سلسلة(شكلها باظت):1-فى مصر بس....فقط..

[هيا*HYA*]

بسم الله الرحمن الرحيم
دى مواضيع مهمه من كتاب عجبنى اوى
لقيته بيناقش جيلنا بالطريقه اللى نفهمها .. بكلام احنا نفهمه
بيبين الحلو من الوحش .. بيبين مصر فى عصرنا.. والحياة اللى عيشينها

اول موضوع فى السلسلة: فى مصر بس....فقط....

* فى مصر بس.. الاموات ينفقون على الاحياء........(الفراعنه وكنوزهم)

*فى مصر بس..تجد شخص اقل منك فى المستوى العلمى وحصل على مجموع 50%
فقط فى الثانويه.. لكنه بيتنطط عليك ( دخل بيهم شرطة).

* فى مصر بس..تاكل حواوشى والشكشوكة والمحشى والملوخية والكشرى والفول..
(مفيش غيرهم هم بس الاكلات المصرية)

*فى مصر بس .. تعبر الكلاب الشوارع بنفس الطريقه اللى بيعبر بيها الادميون.
تقف الكلاب وتنظر يمين وشمال وتعدى فى امان .. ليت البشر عندنا بيعبروا بالطريقه نفسها
دول بيعدوا زى طائر البطريق.

* فى مصر بس.. تنشب الصداقه سريعا وفى اقل من ثوان فى اشارة المرور او طابور
عيش او فى مصلحة حكوميه او فى الاسانسير.

* فى مصر بس .. ملك فرعونى بنى لنفسه تمثال ضخم لا تشرق الشمس على وجههه
الا مرتين فى السنه.. مرة يوم تتويجه ملكا ومرة يوم عيد ميلاده هو شخصيا( صبح صبح..يا عم الحج)

* فى مصر بس ..ينادى وزراء التعليم بالغاء مجانيه التعليم( هو دة اللى ناقص)

*فى مصر بس .. يتم انفاق الملايين من اجل الجصول على (صفر) امام العالم
(كانوا خايفين ياخدوا درجه بالسالب)

* فى مصر بس.. ادفع وبعدين اشتكى( وادى دقنى لو عرفت ....)

* فى مصر بس.. تم القضاء نهائى على ظاهرة ادمان الهروين.. بعدما اصبح (البانجو)
فى متناول الجميع.

*فى مصر بس.. لا يتم وضع الملصقات والاعلانات الا تحت لافته ( ممنوع وضع الاعلانات).

*فى مصر بس.. يوجد نوع من المسكنات على هيئه مصطلحات يتم تقديمها للشعب بجرعات مكثفه
مثل(التمثيل المشرف) ..(الشفافيه)..(اهميه الدور اللى بيلعبه الشباب..جيل المستقبل)
(مصر بتتغير للافضل).......الخ

* فى مصر بس .. لم يذكر السجن فى القرآن الكرم الا فى مصر(فى سورة يوسف).

*فى مصر بس.. ينمو البردى وورد النيل والجرجير والخبيزة والليف(اللهم اكثر منهم)

*فى مصر بس .. وزير( يسرطن) الشعب ثم يرشحه الحزب الحاكم فى انتخابات مجلس الشعب.

* فى مصر بس .. ((( كل عقدة وليها حلال)))

يبقى انت اكيد فى مصر
ان شاء الله هيعجبكم زى ما عجبنى
واستنونى فى باقى السلسله التى تحتوى على مواضيع جميله بنعيشها بجد

[شاعر الاقصى]

موضوع جميل جدا يا هيا

وفي مصر الحب والامان والله

وفي مصر بس الخير والحب

وفي مصر بس انا كتبت هذه الابيات اسمحيلي فيها طيب



لو مفيش مصري

لو مفيش مصري مين إلي هيشيل ويحط

لو مفيش مصري مين إلي هيغلف ويدق

لو مفيش مصري مين إلي هيقول آه ياااني

لو مفيش مصري مين الي من الحياه يعاني


لو مفيش مصري مين إالي هيصبر في عز الشمس عشان اكل عيشه

لو مفيش مصري مين إلي هيسافر بعيد عن وطنه ويسيب اهله وبلده وحبيبه

لو مفيش مصر مين الي هتتذكر في القرآن خمس مرات بالإسم

في صورة البقره ويونس ويوسف والزخرف

دا غير ذكرها بطريقه غير مباشره زي طور سيناء وزي المدينه


لو مفيش مصري مين الي هيلقب نفسه بشاعر الاقصى دونا عن الألقاب الاخرى الكتيره الشهيره
لو مفيش مصري مين الي هيكتب


شهيد ورى شهيد وفي شرع مين

إشهدي يا غزه وإنتي يا فلسطين

دا مجاش في القرآن ولا حتى في الانجيل

كل شهيد بيموت نفضل علطول ساكتين ـــــــــــ الله عليك يا شاعر الاقصى والله سلم قلمك


لو مفيش مصري مين الي هياخد جايزة نوبل

في السلام

والذره

والطاقه النوويه

والادب العالمي

لو مفيش مصري مين الي كان هيقول فيه الرسول الكريم خير جنود الارض جنود مصر


لو مفيش مصري مين كان هيكون هيبه للعرب وامنها وسلامها وحبها وفخرها والتاريخ مشهود

لو مفيش مصري مين الي كان هيحطم خط برليف من اجل انتصار العرب ورفع رؤسهم

لو مفيش مصري مين الي كان هيموت اسير في اسرائيل عشان صامت وصابر من اجل الحرب والانتصار

