حــــب تيك واى

[Mo chahin]

ولا دمعة نزلت...
ولا قلب انجرح
ولا وسادة خالية زي بتاعة عبد الحليم اتقطعت من كتر التفكير في الحبيب الضائع...
أصبحنا في عالم جاف خالي من المشاعر الحقيقية..
عالم اختفت منه الرومانسية والصدق والوفاء..
اسال نفسك كم مرة وقعت في قصة حب؟؟
وايه سابته في نفسك من اثر؟؟
ياترى عملت فيك ايه؟؟
ياترى سابتك مهموم ومحطم
الإجابة في الأغلبية لأ...مش كدة؟الولد متفرقش معاه فلانة او علانة..
والبنت أهو أي شاب لطيف وخلاص..( بنسلي الوقت اللي مليان فراغ..)
هل نحن في عصر الجفاف في كل شيء حتي المشاعر؟؟
يحب الولد الفتاة..
ويمنيها سنين بالعش الجميل وعند ما يكون قادر علي الزواج...
يذهب لوالدته تخطب له مجهولة لا يعلمها ..
مع أن المجهولة دي بيفتكرها معرفتش غيره كانت بتحب واحد بردو وسابها لنفس السبب!!!!!!
طيب مانت كان معاك اللي ملكك واللي ماكانتش بتحب غيرك!!!!!
بس تعمل ايه في عصر اختفي منه المشاعر الصادقة!!!!
تعالو معايا نبص على حب دام اكتر من سنه...
.
.
.
.
.


أحمد:دودو سوري أنا مش هاقدر أكمل معاكي..
أنا مضطر أسافر...
دودو:: طيب أستناك..
أحمد : لا يا بيبي ممكن مش أرجع..
دودو :طيب وحبنا؟؟!!
أحمد : حب ايه بس يا بنتي هو أنا لاقي أكل علشان أحب واتجوز!!!!
دودو:يعني كنت بتهزر وماكانش حب؟؟!!!
احمد:لا طبعا كنت معجب ومازلت بس هاعمل ايه...!!
دودو:اوك ربنا يوفقك..
<<<<<<<وكل واحد مشي في طريق>>>>>>>
لا قلب اتحطم ...ولا عيون دمعت..
أحمد هيحب تاني وتالت...
ودودو هتحب او تستني العريس...
ونموذج تاني..
تعالى نشوف.
.
.
.

تامر:نانسي أنا مضطر اسيبك..
نانسي :ليه يا تيتو؟؟!!
تامر:ماما جابتلي عروسة ولازم اتجوزها..
نانسي:طب وانا..؟؟
تامر:معلش يا نانسى احنا بردو هنفضل صحاب..
نانسي:انت شايف كدة..
تامر:سوري يا بيبي..
نانسي:عادي ولا يهمك آي دونت كير..


ولا عين بكت ولا قلب انجرح...
ونماذج كتير ....
وأنا متاكد انكم تعرفوا كتير عنها...
وممكن تكونوا أبطالها..

يللا الله يرحم زمن عبد الحليم..
وروميو وجوليت..
وكل قصص الحب الرائعة..
وأهلا بزمن الجفاف
والفتور
والعلاقات الباردة الزائفة
وقصص حب التيك اواي
وحب اليوم الواحد
وغيره

طيب ايه الي خلاه الحب بقي بالطريقه دي ؟
العيب فينا ولا في الزمن ؟
نعمل ايه علشان الحب يرجع زي زمان ؟
سؤال رخم انا عارف واتقال كتير ومبقاش ليه طعم اصلا

بس بجد والله زى مافى نماذج فى حب بجد
حب للحب بس حب بااحساس ومشاعر بجد
وموجوده
طيب ليه احنا ليه نفقد الامل فى كده
ونقول ياريت ايام زمان ترجع
واحنا فى ادينا بس من غير شعارات
وميكنش مجرد كلام بس بيتكتب
يكون احساس بجد بقى
كفايه اللى وصلنا ليه

[مشتاقه للجنه]

الحب !!!

انا بجد آ سفه لا تعلـــيق لدى


شكرااا لطرح القضيه وربنا يعين الشباب

ونرجع تانى لزمن الحب الجميل

شكرا مره تانيه تقبل مرورى

[the queen]

لا فعلا انتى عندك حق بجد دى قضية لازم نحلها

مفيش حب حقيقى فى الزمن ده كله على رايك تيك اوى


احنا عايزين الحب اللى بجد اللى بيبقى اخره جواز وفرحة وعيلة فى المستقبل

يعنى بمعنى اصح استقرار

بجد موضوع جميل وتقبلى مرورى

[فارس العمارى]

موضوع جامد جداً
وفعلاً إحنا فقدنا كل معاني الحب فى هذا الوقت
ولكن من رؤيتي أنا للموضوع دى
أن الحل يكمن فى القواعد والطرق اللى نمشي فيها للوصول للحب
بمعني أوضح
أن مثلاً الجنة عشان تدخلها لازم تتبع أوامر الله سبحانه وتعالى
والحب فى نظري هو نعمة من الله سبحانه وتعالى
وله قواعد خاصة وأسلامية لنجاحة
أما اللى بيحصل اليومين دول
دى أقنعة على شكل الحب
والحب أحنا مش بنختاره بس هو بيختارنا
لو عاملنا ربنا فى معني الحب
هنعيش الحب الحقيقي مش التيك اواى

وشكراً على الموضوع الجامد

محبتي للأبد

فارس العمارى

[Mo chahin]

شكرا للمرور منكم
وفى انتظار باقى اراء الاعضاء الكرام

[ابو ضاهر]

بسم الله الرحمن الرحيم
والله يا ميرو احنا مفتقدين الزمن الجميل
بس خلاص هنعمل اية هنقول قول ازمان ارجع يا زمان
داة كان عصر وانتها هو داة حال الدنيا زمن ورا زمن

هل نحن في عصر الجفاف في كل شيء حتي المشاعر؟؟
يحب الولد الفتاة..
ويمنيها سنين بالعش الجميل وعند ما يكون قادر علي الزواج...
يذهب لوالدته تخطب له مجهولة لا يعلمها ..
مع أن المجهولة دي بيفتكرها معرفتش غيره كانت بتحب واحد بردو وسابها لنفس السبب!!!!!!
طيب مانت كان معاك اللي ملكك واللي ماكانتش بتحب غيرك!!!!!
بس تعمل ايه في عصر اختفي منه المشاعر الصادقة!!!!

فعل عصرنا اختفة منة المشاعر
بس بجد
حب تامر ونانسي مش حب
دا اي حاجة تاني غير الحب

[Mo chahin]

شكرا ليك يااحمد