بامية بالملوخية

[زهرة الياسمين]

دخلت المطبخ قلت اعمل باميا وملوخية
وطبعا انا معرفش حتى اعمل شوية تقلية

وفضلت أخبط في الحلة والحلة تخبط فيا

ادعي واقول يارب تكون أكلة شهية وهنية

جبت الباميا وقطعتها وعليها البصلايا خرطها

الملوخية سرخت سرخة وقالت الحقوني

حتعمل فيا زي الطبخة الأولانية

قلتلها متخافيش

ححطك على الباميا متقلقيش

فجأة ليقيت ريحة الباميا والملوخية

ولاقيت الجيران هجموا عليا

وقالوا كرهتينا في الباميا والملوخية

طب اعمل ايه ماما السبب في اللي جرى ليا

كل ما اقولها علميني تقولي انتي روحي ونور عنيا

وكل ده عشان البصلة متحرقش عنيا

طب اعمل ايه لو وقعت في المشكلة ديا

دلوني وانصحوني نفسي اعمل بامية وملوخية