لو مفيش مصري مين الي كان هيكون في هذا المنتدى الراقي بهم

لو مفيش مصري مين الي كان هيكتب

عدى النهار والمغربيه جايه وبلدنا على الترعه بتغسل شهرها الله عليك يا ابنودي والله


وده اخر ما كتبت لها
ـــــــــــــــــــــــــــــــــــــــــــــــ
يا بلدي نيلك عهدني

يفضل طول العمر مصاحبني

اشهدي يا سنين عليه

متغرب ومش بإديه

عن بلدي وعن أحبابي

وراجع على الحدود هنادي وقول

في محبة يا بلادي همشي وهنشد وهنادي

الله عليكي يا مصر يا ملكة كل عصر

اسمك في السماء مكتوب مفحور جوه القلوب

الله عليكي يامصر يا ملكة كل عصر

ربنا قال عليكي الخير بين إديكي وجنودك ملهمشي حصر

الله عليكي يا مصر

الشاعر المنسي ـــــــــــــــــــــــــــــــــــــــــــــ

اسف ليكي على الاطاله وشكرا لاني بحب مصر اويييي

ومساء الخير

[هيا*HYA*]

تسلم ايدك يا شاعرنا يا كبييير
بجد كلمات جامدة وجميله اوى
ربنا يزيدك
شرفتنى بمرورك الكريم

[عيون فلسطينية]

ما بعرف شو بدي ارد
بس بجد عجبني رد شاعر الاقصى علي الموضوع
وعايزة اقول زي ما في شر في خير
والخير والشر بصراع دايم
والنتصر باذن الله الخير
تسلمي لطرحك للموضوع

[محمد 2008]

شكرا ليكى عالموضوع يا هايا لكن الكتاب اكيد له حقوق نسخ و طبع و نشر محفوظه للمؤلف

[سمــر]

تسلم ايديكي يا هايا بس ايه دي اللي باظت؟
مهما بانت الصوره غامقه لازم نفتكر .....فى مصر بس خير اجناد الارض
في مصر بس الضحكه بتسبق الدمعه يوم الحزن
وفي مصر بس تلاقى ولاد بيدافعوا عن بلدهم بجنون حتى لو مش فاهمين هو فيه ايه
سلامى يا جميل وتقبلى مرورى

[lost]

السلام عليكم......
أولا شكرا يا قمر ع الموضوع بس بصراحة أنا مش هنتظر باقي السلسلة لأننا كلنا عرفنها
يعني في مصر بس ممكن للي جايب مقبول يتعين قبل اللي جايب امتياز (ده ان اتعين ) لأن معاه واسطة.....
في مصر باس جواب التعيين ممكن يوصل بعد شهادة الوفاة
في مصر بس ممكن تلقي اعلانات عن توظيف الشباب في التلفزيون تحسسك ان الشغل على أفي مين يشيل بس الشباب هو الي مش عايز يشتغل
في مصر بس تقعد تستنى دورك في العلاج بالسنين ده ان مامتش قبلها
في مصر بس تعرف تعيش لو كنت حرامي لاعب/ كرة/ فنان/مدرس خصوصي
في مصر بس لو مش عاجبك حاجة اشتكي احنا بلد الديموقراطية بس أدي دقني لو حد عبرك
في مصر بس الحرامية تسرق الناس بس معلش القانون لا يحمي مغفليييييين
في مصر بس تكون قاعد قدام دكتور ف الشفوي يطلع عينك واللي جمبك مايتسألش وهو يجيب الدرجة النهائية وانت ياحسرة عليك....معلش ده ذنبك انك مش ابن دكتور
في مصر بس لو عايز تعدي الشارع اقرأ الفاتحة احتياطي
بس
في مصر برضه الناس الطيبة الي دايما مبتسمة رغم كل المشاكلاللي فيها

[هيا*HYA*]

اقتباس شكرا ليكى عالموضوع يا هايا لكن الكتاب اكيد له حقوق نسخ و طبع و نشر محفوظه للمؤلف

اكيد يا محمد انا عارفة ومحترمة دة وماقولتش انى انا اللي ماللفاه
علي الاقل انا نقلتة من كتاب لكن اغلبية الاعضاء هنا بينقلوا المواضيع من ع النت وبتبقي متعادة في كذا منتدى وكذا سايت لكن انا قلت انقل من كتاب برة النت وبس
شكرا علي مرورك العطر
نورت الصفحة

[هيا*HYA*]

اقتباس تسلم ايديكي يا هايا بس ايه دي اللي باظت؟ مهما بانت الصوره غامقه لازم نفتكر .....فى مصر بس خير اجناد الارض في مصر بس الضحكه بتسبق الدمعه يوم الحزن وفي مصر بس تلاقى ولاد بيدافعوا عن بلدهم بجنون حتى لو مش فاهمين هو فيه ايه سلامى يا جميل وتقبلى مرورى

اللي باظت كتير من القوانين والعادات في حياتنا ومش معني اني مبينة الصورة غامقة يبقي مصر مفهاش خير ..... بالعكس مصر ام الدنيا ومليانة خير كتير جدا كفاية انها بلد الامن والامان لكن لازم نبين السلبيات عشان نقدر نحلها
عشان تكون بلدنا احسن واحسن
شكرا لمرورك وسؤالك
نورتيني يا قمررررر

[حفيدالفراعنة]

	اكيد هيا ما مصر ام الدنيا فى مصر بس.. الاموات ينفقون على الاحياء........(الفراعنه وكنوزهم) بس علشان تعرفو قيمة الفراعنة ههههههه موجوع جيل جداااااااا عجبنى قوىىىىىى تسلم ايدك