برنامج البيت بيتك حدث فية موقف رهيب

[منى خالد]

حدث في "البيت بيتك"

فى حلقة الاعلامي محمود سعد أعلن عن حاله مَرضية لشخص محتاج عملية زرع نخاع عاجلة جدا ومحتاج لعمل العملية فى الخارج وتحتاج 150 الف يورو اي مايعادل حوالي مليون جنيه مصري والحالة عاجلة جدا...

وبالفعل استطاع الاعلامي القدير محمود سعدجمع التبرعات عن طريق التليفونات حتى حصل اثناء الحلقة وفي اقل من ساعة على حوالي 850 الف جنيه مصري وده شئ عادي بيحصل في حلقات محمود سعد لكن الأجمل جاي بعد شوية...

اتصل شاب اسمه شريف بالبرنامج على الهوا واتبرع بمبلغ 15 جنيه مصري اي مايعادل اثنين دولار امريكي برّر هذا الشاب ان هذا المبلغ الزهيد والقليل القيمة بالنسبة لنا.. هو مبلغ عظيم جداً جداً لانسان محتاج.. كما قال الإمام علي بن ابي طالب عليه السلام : لا تستحي من اعطاء القليل فالحرمان أقل منه برّر ان تبرعه ضئيل بسبب ان هذا المبلغ هو نصف مايملكه بالظبط من حطام الدنيا...

هذه الحلقة كانت فى اوائل شهر فبراير يعني لسه قدامهم وقت على اخر الشهربعد ذلك وأثناء الحلقة نفسها حدث الاتي اتصل احد الأشحاص المتبرعين واتبرع بمبلغ محترم جدا للحالة المرضية وقال: انني سوف اتبرع ايضاً بمبلغ الف جنيه للشخص اللي اتبرع بـ15 جنيه...

وبعدها اتصل واحد تاني اتبرع للشخص المريض واتبرع ايضا للشخص اللي اتبرع بـ15 جنيه بمبلغ خمسمائة جنيه...

سبحان الله.. مانقص مال من صدقةلان شريف اتبرع بنصف مايملك.. ربنا فى نفس الوقت عوّض عليه بمبلغ الف وخمسمائة جنيه وبالفعل استضاف محمود سعد شريف وعرف منه انه مصور تلفزيوني ولم يجد عمل وبالفعل قام وزير الاعلام بتعينه فورا فى مبني التلفزيون المصري...

وقال شريف انه اضطر ان يقول ان الـ15 جنيه نصف مايملك لانه كان مستحي من المبلغ القليل للتبرع.. وأنه سمع اثناء البرنامج عن احتياج شخص لزرع نخاع بالخارج وقام وسأل والدته المريضة بالقلب بسبب حزنها على وفاة اثنان من اخوانها وسألها: احنا معانا كام؟ردت والدته وقالت: اقل من ثلاثين جنيه ولسه مدفعناش فاتورة الكهرباءفسألها شريف: تمانعي اني اتبرع بنصف المبلغ اللي موجود فى البيت لشخص مريض محتاج؟ردت والدته وقالت: وماله يابني اتبرع له، ماهو ميحسش بالمريض الا المريض اللي زيّه وبالفعل اتصل شريف وابترع بالـ15 جنيه.. وربنا عوّض عليه بـ1500 جنيه بالاضافة الى وظيفة مصوّر بالتلفزيون المصري وخصوصا فى برنامج البيت بيتك اللي كان يبحلم بيها من زمان...

سبحان الله مانقص مال من صدقة وصدقة الفقير افضل مليون مرة من صدقة الغنيقال تعالى لن تنالوا البر حتى تنفقوا مما تحبون وما تنفقوا من شيء فإن الله به عليم صدق الله العلي العظيم.

