جارى البحث عن ضمير

[أنثـے مًنْ الّخٍـْيـِالْ→♀]

7
7




الــ إيه .. عم حسين

اللى كانت ابتسامته شبرين

و بيعرفنا التفاؤل يجى منين

و اللى كان بيصالح كل اتنين متخصمين

لقيته زعلان

عم حسين ده يا جدعان

كان عامل لنا مصلح اجتماعى

كان بيحب الضحك و الفرفشة

ده هو اللى رجع شلبى لفتكات بعد لما كان كل اللى بينهم مضى و فات

و كانوا خلاص اوشكوا على الطلاق

عم حسين اللى كان بيفك زنقة كل واحد من اولاد حارتنا

سواء مادية او معنوية

دلوقت زعلان

يا ساتر

هو ايه اللى حصل فى الدنيا

بصيت فى وشه و حاولت اعرف ايه السبب

و سألته

عم حسين مالك يا عمنا

رد عليا و الدموع كانت خلاص بدأت تظهر

أصلى من اسبوع رحت اشتغلت عند النجار اللى فى اول الحارة

و صاحب المصلحة طلب منى انى اخلص 10 كراسى فى 3 ايام

فحصل شجار بينى و بينه و قلت له ده اعمله ازاى

ده اقل حاجة يبقى فى اسبوع

قالى يا عم حسين متدققش و اخلص و خلصنا

يعنى انت لما تدقق فى شغلك هنكسب ايه

يا عم اخلص و بلاش عطلة

قمت طاوعته و عملت اللى قالى عليه

و خلصت الكراسى فى لــ 3 ايام

و اجى الزبون بتاع البضاعة و قال و هو بيعاين الكراسى

ايه ده يا عم حسين

انت معندكش ضمير !!



دى كانت حكاية عم حسين

الشخص الطيب المصلح اللى فى لحظة باع ضميره من اجل ارضاء صاحب العمل

كام واحد مننا زى عم حسين

اظن انه كتيييييير

جوانا طيب لكن الواقع بيخلينا غير كده

لو كل واحد فى بلدنا اشتغل بما يرضى ضميره

اكيد هنتقدم بخطوات اسرع بكتيير

لو بصينا مثلا للمنتجات اللى فى السوق طبعا مش كلها و لكن الاغلبية

لو المنتج يابانى يبقى هنشتريه حتى لو سعره غالى >> وده طبعا لضمان الجودة و الصنعة


و لو المنتج صينى بيبقى رخيص لكن غازى السوق >> و ده بردو لان السرعة عندهم فى تصنيع المنتجات بيعاملوا فيها ضميرهم

اما لو المنتج مصرى فنادرا لو اشتراه احد مع ان يمكن تكون الخامة افضل بكثيير لكن صنعة المنتج لا تشجع المستهلك على شراءه



طبعا انعدام الضمير ده ممكن نلاقيه فى حاجات تانية كتير
زى الموظفين اللى فى المصالح الحكومية
و المدرسيين فى المدراس و خصوصا الثانوية
و اصحاب المصانع
و الاغنياء فى معاملة العاملين لديهم
و ... الخ

و لذلك لا استطيع الا قول

من اجل بلدنا

جارى البحث عن ضمير








بقلمى ,,

طمطم

[Mo7aMaD 3aLa2]

انعدام الضمير

مصيبـــــــة كبيـــــــرة اكيـــــــد

ربنا يحفظنا جميعا

ميرسى ع التوبيك الرائع طمطم

[حنـــــون]

والله موضوع جميل ياطمطم

فعلا هو الضمير لو كل انسان

حكم ضميروا فى اى شئ بيعملوا حتى

لو كان بسيط اكيد كل حاجه فى حياتنا هتتغير

بحيكى ياطمطم على موضوعك الجميل ده

اختك حنون

[SiLver Spectra]

موضوعك بسيط و لكنه يحمل من المعاني الكثير

زيادة الانتاج لهدف الربح على حساب الجودة

دي مشكلة فعلا بتعاني منها المنتجات المحلية

طيب ما انت لما تزود انتاجك ببضاعه رديئة..هتتركن في السوق

يبقى فين المكسب في كدا!!

دوام التميز يا طمطم

[nooody]

عارفه يا بت يا طمطم

موضوعك دة فكرنى بموقف حصلى لما كنت فى الجامعه

كنت بدفع المصاريف وكان طبور طويل عريض

والجو حر وشمس

والموظفين جوة بقى فى الظل على مكاتبهم

فبقوله لو سمحت انا عايزة ادفع المصاريف

تخيلى بقى رد قالى ايه

قالى انتى مش شايفانى بفطر لما اخلص فطار

مسكت نفسى وبعد ما فطر بقى

بقوله لو سمحت احنا واقفين فى الشمس

قالى انتى مش شايفانى بشرب شاى

سبته ومشيت

يعنى هو جاى من بيتهم عشان ياكل ويشرب

واخر الشهر يقبض مرتبه كمان

لكن يعمل بالمرتب لا طبعا

ما فيش ضمير

موضوع جميل يا طمطم

تقديرى

[Sєяєєη●•ʚɞ]

طمطم
موضوعك حلو اوووووووى
انعدام الضمير فعلا كارثة ومصيبة وبقى منتشر اوى فى الزمن دة
للاسف صورة كتير اوى
ولو كل واحد راعى ربنا فى شغله اكيد الحال هيكون احسن من كدة بكتير
موضوع بسيط بس هادف ومهم اوى
وعجبنى اوى عنوانه
جارى البحث عن ضمير
فعلا ..بس ياريت كل واحد يدور على ضميرة جواه ويشوفه اذا كان صاحى ولا فى سابع نومه
تسلمى على الموضوع ياسكرة

[سمــر]

ما فيش كلام الموضوع جامد وله معنى وهدف وطبعا شكرا لحضرتك
واسمحيلي ازود حاجه انا حاسه ان الناس (نسيت) الضمير فيها وهى تربيه الاولاد
لو كل واحد اهتم انه (يتعلم) ازاي يربي كانت الصوره اختلفت لكن الناس فاكره ان التربيه دى حاجه بتيجي مع الوقت مش حاسين ان باديهم يطلعوا جيل يرجع حقنا او على الاقل يخلي الدنيا احسن
اعتقد دى حاجه محتاجه ضمير بجد
تحياتي وتقبلي مروري

[بنوتهـ سبورت]

واو ابداع لايختلف عليهـ
اثنان ودي

[أنثـے مًنْ الّخٍـْيـِالْ→♀]

اقتباس
المشاركة الأصلية كتبت بواسطة M.A





انعدام الضمير

مصيبـــــــة كبيـــــــرة اكيـــــــد

ربنا يحفظنا جميعا

ميرسى ع التوبيك الرائع طمطم

اكيد دى اكبر مصيبة

تسلم ع الرد يا محمد

[أنثـے مًنْ الّخٍـْيـِالْ→♀]

اقتباس
المشاركة الأصلية كتبت بواسطة حنون





والله موضوع جميل ياطمطم

فعلا هو الضمير لو كل انسان

حكم ضميروا فى اى شئ بيعملوا حتى

لو كان بسيط اكيد كل حاجه فى حياتنا هتتغير

بحيكى ياطمطم على موضوعك الجميل ده

اختك حنون

تسلمى يا حنون ع الدفعة الحلوة دى

و ع الرد الاجمل

بس اهو كلام

مين هينفذ بقى !!