سلوكيات

[Mo chahin]

السلام عليكم و رحمة الله و بركاته

ازيكم يا شباب مصريات
اخباركم ايه

النهاردة حتكلم معاكم عن سلوكيات
لبعض البشر
سلوكيات مستفزة
ترفع الضغط و تعلى السكر
و لا كأنها حكومة بتغلى الاسعار


اول حاجة هى
التثاؤب
يعنى المتاوبة
تبقى مثلا قاعد مع حد فى قاعة
او فى مدرج او حتى فى المواصلات
و تلاقيه بيتاوب و يفتح بقه زى سيد قشطة
و لو حظك حلو
ممكن يرفع ايده يغطى البلاعة اللى مسميها بقه
و لو حظك وحش و ده الاغلب
بيتاوب زى الـ دونكى
و انت بقى تتحرق و تولع
ول و علقت و قولتله مينفعش
يقولك انا حر


سلوك تانى اقل ما يوصف به
انه سلوك قذر
و هو ان واحد يدخن سيجارة فى ماكن عام
مواصلات او قاعة
و يبقى شغال و كأنه قطر بخارى
لو حظك حلو يكون بيدخن حاجة نضيفة ريحتها مقبولة
و لو حظك وحش و ده الاغلب
حيكون بيدخن سيجارة بريحة مخلفات الحمام
تقرف اى بنى ادم عادى و سليم عقليا
و لو انت اعترضت
حيقولك الرد المعتاد
انا حر


فى بلدنا الحبيبة تقريبا اغلب المناطق السكنية
مكتظة بالسكان
مكتظة = فيها بشر بالعبيط

و ده معناه ان جيرانك من حواليك كتير
و معناه كمان
ان اى حاجة بيعملوها ممكن تسمعها و كانهم قاعدين جمبك
و طبعا بما اننا شعب متحضر
و الناس مهذبة و اخلاقها عالية
تلاقى كل واحد فرحان بسماعاته
بيشغل حاجات لا محل لها من الاعراب
منها المتخلف
و منها اللى يجيبلك تخلف و كساح
و يمكن تفتكر انك عشان ساكن فى منطقة كويسة
يبقى حتسمع تامر و عمرو
و لكن صدمة حياتك
تلاقى ناس من حواليك
بيشغلوا اغانى ميكروباص سكودا قديم و معفن
و لو انت اعترضت حيطلوا عليك من شباكهم بكل ذوق و يقولولك
احنا احرار


دى كانت ابسط السلوكيات اللى الواحد بيواجها فى حياته اليومية
من ناس مختلة عقليا
حجتهم البليدة
الحرية
و تناسوا طبعا حق غيرهم
عايز تتاوب متقرفش غيرك
عايز تتدخن روح دخن فى حمام او حتة مفتوحة
مش تخنق غيرك
و اخيرا
عايز تتمزج بأى اغنية عالية او هابطة
اتمزج انت لوحدك
احنا مش عايزين يا عمنا

و كفاية كده

[ابوسعد السعودي]

/

\

كثيرة هي السلوكيات السلبية التي تصادفنا في الحياة
كل مانحتاجة هو رفع معدل التوعية وفرض العوقبات
بعد مانعطي مساحة كبيرة لإيصال تلك التوعية يعني باالعربي منخلي لهم فرصة
حتى مايقول أحدهم معندي خبر ومش عافر
في السعودية فرض عقوبة لكل من يرمي زباله في الطرق العامة
او أجلكم الله فرض عقوبه على كل من يبصق في الشارع
بهذه الغرمات تضمحل الظاهرة السلبية
ناهيك عن بعض السلوكيات التي تكون سبب كبير في نشر الفايروسات ولامراض في مثل هذا الوقت الذي أصبح الفايروسات تملاء ذرات الهواء
تمت بود

[لوليتا المصريه]

ههههههههههههه

بجد تسلم ايدك

سلوكيات بالفعل فظه

بتحصل من حوالينا ولو بصيت بس

بصه مش عاجبه صاحب السلوك تحس انه هيكلك ويقولك انا حر

طيب ياسيدى انت حر ومش هنمسكلك العصايه

لكن فيه حاجة اسمها احترام النفس واحترام الغير

مفيش احترام للنفس اوكى دى حاجة ترجعلك

لكن احترام الغير ده واجب عليك

بس زى مابيقولو كده ده هو حتى مش محترم نفسه

هيحترم غيره ازاى

فيه مثل بيقول ( ان طلع العيب من اهل العيب ما يبقاش عيب )

طبعا انا اسفه على المثل ده

لكن هو ينطبق على الموقف ده كده

لانها بجد بالفعل سلوكيات مستفزة

بكرر شكرى ليك لموضوعك الجميل ده

منتظرين جديدك

اختك

[Mo chahin]

شكرا يا ابو سعد لمرورك
وربنا يعينا على الناس دى يا مى يارب