ايه رايكم؟

[NERA 31]

السلام عليكم ورحمة الله وبركاته
ازيكم يا احلى اعضاء يارب تكونوا كلكم كويسين
انا كنت عاوزة اعرف رايكم فى سماع الاغانى يعنى انتو شايفين انها حرام ولا حلال
هو فى ناس بتقول انها عادى مدام هى مش بتحرك مشاعرك
وناس بتقول هى حرام خالص
وناس بتقول ان الموسيقي نفسها حرام وان *الدف*بس هو الة الوحيدة اللى مش حرام
انتوا بقى رايكم ايه؟
وممكن تعمل فرحك اسلامى ولا لازم يكون فى اغانى:vb4:؟
انا فى انتظار تفاعلكم

[شاعر الاقصى]

[COLOR="Blue"]اشكرك على موضوعك يا برنسيسه

الاغاني اكيد حرام لانها من لهو الحديث بس احنا حنعمل ايه يعني

والحمد لله الواحد بسمع بحدود برده مش زي ناس نهارها اغاني وليلها اغاني

واهي دنيا والسلام

وصباح الخير

وشكرا لكي[/COLO

[NERA 31]

شكرا يا شاعر على ردك بس انت مقولتش ممكن تعمل فرحك فرح اسلامى ولا لأ؟

[شاعر الاقصى]

اقتباس المشاركة الأصلية كتبت بواسطة البرينسيسة شكرا يا شاعر على ردك بس انت مقولتش ممكن تعمل فرحك فرح اسلامى ولا لأ؟

يعني ايه اسلامي مش فاهم:054:

قصدك اجيب فيه محمد حسان يعني والشيخ مبروك بتاع قناة الناس:Sport-027:

[just (o]

السلام عليكم ورحمة الله وبركاته

اكيد طبعا حرام بدون استثناءات يعني وربنا يهدي الجميع

اما بالنسبة للفرح فمش عارفة بصراحة كده كده مش انا اللي هاعمله

شكرا ليكي

[Transporter]

بسم الله الرحمن الرحيم
السلام عليكم ورحمة الله وبركاته
اللهم صل على محمد وعلى آله وصحبه أجمعين


الفرح الاسلامي يجب ان تتوافر فيه شروط محددة
ستر العورات
عدم الاختلاط
استخدام الدف فقط
استخدام اللائق من الاغان و الاناشيد دون ابتذال و دون استعراض للصوت
عدم ارتفاع الصوت الى درجة الاذى
عدم ممارسة اي منكر او محرم

قد تخل بعض الافراح التي يطلق عليها اسلامية ببعض الشروط ايضا مثل نقطة الاختلاط مزج ذكر الله سبحانه و تعالى بالموسيقى و ما لا يليق من الكلمات السبب غالبا هو احتراف بعض الفرق احياء هذه الافراح متخذة الدين كوسيلة للترويج و اللعب على النفوس دون ان تكون لديها نية حقيقية وراء هذا العمل غير الكسب فليسموها افراح معتدلة او افراح منفصلة لكن ليس اسلامية فليس اسواء من الوقوع فى الخطأ الا ممارسته مع ادعاء انه صواب كل هذا يجعل لصق صفة الاسلام بها لا يجوز اطلاقا بل هو تجني على الاسلام و مضاره اكثر من منافعه فهذه الافراح تشترك مع الافراح العادية في نقاط كثيرة تجعل وصفها بالاسلامية غير جائز اطلاقا

[NERA 31]

اقتباس المشاركة الأصلية كتبت بواسطة شاعر الاقصى يعني ايه اسلامي مش فاهم:054: قصدك اجيب فيه محمد حسان يعني والشيخ مبروك بتاع قناة الناس:sport-027:

معنى الفرح الاسلامى هو الفرح اللى بتكون فيه الاغانى اسلامية والموسيقي بتكون بالدف فقط وطبعا مفيش رقص واختلاط

رد بقى هتعمل فرحك اسلامى ولا لأ؟

[Mo7aMaD 3aLa2]

...

موضوع مهم جداااا

طبعا مش احنا اللى نقول حلال او حرام

بس انا كنت قريت قبل كدة مقالة فيها احاديث نبوية صحيحة و ايات قرآنية تثبت فعلا ان كل الاغانى حرام

بس كمان قريت ان دار الافتاء المصرية بتقول ان الاغانى الوطنية والاغانى اللى مش بتتضمن الفاظ تسير المشاعر دى مش حرام

بالنسبة للفرح بقى صراحة مش عارف

ميرسى ع التوبيك

[الاختين الحلوين]

الاغانى حرام بس دلوقتى انت \ ى
-
متقدروش متسمعوش اغانى لانها
-
منتشرة جدا ده مفيش تكتك بيكون ماشى مش مشغل
-
اغانى لا ومش كدة وبس وشعبية كمان كلها مش مفهوم
-
ومعلى الديجي ولا كأنك فى فرح
-
وتسمع كلمة من اغنية وانت ماشى تعجبك تجيب شريطها وتسمعها يعنى
-
ومن هنا تبدأ المشكلة
-
شكرا على الموضوع الحلو تقبلى مرورى

[ألاء الرحمن]

طبعا العلماء متفقين على ان الاغانى حرام ومشكله سماع الاغانى هى مشكله تقع على عاتقنا احنا انا عارفه ان دى مشكله صعبه اوى بس ماهو مفيش حاجه سهله ... الاغانى دى مصيبتها كبيره اوى ياجماعه انتو مشفتوش فيديوهات لشهداء بيموتوا شوفو ازاى بينطقو الشهاده .. بيقولوها بعد صعوبه كبيره اوى .. دول الشهداء فمابالكم احنا بقى .. تخيلو لما نبقى على طول بنردد الاغانى هنيجى فى يومنا الموعود مش هنقدر نقول الشهاده وبدل مانقولها هنردد الاغانى .. لازم نقاوم الاغانى لازم نعمل لاخرتنا احنا مش بنتعب لدنيتنا احنا بنتعب لاخرتنا .. ساعتها هنضرب نفسنا الف مره على سماع الاغانى .. والله ياجماعه لازم نعرف ان ديننا ده جاء غريبا وهيعود غريب متحبطوش لما تحسوا انكم مختلفين عن غيركوا بالعكس خليها اشاره على انكم ماشيين صح .. ربنا يهدينا كلنا
بالنسبه للفرح فبإذن الله هيكون اسلامى واشكرك اختى على الموضوع الهام