يوميات شاب صعيدي وبنت ستايل >ارجوا التثبيت<

Hamsa Sense · منذ /09-13-2009, 03:46 AM

هاي احلي اعضاء ازيكم

انهارده جايبكلم قصه رووووووووووووعه ياريت تعجبكم

وهيبقي معانا في القصه نور البنت الستايل واحمد الشاب الصعيدي واصحابهم طبعا يلا نبدأ

*_*الحلقه الاولى *_*
احمد: لو سمحتي حضرتك...ممكن براية
نور:هههههههههههههه :cv18::cv18::cv18:
احمد :حضرتك بتضحكي على ايه ممكن اعرف يعني لو سمحتي
نور : مش عيب شاب في سنك يطلب براية ..ده احنا في جامعة
احمد : طيب معاكي شفرة...عشان المحاضرة هتبدأ خلاص
نور : ايييييه..ايه شفرة دي..ممكن تسكت لو سمحت
احمد : حد معاااااااه براااااااااية....او قلم زيااااااادة..ردوا
نور: انت اكيد مجنون وطي صوتك الطلبة كلها بتضحك عليك
احمد :ويضحكوا ليه ولاد الدزمة دووووووووول
نور: خلاص خلاص انا هنقل المحاضرة وبعدين اديلك تصورها
احمد :شكرا بس انقلي كويس ..وياريت تنظمي الكراسة

(اثناء ما المحاضرة شغالة ونور شغالة كتابة واحمد هيموت عشان مش معاه قلم)

احمد: يا انسة خطك زفت زفت..انتي مش مسطرة الصفحة ليه ...وفين التاريخ الهجري .يادي النيلة عليا وعلى الجامعة
نور : انت مالك ومال خطي مش كفاية هديلك تنقل مني وهتعطل انا
احمد : ليه وانتي عربية اصلك علشان تتعلطي..هما البنات متعطلين خلجة
نور : انت انسان قليل الادب...بجد مش بتعرف تكلم البنات ازاي
احمد : لأ يا شيخة والنبي المرة الجاية تبقي تجيبيلي الكتالوج بتاعك

(نور عشان رقيقة سكتت ومش عرفت ترد على بجاحة احمد وانتهت المحاضرة )

اثناء خروج الطلبة من المدرج...احمد حب يستظرف بس بطريقة غبية شوية
احمد وسط حشد من الطلبة بنات وولاد
وكأنهم قطيع من المواشي
هررررررررررررررررررر...وضحكته سمعت كل اللي ماشي

(نور بتحكي مع زميلتها من كلية تانية على احمد )

نور : بصي يا هالة الولد ده....فضيحة فضيحة يعني...وحكتلها على اللي حصل
هالة : تلاقيه شاب تحفة...مش باين عليه استايل خالص..ده لابس بدلة وكرافت
نور : بس تعرفي شكله وسيم اووووي...حاسة انه طيب وعلى سجيته
هالة :اوووو...ده وسيم؟...ده مش حاطط نقطة جيل على شعره حتى..شعره منعكش جدا
نور:يا ستي سيبك
هالة: على رأيك

خلص اول يوم في الجامعة وقبل النهاية بدقايق

احمد: يا استاذة يا انسة فين المحاضرة عايز انقلها هاتيها يلا يلا بسرعة
نور : تنقل ايه يابني دي عشر ورقات غير في رسومات وجداول
احمد :ومالهم يعني عشر ورجات انتي هتخلفي وعدك ولا ايه
نور : انا مقلتش كده بس في حاجة اسمها تصوير..اسرع يعني
احمد: ههه اصور ايه بخطك الزفت ده..شوفي ...زفت
نور: حقيقي انا غلطانة وكلام هالة باين عليه صح...بعد اذنك..اوف

سابته ومشيت .....وقال

احمد: عليكي يا شيخة وعلى هالة وعلى الجامعة كلتها....وبرضه خطك زي الزفت

عاوزين تعرفوا اليوم اللي بعده حصل في ايه
تابعوا معايا بقى قصة حب احمد الصعيدي ونور البنت الاستايل

yara5 · منذ /09-13-2009, 03:48 AM

هههههههههههههههههههههههههه عسل

Hamsa Sense · منذ /09-13-2009, 04:26 AM

يارب القصه تكون عجبتك وبليز انا عايزه تفاعل مع القصه شويه

هيا*HYA* · منذ /09-13-2009, 05:14 AM

ههههههههههههههه
بجد قصه جميله
شكلنا هنضحك لما نموت من الضحك
دة كلامه عامل زى الدبش ... بيحدف طوب مش بيتكلم
هههههههههههه
عايزين نشوف هيعمل ايه بعد كدة
منتظرين معاكى فى باقى القصه
ربنـــــــــــــا يزيــــــــــــــدك
اختك

