تحبى تترتبطى بواحد خام ولا واحد مقطع السمكه وديلها

[for light]

يا ترى الأجابه هتكون ايه ؟!!


اولا : شاب خام لم يسبق له التواصل مع بنات بأى طريق كان

يعنى انتى اول تعامل ليه فى دنيته ولسه هيتعلم كل حاجة على ايدك

وطبعا هتكون اول كلمة حب هيقولها هتطلع منه هو ليكى

اول احاسيس بريئة هتكون ليكى




ثانيا : الشاب المجرب اللى زى ما بيقال مقطع السمكة وديلها

يعنى اللى هيخليكى تحسى انك انتصرتى على كل البنات اللى يعرفهم واختارك انتى من بينهم كلهم

واحد هتحسى انك مش قادرة تصد عليه من كتر تمرسه على الكلام طبعا هتسمعى

منه احلى كلام حب ويمكن زى ما بتقولوا اسطوانات طبعا عنده نضوج

فى مشاعره مش لسه هيعيش وقت مراهقة معاكى



أرجو التفاعل مع الموضوع

[Transporter]

بسم الله الرحمن الرحيم
السلام عليكم ورحمة الله وبركاته
اللهم صل على محمد وعلى آله وصحبه أجمعين


اها حلو اوي كده والله فرصة بقى وجاتلي علشان اشوف الاراء يا حلويييييييييييييييييييييييييييين تعالولي تعالولي الهمة يا بنات المنتدى

[محمد الشريف]

for light


إذا كان المقصود بالارتباط هو الزواج وهو الهدف الأسمى ونهاية المطاف بعد تغليب الصفات الطيبة

من التدين الصادق والنسب الطيب والأسرة العريقة والأصول الطيبة وكل مايتعلق بهذا الجانب الاختيارى

الذى تبنى عليه أسس تكوين أسرة مستقرة تنعم بالاستقرار ولا تتعرض لعواصف سوء الاختيار .

فمسألة الخام أو مقطع السمكة ليس لها أدنى اعتبار فى الاختيار فتكوين الأسرة تحكمها اعتبارات مستمدة

من الدين ومن المثل العليا والأخلاقيات الحميدة والسلوكيات الفاضلة ... إذ ليس هناك نموذج أو نماذج

معدة سلفا لممارسة الحياة فالحياة الزوجية رحلة فى محيط الحياة ومعرضة لكافة الاحتمالات ويحكم ضفتيها

المواجهة السليمة من الحكمة والتبصر والإدراك الجيد وتحتاج لكافة الرؤى الواعية لاستكمال المسيرة

وحياة الإنسان ( الزوج ) مراحل متعددة ومختلفة ومتنوعة ولا ترتكز على جانب محدد سوى الاستعانة

بالقيم والسلوكيات القويمة التى تنأى به وبكيانه الأسرى من أية عواصف .

مع التحية

[حروف مبعثره]

هههههههههههه سؤالك جامد على فكره بس يارب اعرف اجاوب



اولا : شاب خام لم يسبق له التواصل مع بنات بأى طريق كان

عمتا معتقدش ان لسه فى من النوعيه دى اتمشى فى الدنيا شويه وتعالى احكى هنا
ولو فيه شايفه انه ميضرش عادى يعنى اكيد هوافق طالما اخلاق ودين وشخصيه لابأس بها





ثانيا : الشاب المجرب اللى زى ما بيقال مقطع السمكة وديلها


الافضل عدم اختيار تلك الشخصيه لانها بالنهايه ستفشل لان الطبع بيغلب التطبع


تحيااااتى لكى

[مسلمه]

طبعا لو فعلا فى شاب خام يبقى احسن بكتير

[al janah lovers]

انا طبعا من رايى الشاب الخام احسن كتير لان اللى مقطع السمكه وديلها ده بصراحه مضمنوش
بس طبعا الشاب الخام ده يكون برده عنده شجاعه انه يتكلم معايا عادى مش اول ما اقوله انا بحبك يقع من طوله مثلا ههههههههههه
لا يبقى احسن حاجه وسط
دا حتى ربنا جعلنا امه وسطا
بس طبعا لو فى اختيار اكيد هختار الشاب الخام ولا شك لان اول كلمه حلوه منه هتكون ليه انا وكمان هتكون من قلبه وتبقى حقيقيه
مش زى التانى اللى يا عينى شبعان من قوله بحبك لاى بنت يشوفها




موضوع جميل للنقاش
تقبلى مرورى
thank uuuuuuuuuuuuuuuuuuuu

[فــــــــــرح]

قبل ما اجاوب..
انا عايزه اعرف ازي اعرف اذا كان
الشخص دا خام او مقطع السمكه وديلها؟؟
الخام حيقولي انا قفل
والتاني حيقولي انا بعرف دودي ورودي
وتتيانا وتفيده؟؟

[حلا الكون]

ميرسي ليكي عالنقاش

بس بالنسبة ليا افضل الخام الشخصية الاولي

لانها اصدق بكل شي هتبقي وهحس كل حاجة معاه

الشخصية التانية وهي الي منتشرة دلوقتي ما بحبهاش



وفي النهاية كل واحد ونصيبه

وربنا يعلم هناخد ايه كلنا


ثانكس يا قمر

[شاعر الاقصى]

ايه يا جماعه مالكم الموضوع لا يقاس بهذا المقياس

او بهذا المجهر

فيه حاجه اسمها حب صح

خلاص بدال فيه حب هيكون فيه ارتباط عادي

واالله بئه مقطع السمكه مقطع البطاطس هو حب في النهايه

ومفيش حد بختار حبيبه هو النصيب انشله حتى يكون جاي من ارجودان ده بتاع امريكا

وشكرا لكي صاحبة الموضوع

ومساء الخير عليكم

[احلى ابتسامة]

ههههههههههه بسم الله الرحمن الرحيم

طبعا شاب يكون كوسيس ويحققلك كل احلامك ويالاة بلااااااش كل بنات مصر نفسهم فحد يكون شاغلهم ولابخم جدااااااااااا بحبوة وحلاوتوة وجمالوة وكل الاوصاف يكون كدةة كامل الاصاف منناحيىة الحب وكمان طيب