ترجمه لكلام البنات والولاد ع الايميل

[نيو لايف]

بسم الله الرحمن الرحيم
لغة ولاد اليومين دول يقولون:


1- انا حبيتك من اول مرة كلمتك فيها مش عارف ارتياح كدةمش عارف عملتى فيا ايه=عارف انك مش هبلة وفاهمة انى بستهبل بس اعملى نفسك مقتنعة


2-على فكرة ماضيكى ماليش دعوة بيه لانه قبل ما تعرفينى=براحة كدة قولى يا ماما عرفتى كام واحد قبلى


3-انا مقدر صراحتك وانك حكيتيلى على حبك القديم بصراحة دى صراحة نادرة ف الزمان ده=انتى بجحةاوى


4-فداكى يا ستى انى خلصت كارت الموبايل عليكى=ما انتى لو تحسى على دمك شوية وتبطلى ترنى وتتكلمى بدل الرنات


5-انا على فكرة مش عايزك تسمعى كلامى وخلاص لازم تبقى مقتنعة=ييييييييي اسمعى الكلام وخلاص ايه القرف ده


6-على فكرة اكتر حاجة بحبها فيكى عقليتك الناضجة وحبك للنقاش=نفسى اكسرلك دماغك دى


7-بس ايه رايك ف الشنطة اللى جبتلك فيها الهدية=يارب يكون نظرها ضعيف عشان ما تاخدش بالها انها شنطة هدية قديمة كانت عندى


8-طبعا مصدق ان جالك عريس النهاردةهتكدبى ليه يعنى=يااااااااااا لسه فى بنات بتعمل الحركة دى دى قديمة اوى


9-على فكرة انتى امورة اوى النهاردة=مش عارف ايه البلاوى اللى بيحطوها على وشهم دى


10-ما تعيطيش دموعك غاليه عليا اوى=خلاص بقى انتى هتعيشيلى ف دور الشهيدة ولا ايه


---------------------------------------------------------------------------------------------------------------------------------------
دى بقى ياجماعة ترجمة للكلام اللى بتقوله البنات وتضحك بيه على الولاد
دا الولاد بقى شكلها وحيش جداااااااااا ههههههههههههه
نعم = لا


لا = نعم


ممكن = إستحالة


أنا آسفة = سامحنى على إللي هيحصل


أنا محتاجة موبيل جديد = هاتلي موبيل وإلا 000


القرار قرارك يا حبيبى = ورّينى كده هتعمل إيه ؟؟ وإبقى شوف


إعمل إلّي إنت عاوزه يا حبيبى = هتدفع الثمن غاااااالي


عاوزين نتناقش فى موضوع = عاوزة بس أعرفك أنا هعمل إيه


لا عادي أنا مش زعلانة = وحياة أمك لتشوف


إنت زى القمر النهاردة = إيه القرف ده ؟؟ يا شيخ روح إحلق دقنك


خليك رومانسي واطفي النور = نام بقى واتخمد زهقتني


أنا عاوزة شوية عفش فى البيت = أنا هغير عفش البيت كله


أنا باسمع صوت مزعج وأنا نايمة = إنت بتشخر وانت نايم يا لوووح


إنت بتحبني قد إيه يا حبيبى = أنا عملت مصيبة سوده النهاردة


أنا هاكون جاهزة فى دقيقة يا حياتي = إقلع هدومك واتفرج على الفيلم أنا قدامي ساعة


في حاجات لازم نتعلمها فى حياتنا = لازم تتعلم توافق على كل كلامى


إنت سامعنى يا حبيبى؟ = إنت أطرش مش بانادي عليك يابارد


إنت بتحبني يا حبيبي ؟ = ما انا عارفة !! إدفع بقى


لو عملت حاجة يا حبيبى لازم أعرف = أنا هطلع عينك لو عرفت عنك حاجة
انا عن نفسى معظم اللى مكتوب بيحصل فعلا ههههههههههههههههههههه




اللى شاف الموضوع اتمنى يرد

[حفيدالفراعنة]

-على فكرة اكتر حاجة بحبها فيكى عقليتك الناضجة وحبك للنقاش=نفسى اكسرلك دماغك دى


حلوة قوى دىىىىىى

كل سنة وانتى طيبة

[يوسى كات]

ههههههههههه
موضوع جميل اوى
ميرسى

[<<Ruby<<]

هههههههههههه فعلا والله دة اللى بيحصل بجد
ميرسى اوى يا جميل على المضوع الرائع دة

[ضي القمر 5]

هههههههههه تسلم ايدك


تحياتي

[نيو لايف]

هههههه وانتم طيبين جميعا
نورنى مروركم

[إسكندرانية أصلية وافتخر]

هههههههههههههه
صحيح والله بس مش كل الناس بتعمل كده
ميرسي على الموضوع الجميل ده

[سمــر]

هههههههههه
موضوعك جميل جدا ويثبت ان زمن الرومانسيه راااااااااااح من زمااااان

[نيو لايف]

ايوة فعلا
مرسى لمروكم نورنى المرور الجميل دة