الطاقة الروحية

[Eng lola hamdy]

طبعا كل واحد لما يشوف اسم الطاقه الروحيه هيفتكر علي طول فيلم محمد هنيدي بتاعه فول الصين العظيم
بس لا فعلا انا اول مره شوفت الفيلم ولما الحكيم الصيني قاله
كل واحد في طاقه روحيه
استغربت كتير اوي وركزت في الجمله لانها عجبتني المهم امبارح وانا قاعده مع واحده صاحبتي كنا بنتكلم في موضوع المهم جاتها فكره وبعدين استغربت قالت ازاي انا قلت الكلام الموزون الحلو ده كله انا برده لما باجي اكتب حاجه او احاول اركز علي حاجه ممكن تيجي فكره اقول جاتلي ازاي؟؟
اكيد طبعا فهمني قصدي فكل واحد فينا في طاقه مكنونه ومكبوته مش عارف يعمل بيها ايه؟؟
واسهل دليل هو احنا هنا علي المنتدي شوف كميه الحصريات والشعر والسياسه والدين وكده يعني
ممكن نسال سؤال مين اصلا اللي عمل وفكر نعمل منتدي ونتكلم ونحاول نحل مشاكلنا بنفسنا مين اللي عايز يغير الواقع احنا
يبقي اكيد احنا فينا طاقه لازم نستغلها صح لاننا دلوقتي اثمر سنوات العمر اللي الواحد لازم يعمل فيها حاجه
واللي يزعلك اوي انه العقليات دي اللي ممكن بتفكر صح تيجي تقولهم تعالوا نعمل زي الصحابه لاخرتنا ودنينا ونرفع المجتمع
يقولوا احنا فين والصحابه فين طبعا احنا مش زيهم بس اكيد الصحابه رضوان الله عليهم كانوا في البدايه عايشين في صحرا بس ايمانهم وطاقتهم الداخليه وجهتهم صح ولا ايه؟؟
شوفوا اليابان والصين دلوقتي ايه ده حتي الاستيكه من الصين شوفوا الغلب
لانهم فعلا حسوا بقيمه نفسهم وثقتهم بنفسهم علي العكس اننا يجب نحن اننا نحس بنفسنا
لاننا امه سيدنا محمد عليه افضل الصلاه والسلام بمعني اصح عندنا دين عطينا هدف وحياه
وشكرا