ايوة بحبك بس مخبى الهوى جوايا !!!!

[GLAMOROUS]

بسم الله الرحمن الرحيم


فى زحمة الحياة .... فى وجوه البشر

يبحث الانسان دائما عن حب صادق

........................................

ندخل فى الموضوع

هل سالت نفسك كام مرة حبيت و خبيت ؟؟؟

هل سالتى نفسك كام مرة حبيتى وسكتى ؟؟؟

...............................................

يمكن الانسان لما بيحب حد بيفكر مليون مرة اقوله ولا لاءة ؟؟ !!!

احنا شباب وبنوتات فى حياتنا سواء فى الكلية او فى النادى او فى اى مكان بنتردد عليه

بنتعرف على ناس جديدة ودائرة اصدقائنا بتتسع كل يوم عن اليوم اللى قبله

وفى الدايرة دى فى ناس بتبقى قريبة عند اطرف الدايرة (مجرد معارف)

وفيه ناس اقرب شوية (زمايل)

وفيه ناس عند مركز الدايرة (اصدقاء)

بعد اذنكو ممكن نقف شوية عند المركز ؟؟ !!!!

الاصدقاء .. معظم الشباب ليهم اصدقاء سواء شباب او بنوتات

والعكس صحيح بالنسبة للبنوتات

مجاش عليك يوم حسيت انك بتحب صديقتك ومتقدرش تستغنى عنها ؟؟؟؟؟

مجاش يوم عليكى وحستى انك بتتمنى من ربنا ان صديقك دى يبقى شريك حياتك ؟؟؟

الصداقة المتحولة الى حب

هوة دة الموضوع

نوع من اصعب انواع الحب

الانسان لما بيحب حب من النوع دة بيجى فى راسه

الف سؤال ومش بيلاقى ليهم اجابة

اتكلم ولا متكلمش ؟؟؟ اقول ولا مقولش ؟؟؟
طب ولو قولت حقول ازاى ؟؟؟
طب هل الطرف التانى بيحبى ؟؟؟؟
ولا هل انا حبيب ولا مجرد صديق غالى وبس ؟؟؟
طب ولو انا مجرد صديق غالى ..
هل حتى مجرد الصداقة دى حتنهار بمجرد مقول
اللى انا حاسس بيه ؟؟؟؟

كل دى اسئلة ملهاش اجابة وبرغم انها ملهاش اجابة فهى اسئلة غير اساسية

ويفضل دايما هاجس جوة الانسان وخصوصا الشاب

يجى الشاب ويقول لنفسه طب ما انا ممكن اسكت ومتكلمش حفاظا على الصداقة اللى بينا

ولما ربنا يوفقنى واخلص دراستى يبقى اقولها على اللى كان ولسة جوايا


ويسكت عقله لثوانى ويرجع يقول طب وافرض حد خدها منك ماهى لازم تعرف عشان تستناك

ويرجع الشاب فى دوامة من التفكير غالاب بتنتهة بقرار بدون تفكير

السؤال دلوقتى للشباب

نفترض انك حبيت صديقتك حب بجد
هل الصح انك تقولها
ولا حتخاف على الصداقة اللى بينكم من الانهيار
وتاجل مصارحتها بحبك لغاية ما تكون قادر
فعلا على اتخاذ خطوة رسمية
مع العلم ان فى الفترة دى ممكن يجى
غيرك وياخد الانسانة اللى دخلت قلبك ؟؟؟ !!!!!

السؤال للبنوتات

بغض النظر عن اذا كنتى بتحبى صديقك ولا لاءة
هل تفضلى ان لو صديقك حبك بجد انه يصارحك بحبه
ولا حتفضلى انه يسكت وميتكلمش ؟؟؟؟

[حروف مبعثره]

اتكلم ولا متكلمش ؟؟؟ اقول ولا مقولش ؟؟؟
طب ولو قولت حقول ازاى ؟؟؟
طب هل الطرف التانى بيحبى ؟؟؟؟
ولا هل انا حبيب ولا مجرد صديق غالى وبس ؟؟؟
طب ولو انا مجرد صديق غالى ..
هل حتى مجرد الصداقة دى حتنهار بمجرد مقول
اللى انا حاسس بيه ؟؟؟؟

صعب الاعتراف بالحب بعد الصداقه خوف من فقدان الصداقه

تحياتى لك موضوعك رائع

[Transporter]

فتح عينيك وامشي بخفة ودلع البنت هي الشابة وانت الجدع
تشوفك ماشى بالبنطلون تعشقك لورفعت ايدك لفوق البنطلون
:ju4:
يقع

الجواب لا

لان الحب والصداقة مختلفين الصداقة مش بتنتهي فصديق اليوم يبقى صديق الغد اما الحب لما بيروح ما بيرجعش واللي نحبه مرة و ننساه مبحنبوش تاني دا غير ان الحب لايمكن ان يتحول الى صداقة ولا يمكن ان يصبح الحبيب مجرد صديق واللي بنحبو عايزينو لنفسنا بس لكن الصديق للجميع الحب مش بتيجزا يا جماعة ولا فيه درجات هي درجة واحدة وبس لانه لا يقبل انصاف الحلول يا قوي ويستمر يا بينتهي للابد .

وشكرا بجد

[GLAMOROUS]

اقتباس المشاركة الأصلية كتبت بواسطة ســوليــداد اتكلم ولا متكلمش ؟؟؟ اقول ولا مقولش ؟؟؟ طب ولو قولت حقول ازاى ؟؟؟ طب هل الطرف التانى بيحبى ؟؟؟؟ ولا هل انا حبيب ولا مجرد صديق غالى وبس ؟؟؟ طب ولو انا مجرد صديق غالى .. هل حتى مجرد الصداقة دى حتنهار بمجرد مقول اللى انا حاسس بيه ؟؟؟؟ صعب الاعتراف بالحب بعد الصداقه خوف من فقدان الصداقه تحياتى لك موضوعك رائع

طبعا صعب بس السكوت ديما اصعب اسعدني مرورك

[GLAMOROUS]

اقتباس المشاركة الأصلية كتبت بواسطة Transporter فتح عينيك وامشي بخفة ودلع البنت هي الشابة وانت الجدع تشوفك ماشى بالبنطلون تعشقك لورفعت ايدك لفوق البنطلون :ju4: يقع الجواب لا لان الحب والصداقة مختلفين الصداقة مش بتنتهي فصديق اليوم يبقى صديق الغد اما الحب لما بيروح ما بيرجعش واللي نحبه مرة و ننساه مبحنبوش تاني دا غير ان الحب لايمكن ان يتحول الى صداقة ولا يمكن ان يصبح الحبيب مجرد صديق واللي بنحبو عايزينو لنفسنا بس لكن الصديق للجميع الحب مش بتيجزا يا جماعة ولا فيه درجات هي درجة واحدة وبس لانه لا يقبل انصاف الحلول يا قوي ويستمر يا بينتهي للابد . وشكرا بجد

منورني كتير Transporter

ثانكس للرد