين تطلع انت براء يا نجم ولا كأنك عملت حاجه...وبردوا تبقى قرفته وطلعته مجنون وبيريل


4_تروح تصحيه من النوم علشان تساله الساعه كام دلوقتى هيقولك مثلا الساعه خمسه تقوله اه صحيح فعلا تصدق ان ساعتك طلعت مظبوطه

5_بص ياجميل علشان بقى تصحيه فعلا وتتاكد كده انه صحى وفاق وبقى ميت فل وعشره تعمل ايه يا جميل هقولك انا.............. انت تكون قاعد وطافى كل انوار البيت ومشغل فيلم رعب جامد زى dead alive تقوم معلى الصوت على الاخر واول مايجى مشهد مرعب تفصل تصوت وتقول لالالالالالالالا حرام عليك ارحمنى انا مش قدك يا لهوى يا مصيبتى الحقونى ...واول مايجى الشخص اللى انت عايز تصحيه ويسالك فى ايه مالك تقوله ابدا اصلى كنت بتخيل المشهد اللى هيجى بعد ده وبتخيل البطل كان هيعمل ايه يعنى ...روح نام روح ...وطبعا مش هيروح ينام من فيلم صراع الطبقات اللى انت عاملهوله ده


6_لو عايز تصحيه وتقهره على شبابه خليك كده ايزى اطفى التليفزيون وخلى جو البيت هدوء وباعلى صوت عندك زى اى بقره او جاموسه قول... التربتو التربتو..... وطبل وسقف كأنك فى اجدع فرح لبنت العمده وزغرط لزوم الشغل بردوا .....وقول وعقبال عندك يا ام محمد ....ونازله السلالم وقول كام اغنيه شعبى كده واعمل كوكتيل جامد ...وغنيه بطريقه غبيه كانك بتتخانق ...لو صحى وقالك فى ايه قوله ابدا بفكر ابقى مطرب شعبى ....او ناوى اقدم فى برنامج سوبر استار(خلف الاسوار)...ودى بتكون نهايتك ياحلو

بصوا ياحلوين انا اه فعلا قولتلكم ازاى تقرفوا النايم بس انا مش مسؤل عن اى اصابات هتحصلكم
لان رد الفعل هيكون شديد اوى يعنى لو جالنا عضو مره وايده مكسوره اعرفوا انه يا حبيب قلبى عمل بنصايحى المهببه

[Transporter]

لو مثلا اخوك نايم وانت مرارتك مفقوعه منه ادخل افتح نور الاوضه اللى هو نايم فيها واانت خارج ماتنساش تقفل الباب علشان مهما نده على حد يطفى النور ماحدش يسمعه وبكده يصحى غصب عنه


عن نفسي خليه نايم احسن انا ما اصدق انه نايم واقعد انا مع مراتي
خخخخخخخخخخخخخخخخخخخخ

فرصة محدش بيلاقيها دلوقتي

[متفائل في زمن اليأس]

الله يعين من الضرب اللي هنضربه
مرسي ع التوبيك

[رحيق الجنه]

ههههههههههههههههه نصايح جامده حاول انفذها

[بنان]

صراحة اجو بالوقت المناسب لانو اختي مطلعة عيني وربي لاقرف عيشتها
مرسييييييييييييييييييييييييييييييييييييييييييييييي ييييييييييييييييييي

[Eng lola hamdy]

شكرا على النصايح دى

[britny spears]

ههههههههههه شكرا يا قمر