علشان نقرب من الملتزمين ونفهم مشاعرهم ...لازم الكل يدخل

[dr.marmar]

الموضوع ببساطه

عباره عن حواديت عن الملتزمين

عن طريقه حبهم . .

عن كل حاجه بتخصهم . .

بطريقه بنراعى فيها الشرع أولا . .

وبنرجع فى كلامنا للقرآن وللسنه . .

وفى أى سؤال بنسأل شيوخ أفاضل بيفدونا فى اى مشكله . .

أكيد كل واحد منا هيكون عنده مشكله من المشاكل اللى هتتعرض . .

وأحلى حاجه إنه معاها الرد على المشكله . .

وبجد أنا سعيدة إنى بنقلكو موضوع مميز زى ده . .

طبعا بقووول بنقلكو مش هكتبه بنفسى . .

والموضوع مستمر . .

ولا أرجو جزاء إلا من الله . .

فقط من الله . .

دمتم فى أمان الله وحفظه

الموضوع منقول ببعض التصرف
أتمني من الأعضاء التفاعل مع الموضوع
الموضوع متجدد ومستمر
تابعونااااااااااا
كل يوم سأضع جزء جديد
أختكم:مروه

[dr.marmar]

وهبدأ معاكو بحاجة كوميدية

[dr.marmar]

حدوته وحشـــــــه

حكاية عتريس...وفؤاده


كان يا مكان....فى قديم الزمان
كان فيه شاب بيحب....شاف واحده عاوزه تتحب...معاه فى كليه وحشه
ولأنها ضحكت له بطريقه وحشه...ضحك لها بطريقه أوحش
نسيوا ان فيه ناس حواليهم...بتراقبهم بطريقه وحشه
قرب منها...بطريقه وحشه...وقربت منه بطريقه وحشه
كلامهم كان مكشوف...ووحش....واتفقوا انهم يحبوا بعض بطريقه وحشه
اتصل بيها...واتصلت بيه...وكانوا بيكلموا بعض مكالمات وحشه
مع ان صوته وحش.....وضحكتها وحشه
اتقابلوا كمان فى كافيتريا وحشه
الناس شافتهم...وقالت عليهم كلام وحش..وحاجات وحشه
مسك ايديها...ومسكت ايده...بطريقه وحشه
بعد شويه...بعتت له جواب بخطها...وكتبت فيه حاجات وحشه
راحوا رحله مع زمايلهم...واتصرفوا بطريقه وحشه...
وبعد أسبوعين كان معاه صوره ليها....ومامته شافتها...قامت فكرت فيها بطريقه وحشه
فات كام سنه...واتخرج الوحش....وما راحش اتقدم للوحشه
اتقدم لها عريس....ولما سأل عنها...سمع حاجات وحشه
مشى و ما رجعش...لأنه ببساطه..عرف انها كانت بتحب بطريقه وحشه
ولسه الوحش ماراحش يخطب البنت الوحشه
وهى فى انتظاره...وقلبها بيتألم بطريقه وحشه
ودى نهاية اللى بيغضب ربنا
بطريقه
وحشه

أنا فاشل


أيوه
لأنى بأحب فؤاده....ومش عارف أعمل ايه
والجواز محتاج مبلغ كبير...لو من النهارده حا أوفر....يبقى حاأتقدم لها و أنا عندى سبعين سنه
وكمان لو ما شفتهاش السبعين سنه دول...حا أتجنن
وهى كمان حا تتجنن










طريقة التفكير



أهم شىء فى الانسان
طريقة تفكيره
غلط اننا نفكر بانهزاميه....ونحس اننا ضحايا
ونعيط...واحنا بنتخيل صورة الفشل
مش بأقول نشترى مخ جديد!!!!!
لأ
اقنع نفسك...وواجهها
هل تحبها فعلا...........!!!!
أم تحب نفسك...وعاوز تريحها!!
أصل اللى بيحب حد...بيخاف عليه....وبيحافظ على شعوره...واحساسه...وممكن يضحى علشان يسعده
يعنى ....لو بتحبها فعلا...انت اللى حا تقول لها...استنينى...وأصبرى... بس علشان ما حدش يقول عليكى كلمه مش تمام...أنامش حا أقف معاكى...ولا حا أكلمك
كمان مش حا أتصل بيكى....وما تفتكريش انى بأهرب منك
أنا بأحافظ على سمعتك





طب و الاحساس بالفشل

الحل بسيط.....قول لنفسك....أنا جدع








أنا جدع

عاوزه أسمعها منكم كلكم
أصلنا لازم نشجع نفسنا...طالما بنطيع ربنا
صحيح فيه تحديات....ومشاكل.....وصعو بات
بس أول خطوه.....الثقه بالنفس
واللى عمرها ما حا تكون الا فى قلب شاب و شابه بيطيعوا ربنا
بص لمميزاتك....ورتب أولوياتك
لأن الطريق الى الزواج.....يحتاج...انسان ناجح








يعنى أنساها




لأ
بلاش تمسحها
خليها هناك....هنااااااااااااااا ااااك
جوهره مصونه....ولؤلؤه مكنونه...تنتظر وصولك
لم تخدشها مره....ولم تلمسها....
أنا مش بأقول امسحها...ولا غير ملامحها
زى ما هى.....واسعى يا عبد
وربنا أكيد حايساعدك...

[H&H]

ههههههههههههههههههههه

حلوه اوي حكايه عتريس وفؤاده

وتحياتي على الموضوع الجميل

[dr.marmar]

تسلمي كراميلا لمرورك الجميل
وانتظي الجزء الجديد ان شاء الله
نورتي الموضوع

[dr.marmar]

مستنيه ردودكم
علشان اكمل الموضوع

[nooody]

موضوع جميل اوووى يا مروة

مدخلك للموضوع رائع

تناولتى موضوع مهم فعلا

نصائح غاليه تسلم افكارك

فى انتظار الجزء الجديد

[dr.marmar]

ربنا يخليكي ياهند
تسلمي لمروك الغالي
انتظري الجزء الجديد حالا ان شاء الله

[توتة الكتكوتة]

بجد التوبيك جامد جدا جدا

تسلم ايدك يا مروة

[just (o]

السلام عليكم ورحمة الله وبركاته

موضوع جميل وفي انتظار باقي الاجزاء

شكرا جزيلا لك