**********************

[MALAK]

سبحان الله
شكرا منى خالد على موضوعك الرائع
تسلم ايديكى يا قمر
تقبلى مرورى وفائق تقديرى واحترامى

[الواوا]

اولا : مشكوره على الموضوع والف شكر لكل من اتبرع لهذا الرجل المحتاج

بس فيه حاجه اسمها فاعل خير

انا بحس من البرامج دي انها متفبركة لشد انتباه الناس ..صحيح ممكن يكون الراجل مريض وناس اتبرعت ليه .بس مش محتاجه دي كله ان يكون معاه 30جنيه والافلام الهندي كان يخصم حق المكالمة طيب بالمره
للاسف علشان يشدو انجذاب الناس يفعلون ما يشائون من افكار
واتحداكي او اتحدى اي شخص لو اتصل بالبرنامج وردو عليه

دي وجه نظري الشخصيه

مشكوره على الموضوع وربنا يشفي كل مريض ويساعد كل محتاج

وافر التحية والتقدير
/
/
محمد

[haytham ali]

شوفت انا الحلقه يامنى

ان الله لا يضيع اجر من احسن عملا

الاخ اتبرع بـ 15 جنيه ربنا ردهم له اضعاف مضاعفه

وافتكر يومها فى حد شاف له شغل عنده بألف جنيه شهريا

بس مش عارف ليه الواوا بيقول كلام على مزاجى << بيشك فى نفسه خخخخ

تسلمى منى خالد ع الموضوع

وبأنتظار جديدك المميز دائما

دمتى كنقاء الثلج

[hana]

سبحان الله
الحسنه بعشر امثالها ويزيد الله لمن يشاء
جزاكى الله كل الخير يا منى على هذا النقل
والهدف مش اننا نقرا ونشكر ومش بقلل من مجهودك بالعكس ولكنى باشعر ان فيه هدف انبل من كده وهو انك بتحييى فينا شعور جميل اوى ممكن كتير مننا نساه او كتير بيقول اللى يعوزه البيت يحرم ع الجامع وده مثل بخيل اوى بدليل الام اتبرعت باكتر من نصف مالها فى مساعده فقير
حتى لو الموضوع متفبرك مش لازم ننظر للركن السلبى وناخد ايجابيات الموضوع
حتى لو معظمنا بياخد مصروف من والديه ممكن نستغنى عن جزء منه ونطلعه صدقه لوجه الله
بقالنا كتير اوى مش اتصدقنا ما تيجوا ناخدها هدف من الموضوع ونخلص النيه لله
ونتصدق ولو بالقليل وشوفوا بقى يوم القيامه القليل ده هيبقى مثل جبل احد باذن الله
جزاكى الله كل الخير يا منى وجعله الله فى ميزان حسناتك

[Vip4vet]

thaaaaaaaaaaaaaaaaaanx alot

[عهد]

منى ..

إن ما تبرع به شريف لهو أغلى من كل من تبرع فهو الأغلى لأنه كان فى أمس الحاجه إليهم أما الآخرون - و جزاهم الله خيرا - تبرعوا من الفائض لديهم و لذلك عوضه الله فى الحال ..

كل الشكر لك غاليتى على نقل الموقف إلينا و جعلنا الله من امثاله ...

و تقبلى حبى

[منى خالد]

اقتباس المشاركة الأصلية كتبت بواسطة MALAK سبحان الله شكرا منى خالد على موضوعك الرائع تسلم ايديكى يا قمر تقبلى مرورى وفائق تقديرى واحترامى

ويسلم مرورك الطيب
الله يخليك مشكووووووووور
دمت كل خير

[**كيمو**]

منى
شكرا على النقل الجميل دا
لكى نعرف ان الله لا يضيع اجر من احسن عملا
وهذا الموضوع يحمل اشياء كتير للعظى منها
الف شكر على النقل الرالءع
وجزاكى الله كل خير
تقبلى احترامى الشديد
ساااااااااااااااااااامى

[بنوته حلوة]

تسلمى اختى منى
جزاك الله كل خير
بالتوفيق