لوعايزتعرف انت فين اقولك

[L.O.V.E]

لو صحيت الصبح تايه وفاقد الزاكرة وعاوز تعرف انت فين سهلة جدا
لو قريت فى الجرنال ان فى حريق هايل شب والمطافى قعدت تطفية ساعات وساعات
فانت فى مصر
طيب لو سمعت ان الحريق ده سببة ماس كهربائى
فانت فى مصر
طيب لو سمعت ان فى ناس ابرياء ماتوا بالعبيط ومحدش جاب حقهم
فانت فى مصر
لوسمعت ان فى ناس بتشتغل فى بلد وبيلاقوا كل الاهانات ومحدش سال فيهم من السفارة
يبقى الناس دول مصريين
لو مشيت فى شارع ولقيت الشارع مكسر ومدغدغ ومليان تراب يبقى ده شارع المصريين
لو مشيت ولقيت اكوام زبالة والكلاب والقطط والدبان عليها
اعرف وتاكد تماما ان ده قمامة المصريين
لو لقيت ناس معاهم عربيات كتير وبعد كدة انفرضت عليهم ضريبة معينة
يبقى دول حكومة المصريين
لو شفت ناس غلابة ومش لاقيين اللقمة بس مبتسمين وبيقولوا نكت
يبقى دول هما المصريين
لو عملت حادثة ولقيت ناس كتير جمبك وبيساعدوك يبقى هما دول المصريين
لو عاوز رجولة وشهامة واخلاق وقلب طيب يحتويك
يبقى هما المصريين
لو عاوز تعرف النبى قال مين هما خير اجناد الارض
اعرف انهم هما المصريين
بحبك يا بلدى ولو كتروا فيكى الخاينين
ححبك يا بلدى حتى لو طلع عينى وملقتش اللقمة الناشفة
ححبك يا بلدى حتى لو ممعييش مليم
بحبك يا بلدى ياللى ترابك وشمسك وقمرك زيك طيبين

[توتة الكتكوتة]

بجد توبيك جميل جداااااااااااااااااااااا

تسلم ايدك

[L.O.V.E]

تسلمى توتاا ويشرفنى انك تكونى اول عضوة تقرأ التوبيك
ميرسى ياقمر

[ساحرة القلوب.]

جميل جدا تسلم ايدك

[αЛαstoOorα]

ربنا ييسر الآحوال
ونشوف مصر آجمل
/
منورة ..