Hamsa Sense · منذ /09-13-2009, 06:21 AM

اوكيه عشان خاطر عيونكم هجيب الحلقه التانيه

Hamsa Sense · منذ /09-14-2009, 12:16 AM

*_*الحلقة 2*_*

وجه اليوم التاني....ولسة الحياة الجامعية لم تؤثر على تلاميذ الثانوية العامة...بس مع بلدياتنا احمد ...ماشية عكس خالص...مش عارف يتأقلم عليها
وتعالوا نشوف الايام والحياة الجامعية هتعمل ايه في احمد وهيتعامل معاها ازاي
كان ميعاد المحاضرة الساعة 8 صباحا...كان احمد واقف قصاد المدرج من 6 الصبح مش عارف ليه ونبتدي الحلقة التانية يا بنات

احمد: ديب ديب ديب انتوا يا ناس يللي هنا...افتحوا الباب

الساعي : يا فتاح يا عليم يا رزاق يا كريم

احمد: ماترش ميا يا راجل قصاد المدرج عشان تستفتح

الساعي:يا كابتن المحاضرة لسة الساعة 8 مفيش دخول دلوقتي....!!

احمد:هدخل يعني هدخل..عليا النعمة هدخل هاااا

الساعي: قفل الباب في وشه ودخل جوا
احمد : يا ابن الدزمة انت هتضيع عليا المحاضرة شكلك

احمد: اما اروح اجيب كوباية شاي سخن مولع

الراجل: تؤمر بأيه يا فندم

احمد : شاي خمسينة بنعناع

الراجل: ايه ايه...مفيش نعناع

احمد: ومفيش نعناع ليه

الراجل : هو كده مفيش نعناع على الشاي ..النعناع لوحده

احمد :طيب هات نص كوباية شاي ونص كوباية نعناع

الراجل: خد فلوسك اهي

احمد:طب والشاي ابو نعناع فين

الراجل:اوووف

احمد:اوووف على دماغك...ابن دزمة صحيح

كان فات حوالي ساعة ونص وهو واقف في الكافتيريا عشان يشرب شاي
قرر انه يرجع للمدرج عشان يلحق مكان وبالفعل حجز مكان وخرج تاني عشان
دي ..دخليجيب شاي من كافتيريا تانية...ونجح انه يجيب المرة المدرج وفجأة
لقى مين اعد مكانه ...مين مين مين....لقى نور فارشة كل حاجتها وبتشرب كابتشينووووووووووووووووو

احمد : بصوت لا يطاق....ايييييييييه ده يا هانم...هي وكالة من غير بواب

نور :وطي صوتك من فضلك انا بتكلم بهدوء وبأدب

احمد:هي دي طريجتي..عاجبك ولا مش

نور:طيب انا مش هقوم

احمد: هروح للعميد يجي يقومك

نور:ههههههههههههههه ههههههههه

احمد:بتضحكي على ايه يا باردة

نور: لم نفسك

احمد: شايفاني مبعتر في الارض ولا اييييييييه

نور: مش هتحضر...هههههههههههههه

احمد :عليا الطلاج لأحضر غصب عنك وعن عين الدك....

وفجأة سمع صوت الدكتور بيناديله

ياترى ايه اللى هايحصل؟؟؟؟

Hamsa Sense · منذ /09-14-2009, 12:19 AM

ليه كده بس مفيش ردود خالص ليه كده بس

اوعوا تقولوا ان القصه معجبتكوش

Şenyorita ® · منذ /09-14-2009, 12:46 AM

ههههههههههههههههههههههه
حلوة اوي القصة يا همسة
دا احمد ده بيحدف كلام فظيع ههههههه
منتظرة الحلقة اللي بعد كدة
تقبلي مروري

ألاء الرحمن · منذ /09-14-2009, 12:51 AM

هههههههه
بجد قصه تحففففففففففه
واحمد ده تحففففففففه بكلامه الدبش ده
هههههههههههههههههههه
يالا يالا كمليهااااااا

Hamsa Sense · منذ /09-14-2009, 01:15 AM

اوكيه يا قمرات ميرسي علي مروركم وهجيب حلقه دلوقتي حلا

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
يوميات شاب صعيدي وبنت ستايل	TOTY..FROTY	نكت - طرائف - وناسة - فرفشة	1	05-15-2011 11:53 PM
يوميات صعيدى بيحب بنت استايل 2	ησ ℓσνє ησ ℓιƒє	نكت - طرائف - وناسة - فرفشة	1	05-07-2010 11:55 PM
يوميات بنت ناعمة وبنت عربجية	عاشق الود	نكت - طرائف - وناسة - فرفشة	2	07-22-2009 10:15 AM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

يوميات شاب صعيدي وبنت ستايل >ارجوا التثبيت<

قصص - روايات - حكايات ...منقولة